حبة رز
New member
- إنضم
- 30 يونيو 2008
- المشاركات
- 275
ابي حل لمشكلة اخوي الشمالي وزوجته الجنوبيه ...
السلام عليكم ورحمة الله وبركاته
انا عندي مشكله ومحيرتني وابي مساعدتكم الله يجزاه الف خير
كل وحده تساعدني بحل ويوفق الي ترد والي تدعي لي يتسهل امري
لأنسانه انا اعزه وابي اصلح حاله للأفضل من دون ماجرحها لأنها تهمني
المهم ابدخل بالموضوع ومابي اطول عليكم وعلي
اخوي متزوج له سنتين وهو نمطه شمالي شرقي وزوجته جنوبيه شرقيه وعندهم ولد
اخوي جاء يشكيلي من زوجته يقول
"انا طفشت منها حانقتني على قد مانا احبها الا بديت امل منها "
والسبب يقول " برودها .. وانها ماتحب تبتعد عني ... لاصقه فيني "
وانتم تعرفون من طبع الشمالي يحب الانسانه المستقله اللي لها عالمها الخاص والمتجدده
ويقول:" بس انقلها معي يوميا لو اروح للبقاله اخذتها معي ويومها يروح اوديها لبيت اهلها ولا اجيبها عندكم ببيتنا "
ويقول :"ماعندها نشاطات في البيت .. وتصرفاتها نابعه من اي شي اسويه تشوف وش اسوي وتقلدني اي شي اشوفه بالتلفزيون تشوفه اما هي تروح تتابع برامج لا..
اي شي ادخله في النت تروح تقلدني "
اذا وديتها لأهلها ترجع مثل ماراحت مافي شي جديد !!
اسألها وش سويتي تقول ماسويت شي !
تجي عندنا للبيت بس ساكته سوالفها عاديه ماعندها شي جديد ياتسولف عن ولدها والا تنتظرنا نفتح موضوع !!
اخوي طفش من طريقته وشلون لاصقه فيه خانقته والله يابلقيسيات يوم مسكني يقولي عن حالته جلست ساكته اناظره واقول بخاطري
" بعذرك طفشت ..انت جيت تشكيلي من زوجتك وانا اللي ابشكيلك منها "
والله يابلقيسيات اذا جت عندنا بالبيت
تتعطل اشغالي اجلس عندها حاطه ايدي على خدي
انا شماليه ولي نشاطاتي وانا اللحين فرحانه بالعطله ومسويه جدول انشطه
اذا جت بس اجلس مجامله له لأن قلبها طيب بس والله يابنات اطفــــــــــــــش
انتظر اخوي بس متى يجي وياخذها واخوي يدري انه اذا اخذها تبي ترجع تلصق فيه
والله يابنات انا مااكرهها بس طفشت من برودها مثل اخوي وانا ماقلتله كذا اخاف يكرهها
اخوي يحبها بس يكره طبعها اخاف اقوله ينصدم بأيش هوا اخذ ويكرهها
وانا احب الاثنين اخوي وزوجته ومابي يخترب بيتهم
اخوي مايبي ايواجهها يخاف يجرحها وانا مابي اقولها اخاف اجرحها
تصدقون جاي يقولي :خوذيها معك للمناسبات والزواجات خليها تندمج مع الناس خليها تتعرف
انا جربت واخذتها
اذا جت وحده تبي تفتح معها موضوع او تبي تطور العلاقه معها تقطع السالفه وماتحاول
تطور العلاقه تقول
مابي احد انا عندي بيتي وزوجي وولدي مابي احد يشغلني عنهم
ومره كنت ابحضر زواج
قالها روحي مع اختي
قالت: لا..
قال :ليش.. باين انو الزواج حلو
قالت: مابي اترك ولدي !
وهو جالس يناظرني
وانا بصراحه ماعطيته وجه اخاف يتهاوش معها..ويثبت الكلام براسه ..
هو على حق بس ماابيه يلقى احد يأيد كلامه ويتمشكل معها ويواجها ويجرحها..
والحين هو طالب مني اني اقولها تبتعد شوي عنه وتفك !
وانا بصراحه محتاره وشلون اروح اقولها زوجك متضايق من طريقتك
اخاف اجرحها
وانا قلت له: طيب قلها اللي مضايقك..
قال: قلت لها بس ماتبي تتغير ..
وش اسوي يابلقيسيات وشلون اوصلها هالمعلومه
وعلى فكره كم مره لمحت لها وتفهمني ..
بس ماتبي
مادري ليه تسوي نفسها مو فاهمه !