ابي مساعدتك يادكتوره ويابلقيسياتوتحليلكم بلي صار معاي ولكم دعوه

[ذبحني الشوق]

صباح الورد والحب على هذه الوجوه الطيبه اتمنى ان الجميع بخير انشالله

بنات راح اقولكم مشكلتي باختصار انا صارلي فتره عند اهلي وزجي خلاص بطلقني طبعا عقب اهانات عديده منه المهم قبل اسبوعين جاني مسج من تلفون من رقم غريب مااعرفه قلت يمكن مزحه من صديقات ودقيت عليهم واحلفولي والله مو هم ونا مااعرف احد بهالرقم ونا ماتوقعت ان زوجي لان خلاص ولا عمره راضاني والمسج يقول مرحبا واشتقتلج وبعدين قلت منو قال فكري وبعدين ردي خبر ونا صارلي اكثر من اسبوعين مارديت ولاشي العلم انا ماعرف شي عن الرقم هل هو ذكر ام انثى بس طريقه الكلام ذكر

 

[مشاااارق]

عزيزتي ...ممكن تعطينا تفاصيل أكثر عن مشكلتك....يعني زوجك هو اللي بيطلقك ولا إنتِ طالبة الطلاق ...وإيش سبب الطلاق ....ممكن نحلها وترجعين لبيتك إن شاء الله ....​

 

[جمبازية]

انا تقريبا صار معاي نفسج بس بالعكس يعني وحده دقت على زوجقوله اني انا ابيه واحبه واذا مارجعني راح اطيح اللي في بطني طبعا هي بدال لاتكحلها عمتها وليومج هذا مادري منو اللي دقت ....حبوبة ماوضحتي ليش تبون تنفصلون؟؟؟

 

[يادنيا ياغرابه]

قلبي لاتردي ماتدري يمكن مو زوجك احد بيوقعك بكمين انتبهي اهل الشر كثيررررر
واذا زوجك يبغاكي يعرف طريقك وبيتك واهلك لاتغلطي فكري الف مررررررررررره
​

 

[حبيبة فهودي]

يمكن مو زوجك لا تردين....

 

[خذ شعوري بحزني]

هلا اختي ..!
انتبهي يمكن يكون اختبار من زوجك ولاشي .. وان كان زوجك حبيبتي
موبكلمتين يلعب بمشاعرك .. علشان ترضخين له انتي مو طفلة
انت انسانة ولك عقلك .. شروطك قبل كل شي حبيبتي ولا تتنازلين ابد ..!

اعتني بنفسسك ​

 

[أحبه ولكن]

لااااااااا تردين سواء كان زوجك او لااااااااااا ,,,,,

 

[ذبحني الشوق]

عزيزتي ...ممكن تعطينا تفاصيل أكثر عن مشكلتك....يعني زوجك هو اللي بيطلقك ولا إنتِ طالبة الطلاق ...وإيش سبب الطلاق ....ممكن نحلها وترجعين لبيتك إن شاء الله ....​

هلا والله باختي الغاليه بقولج المشكله باختصار انا ماابي الطلاق هو الي يبي يطلقني وداني بيت اهلي وقال بطلقج علشان كانت في مشاكل مثل النت ويحقرني ويطنشني والسبب الرئيسى ليش اهلج يتدخلون ويكلموني ونا احس جارحني عند اهله وعند اهلي وصارلي الحين فتره عند اهلي وقال بطلقج ليلحين ماادري شنو راح يصير فاول مره اشوف مسج ويجيني جذيه اخاف اضيع الفرصه من ايدي بس علشان الاطفال

 

[مشاااارق]

هلا والله باختي الغاليه بقولج المشكله باختصار انا ماابي الطلاق هو الي يبي يطلقني وداني بيت اهلي وقال بطلقج علشان كانت في مشاكل مثل النت ويحقرني ويطنشني والسبب الرئيسى ليش اهلج يتدخلون ويكلموني ونا احس جارحني عند اهله وعند اهلي وصارلي الحين فتره عند اهلي وقال بطلقج ليلحين ماادري شنو راح يصير فاول مره اشوف مسج ويجيني جذيه اخاف اضيع الفرصه من ايدي بس علشان الاطفال

عزيزتي ... لاتردين إلا إذا إتأكدتِ إنه زوجك....يمكن يبغى يختبرك....

وكثير من الرجال يهددون بالطلاق وما ينفذونه ....لاتقلقين..كل شئ نصيب ... لو ربي رايد لك ترجعين لبيتك...راح ترجعين ...غصب عن الجميع

وزوجك شكله لما يزعل ... يهدد ويحاول يشوه صورتك قدام أهله وأهلك عشان يثبت إنه مو غلطان... يعني مؤمن بمبدأ خير وسيلة للدفاع الهجوم .....



​

 

[ام النونة]

لاتردين احسن اذا الكلام من فضه فسكوت من ذهب وماراح تندمي علا السكوت بس الكلام ياما ناس ندمو عليه

 

[ذبحني الشوق]

بعد عمري يامشرفه مشارق ماقصرتي وااشكر كل البنات الي ردوا الله يوفقكم دنيا واخره يارب
تصدقين ياختي مشارق والله جبتي جزء من شخصيته بس انا ودي ارد لانه ينتظر الرد مني والكلام الي دازه عادي يقول مشتاق اخاف اضيع الفرصه من ايدي وزجي صعب مايراضي لانه ينتظر جوابي فالسؤال الحين شنو اقوله تكفون لاتخلوني المشاهدات مشالله واجد بس مافي ردود ترى حتى الكلمه له اجر باذن الله ونا حيل احاتي ماابي اطلق

 

[ذبحني الشوق]

بنات انظر ردودكم جزاكم الله خيرا

 

[ذبحني الشوق]

بنات محد يرد ليش بس تطالعون ابي مساعدتكم مشاهده ولا احد يرد
ده 150

 

[ذبحني الشوق]

تكفون بنات ارحموا قلبي ساعدوني والله الي تعطيني الحل والله ادعيلها من كل قلبي

 

[بدويه قويه]

لا ترديين وهو رااح يرجع لك بحوول الله

 

[ياربي انصرني]

اي رجل عاقل ويبغى يرجع زوجته
يتصل في اهلها 00ويسلك الطريق الواضح والصحيح مايتخفى برسايل ويلف ويدور00حتى اذا اتصل عليك ويبغى يتفاهم معك قولي له عندي اهل ممكن نتواصل مع بعض00

 

[غربة احساس]

لاااااااااااااا تردين واذا هو وش يعني انتي منتي موظفة عندة علشان يصرفك ويرجعك بكيفة
واي فرصة هذي كبري عقلك الكلام ببلاش كلة مسج لا راح ولا جى
الله يفرج همك

 

[ياغيابه]

حبيبتي اولا : رقم غريب عدي الله ماخلقه اللي يبيكـ من معارفكـ بيدق بيدق لين ينفقع الجوال ونهايته برساله ردي انا فلان او فلانه يعني ماراح تستفيدي رقم غريب وبالنهايه غلطان بس سمع صوتكـ ..!!
انتي مو رخيصه من هب ودب يسمع صوتكـ حطي هالشي في بالكـ


2. عندي نظره ممكن تكون غلط بس نحن هنا نحلل المواضيع ونحط اكثر من تفسير وحل بس بقول اللي عندي وانتي ادرى بعاقليته واسلوبه ..

لكن والله اعلم يمكن قال ودي ارجعها بس ماودي اتنزل لها وابيها هي اللي تطلب وتترجا عشان كذا ( لو كاااان هو ) فهو يبي يصحي مشاعركـ عشان تفكرين فيه وتبدين تكلمينه وتترجينه هذا من ناحيه ومن ناحيه اذا شكاكـ وهذا ع حسب مشكلتكـ معاه بيشوف عنكـ وكيف تتصرفين وتعطين وجه او لا ؟ ( وارجع واقول اذا هو اللي يرسل ) .

اتمنى تتجاهلين هالرساله وغيرها من الرسائل المجهولة المصدر تماما وش تستفيدين من الاخذ والرد والله وجع راس


دعواتكـ ربي يرد لي غلاي ؛؛

 

[تجرح وتداوي]

ياغيابه كفت ووفت

 

[totaali]

حبيبتي لاتردين هذا تحذير واذا كان يبيك ياخذك من بيت اهلك زى ما اخذك اول مره لما تزوجتم ثاني شي لاتحطي الاولاد سبب لرجوعك يا ترجعين من اجل نفسك مع الاحترام او ترجعين بسبب الاولاد وتتحملين النائج ويمكن يبغى يظلمك بالمسج ويقول انك صاحبه علاقات ويثبت هذا الامر بالمسج وغلطه تموتك وبما انك ادخلتي اهلك يجب انك تورينهم المسج انا اعرف انك فرحانه به وتتمنينه انه من زوجك ومن الممكن انه احد اخر بيلعب باعصابك وبدل ما كان الحق لك اصبح عليك خاصه انه حسب ما فهمت انه يتكلم عند اهلك واهله عليك
وحفظك الله وحفظ ابنائك