صاحب زوجي **

[قمر كوني]

السلام عليكم ورحمة الله وبركاته
انا ابغى استشيركم في موضوع وكيف اتصرف ...
زوجي له صاحب علاقته جدا قويه معاه لدرجة انهم لازم يشوفون بعض يوميا هو يجي بيتنا وزوجي يروح له في بيته يعني زيارات متبادلة ...وانا اكلم زوجة صاحبه باستمرار بس المشكلة ....دايما احس انه زوجة صاحبه تهتم باخبارزوجي زيادة كانه من عايلتها وتتعمد دايما انها تحتك فيه مثلا لو تتصل على البيت تطول الهرجة والاسئلة عمدا وكمان كل مااكلمها تقول اليوم كان شوي ويشوفني وكنت دايما احس انها نفسها انه يشوفها بالخطا مع انها مرة مو حلوة بس واثقة بنفسها زيادة واخر مكالمة بيني وبينها قالت اليوم فتحت الباب بالغلط وشافها...وحلفتني مااسئله ولا اكلمه وهو ماقال لي شي بخصوص انه شافها وكانت هي الغلطانه لكنها فهمتني انها هو اللي غلطان --
هو الموضوع تافه ومو مستاهل بس اسلوبها استفزازي تتعمد تغيظيني مع انه انا والله اتعامل معاها بمنتهى الطيبه
يعني ماله داعي اسلوبها ..الحمد الله انا مو ناقصني شي افضل منها في كل النواحي لكن مااحاول اغيظها بشي عندي ولا بزوجها وترى هي دايما تسب في زوجي كيف اتصرف معاها انا اخاف يكون في شي وانا غافلة وكيف اخليها تشيل زوجي من راسها وتكرهه لا تقولون ظنون وغيرة... واضح الاسلوب ومو مرة عشان اقول خطا ---اتمنى فهمتوني
​

 

[Unhealed Wounds]

تدرين شلون...

انتي عااد حري قلبها بريلج..مثلا اقعدي تمدحي فييه

وانه ما يصبر عنج ..وانه ما يهتم الا لغيرج.... و قولي عاااد والبنات الثانياات ميتين قهر

ومحد ياب راسه..وهو انسان شديد وما يلف ولايدور

.. وكل ما تبي ترمس عن ريلج غيري الموضوع..واذا مصختها

عطيها في الويه..قولي لها انتي ليش كل شوي تطرين ريلي

جي ماشي سالفه الا عنه..

وبروحها بينقص ويهاا ههههه

وانا لو كنت مكانج كنت بعطيها كاش في الويه ..لابلف ولا بدور

والحين عطيتج كذا فكره^^..

 

[خذ شعوري بحزني]

هلا آختي ..
خذيها على مبدآ العلاقة بين زوجك وصديقك ..
تعتقدين ان زوجك يخون صديقه ؟
تشكين مجرد شك ان زوجك .. بيطالع زوجة صديقة رغم حجم الصداقة اللي بينهم ؟
شيلي هالفكرة من رآسك .. وخذيها هالست على قد عقلهآ ..
حاولي تشوفين النقص اللي فيك وتكملينه قبل لايفوت الفوت ..
مبي آخوفك بس الحذر وآجب .. تعالي معها بنفس الطريق اللي هي تجي فيه ..
مثل ماتتكلم عن زوجك .. اطعنيها بنفس الكلام اللي تطعنك وامدحي زوجها
وان سببت مشكلة .. خبري زوجك عنها انها هي الي بتدت وانتي حبيتي تستفزينها
لانك تدافعين عنه .. بس ابتدي معها بهالطريقة كلششششش لاتطنشين .. وتعالي معها
بأسلوب الغرور .. اشوي يعني مثلا لو مدحت زوجك امدحي زوجها
واذا توترت العلاقة بينكم اهم شي حسسسيها ان الي تسويه مررهـ ماتآخذين فيه
وانتي لاتهتمين مرهـ ترآهآ حابة تغيظك .. ويمكن تلقين ان زوجهآ .. مو مقصر معها
بس مجرد .. انها تبي تقهرك ..!


اعتني بنفسسسسك ..!
​

 

[مشاااارق]

عزيزتي ...المثل يقول : الباب اللي يجيك منه الريح سده وإستريح....​

لاتحتكي بزوجة صاحب زوجك كثيراً.... قللي من الاتصالات والزيارات حتى تنقطع بالتدريج...هي ليست قريبة لكِ لكي أقول لك لازم تصلينها ...​

هي إنسانة مريضة وتريد أن تسبب لكِ التعاسة....وصدقيني لو بينها وبين زوجك علاقة كان حرصت على إخفائها ...لعلها تعاني من مشاكل مع زوجها وتريد أن تسبب لكِ المشاكل أيضاً...​

​

 

[قمر كوني]

مشكورين خواتي على المرور..لاعدمناكم .. خذ شعوري بحزني مافهمت قصدك لما قولتي شوفي النقص اللي فيك وكمليه ؟؟؟
يعني قصدك انها حاسة اني اقل منها مثلا وعشان كذا تستعرض ...لاحبيبتي ترى بشهادتها هي وجماعتها انا احلى منها وتنقصها اشياء كثير ..لو اقولك انها جاهلة في كل شي ماتصدقين اصلا كانها حرمة كبيرة في طريقة تفكيرها ...انا من كثر ماتغيظ في سرت اكره اكلمها ولاابي اصلا اظن فيها بس للصبر حدود وخايفة من التطورات...سبحان الله لازم يطلع في حياتك اشخاص يحاولون يفسدون عليك حياتك ماادري ليش؟؟؟كانه الدنيا ناقصة تعقيد ومشاكل لكن كل مين راح يتحاسب وياخذ عل قد نيته...

 

[حرب الأحساس]

تدرين خذي الكلام مني هذا النوع من العلاقات فاشـــــــــــــــــــــــــل جدا ومضيعة وقت!!!!
وصحبة كذابة كل الي بينك وبينها انه رجالكم اصحاب طيب ؟؟!!
مولازم تصاحبين الزوجة
مابتاخذين راحتك والكلام بينتقل ويوصل لزوجك
وعيوبك واسرارك عند صاحب زوجك من خلال زوجته ملل ملل ملل
خليه هو له اصحاب وانت لك صاحباتك لايتعرف على رجالهم ولا تعرفين على حريم اصحابه نصيــــــــــــــــحة ماوراهم غير الهم ونقل الكلام
ماتقدرين تتكلمين معاها ولا تفضفضين لأنها بتتكلم مع زوجها وبتقول مثلا : الله يعين صاحبك فلان زوجته فيها وفيها ............. او حصل وتكلمتي فزوجك بتقوله قالت زوجها فيه وفيه وبتكون حياتكم مكشوووووفة وممله وممكن تحصل مصايب والله اتكلم من واقع وقصص اعرفها
وياليــــــــــت زوجة صاحبه صاحية الا ترفع الضغـــــــــــــــــط ومستفزة
ليه تدورين وجع الراس
ابعدي عنها بأسلوب واستقلي بحياتك وزوجك شوي شوي بينشغل عن صاحبه الدنيا ماتدوم على حال
ريحي راسك وبعدوا بهدوووووووووووء لأنها يمكن من وراك كلامها موطيب عنك

 

[أميــرة الــورد]

الله يعينك انا كمان اعاني من مشكلة قريبة لمشكلتك انا زوجي مرة راح لصاحبه ورجع وقالي تخيلي كنت عند صاحبي ابو فلان وراح يجيب العصير الا وزوجته تفتح الباب عندي وتضحكلي وتروح قبل لا يجي زوجها انا عاد قلت له انت تمزح ماصدقت قال اي والله وانا قلت له يمكن بالغلط قال بصراحة مو اول مرة وانا مرة متضايق على خويي
قلت طيب كلمه قال اخاف اكلمه واخرب بيتهم وعندهم ولد وش ذنبه قالي الله يهديها ان شاء الله
عاد انا قمت وقلت له لاعاد تروح عنده دامها كذا او انك تكلم زوجها قالي صعب مااروح بيسالني ليش ماتجي لانه مرة صديقه .. قلت بكيفك بس انا مااحب انك تروح عنده اتعذر وقوله اي شي ولا تروح .. عاد من وقتها ماعاد جاب لي سيرة لا ني كنت واثقة فيه ..

 

[عزة نفس]

عزيزتي اللي من النوع هذا عنده ثقه عمياء بنفسه وتبغى الكل يشوفها ويمدحها هي مبهوره بنفسها جدا وهذا يرجع لخلل ما في نفسها وبالاصل انا اشوفه احساس بالنقص انت تعاملي معاها بذكاء بس لاتمدحين زوجك ولا علاقته معك امامها انتبهي لان الحسد مازال موجود في البشر بس مثلا قولي لها يوم من الايام والله زوجي يسب زوجة صديق له من بعيد يقول مخفوفه شوي وان زوجك يبغى ينبه زميله يعني شوفي لك اي طريقه وهي والله بتخاف والله يوفقك .

 

[سلام 111]

عزيزتي اللي من النوع هذا عنده ثقه عمياء بنفسه وتبغى الكل يشوفها ويمدحها هي مبهوره بنفسها جدا وهذا يرجع لخلل ما في نفسها وبالاصل انا اشوفه احساس بالنقص انت تعاملي معاها بذكاء بس لاتمدحين زوجك ولا علاقته معك امامها انتبهي لان الحسد مازال موجود في البشر بس مثلا قولي لها يوم من الايام والله زوجي يسب زوجة صديق له من بعيد يقول مخفوفه شوي وان زوجك يبغى ينبه زميله يعني شوفي لك اي طريقه وهي والله بتخاف والله يوفقك .

ما شاء الله رد ممتاز..........

 

[حتى صمته عشقته]

مسساء الخير ..

برائي هو واحد من اثنين ..

يا انها مريضه نفسيه وتكرة تشوف الناس مبسوطه وتبي تخرب على الكل.. أو ..انها معجبه بزوجك لان بوقتنا الحالي الناس ما يعجبهم اللي لهم ودايم يدور على اللي بيد غيرهم ..والافضل لك اقطعي علاقتك فيها وحاولي تقنعي زوجك يقابل صديقه خارج نطاق البيت بأي مكان عام والمقاهي كثيرة والاستراحات بس عشان ترتاحي وما تخلي الشيطان يلعب بمخك ..

دمتم برأأأأحه بأأأأل ..

حتى صمته عشقته ...

 

[ميوسه]

عزيزتي ...المثل يقول : الباب اللي يجيك منه الريح سده وإستريح....​

لاتحتكي بزوجة صاحب زوجك كثيراً.... قللي من الاتصالات والزيارات حتى تنقطع بالتدريج...هي ليست قريبة لكِ لكي أقول لك لازم تصلينها ...​

هي إنسانة مريضة وتريد أن تسبب لكِ التعاسة....وصدقيني لو بينها وبين زوجك علاقة كان حرصت على إخفائها ...لعلها تعاني من مشاكل مع زوجها وتريد أن تسبب لكِ المشاكل أيضاً...​

نفس الراي

اقطعي علاقتك فيها