وهل جزاء الاحسان الا الاحسان...

[أبغي أكون ملكة]

أستاذتي الغالية ناعمة الهاشمي​

أحب أشكرج في البداااية على محاااضراااتج الرااائعة واللي قرييييت البعض منها فقط لأني من أسبوووع بس عرفت عن منتديات بلقيس من أختي الله يجزييييها خيييير..واتمنى منج تساااعديني على حل مشااكلي النفسية والزوجية...​

بداية القصة.....​

فأنا فتاة متزوجة من سنتين...توني من 3 ايام كملت السنتين...عندي ولد عمره سنة و3 شهوور وحامل الآن في الثاني ..​

​

وعلشااااان أرجع علااااقتي الحميمة مع زوجي واكسر الروووتين... عملت حفلة يوم زواجي بحركات جميلة...​

حجزت في فندق....ورتبت الغرفة بورووود وسوالف بجعاااات مع باااقة ورد حمرا ونثررت ورووود بكامل الغرفة مع كيكة مكتوب عليها اسمي واسمه وعصير استروباري....​

​

واتفقت مع اخوووي على المفاجئة ودخلوا غرفة الفندق ووشاافني انتظره مع ولدي والتصوير جاااهز وكنت لااابسة فستان احمر ورااايحة الصالووون ورجعت ذكريااات زواجنا....وحسسته انه الحب بينا راح يدوووم بإذن الله سبحااانه...وأشعرته بالأمان والحب والعطف...والصراااحة فرررح واااااايد وحسيته مرتاح نفسيا وطووول الوقت يحبني على راااسي ويطاااالعني بنظرات الحب الللي حسيت اني فقدتها....​

​

شفت تغير ملحووووظ في شخصيته وأسلووبه معاي ماااتركني لحظة وحدة وغير يطااالع فيني ويشكرني على المفاااجئة...​

وحتى بعد مارجعنا بيت أهله مافكني دقيقة وحدة بس اليوم الثاني ولأول مرة من غير ماأساله يستأذني علشان واعد أصحاابه يطلعووون لراس الخيمة وقلت له عاادي بس تحمل على روحك وقبل لايطلع في الصبااح باسني على رااسي وطلع نفس أول أيام زواجنا وكااان حنون وااايد..حسيت بفرحة تغمرني وقلت ان ان شاء الله يبقى على كذا...​

​

الخووووف اللي عندي ياأستاذتي الحبيبة إني أخااف ترجع علاقة الفتوور الخفيف بيني وبين زوجي..وانه يرجع لسوالفه الطفولية...​

​

مشكلتي واللي أبغي أحلها بالضبط انه زوجي رغم حبه لي أحسه يكذب علي بعض الأحيان..وأحس بكذبه لكن ماأعرف كيف اواجهه...ويوم احااول بطريقتي اواجهه أحسه يتهرب بعصبية ومن كلامه لي (مااافي ثقة...انا ماأحب الحرمة تسألني...انا الريااال..لاتخربين اللي بينا...)ويقسووو علي بالكلام مرات مع اني ادري انه قلبه طيب بس مايقدر يترك سوالفه في نفس اللحظة...​

وأدري انه نفس المراهق والطفل بس ماأقدر اتحمل لأنه طبعي الغيرة وهو مايحسسني انه مخلص لي أبدا....​

​

الصراحة زوجي قبل الزواج كان مغازلجي..وماأحاسبه على اللي سواه قبل ولاعرفت عنه الشي هذا الا بعد الزواج وحتى هو بنفسه ماااخبرني وكان يحط نفسه بصورة حلوة جدامي...​

​

وفي أيام الملجة اكتشفت أشياء في شخصيته صعب تغييرها اللي هي نظراته للنسااااء وكلامه معاهم وحتى لو من بنات أهله...(طبعي غيووورة)...​

بس طوفت الشي هذا له وتمادى في فترة الزواج وحسيت اني مخنوووقة ويوم اواجهه كان يقوووول لي لو كنت ابغي آخذ وحدة فيهم كنت خذيتهم بس انا ابغيييج انتي...واخبره انه المسألة مو مسألة حب لكن هذا جرح شعووور ويرجع ويقول لي انحرم من أهلي مثلا؟؟؟؟!!!​

​

​

((فترة حملي وولادتي بولدي))​

​

المهم كنت اشك فيه بعض الأحيان انه يكلم بنات وطلعاته اللي مالها داعي برع البيت وكله مشغوووول وتلفووووووونه عليه قفل ومايرضى ألمسه واذا لمسته ضامن وجود القفل ويوم اقوله ابغي التلفووون شوي عندي يعصب ويعتبر هذا تدخل في خصوصياته...​

​

ويوم ولدت وبعد الأربعين رحنا لشاليه في الفجيرة واستانسنا وايد....ويوم رجعنا بعد شهرين تقريبا وداني نفس المكاان واستغربت لانه كان مستعجل وحالته حاله وانا من الاساس عندي الدووورة...​

تغير زوجي شوي شوي وحسيت ببعده عني ويووم اسأله يقول مافي شي انتي تتوهمين...بس في قرارة نفسي احس عنده شي يخفيه لانه كان خاايف وشارد الذهن مثل شي ثقييل على قلبه...وكنت احلم فيه انه يبكي ويقوول لي ساعديني وغير الاحلام اللي كنت اشوووف فيها بنات يكلمهم...​

وقبل موضوع الشروود قال لي انه بيروح مع ربعه للفجيرة عندهم شي وبيت عندهم بالليل لأنه عارف اني بقول له لاترجع بالليل خوفا عليه...فقلت كيف تتركني وانا توني ماتعودت على الحالة الجديدة وكان عندي اكتئااب مابعد الولادة وعانيت منه وااايد..لكن اللي ماكان في الحسبااان وفي يوم من الأيام صليت صلاة حاجة ودعيت اذا فيه شي ينكشف لأني لاااحظت عليه لزقته في الموبايل يا كلام او مسجااات وحتى لو قاعد معاي...​

رحت للسيارة بعد مانام وسويت عمري بنظفها ويوم فتحته لقيت موبايله الثاني وسايلنت وكانت دقات قلبي تتسارع الين مادخلت للمسجات وشفت اللي ماكنت ابغي اشوفه إن زوجي طلع يكلم بنات ووحدة علاقته فيها وااايد اللي هي بنت من الفجيرة تشتغل في في نفس الفندق اللي رحنا له(يعني استغفلني وكنت غبية)...كانت المسجات هذي مثل الصاعقة علي ماقدرت اتحمل وقلت هذا يحبني وجذي وين لو يكرهني....​

قعدت ابكي بالحيل وانا قاعدة من الصدمة في السيارة ماأعرف شووأسوي والله اني انهرت وحسيت بجرح كبيييير في قلبي وكأني ماأعرف الشخص اللي جدامي هو زوجي أو انسان ثاني....​

مسحت دموعي وخليت نفسي عادية وبخرت السيارة وكأن شي ماصار وزوجي نزل من الغرفة وهو خااايف لأنه شافني في السيارة وابتسمت له (مع انه الغصة ذبحتني)وقلت اني رتبت السيارة وبخرتها فقال لي ليش تعبتي روووحج قلت لاااا عادي(طبعا خاف اني فتشت في بلاويه السودة) .....المهم تميت اسبووع افكر الطريقة اللي اواجهه فيها الين مالقيت الحل...​

 

[أبغي أكون ملكة]

خليته لفترة يحس بتأنيب الضمير ووفرت له كل شي بزياااادة قلت يمكن يترك من نفسه لكن لقييييته يتصل فيها وكنت ادوووس على قلبي وأحاول أخفي اني أعرف..بس لعبت في أعصابه....وبعد أسبووع قلت له اني ابغيه في موضوع مهم...وهو حاس اني اعرف بس مايبغي يظهر لكن بعد بينت له العكس ورجع من الدواااام على طووول بالليل....وقال لي شو الموضوع:رحت نيمت ولدي ولبست قميص وعدلت نفسي ورحت بكل حنان أكلمه وحضنته وقعدت أكلمه بهدووووء...​

​

وقلت له:هل انت تحبني؟؟؟​

قال: لي هيه أحبج..​

قلت: انا مقصرة عليك فيه بشي​

قال: لي لا والله إنج مو مقصرة في شي​

​

...والله قلبي يتقطع لكن ضغطت على نفسي...وقعدت بالتدريج أسأله الين ماضعف وفي الأخير ​

​

قلت له :اللي يحب يجرح حبيبه؟؟؟​

​

حسيت انه خلاص مصدوووم وحاول يتهرب فواجهته​

​

وقلت له: ليش تكلم من وراي شو ناقصنك....انت تقول اني مو مقصرة وانك تحبني فليش تطالع بنات الشوارع...​

​

حاول ينكر فعطيته الأدلة وانهااار​

​

وقال: خلاص صكري الموضوع ​

​

وحسيت بالخجل في ويهه....ومستحي من نفسه...سألته انت طلعت معاهم ولا بس كلام قال لي لا بس كلام لكن اكتشفت انه كذب والمرة اللي قال لي فيها رايح مع ربعه للفجيرة كان طالع مع البنت..والله قهر ياأستاذة ماأقدر انسى اني انجرحت...وقعدت أبكي​

وأقول ليييييش:..انت اللي حطيتك في قلبي من دون ماأطلب منك شي الا الحب والاخلاص في الأخير ترده لي بجرح كبير عمري مابقدر انساااه ​

​

وقعد يعتذر لي ويراضيني وحسيته استحى من نفسه...تغير فترة للأفضل لكن بعدها رجع وحط قفل على تلفووونه ويحاول يتهرب...​

بس ماخبرته اني عرفت بطلعته....وبعد فترة وكان عنده رقم ثاني وكنت ادري فيه وهو مخبرني لكن شفت ارقام ويوم اتصلت انصدمت كله بنااات..​

​

قلت: ليش شو اللي انا اسويه ومايعجبه ويخليه يدووور ورا بنات الشوارع..​

​

ويوم اتصلت فيهم كان يبغيهم في أشغال يعني مصالح وبعد واجهته وكنت ابكي هذي المرة بحرقة لدرجة انه ماقدر يتحمل وبكى معاااي ​

​

قلت: ليش تعاملك مع البنات وليش وليش وليش...انت تحب البنات ولا شو السالفة..اذا ماتبغيني ليش ماتخبرني..​

​

وراضاني للمرة الثانية..​

​

وقلت له اذا عدتها ترى بترك البيت ولا لي رجعه له..قلبي مايقدر يتحمل خيانات...​

​

اخاااف الصراحة يعيدها لأني ألاحظ عليه تغير بس بعد الحفلة الله هداه بس في شك في قلبي منه...لأنها فترة وتعدي...ابغي احااافظ عليه ونفس الوقت انسي نفسي اللي صار...تصدقين مرات احس انه تزوجني علشان يتستر على بلاويييه وبعدها اتعوذ من الشيطان وادعي دااايم في صلاتي انه ربي يهديناااا...​

​

ابغيييج ترشديني وابغي اعرف كيف اتعامل مع شخصية زوجي وأحافظ عليه وكيييف احاول اتفااهم معاااه من غير جرح شعووور للطرفين.....​

​

ملاحظة:انا جنسيا فيني نوع من الخوف الفضيع وادري انه زوجي يبغي الشي هذا من دووون مايمر يوم وتطلع لي آلااام ابغي اعرف هل الشي هذا نفسي او مرضي...​

مع اني كنت سابقا لو يذبحني العوار بس أعطيه...​

المهم تغيرت الدنيا وجبت المولود الثاني وكانت بنوتة ربي يحفظهم لي جميعا....وهذي المرة في فترة الأربعين كنت في بيت أمي لأنه المرة الأولى كنت في بيت أهل زوجي...فقلت أغير ويكون شوقه لي أكثر....
​

وحاولت أغير من نفسي أكثر وأكثر بس علشان أرضيه وأرضي نفسي...صرت أنثى أكثر من قبل ويوم يجي أترتب ولا أبين ضعفي له لأنه مريت بحالة اكتئاب خفيفة....ومرت فترة الأربعين بسلام وكنت انسانة ثانية مفعمة بالحياة ويوم شافني تخبل على شكلي لأنه ستايلي كان غير غير يعني بنوووتة في عمر 14(قمر 14) ترى من جد ومن دون مزح لاحظت عينه بتطلع من مكانها يوم شافني....ورجعت البيت بس لاحظته تغير ورجع نفس قبل مع اني اترتب له وصايرة دلوعة بزيادة...شفته رجع وقلبي حس انه في غيري وايد بحياته يعني ماكنت محوره أبدا...ابتعد في التفكير عني كان

جسمه عندي صح لكن قلبه وعقله معلق بالدنيا....وبنات الشوارع يلقطهم من أي مكان....وفي هالزمن الواحد مايضمن نفسه من الحرام...
​

 

[أبغي أكون ملكة]

ابتعدت وقلت يمكن قربي منه ولزقتي فيه تملله..بس شفت البعد مايفيد ويزيده وكأنه يبغي الفكة....فيوم من الأيام وفترة الامتحانات بالذات كنا رايحين بيت عموو(أم زوجي) فنزل عند بقالة يبغي يشتري بارد

وقال لي تبغين شي
قلت لا مشكووور حبي...

ونزل وكان احساسي بأنه يخوني أقوى مني فقمت وشلت التلفون اللي عنده بالسيارة ويوم فتحته لقيت العجب العجاااااب لقيت طعنة قوية كانت تنتظرني..
​

زوجي كذاب ويحب البنات وشكله مايقدر يودرهم​

​

للأسف كشفته متأخر...​

​

وسويت نفسي عادي لأني أتمالك نفسي وقت الغضب والحمدلله انه ربي عطاني الحلم...وركب السيارة ولا كأنه في شي صاير وكلمته عادي بس شرد ذهني شوي

وقال لي: شو فيج حبيبي..
قلت له:ولاشي بس أفكر في باجر..
وقال لي بخوف:لاتفكرين في باجر عيشي حياتج وكل شي ربي ييسره...
​

مسكين مايدري انه هو سبب ألمي....​

​

ماقدرت أمسك نفسي يوم كامل بس أفكر كيف أواجهه..وواجهته بالليل يوم رجعني بيت أهلي وحس بتعبي فسألني إذا فيني شي فسكت ومارديت لأنه أخوي كان معانا بالسيارة....

بكيت بحرقة

وقلت له: انت تبغيني ولا لا وخلك واضح معاي.علشان أعرف مكاني وين عندك...
خاف وارتبك وطلع بسرعة...اتصلت له
وقلت له: ترجع ألحين تاخذني وهذي أول مرة أكلمه بهذي الطريقة..
فحاول انه يرفع صوته ويخوفني بس كنت أقوى منه وأصريت انه يرجع يعني أسلوب أمر...كان يحاول يماطل مايدري إنه قلب البنت لاتعب يصير أقسى من قبل...وبالذات الخيانة مايتقبلها أي مخلوق لو بمجرد كلام يكون وقعها قوي...وبالفعل رجع وركبت السيارة وكنت حاطة الشيلة على ويهي
فقلت له: ودني البحر

..ورحنا ونزلت من السيارة بس هو بعده جالس أكيد يفكر بكذبة يديدة ومستحي مني..

.فقلت له: انزل (قوية)

نزل وجلست عنده وطالعته في ويهه

وقلت له: ليش ماتطالعني أكيد مستحي...وسألته ليش تسوي فيني جذيه عاجبك كل يوم والثاني تصدمني فيك...

عينه احمرت فبديت أقسو عليه علشان يحس بغلطته...

.فرد وقال: ماأدري أنا ليش جذيه أسوي...
فقلت له: انت تدري أكثر مني والخيانه منك مالها سبب وعلى أي دقة سرت وكلمت بحجة اني مقصرة وترد وتقول لي مو مقصرة بس انتي كذا.....يعني عذر أقبح من ذنب...
هل فكرت في قلبي قبل لاتسوي جيه...هل تسمي هذا حب...انت بعدك تفكيرك بالدنيا ماتقدر تتوب عن البنات....عندك اللوث أحسن من حرمتك؟؟؟شو لقيت فيهن أحسن مني؟؟؟؟شو سويت لك علشان تأذيني؟؟؟رد ولاتسكت لأ،ه سكوتك يزيد الفجوة والمشاكل...

دمعت عينه...
وأحس فيه يبغي يتوب بس يرجع ويرجع ويرجع الين متى ياناس يتحمل الحين عنده اثنين وماتاب عيل متى بيتوب....أدري يوم يخونني يتعذب من داخله ونفس الوقت أحسه يتلذذ في شي اسمه جنس ثاني...

طورت من نفسي وسويت كل اللي اشوفه زين في حقه وفي حقي...
ترى اذا وصلت حدي يمكن اتمادى وابتعد للأبد لأنه مايستاهل اللي اسويه علشانه...لكن عيالي يردووني,,,أدري يحبني بسليش يسوي جذيه...
هل فيني نقص ولا شووو...

واجهته وقال لي بيتووووب
فقلت له: بحرقة ادري بترد ولكنها بتكون أقوى علي...
قال لي: لاتقولين جذيه لأنج تألميني..

فقلت له :مااااحسيت بشعوووري يوم خنتني كيف تباااني أبادلك نفس الشعور....لاتكرهني فيك لأنه بيننا عشرة عمر..تبغي تتتوب بوقف وياااااك ماعندي أي مشكلة لكن اذا ماشفت منك تقبل اسمحلي مابقدر اتحمل خيااانات.....

المهم رجعنا وحسيت فيه اول مرة يتكلم عن نفسه وعن حياته لانه من النوع الكتووم يعني مايقول لي كل شي......او بالأحرى يخاااف....وسألته عن كل شي وجاوبني بس في شي شككني فيه يوم قال: لي شو سمعتي عني وانا ماسويت الحرام..أخاف مسونها لأنه في أشياء كذب علي فيها.....

وبعد مدة شهر رجع لسوالف غلق الموبايل ورجع للطلعات ورجع لكل شي بيدمر حياتنا...وضحتله وأكثر عن جذيييه شو يبغي...

ياناعمة ويابلقييييييسااااات دلووووووني على الحل..

زوجي من النوع العصبي اللي مايتحمل كلمة ويتحسس من كل شي أقوله وكأني مو عاجبته الاحظ فيه التغير واخاف شعوري يكون صح...

​

 

[reemat77]

يا قلبي كيف حالج
ان حالتي نفس حالتج تقريبا بس اكثر انا زوجي ما يفكر الا بنفسه حياته كلها سهر وشرب وبنات فاسقات
ربي يصبرج يصبرني احيانا احس اني بجن من كثر ما شفت من بلاوي منه ما عنده غير ادعي لي وصبري..
ما دري لين متى بصبر
مالج غير الدعاء له بالهداية
قلبي معاج والله

 

[نزف]

انتي كنتي ف حالة صدمه لما واجهتيه
بس لو كنتي صبرتي شوي ... عشان تتخلصين من عشيقته مو يروح يكلمها من وراك

الحين هو يسوي كل شي من وراك

احسه زوجك مو سيء
يا حبيبتي شوفي شو الشي الي فاقدنه بالضبط
وربي يوفقك

 

[جوهرة آل عبدالله]

اختي صدقيني
زوجك طيب والدليل انه يعتذرلك
كثير من الخيانات يطقو راس حريمهم بالجدار
وبالحرف الواحد عاجبكي ولا كيفكي

زوجك باين انه جنوبي
انتي في المرة الاخيرة كنتي قوية جدا
والجنوبي يحب يستند على الجدار القوي0000عشان كذا جلس يفضفضلك

بالنسبة لك غاليتي انتي ماقصرتي في شي
لكن فيه خلل ما الى الان ماحسيتي فيه

اعتقد اختي انه هالخلل في حب زوجك للتغيير حب فوق الطبيعي
شوفي كيف انبسط يوم الفندق

عشان كذا بيجيه فترة وفترة يشتاااق للتجديد000طوالي يروح لعشيقة

اختي ليش ماتمثلي دور العشيقة معاه
غنج -دلع -تغلي -تمنع - عيون سايبة فيه ومعجبه ودايخة ترى مرة هالحركة تدوخهم -
جربي تطلعي معاه بين وقت واخر واذا صرت لحالكم تلبسي اللثام وتسيبي عيونك فيه وترسليله بلوتوثات واشياء انتي عارفتها
كلميه بالهاتف وانتي بغرفة وهو بغرفة كلام عشيقة
لاتخليله مجال ابدا يفكر فيهم
حتى في فترة النفاس والدورة لاتخليه
البسي شورت وكوت وحطيلك طاولة سفرة خمس نجوم في البيت ومثلي معاه
خليك مغازلجية دايما معه بطرق مبتكرة

الله يوفقك اختي ويرضى عليك

 

[أبغي أكون ملكة]

يا قلبي كيف حالج
ان حالتي نفس حالتج تقريبا بس اكثر انا زوجي ما يفكر الا بنفسه حياته كلها سهر وشرب وبنات فاسقات
ربي يصبرج يصبرني احيانا احس اني بجن من كثر ما شفت من بلاوي منه ما عنده غير ادعي لي وصبري..
ما دري لين متى بصبر
مالج غير الدعاء له بالهداية
قلبي معاج والله

اللي يشوووف مصييبة غيره تهوون عليه مصيبته....:sadwalk:
تسلمييين حبيبتي عالرد والله يعينج على مصيبتج...:tears:

 

[أبغي أكون ملكة]

انتي كنتي ف حالة صدمه لما واجهتيه
بس لو كنتي صبرتي شوي ... عشان تتخلصين من عشيقته مو يروح يكلمها من وراك

الحين هو يسوي كل شي من وراك

احسه زوجك مو سيء
يا حبيبتي شوفي شو الشي الي فاقدنه بالضبط
وربي يوفقك

صدقيني ماقصرت وغيرت من كل شي واجدد دايما بس اللي باله في البنات من هو مراهق ماصدق يتركهن بسرعة...زوجي من النوع اللي يحب يطلع اعذار وادري به يجذب عليه:dunno:...ودايما احاول فيه يخبرني اذا مقصرة واذا فيه شي اعدل من نفسي بسرعة..

 

[أبغي أكون ملكة]

اختي صدقيني
زوجك طيب والدليل انه يعتذرلك
كثير من الخيانات يطقو راس حريمهم بالجدار
وبالحرف الواحد عاجبكي ولا كيفكي

زوجك باين انه جنوبي
انتي في المرة الاخيرة كنتي قوية جدا
والجنوبي يحب يستند على الجدار القوي0000عشان كذا جلس يفضفضلك

بالنسبة لك غاليتي انتي ماقصرتي في شي
لكن فيه خلل ما الى الان ماحسيتي فيه

اعتقد اختي انه هالخلل في حب زوجك للتغيير حب فوق الطبيعي
شوفي كيف انبسط يوم الفندق

عشان كذا بيجيه فترة وفترة يشتاااق للتجديد000طوالي يروح لعشيقة

اختي ليش ماتمثلي دور العشيقة معاه
غنج -دلع -تغلي -تمنع - عيون سايبة فيه ومعجبه ودايخة ترى مرة هالحركة تدوخهم -
جربي تطلعي معاه بين وقت واخر واذا صرت لحالكم تلبسي اللثام وتسيبي عيونك فيه وترسليله بلوتوثات واشياء انتي عارفتها
كلميه بالهاتف وانتي بغرفة وهو بغرفة كلام عشيقة
لاتخليله مجال ابدا يفكر فيهم
حتى في فترة النفاس والدورة لاتخليه
البسي شورت وكوت وحطيلك طاولة سفرة خمس نجوم في البيت ومثلي معاه
خليك مغازلجية دايما معه بطرق مبتكرة

الله يوفقك اختي ويرضى عليك

كل اللي تقولينه انا اسوييييه صايرة له أم العشق :cupidarrow: والدلع والغنج من طبيعتي :blush-anim-cl:واللي تقولين عنه كله متوفر فيني..وأغير وأجدد دايما من نفسي...بس انحبط لا شفت العكس منه..يعني مايي جدام عينه...أدري هو يحبني ولايقدر على زعلي بس يكاااااااااااااااااااااااااااااااااااااااااااااااااااااااااااابر هالانسان غريب...:icon1366:

 

[بقعة ضوء]

الخاين مو بسهولة يترك هالباب

أعرف وحدة تحب تكلم رجال وتزوجت وتطلقت بسبب هالشي وبعد كذا تزوجت وهي في مشاكل بينها وبين زوجها بسبب هالشي

الخيانه إدمان مو مسألة نقص فيج ويبحث عنه برا
بس اللي يمشي هالطريق مو بسهولة يتركه ...

مالش إلا تدعي لزوجك بالهدايه والله يبعد عنه بنات الحرام ..

 

[أبغي أكون ملكة]

الخاين مو بسهولة يترك هالباب

أعرف وحدة تحب تكلم رجال وتزوجت وتطلقت بسبب هالشي وبعد كذا تزوجت وهي في مشاكل بينها وبين زوجها بسبب هالشي

الخيانه إدمان مو مسألة نقص فيج ويبحث عنه برا
بس اللي يمشي هالطريق مو بسهولة يتركه ...

مالش إلا تدعي لزوجك بالهدايه والله يبعد عنه بنات الحرام ..

:sad_1:آميييييييييين..

وتسلميييين حبيبتي والله على المرور الطيب...ومثل ماقلتي الخاين مايترك هالطريق بسرعة...بس شووو الحل انا الحين معاه سنتين و3 شهووووووووووور وعندي ولد وبنت الله يحفظهم لي اذا ماتاب الحين متى بيتوووووب لافات الفوت ماينفع الصوت وانا احس اختنقت واذا اصر على بلاااويه بخلييييه في طريق وانا في طريق...:dunno: هذا انسب شي وشكله بيتأدب اذا سويت جذيييييه مشكووووك في امره حاليا واحسه يخووونني مرة ثانية...ومو عارفة لييششششششششششششششش؟؟؟وربي قهررررررر:shutup:

 

[أبغي أكون ملكة]

بلييييييييييييييييز عطوووني حل الله يخليييكم ترى طفشت من حركاته الكيييييييج عندي بينفجرررررررر:busted_red:

 

[حور الكون]

السلام عليكم
قصتك مؤثرة واليك الحل باذن الله
الحل: من هو مالك قلب زوجك
قولي من هو؟

هو الله

مالك كل شئ يملك سمعه وبصره وقلبه ويملك سعادتك
حلول البشر مهما كانت جميلة لكنها ( ناقصة )

أوصيكي بـ ( صلاة ركعتين ) كلما احسستي بهم
وقولي
: ( أمن يجيب المضطر إذا دعاه ويكشف السوء )
: ( ربي إني لما انزلت الي من خير فقير )
: ( ربنا هب لنا من أزواجنا وذرياتنا قرة أعين واجعلنا للمتقين إماما )
والاستغفار له سحر عجيب

والله لو حافظتي عليها لتجدي العجب العجاب ولكن تحتاجي إلى الصبر

 

[أبغي أكون ملكة]

السلام عليكم
قصتك مؤثرة واليك الحل باذن الله
الحل: من هو مالك قلب زوجك
قولي من هو؟

هو الله

مالك كل شئ يملك سمعه وبصره وقلبه ويملك سعادتك
حلول البشر مهما كانت جميلة لكنها ( ناقصة )

أوصيكي بـ ( صلاة ركعتين ) كلما احسستي بهم
وقولي
: ( أمن يجيب المضطر إذا دعاه ويكشف السوء )
: ( ربي إني لما انزلت الي من خير فقير )
: ( ربنا هب لنا من أزواجنا وذرياتنا قرة أعين واجعلنا للمتقين إماما )
والاستغفار له سحر عجيب

والله لو حافظتي عليها لتجدي العجب العجاب ولكن تحتاجي إلى الصبر

تسلميييييين والله وربي ان كلامج اثلج صدري....وبصبر عليه لعله يتووووب ومثل ماقلتي بواظب على الصلاة والدعاء وبإذن الله أشوووف التغير فيه...مع اني بقرارة نفسي ادري انه يحبني بس اسلووووبه جدا صعب يعني ماتعرفين من اي طريق تييييييينه...
:sadwalk:أبغي أكون ملكة

 

[غلا روحي99]

عزيزتي الله يكون بعونك ماللك الا الدعاء( ربنا هب لنا من ازواجنا وذرياتنا قرة اعين وجعلنا للمتقيين أمام)ا والاستغفار طول وقتك يعني خلي لسانك رطب بالدعاءبنية الصلاح لزوجك وبأذن الله بيتغير بس يبغيلك صبروالله مجرب والحمد له الله​

 

[أبغي أكون ملكة]

عزيزتي الله يكون بعونك ماللك الا الدعاء( ربنا هب لنا من ازواجنا وذرياتنا قرة اعين وجعلنا للمتقيين أمام)ا والاستغفار طول وقتك يعني خلي لسانك رطب بالدعاءبنية الصلاح لزوجك وبأذن الله بيتغير بس يبغيلك صبروالله مجرب والحمد له الله​

غلا روحي99 تسلميييين حبيبتي على الرد..
وكلامج صحيح الاستغفار طيب جدا...:icon26: