هل اتزوج الحب او الماده ساعدوني

[كلودي]

محتاره وابيكم تساعدوني

انا انخطبت حق واحد حيييييل يحبيني له اكثر من 8 سنوات وهو يحبني

بس المشكله حالته الماديه مو حيييل راتبه قليل

وانا محتاره ارفضه ولا اوافق عليه

اخاف اوافق وتندم واخاف ارفضه واتندم لانه مررره يحبني

اتمنى تعطوني رايكم لاني من جد محتاره حيل

واتمنى انه الي يدخل يرد مو بس يقرى الموضوع ويطلع لانه رايكم يهمني

 

[سفيرة البنات]

توكلي على الله ياأختي الماده مو كل شي أهم شي الحب وما من دابه في الارض ولا في السماء الا على الله رزقها وأنا عندي أختي متزوجه واحد راتبه 2000 ريال وعندها بنتين والحمدلله أمورها ماشيه ومبسوطه بحياتها وماعمرها أشتكت من الماده لان الماده مو كل شي بالحياة أهم شي السعاده والله يكتب لك الخير ويوفقك

 

[خزامى ’’’]

توكلي على ربك حبيبتي ولا تنسين الاستخاره
والدعاء وربي سبحانه يفتح عليكم ابواب الرزق
والله سبحانه وتعالى قال { وجعل بينكم مودة ورحمه }
ولم يقل المال هو حياة الزوجين بالعكس بالحب تعيشوا صدقيني

​

 

[(شمس النور)]

استخيري ... والله يوفقج

 

[دمعة مريرة]

الله يكتب لك الخير

 

[noor oman]

واااااااااااافقي لان الحب اهم شئ بالحياة

 

[فرحة صباه]

الله يوفقك
والاساس الحب
والماده الله يرزقكم ان شاءالله

 

[إشراقة*أمل]

صلي استخارة و توكلي على الله ..
و نصيحة مني تزوجي من يحبك .. لأنه سيكون أحرص على راحتك .. من شخص لا يحبك ..

و الله خير الرازقين

 

[سديم الإنتظار]

تزوجي الي يحبك وصحيح ان المادة مهمة خصوصا هالأيام بس الرزق على رب العالمين وانتي استخيري ودائما ادعي ان الله يكتب لك الخير واهم شي تفكرين زيييييييين وتستخيرين بالذات اذا كانوا اهلك مرتاحين بتحسين بالفرق وانا اقولك هذا من واقع شفته باخواتي اول ماتزوجوا تغيرت حياة الدلع والرفاهية وصاروا يحسبونها بالمليم بس الحين ماشاء الله تغيرت اوضاعهم
والله يوفقك

 

[اعلامية طموحة]

حبيبتي الرزاق الله مب البشر

يعني تخيلي تزوجتي شخص واعجبتك فلوسه وفلحظه يمحقها ربي ولا شخص تعجبك صحته وفجأه يصيرله حادث وتروح الصحة

حبي دام اخلاقه عاليه ومحترم ودينه ممتاز خلاص اخذي نصيبك

واذا انتي من النوع اللي يصرف وايد دوري شغل واشتغلي ورفهي على نفسج

وياااااااااااما ناس كانوا فقراء بالاجتهاد وتوفيق ربج صاروا مرتاحين مب شرط اغنياء بس مرتاحين

وعلييييييج بالواااقعه تجلب الرزق والاستغفار لاتتركيه حياتج كلها

وربي يوفقك ياعروس

 

[صجة ولجة ودجة]

آستخيري آستخيري آستخيري


كذآ مررهـ ..



وآلله يوووفقك }~

 

[Ms.RoZa]

لازال في مقتبل العمر وقدامه وقت يكون نفسه ..
أنتي ناظري للجوانب الثانيه ولايكون تفكيرك مادي وبس !

الآن أكثر الشباب عندهم ازمات ماديه
ولاتخفى ع أحد المشاكل الإقتصاديه الي قاعده تصير

اسئلي عن اخلاقه وباقي صفاته وتوكلي ع ربك وماراح يخذلك آبد إن شاء الله

 

[حنانوو]

توكلي ع الله يااختي واخذيه والماده موكل شي
اخذوهم فقرا يغنيكم الله وانتي اذا صرتي معاه راح توقفين بجنبه وتساعدينه
وتعطينه الدافع والقوه انه يطور من نفسه
والله يوفقكم ويسخركم حق بعض يارب

 

[مشروع دكتورة]

حبيبتي عمرها السعادة ما كانت في الفلوس............ الدين والاخلاق اهم شي والرزق بيد ربنا............لا تحصري تفكيرك بالجوانب المادية.........استخيري اكثر من مرة ...
الله يوفقك وان شاء الله نسمع منك اخبار حلوووووووووووووووة :msn-wink:

 

[روح الإبتسامه]

رأئي انو المادة ماتعادل الحب .....

توكلي على الله وربك يفرجها...

يالله اسعدينا....

 

[طموح نملة]

يقووولون:
تزوجي من يحبك لا من تحبيه

استخيري...
واهم شي تحافظي ع الحب وتهيئي نفسك لمراعاة ظروفه

موفقة

 

[نجمه مضئه]

استخيري صحص الحب مهم والماده بعد مهمه بس الوحده تعرف نفسهاا ممكن تاخذ واحد على قد حاله وتعيش معاه اسعد انسانه وممكن تعيش اتعس انسانه انتي تعرفين وش تبغين . فكري اكتبي الجوانب السلبيه والاجابيه الحب وحده مايسوي شئ .اعذروني خواتي اناا صريحه واشوف التجارب كثيره في المجتمع فكري بعقلك واستخيري والله يوفقك .

 

[فطيم المهيري]

يالغاليه توكلي على الله استخير وتوكلي على الله

والرزق بيد الزاق

انتي ما تعلمين الغيب وشو مخبي لج القدر

خذوهم فقراء يغنيهم الله انا امي دايما تقولي هالشي

الماده عمرها ماكانت كل شي

ياما ناس عندهم الخير بس مب مرتاحين

وناس عندهم الي يكفيهم حق اليوم وبكره ومرتاحين كل الراحه

والله يسعدج

 

[المشـ صمت ـاعـر]

محتاره وابيكم تساعدوني

انا انخطبت حق واحد حيييييل يحبيني له اكثر من 8 سنوات وهو يحبني

بس المشكله حالته الماديه مو حيييل راتبه قليل

وانا محتاره ارفضه ولا اوافق عليه

اخاف اوافق وتندم واخاف ارفضه واتندم لانه مررره يحبني

اتمنى تعطوني رايكم لاني من جد محتاره حيل

واتمنى انه الي يدخل يرد مو بس يقرى الموضوع ويطلع لانه رايكم يهمني

حبيبتي ،، اول شي كما تفضلوا الاخوات لازم تستخيري ،،

وثانيا : إنتي ادرى بنفسك أكثر من غيرك ،،
تدرين انه يحبك وتدرين عن وضعه المادي ،،
يعني كل شي واضح لك ،،
إذا كنتي من النوع المادي ويهمك هالشي اكثر من الحب
وتحسين انك ما راح تقدري تتحملي ظروفه الماديه
فانا برأيي الشخصي اقولك "لا تظلمي نفسك وتظلميه معك"

مع ان الماده مو كل شي ،،
واي بنت تتمنى تلقى الشخص اللي يحبها ويصونها ،،
والحياه ما تتوقف ع الماديات فقط ،،
ودوام الحال من المحال ،،
والرزق من رب العالمين ،،


فكري بالموضوع مع نفسك شوي وقرارك بإيدك ،،

الله يوفقك ويسعدك ويقدم لك اللي فيه الخير يا رب ..

 

[شعشبونة66]

استخيري
والحب اهم من الماده