ابغي مشورتكم(زوجي والقفل)

[روكا]

ربنا يهديه
لا حول ولا قوة الا بالله

 

[فاقدة الامان]

والله انا سالفتي غريبة !!!!
انا مو من النوع اللي فطينه واتجسس على زوجي بس اللي صار شي غريب قبل ما افتش جوال زوجي وأشوف هالمسجات الغريبة والمثيرة للشك كنت حلمانه شفت منام قبل السالفه بيوم يتعلق بزوجي وهذا اللي خلاني افتش قلت في نفسي يمكن يكون هالحلم تنبيه لي علشان افتح عيوني وخاصة ان كثير من مناماتي تتحقق .الحمدلله على كل حال واللي يشوف مصيبة غيره تهون عليه مصيبته.
وبصراحة زوجي مو ملاك انا كم مره صارت لي مواقف معاه مثلا لما كان بيسافر مره لاحدى الدول (في عمل)لقيت عنده( واقي)انتوا عارفين شاقصد.....طيب رجال رايح بالحاله من غير زوجته ليش ياخذ معاه واقي؟؟؟يعني بين قوسين مافي دخان من غير نار......انا ما اراقب تصرفاته بدون سبب في اسباب بس المشكلة مب قادره اوصل لخيط يدلني هل شكي في محله ولا لا؟انشالله مايكون في محله وانشالله يطلع بري.

 

[أم الحلووووين]

حبيبتي مالك الا الصبر ولا تحاولين تسألينه طنشيه واهتمي بنفسك وزودي معيار الدلع شوي وسوي له مفجأات داخل البيت وبره البيت وليالي خاصة وسوي نفسك واثقة فيه وانه مافي زيه والله مصيره يرد لك وكل الي يكلمهم تره داخل نفسه محتقرهم ممكن تسليه اومرض والدعاء في جوف الليل والله بأذن المولى بيرد لك وبيعترف لك أمكن لكن خلك ((صابره مطنشه متودده سوي اكشن ))

 

[سويرة راحت البر]

حبيبتي الله يعينك وهذا هم الرجال والله اذا بغوا الشي يسونه لو واجهتيهم الف مره ماعليهم منك

 

[إبنة الإسلام]

و الله هذيل الرياييل مالهم امان و الحريم هم اكثر الناس تعبانين...كله خيانة و انتقاد و عدم اعجاب و لو سويتي المستحيل علشانهم يظلوا ناكرين الجميل و لا يشبعوا.. استغفر الله العظيم منهم استغفر الله.. طبعا ما عندج غير الدعاء و قيام الليل و قراءة سورة البقرة يوميا .. و ان شاء الله ستحصلين على اخلاص زوجك

 

[صغيرة على الحب!]

مرحبا ،،،،
بالنسبة للفاتورة اتصلي في شبكة الاتصالات اللي تتبع لتلفون زوجك واستفسري عن الموضوع أنا اللي أعرفه يطلبون اثبات مثل بطاقة او جواز .. ومب شرط نفس الشخص يروح ممكن التلفون يكون باسمه بس لاحد ثاني اللي هو إنتِ..


وأعيد و أكرر حبيبة قلبي تراني ما أريد أكون سبب لاقدر الله في هدم بيت بس تحرصي وتوقعي كل الأحتمالات قبل ما تقومينبأي تصرف وفكري شو راح تسوين لو طلعت النتيجة سلبية و شو راح تسوين لو طلعت النتيجة إيجابية (يارب) أعني كيف راح تتجنبين وشو الأشياء اللي ممكن تسوينها لتطورين علاقتكم و تبعدينه كلياً عن بنات الحرام!


الله ييسر أمورج..​

 

[وسن العلي]

حبيبتي مالك الا الصبر ولا تحاولين تسألينه طنشيه واهتمي بنفسك وزودي معيار الدلع شوي وسوي له مفجأات داخل البيت وبره البيت وليالي خاصة وسوي نفسك واثقة فيه وانه مافي زيه والله مصيره يرد لك وكل الي يكلمهم تره داخل نفسه محتقرهم ممكن تسليه اومرض والدعاء في جوف الليل والله بأذن المولى بيرد لك وبيعترف لك أمكن لكن خلك ((صابره مطنشه متودده سوي اكشن ))

حبيبتي اختي ام الحلوين كلامها مضبوط وعيشي حياتك ولا تروحين تنكدين على نفسك بنفسك ولاتجيبين الهم لك بايدك ليش التفتيش والشك والريبه خلي كل شي على الله وخلي مجهودك وطاقتك وتفكيرك بدل ما هو في هالامور يكون في اهتمامك بنفسك وبيتك واولادك وزوجك وكيف تحافظين عليهم وتسعدينهم..... وانتي تقولين ان زوجك كويس ويعاملك كويس وما عليه ملاحظات تستاهل انك تسوين مشكله وثقي بالله عزيزتي كل الثقه انه سوف يظهر لك من زوجك ما يكون في مصلحتك ومصلحة بيتك وعيالك سواء ما كان سلبي او ايجابي من غير تعب وتفتيش !!!!!! وانه سيلهمك التصرف السليم حياله وتوكلي على الله حق التوكل ولا تجعلي الزوج هو اول حياتك واخرها وهمك وشاغلك الاوحد وتنسين نفسك وحقها عليك وابنائك.....
يا ناس يا حريم يا متزوجات دعوا الخلق للخالق لا تبحثون عما لو رايتموه ساءكم اكتفو بما هو بائن والباقي على الله فهو حسبنا وعليه نتوكل؟؟؟؟؟؟؟؟؟
منذ عشر سنوات ...يرن تلفون زوجي وهو بجانبي واناوله اياه بدون حتى ان انظر في من المتصل حتى يسالني لان هذا من خصوصياته وتحتاج لاستئذان للنظر فيها هذا ما اشعر به شخصيا ويمكن يكون خطا في منظور البعض ولكني بهذه الطريقه مريحه ومرتاحه والحمد لله
عليك بالدعاء والاستغفار واللجوء الى الله في جوف الليل
وهو خير عون وخير سند
​