السلام عليكم ...
اعتذر جداااااااااااااااا عن عدم دخولي الاسبوع الي راح حصلت فيه احداث كثيرررررررة
وقبل لا احكي ... والله انا مره فرحت على سؤالكم عني حتى بغيابي الله يرزقنا الي نتمناه ياااااااااااااارب ياكريم
وحشتوني كلكم وماراح اخص ناس وناس لا والله لانه كلكم عزيزين على قلبي
اما عني .. حكاية بدءت يوم الخميس 28- 5 طلعنا الصباح انا وام زوجي ورحنا على مول وانبسطنا وانا كنت ابغى شويه اشياء مالقيها بالمول هذاك فرجعنا البيت وتركنا ام زوجي ورحت انا واخت زوجي وسلفتي على مول ثاني .. يعني ما ارتحت في هذاك اليوم ابداااااااااا
ولمن رجعنا اتصلت علينا صحبت ام زوجي وطلبت اننا نزورها .. ورحنا لها على الساعه 1 بالليل تقريبا في درة العروس .. واحنا هناك كنت ادخل الحمام كثير .. وفي مره لمن جيت امسح لقيت لون بني فاتح زي لون الكراميل مايل للبمبى .. انا استغربت وخفت وطلبت منهم نرجع البيت .. ولمن رجعت البيت ما لقيت شيء ابدا ولمن قمت يوم الجمعه كان مافي شيء وفي نص النهار لقيت الله يكرمك برضو نقطه بنفس اللون .. وفي يوم السبت شرفت ست الحبايب بس كانت غريبه لونها اغمق مايل للسواد وقليله .. وانا المفروض دورتي يوم الاثنين موعدها الطبيعي .. لكن كل شيء جائز وحتمل حدوثه ..من بعدها اول مره اتالم واتازم نفسيا .. بس مابكيت لاني عارفه انه زوجي حيرفض اي نوع علاج بعد كدا ... ويوم الثلاثاء سافرنا على الرياض .. ويومتها حسيت بالم في ظهري ونزلت الدورة بلونها الطبيعي بشكل اكثر بقليل من الي قبله استمرت يومين وخلصت .. طبعا الي يالم اكثر انه كل اهل زوجي يسالوني ليه ماحملتي وايش معاكي وايش وايش .... وهذا يالم اكثر .. وفي خالة زوجي عانت كثير عشان تحمل بعد ولدها الاول يمكن حول 18 سنه قعدت وحملت بالباقين فسالتني وقعدت احكي لها انه عندي تكيسات وكدا قالت لي بس هذي ماتمنع الحمل .. قلت لها بس انا هرمون البرحسترون عندي ضعيف .. المهم الادميه عرضت علينا انها من معارفها تشوف لنا واسطه في مستشفى التخصصي بالرياض عشان اطفال الانابيب .. طبعا الموافقه بيد زوجي .. طلبت من امه تقوله وبالفعل قالت له اول امس وقالها طيب .. بس انا اعرف زوجي كل يوم على راي .. غير الخلافات الاخرى الي بيننا ومتعبه نفسيت وكل شويه ابكي ... طلبت منه اروح للدكتورة الاسبوع هذا عشان اشوف التبويض رفض وحاولت اقنعه انه باقي لي اشعه الصبغه كمان رفض ... الله يعيني والحمدلله على كل حال .......... ودعواتكم وسامحوني اني ما قدرت ابشركم ..
الله يرزقنا يارب بالحمل السليم .. والولد الصالح البار ... يارب يارب يارب