الي سافرت ماليزيا تدخل هنا ..

[سراااب]

السلام عليكم ..


حبيبااتي اتوقع انا ماقصرت معاكم كل وحده تبي خدمه ماااردها :in_love: عاد جاء الوقت الي ابطلب منكم خدمه وياليت ماتردوني ..

الي سافرت ماليزيا تقول لي عن كل شي بسافر انا واول مره اسافر لها وخايفه مااعرف ودي اعرف كل شي ..

يعني مثلا هناك عادي البس عبايه ولا البس بالطوا ولثمه

طيب العمله رخيصه ولا غاليه

وايش احلا الاماكن الي المفروض ماافوتها

وايش هي عملتهم وكم تساوي بالريال

ويصلح اخذ اطفال ولا لا لانهم صغار يعني ينخاف عليهم فيه خطر عليهم ولا لا

وهل الجو بارد عندهم ولا حاار

لان معاي بزران لازم خلاقين اذا برد

وشرايكم اسافر تبع مكتب سياحي ولا لا

انا بسافر هذي الصيفيه تتوقعون حر ولا برد؟

واكثر خلاقين ولا ؟

الاقي حليب لعيالي ولا اخذ معاي؟

وكم المده من السعوديه لماليزيا؟

وكل ابو شي قولوا لي كل شي عنها لاتبخلون علي الله يخليكم

وايش احسن الاسواق الرخيصه والحلوه

ماابي ماركات ملينا منها هنا ابي اسواقهم الحليوه والشعبيه

وايش الابراج الجميله فيها وواحلى الملاهي انا بصراحه اخاف على عيالي واخاف يضيعون :dunno:مدري شسوي

افيدوني الله يوفقكم

اختكم

سررررررراب

 

[للحب ندى]

اهلين حبيبتي سبع ساعات المسافة وجوها حلو لا برد ولا حر واسعارها تقريبا مثلنا بالسعودية وان شاء الله البنات يفيدوكي اكثر

 

[سراااب]

جزاك الله خير ابي معلومات اكثر لاتبخلون على سراب حبيبتكم

 

[أحلى عسل]

أهلين سراب معليش راح أنقل الموضوع للقسم اللي المفروض يكون فيه مواضيع حول السفر لأن هذا القسم للصور والمناظر الطبيعيه

 

[أحلى عسل]

السلام عليكم ..
وعليكم السلام

حبيبااتي اتوقع انا ماقصرت معاكم كل وحده تبي خدمه ماااردها :in_love: عاد جاء الوقت الي ابطلب منكم خدمه وياليت ماتردوني ..
ولايهمك اتفضلي ماراح نردك
الي سافرت ماليزيا تقول لي عن كل شي بسافر انا واول مره اسافر لها وخايفه مااعرف ودي اعرف كل شي ..
لاتخافي ياقمر ماليزيا ماتخوف بلد مسلمه والأمن فيها والحمدالله مافي شي يخوف
يعني مثلا هناك عادي البس عبايه ولا البس بالطوا ولثمه
عادي ياعسل روحي بعبايتك ونقابك مافي أي مشكله وراح تشوفي كثير سعودين بالحجاب الكامل
طيب العمله رخيصه ولا غاليه
تقريبا نفس عملتنا بس فرق بسيط
وايش احلا الاماكن الي المفروض ماافوتها
العاصمه كولالمبور ومدينة الألعاب جنتنغ وجزيرة بيننانج وجزيرة لانكاوي
وايش هي عملتهم وكم تساوي بالريال
عملتهم الرينجت وهي قريبه من الريال بس ماعرف كم تساوي بالضبط بس عموما فرق بسيط
ويصلح اخذ اطفال ولا لا لانهم صغار يعني ينخاف عليهم فيه خطر عليهم ولا لا
من ناحية انه في خطر عليهم لامافي خطر ولاشي بس انتي اذا تبغي ترتاحي وعندك أحد تخلي عيالك عنده راح يكون أفضل
وهل الجو بارد عندهم ولا حاار
جوهم حار طوال السنه لأنهامنطقه استوائيه وكل يوم مطر
لان معاي بزران لازم خلاقين اذا برد
جيبي اذا انتي رايحه مناطق جبليه مثل جنتنغ هايلاند وكاميرون هايلاند لأنه الجو فيها بارد
وشرايكم اسافر تبع مكتب سياحي ولا لا
أفضل طبعا مع مكتب سياحي عشان توصلوا وتلاقو كل شي مرتب
انا بسافر هذي الصيفيه تتوقعون حر ولا برد؟
حر طبعا
واكثر خلاقين ولا ؟

الاقي حليب لعيالي ولا اخذ معاي؟
خذي معاك أحسن يمكن ماتلاقي
وكم المده من السعوديه لماليزيا؟
من جده 8 ساعات ونص
وكل ابو شي قولوا لي كل شي عنها لاتبخلون علي الله يخليكم

وايش احسن الاسواق الرخيصه والحلوه
في سوق عنده أشياء رخيصه اسمه sogo والسوق الصيني عنده تقليد الماركات
ماابي ماركات ملينا منها هنا ابي اسواقهم الحليوه والشعبيه

وايش الابراج الجميله فيها وواحلى الملاهي انا بصراحه اخاف على عيالي واخاف يضيعون :dunno:مدري شسوي
طبعا البرجين التوأمين في كولالمبور والمناره كمان ومدينة الألعاب جنتنغ وفي حديقة الطيور والفراشات
افيدوني الله يوفقكم

اختكم

سررررررراب
أتمنى لك رحله سعيده وتروحي وترجعي بالسلامه تقبلي تحياتي
أحلى عسل

 

[كريستاله لامعه]

مرحبا اختي بصراحه احلى عسل ماشاء الله عليها ماقصرت كل شي قالته بس حبيت اقول عن العمله تصرفين 500بالريال يجي 497 تقريبا بعملتهم ... وانا انصحكـ تروحين لمكتب سياحي يزين الرحلات لكم ويحجز الفنادق لكم ... واذا بغيتي اي شي انا حاضره حبيبتي ... انا مسافره لشهر العسل بصرااااحه مدينه تستحق الزياره ...
عاد ما اوصيكـ لاتنسين الهدايا>>>>>هههههههههههه
ورحله سعيده حبيبتي تروحين وترجعين بالسلامه ....

 

[سراااب]

اشكرك احلى عسل واشكرركرستاله لامعه

واي اظافه تكفون لاتخبون علي

 

[سراااب]

ياليت الاقي معلوماات اكثر

واي اظافه خارج اسالتي قولوها

طالبتكم يابناات

 

[شمشونه]

الي سافرت ماليزيا تقول لي عن كل شي بسافر انا واول مره اسافر لها وخايفه مااعرف ودي اعرف كل شي ..

اهلييين اختي ان شاء الله اقدر اساعدك

يعني مثلا هناك عادي البس عبايه ولا البس بالطوا ولثمه

ممكن تلبسين عبايه وكثير هناك متغطين بس في نشاطات يبيلها بالطو مثل ركوب الجت والباراشوت

طيب العمله رخيصه ولا غاليه

عملتها اسمها رينجت
100 ريال رينجت تساوي 93 ريال سعودي
وتقريبا اسعارها زي السعوديه بس ارخص شوي من ناحية الاكل والمطاعم والسكن

وايش احلا الاماكن الي المفروض ماافوتها

احلا اماكن كوالالمبور وسيلانجور و وجزيرة بينيغ ومانصحك بجزيره لانكاوي لان نشاطاتها قليله وممكن نشاطاتها تلاقينها ببيننغ ..انا ندمت عليها مع انها بس يومين ..

وايش هي عملتهم وكم تساوي بالريال

جاوبتك فوق

ويصلح اخذ اطفال ولا لا لانهم صغار يعني ينخاف عليهم فيه خطر عليهم ولا لا

والله كثير شفتهم باطفالهم وفي نشاطات كثيره اذا عيالك شوي كبار

وهل الجو بارد عندهم ولا حاار
بموسم الصيف يرطبه المطر وانصحك بالصيف ارحم من المواسم الثانيه


لان معاي بزران لازم خلاقين اذا برد

اذا بتطلعين لمدينة جينتينغ لاند لازم تشيلين بلوزه واحده شتوي
جينتينغ لاند >> هي قريه سياحيه تبعد عن كوالالمبور ساعه بالسياره وهي عباره عند مدينه ترفيهيه كامله فوق الجبل وجدا بارده وتطلعين لها بتلفريك وفيها فندق اذا بغيتوا تسكنون فيها وممكن تطلعين لها بس يوم وتنزلين مثل ماسويت انا..

وشرايكم اسافر تبع مكتب سياحي ولا لا

المكتب السياحي انصحك عشان حجز الفنادق بس الاهم لاتطلعيين بقروب سياحي مو حلوو

انا بسافر هذي الصيفيه تتوقعون حر ولا برد؟

حر شوي والجو يتقلب اذا نزل مطر

واكثر خلاقين ولا ؟
انتبهي بالشحن لان انا وزوجي كثرنا الاغراض وصرنا لازم ندفع زياده وقت الشحن تقريبا 2000 ريال

الاقي حليب لعيالي ولا اخذ معاي؟
لا خذي منتجاتهم غير عن منتجاتنا

وكم المده من السعوديه لماليزيا؟
9 ساعات وانصحك تاخذين سياحي ولا افق الجلسه متعبه

وكل ابو شي قولوا لي كل شي عنها لاتبخلون علي الله يخليكم

وايش احسن الاسواق الرخيصه والحلوه
اسواق انصحك بالشارع الصيني في كوالالمبور يفتح بعد المغرب بس مختص بالساعات والشنط والملابس
واذا بتروحين بينينغ انصحك تسكنين بفندق رويال بارك او هوليدي ان لانهم احلى اطلاله وغير كذا بعد ماتغيب الشمس يفتح سوق مثل السوق الصيني ويمكن ارخص بعد

ماابي ماركات ملينا منها هنا ابي اسواقهم الحليوه والشعبيه
احلى اسواق الشعبيه

وايش الابراج الجميله فيها وواحلى الملاهي انا بصراحه اخاف على عيالي واخاف يضيعون :dunno:مدري شسوي
في برج التوين تاور ا( برج التوائم )لمعروف << بس لازم تحجزين قبلها بليله وتجين الساعه 6 او 7 الصباح لاجل تحجزين وتجبين جوازك معك ..
في برج الاتصالات اطول برج بالعالم اطلالته حلوووه وفي سوق بسيط فيه
وبسيلانجور روحي فندق سان واي في سوق تحته جدا رائع وفيه مدينه العاب مائيه كبيره مررره تنفع لعيالك..
واذا بتسكنين بكولالمبور انصحك تاخذين فندق ياقريب من التوين تاور او من الشارع العربي الشارع العربي مرره حلوو وفي مطاعم عربيه واكثر شارع فيه حركه, وفي اسواق لماركات عالميه ....
وفي جينتينغ الي قلت لك قبل عنها


افيدوني الله يوفقكم
ان شاء الله اكون افدتك وانا بالخدمه
نصيحه اخيره
لاتسنكين بمنتجع فندقي لان تكثر فيه الصراصير والبصاق وهالبلاوي

 

[السهم]

عزيزتي


قبل ما تروحين تاكدي من شي مهم انا جاني ايميل يتكلم عن تسونامي جديد راح يضرب اندنيسيا و ماليزياا والمالديف

 

[ترانيم دجلة]

السلام عليكم ..

أهلين اختي انا ساكنة في ماليزيا وان شاء الله اقدر افيدك
الي سافرت ماليزيا تقول لي عن كل شي بسافر انا واول مره اسافر لها وخايفه مااعرف ودي اعرف كل شي ..

يعني مثلا هناك عادي البس عبايه ولا البس بالطوا ولثمه
عادي تلبسي اللي يعجبك
طيب العمله رخيصه ولا غاليه
العمله هي الرنكت الماليزي ,,,الدولار = 3.5 رنكت
وايش احلا الاماكن الي المفروض ماافوتها
اولاً في العاصمة كوالالمبور : عندك مكانات كثير حلوه تبدأ فيها من التون تور - للتبضع (تايم سكوير- جينا تاون- السوق الهندي- بي بي في شارع العرب - ومولات كثيرة ومنتشرة في كل مناطق كوالالمبور )
للسياحة : حديقة الطيور- حديقة الزهور-حديقة الفراشات-مرتفعات جنتنج-صن اوي- مدينة الالعاب)
خارج العاصمة كوالالمبور : افى موسى (تبعد تقريبا ساعتين عن العاصمة - لنكاوي جزيره ثانية في ماليزيا- بينانج جزيرة ثانية في ماليزيا وتبعد خمس ساعات بالسيارة و45 دقيقة بالطائرة عن العاصمة كوالالمبور)
وايش هي عملتهم وكم تساوي بالريال
العملة الرنكت ولا اعرف كم يساوي بالريال لكن الدولار يساوي 3.5 رنكت
ويصلح اخذ اطفال ولا لا لانهم صغار يعني ينخاف عليهم فيه خطر عليهم ولا لا
مافي اي خوف على الاطفال
وهل الجو بارد عندهم ولا حاار
الجو تقريبا حار طيلة السنة لكن تبدي موسم الامطار في شهر سته ويستمر لغاية نهاية الشهر العاشر تقريباً يكون فيها الجو معتدل نوعاً ما وممطر يفضل حمل المظلة معكم اينما ذهبتم
لان معاي بزران لازم خلاقين اذا برد
ميحتاج ملابس ثخينه هو صيف لكن معتدل
وشرايكم اسافر تبع مكتب سياحي ولا لا
هذه تسئلي فيها اللي سافروا من بلدكم
انا بسافر هذي الصيفيه تتوقعون حر ولا برد؟
الجو معتدل
واكثر خلاقين ولا ؟
لا
الاقي حليب لعيالي ولا اخذ معاي؟
السوبر ماركتات هنا فيها كافة الانواع ,,,ايش النوع الي تستعمليه لعيالك؟؟؟
وكم المده من السعوديه لماليزيا؟
مو اقل من ست ساعات
وكل ابو شي قولوا لي كل شي عنها لاتبخلون علي الله يخليكم

وايش احسن الاسواق الرخيصه والحلوه

ماابي ماركات ملينا منها هنا ابي اسواقهم الحليوه والشعبيه
السوق الهندي - الحي الصيني
وايش الابراج الجميله فيها وواحلى الملاهي انا بصراحه اخاف على عيالي واخاف يضيعون :dunno:مدري شسوي
لا تخافين وبتكون سفرة سعيده جداً ان شاء الله
افيدوني الله يوفقكم

اختكم

سررررررراب

اي اسئلة اخرى انا حاضرة للاجابة

 

[بقايا روح.....]

سراااب[/U];2915511]السلام عليكم ..


حبيبااتي اتوقع انا ماقصرت معاكم كل وحده تبي خدمه ماااردها :in_love: عاد جاء الوقت الي ابطلب منكم خدمه وياليت ماتردوني ..

الي سافرت ماليزيا تقول لي عن كل شي بسافر انا واول مره اسافر لها وخايفه مااعرف ودي اعرف كل شي ..
اهلين ياحلوه..انا من عشاق ماليزيا واعرفها شبر شبرلاني زرتها تقريبا6مرات والصيف اللي مضى جلست فيها شهر ونص..تجنن..احس فيها بالراحه والامان اكثر من اي بلد ثاني حتى اكثر من مكان اقامتي هنا
يعني مثلا هناك عادي البس عبايه ولا البس بالطوا ولثمه
البسي عبايتك ياعمري لانك وانت هناك بتحسين انك في السعوديه والافي الكويت من كثر الخليجيين والعبايات
طيب العمله رخيصه ولا غاليه
العمله..الرنجت الماليزي..والمية ريال تصرفينهابتسعين رنجت تقريبا..وانا من شهر ونص كنت فيها وصرفت الميةريال ب97رنجت يعني كان حلو..حتى اني رجعت وصرفت بكم الف وجبتها معاي يوم لقيت الصرف حلو
وايش احلا الاماكن الي المفروض ماافوتها
طبعا هذا السؤال يبي له مجلدكامل لان الاماكن الحلوه فيها كثيره..بس اهم شي تروحين:
جنتنق..هذي منطقه مرتفعه..وبارده وضباب..وفيها العاب وفنادق وسوق ومطاعم وتلفريك..وافضل شي تجلسين فيها يومين الى 3اذا كانت رحلتك طويله..لانها مره روووعه
صن وي لاقون..هذي منتجع حلوفيه العاب جافه والعاب مائية وصالة تزلج رائعة وسوق كبيربضاعته تعجبني..قريب من المطار يبعد عن وسط كوالا40دقيقة تقريباوفيه فندق مره حلو وانا افضل ان اول يوم تاخون في الفندق هذا واذا اعجبكم تمددون..
حديقة الطيور..حلوه فيها انواع الطيور واستعراض حلو للطيورولابفوتكم تاخذون صوره تذكاريه مع الطيور
حديقة الفراشات..بصراحه مارحت لها راحوا اهلي وقالوا ماهي حلوه
الشلالات..اذاكنت تحبين الطبيعه والمشي بين الاشجار روحي انا عجبني ولاياخذ وقت طويل
الفراشات المضيئه..هذي رحله مختلفة شوي تروحين مكان بعيد بالليل,,وبعدين يركبونك قارب وتمشين في النهر وتشوفين اشجار فيها اضاءة صغيره..
مرتفعات برجايا هيل..هذي حلوه فيها ارانب وركوب الخيل ومباني فرنسيه..واشياء حلوه في آخر الجبل..اذكر كانت ممتعه خصوصا لما ركبت الخيل
التوين تاورز...طبعا المعلم الاساسي لماليزيا..لاتفوتك نافورته..تجنن..يسمونها نافورة العشاق..لها اوقات معينه تفتح الصباح والليل لحد 9تقريبا..انا اسكن في فنادق مطله عليها حتى استمتع بها..وطبعا تطلعين لاعلى البرجين بس قصي التذاكر بدري الصباح..وفيها سوق الklccحلو مررره..ومطاعم حلوه وقهاوي جوا وعلى النافوره تجنن..وفيها معرض تعليمي للبعد الثالث اتوقع لو حبيتي تحطين اولادك فيه وانت تتسوقين او تدخلين معاهم..والحديقة حقت الklccتجنن وفيها مسابح للاطفال يروحون لها اولادي احيانا يغيرون عن مسبح الفندق
شارع بوكيت بينتانغ..هذا شارع العرب بتلاقين فيه ربيعنا وحركاتهم الله يهديهم بس...مشهور بالاستعراضات..والاسواق والمطاعم..العربية..والقهاوي ومليان لاخر الليل احنا نروح احينا اذا تأخر الوقت بس اروح آكل واتعشى واشوف محلاته اللي تفتح لليل...بس من جد له جوه المختلف..بس ودك شبابنا يتأدبون فيه شوي
تايم سكوير..سوق اسعاره حلوه..وفيه ملاهي مره حلوه..ومطاعم وفيه سكن حلولو سكنتي فيه يكون احلى لان كل شي تحتك وجنبك
البافليون..مول كبير وفخم احب اتسوق منه وله بوابه على شارع العرب
لت تن...سوق حلو على شارع العرب
بي بي بلازا...سوق حلو ورخييييص بيعجبك للهدايا
تشاينا تاون..سوق صيني ورخيص تقليد الماركات ويفتح للساعة 11
السكن...طبعا احب اسكن في المثلث الذهبي اللي هو مكان التوين تاورز لأن كل المرافق جنبك

وايش هي عملتهم وكم تساوي بالريال
جاوبت فوق
ويصلح اخذ اطفال ولا لا لانهم صغار يعني ينخاف عليهم فيه خطر عليهم ولا لا
ابداااا ماينخاف عليهم..وانت معاهم
وهل الجو بارد عندهم ولا حاار
مو حار مره بس رطوبه...الله اذا نزلت الامطار هيجتي مشاعري ياحبي لها
لان معاي بزران لازم خلاقين اذا برد
خذيها خفيف وكت بعد يكون احسن
وشرايكم اسافر تبع مكتب سياحي ولا لا
انا من رأيي بلحالك من تخطيطك انت وزوجك
انا بسافر هذي الصيفيه تتوقعون حر ولا برد؟
حر
واكثر خلاقين ولا ؟
لاتكثرين اذا انت بتغسلين وتلبسين حتى مايصير عندك زيادة عفش لانك بتتسوقين اكيد
الاقي حليب لعيالي ولا اخذ معاي؟
اذا تقصدين الحليب الطازج اكيد تلاقين واذا هم رضع احسن خذي انواعهم معاك لانك يمكن ماتلاقين
وكم المده من السعوديه لماليزيا؟
من 7-8ساعات
وكل ابو شي قولوا لي كل شي عنها لاتبخلون علي الله يخليكم
امري ياعسوله اي شي تبينه راسليني.عالخاص..لان عندي اشياء كثيره بس ماادري وش تبين وطولت بالكتابه وزوجي بيجي نتغدى..وانا ماادري كم مدة رحلتكم وبتطلعون برى كوالالمبور والا كل الوقت فيها..انت جاوبيني واسألي اللي تبين انا حاضره..وحاسه فيك انا دخلت ادور عن كندا ونسيت نفسي وجلست ارد عليك..يالله انت عاد دوري لي عن كندا
وايش احسن الاسواق الرخيصه والحلوه
كلها حلوه انا اشتري من هذا وهذا بس والله حتى الرخيص استهلكه
ماابي ماركات ملينا منها هنا ابي اسواقهم الحليوه والشعبيه
جاوبتك فوق

وايش الابراج الجميله فيها وواحلى الملاهي انا بصراحه اخاف على عيالي واخاف يضيعون :dunno:مدري شسوي
لاتخافين..خليك معاهم وودعيهم ربي
افيدوني الله يوفقكم
تقدرين تستفيدين اكثر من العرب المسافرون بالتفصيل الممل..واذا احتجتي انا في الخدمة
اختكم

سررررررراب

اختك بقايا روح

 

[سراااب]

الي سافرت ماليزيا تقول لي عن كل شي بسافر انا واول مره اسافر لها وخايفه مااعرف ودي اعرف كل شي ..

اهلييين اختي ان شاء الله اقدر اساعدك

يعني مثلا هناك عادي البس عبايه ولا البس بالطوا ولثمه

ممكن تلبسين عبايه وكثير هناك متغطين بس في نشاطات يبيلها بالطو مثل ركوب الجت والباراشوت

طيب العمله رخيصه ولا غاليه

عملتها اسمها رينجت
100 ريال رينجت تساوي 93 ريال سعودي
وتقريبا اسعارها زي السعوديه بس ارخص شوي من ناحية الاكل والمطاعم والسكن

وايش احلا الاماكن الي المفروض ماافوتها

احلا اماكن كوالالمبور وسيلانجور و وجزيرة بينيغ ومانصحك بجزيره لانكاوي لان نشاطاتها قليله وممكن نشاطاتها تلاقينها ببيننغ ..انا ندمت عليها مع انها بس يومين ..

وايش هي عملتهم وكم تساوي بالريال

جاوبتك فوق

ويصلح اخذ اطفال ولا لا لانهم صغار يعني ينخاف عليهم فيه خطر عليهم ولا لا

والله كثير شفتهم باطفالهم وفي نشاطات كثيره اذا عيالك شوي كبار

وهل الجو بارد عندهم ولا حاار
بموسم الصيف يرطبه المطر وانصحك بالصيف ارحم من المواسم الثانيه


لان معاي بزران لازم خلاقين اذا برد

اذا بتطلعين لمدينة جينتينغ لاند لازم تشيلين بلوزه واحده شتوي
جينتينغ لاند >> هي قريه سياحيه تبعد عن كوالالمبور ساعه بالسياره وهي عباره عند مدينه ترفيهيه كامله فوق الجبل وجدا بارده وتطلعين لها بتلفريك وفيها فندق اذا بغيتوا تسكنون فيها وممكن تطلعين لها بس يوم وتنزلين مثل ماسويت انا..

وشرايكم اسافر تبع مكتب سياحي ولا لا

المكتب السياحي انصحك عشان حجز الفنادق بس الاهم لاتطلعيين بقروب سياحي مو حلوو

انا بسافر هذي الصيفيه تتوقعون حر ولا برد؟

حر شوي والجو يتقلب اذا نزل مطر

واكثر خلاقين ولا ؟
انتبهي بالشحن لان انا وزوجي كثرنا الاغراض وصرنا لازم ندفع زياده وقت الشحن تقريبا 2000 ريال

الاقي حليب لعيالي ولا اخذ معاي؟
لا خذي منتجاتهم غير عن منتجاتنا

وكم المده من السعوديه لماليزيا؟
9 ساعات وانصحك تاخذين سياحي ولا افق الجلسه متعبه

وكل ابو شي قولوا لي كل شي عنها لاتبخلون علي الله يخليكم

وايش احسن الاسواق الرخيصه والحلوه
اسواق انصحك بالشارع الصيني في كوالالمبور يفتح بعد المغرب بس مختص بالساعات والشنط والملابس
واذا بتروحين بينينغ انصحك تسكنين بفندق رويال بارك او هوليدي ان لانهم احلى اطلاله وغير كذا بعد ماتغيب الشمس يفتح سوق مثل السوق الصيني ويمكن ارخص بعد

ماابي ماركات ملينا منها هنا ابي اسواقهم الحليوه والشعبيه
احلى اسواق الشعبيه

وايش الابراج الجميله فيها وواحلى الملاهي انا بصراحه اخاف على عيالي واخاف يضيعون :dunno:مدري شسوي
في برج التوين تاور ا( برج التوائم )لمعروف << بس لازم تحجزين قبلها بليله وتجين الساعه 6 او 7 الصباح لاجل تحجزين وتجبين جوازك معك ..
في برج الاتصالات اطول برج بالعالم اطلالته حلوووه وفي سوق بسيط فيه
وبسيلانجور روحي فندق سان واي في سوق تحته جدا رائع وفيه مدينه العاب مائيه كبيره مررره تنفع لعيالك..
واذا بتسكنين بكولالمبور انصحك تاخذين فندق ياقريب من التوين تاور او من الشارع العربي الشارع العربي مرره حلوو وفي مطاعم عربيه واكثر شارع فيه حركه, وفي اسواق لماركات عالميه ....
وفي جينتينغ الي قلت لك قبل عنها


افيدوني الله يوفقكم
ان شاء الله اكون افدتك وانا بالخدمه
نصيحه اخيره
لاتسنكين بمنتجع فندقي لان تكثر فيه الصراصير والبصاق وهالبلاوي

الف الف الف شكر كفيتي ووفيتي

الله يوفقك يااارب

واذا احتجت شي ولا يهمك برجع لك

<< ماتنعطى وجه

وش تبين اجيب لك هديه من السعوديه بما انك ساكنه بماليزيا؟

 

[فوالـــه]

ماليزيا واااايد حلوة وعائليه فيها كل شي حتى المطاعم العربيه
أحلى مكان عجبني الكاميرون هاي لاندز لا تفوتيه روعه الجو حلو
بس الاخت احلى عسل ماقصرت قالت لج كل شي
البسي عباتج وخذي عبي على عدد الأيام لانها تتوسخ بسرعه
وموفقه (انا خذت معلوماتي من النت- بس ماقدر أحطلج اسم المنتدى هني)

 

[سراااب]

ترانيم دجله ياحبيلك ماقصرتي ياغلاتي

شتبين اجيب لك من السعوديه محتاجه شي ماشيات لاتستحين

وياليت نشوفك هناك

اوك حبيبتي

 

[noor oman]

انا بعد رحت شهر العسل ماليزيا وبصراحة روووووووووووعة وزوري كل الاماكن لان كل مكان اروع عن الثاني وخاصة لما تروحي بالتلفريك الجو باااااااااارد والالعاب ولا اروع خاصة لليهال اللي عندج
واسواقهم حلوة والمجمعات عندهم بعد كثييييييرة وفيها اشياء حلوة
واذا تبي فندق مرتب وحلو وامن روحي سويس جاردن واايد حلو وهاي كلاس بعد

 

[noor oman]

وعادي اذا بتروحي بعباتج بس انا افضل انج تلبسي بالطوا احسن لان بتمشي وايد والعباية بتتوسخ بسرعة

 

[سراااب]

اختك بقايا روح

الف الف الف شكر كفيتي ووفيتي

لاحرمكي الله الاجر

عساكي تروحي لكند وترجعي سالمه وغانمه

انا اهلي راحوا لكندا ويمدحونها حيل حيل

انصحك اهم شي بمعلمهم المشهور شلالات نياجرا فولس تجنن بالليل والنهار

حمستيني اروح ماليزيا اللحين قبل الصيف

يسلممووووووووو

 

[سراااب]

نور عمان الف شكر

ماقصرتي

 

[سراااب]

هنهنهنههعهع ؤ