::يارب لايحرمني منكم كلكم:::
::بنات انا زوجي ..مطنشي بالمرررة ..طبعا ماجبت جديد:::
::يعني لا مصروف ولا قعدة ولا يسولف:::
::وحياته انتقاد وبس:::
::أنـــــــــــــــــــا اطالب بالمصروف وبقوة ويقول انتي ماتقدرين الضروف:::
::تعبت وانا اتحمل اسرافه:::
::المهم هو زانقني باللمرررة:::
::وهاليومين شكله يمهد مع اصحابه لسفرة:::
::بنات انا لو سافر بموت بنجن..انا بصراحه ضيعته باني اسمع كلامه وانسسحب ماابغى مشاكل:::
:::بس الححين الوضع غير ..هو من سنه واعدني بسفرة؟؟؟ولا حياة لمن تنادي:::
::وكمان اي شئ اطلب منه مامعي فلوس..وانا حاطة اكس على السفر:::
::وصار نقاش بينا قلت ياانا يالسفرررررر:::
::بنات انقذوني ..انا مرررة طفشانه وزهقانه ولا اني عارفه اتصرف:::
::وخايفه اخررررربها...وشكلها خربانه:::
::انا مليت للنخاع ..تكفون دلوني:::
::الله لا يحرمني من الجميع..وربي هونتي على بكلامكم:::
حبيبتي
كنت مثلك اتضايق من سفره
وكان يسافر تقريبا كل شهر ( طبعا لتجارته يوم يومين اسبوع)
وماكان يرضى ياخذني بحجة انه مايبي يجرجر حريم معاه على قولته
وانا كنت ادري انه ينبسط ويستانس هناك
طبيعه ومناظر وسينما وكل مافيه وناسه ( غير الحريم طبعا وهالشيء من فضل ربي)
كنت استسلم واخليه يروح ومن يسكر باب البيت اشتغل بكى وصيااااااااح
خاصه اني في مدينه بعيد عن اهلي
وكل مره يوعدني بيسفرني سفره خاصه فيني
وايش احصل
نص يوم بالبحرين وانتهينا:schmoll:
ايش صرت اعمل
لما يقول لي بسافر
اقول له سفرني عند اهلي مااتحمل الجلسه لوحدي
او هات امك تنام عندي--->> وانا ادعي ربي في سري مايسويها:bigsmile:
طبعا ولا حصلت هذي ولا هذي
صرت كل ماجاء طاري السفر وقال بيسافر قلت له وانا مبتسمه
" الله يوفقك ويونسك بسفرتك"
وبس يطلع ادعي ربي " اللهم اني استودعتك اياه فاحفظ قلبه وسمعه وبصره وسائر جسده ورده إلي ردا جميلا"
واقفل جوالي
اشغل نفسي بالريااااااااضه
اكرف نفسي كرف لين يبين اني تعبانه وسهرانه ومرهقه
طبعا يتصل يتطمن الجوال مقفل
والثابت فصلت بطارية الكاشف وركبت بطاريه منتهيه حتى مايشتغل ولما يرجع مايلاقيه ممسك علي لأني ما ارد على اتصالاته
كان يحترق طول سفرته
وكل مره اعمل نفس الحركه
يتصل ما ارد وجوالي مقفل
ويجي يلاقيني مرهقه من الرياضه ونحفانه شوي
سافر حوالي 7 سفرات وكل مره يجن
بالنهاية ماعاد يسافر عشان ماياخذني:thumbdown:
وبدأت العب على جهه ثانيه
كل إجازة اهلي يسافرون وخاصه بالصيف
صرت اطلبه اني اسافر معهم اول مره وافق عشان يفتك من حنتي وما اقول له سفرني
بس لما جينا للمصروف
طلبت 5000 :showoff:
السفرة كانت 10 ايام
و5000 علي انا وولد عمره سنه ونصف كثييييييييييير
طبعا جن جنونه وعصب
قال ليه انتي بتنامين على الفلوس او تفرشينهم سفرة لأكلك
رديت بدلع وغنج
انا حرم فلاااااااااااااااااااااااان الفلااااااااااااااااااااني
واول مره اسافر مع اهلي بعد الزواج
لازم يشوفون المستوى اللي يليق فيك:harhar1:
سكت
وبعد تفكير وتمحيص ويقلبها بمخه يحاول من هنا من هنا
قال بعطيك 3 بس وانتي دبري عمرك
قلت اوكي و وشكرته بكم حركه ودعيت له ربي يرزقه ضعفهم عشان فرحني
وسلمني اياهم بيدي بصعووووووووووبه لما خلاص جيت اطلع من البيت وانا احسه متحسف اني بصرف هالمبلغ وانا مستانسه لوحدي
المهم
اول يوم سفر دخل بحسابي 3 ثانيين
وارسل لي رساله اني اودعت لك مبلغ واستانسيولا تحرمين نفسك شي
طبعا مارديت إلا بعد يوم كأني لاهيه عن الجوال ومبسوطه
ورديت عليه برساله وشكرته
خلصت السفره ورجعت له زايده كم كيلو
والمود اكثر من ممتاز وطبعا مانسيته بهديه محترمه ب2000
ورجعت له 400 ريال قلت بقى معي من سفرتي وما أخذهم قال خليهم لك
وبيني وبينكم ( كان باقي معي 1400 بس ركنتهم على جمب للطواريء)
المهم
الشمالي مايمشي بالعناد ابدا وبنفس الوقت لازم يحس انك تحبين نفسك وتدلعينها
والحمد لله
الحين له سنه ماسافر لوحده ابدا مع ان اشغاله متعطله :detective2:
وواعدني بسفرة هالصيف وان شاء الله تصدق
..
