(»'¨¯¨ الشرقي ( 2 ) رجل النظام والتطبيق ¨¯¨'«)

[صووفي]

السلام عليكم

عزيزتي اميرة الالماس
شكرا على ردك وكلماتك الطييبه
اتمنى لك من قلبي كل الخير
وشكرا مره اخرى:blush-anim-cl:​

 

[أميرة الالماس]

الله يجزاك الجنة يالغالية ,,,

 

[lo0omiah]

السلام عليكم احس البنات شردو من هالنقطه ماشوووووووف في تفاعل

انزين حبيباتي حبيت اسألكم عن كتاب الدكتورة ناعمه عن البوصله نزل ولا بعده؟؟

 

[برق ومطر]

مرحبا حبايبي صارلي فتره مايفتح معي المنتدى والله فقدتكم ان شاء الله كلكم تمام
بالنسبه للاستفتاء عن الشرقي والزواج البنات جاوبو انا ماجربت زوجه ثانيه الله لا يجيبها علي ولاعلى كل اخواتي العزيزات على قلبي خاصه بنات بلقيس

 

[الليالي]

[هل تشعرين أن الشرقي يعشق النساء ؟؟


يحبهم بس من بعيد بصبصه يعني
ساعات اسوي بودي قارد ع عيونه وساعات اقولااا مالو دااعي

هل تشعرين أنه يريد الزواج بأخرى ؟؟
هو يقووول بس مادري احس بيحتاج لمجلدات عشان يقرر


هل سبق وأن صرح لكي الشرقي بانه يريد الزواج ؟؟
ايوةة ,,بس مادري ما احس انو بيتزوج مش اخلاااص لالا
بس مرينا بمواقف كان بيدة يتزوج
بس مادري لو سواهاا

هل تزوج الشرقي عليك أو بواحدة من قبلك ؟؟
تزوج قبلي بس ما استمر الزواج يعني اتقدم لي وهو خلاص مطلق


هل يميل الشرقي عند التعدد على جمع زوجاته أم أنه يفكر في التخلص من واحدة ؟؟
هو تقريبا اناني اهم شي راحته


ما السر وراء تكرار الشرقي لفكرة الزواج ؟؟
هو مايفكر تفكير جازم..بس يبغاني اغار عليه..عشان ينبسط
يعني يحس بمتعه شديده اذا شافني اتعذب عشانه..
واذا قلت مجرد خيااااااااااال مااقدر اتحمل
او قلت قلبي مو قادر يشوف وحده تشاركني
يا أنا يا هي
خلاااااااااااص يستااااااااانس
انا معاك في هاي النقطه يا محرومةمن زوجي



ما الهدف من وراء زواج الشرقي بالثانية وماهي الاسباب ؟؟
اتوقع راحته
او تطنيش اللي عنده يعني ماتهتم بالعواطف قد ماهي مهتمه بالترتيب والنظام


اذا كنتي تعاني من تجربة ما أذكريها ؟؟ سواء لك او لاحدى صديقاتك ؟؟
اعرف وحده زوجها شرقي مووووووت
تزوج عليها هي ماعليها قاصر ماشاء الله جمال واخلاق ونظاميه زي الساعه لكن مشكلتها اهمال العواطف جداا .. واهمال نفسها له
تزوج عليها وحده غربيه دلوعه ؟؟عربجيه شوي
لكنها صارت زي الساعه معاة بس احتفظت بغربيتها من تغيير ودلع وتجديد ومرح..والاهم المهم ما اهملت العواطف ابد
واهتمت بصحته فوق المعقووول حتى انها سلبت مخ مخ عقله


هل إذا تزوج الشرقي تظل مشاعره ثابته أم يميل لاحداهن ؟؟
يميل يمييييييييييييل

 

[أميرة الالماس]

اجابتكن رائعة ...


الي هربوا وينهم ..


خخخخخخخخخخخخخخخخ​

 

[أميرة الالماس]

مرحبا حبايبي صارلي فتره مايفتح معي المنتدى والله فقدتكم ان شاء الله كلكم تمام
بالنسبه للاستفتاء عن الشرقي والزواج البنات جاوبو انا ماجربت زوجه ثانيه الله لا يجيبها علي ولاعلى كل اخواتي العزيزات على قلبي خاصه بنات بلقيس

مو كل الي جاوبوا متزوجين عليهم ..

جاوبي بخبرتك ..

هلا فيك ...​

 

[أميرة الالماس]

يسعد أوقاتكم

هلا أميرتنا

بدي أقنعه
انه مزاجي الملخبط وقت "آنسة فراشة " زي ما تسميها وحدة غالية على قلبي
(الله يكرمك )

مالي شغل فيه!!!!

و انه أمر كتب علي بنات حواء و المرأة بسبب الخرموانات يتلخبط مزاجها​

اوووه ..

توني فهمت ..

خخخخخخخ

والله نجوم السماء اقرب لك ...

خخخخخ

انا يوم كنت وحام ظاهره كانه مقتنع الي فيني وحم ..

يوم ولدت قال كنت احسك كذابه ...

الشيء الي تقولينه خراط وكذب ومستحييل يصير انتم بس تتدلعون يالنسوان ...

:tears::tears::tears::tears::tears::tears::tears:​

 

[برق ومطر]

انا بجاوب ترى ماتهربت بس مابي تكثر الردود وهي مكرره

[هل تشعرين أن الشرقي يعشق النساء ؟؟

لا ولكن يبصبص على خفيف حاله حال الرجال احنا النساء اذا مرة وحده عباة كتف متكتشخه كنها رايحه زواج تلفت انتباهنا وشلون الرجال بس

هل تشعرين أنه يريد الزواج بأخرى ؟؟
لا احس كلام من ورا قلبه لما تكون فيه مشكله يقول بدال الحرمه حرمه

هل سبق وأن صرح لكي الشرقي بانه يريد الزواج ؟؟
لا بس تهديد ترا اقدر اتزوج
هل تزوج الشرقي عليك أو بواحدة من قبلك ؟؟
لا الله لا يجيبها علي ان شاء الله
هل يميل الشرقي عند التعدد على جمع زوجاته أم أنه يفكر في التخلص من واحدة ؟؟
يمكن يميل لوحده اللي فاهمه روتينه
ما السر وراء تكرار الشرقي لفكرة الزواج ؟؟
لا مايفكر بالزواج لاني مريحته وفاهمه نظامه واتحاشا اي شي يزعله ولي مواقف معه ومع اهله ماينساها
ما الهدف من وراء زواج الشرقي بالثانية وماهي الاسباب ؟؟
مالي تجربه مع الثانيه الله لا يجيبها
اذا كنتي تعاني من تجربة ما أذكريها ؟؟ سواء لك او لاحدى صديقاتك ؟؟
لا وماعرف احدله تجربه
هل إذا تزوج الشرقي تظل مشاعره ثابته أم يميل لاحداهن ؟؟
اتوقع يميل للي تريحه لانه يدور راحة نفسه وبس
هاه وشرايك باجاباتي يا اميره الالماس يا عسل

 

[لحن حياة]

oh MY



لدي الدرجو يعني



ما في لميحة مو لمحة

لميحة ( تصغير لمحة) أمل


الله يكون في العووووووون

 

[جنراله]

الشرقي وتعدد الزوجات​

هل تشعرين أن الشرقي يعشق النساء ؟؟​

لالالالا ليس عشقا وانما بصبصه ماشاء الله تعالي شوفي ادا رحنا للسوق والله اناظره من تحت لتحت ماشاء الله مايقصر والله ادا مرت مراه شكلها ملفت انا ادري انه بيناظرها على طول اتكلم معه على الاقل ادا راحت هدي الملفته وابعدت ارتاح لانه والله يناظر بس ماشاء الله مايوضح عليه يعني احاول اشغله

هل تشعرين أنه يريد الزواج بأخرى ؟؟​

والله ماادري بس الحمدلله ما يجيب طاري يمكن لانه الحين مااسس المستقبل وتفكيره وهمه المستقبل

هل سبق وأن صرح لكي الشرقي بانه يريد الزواج ؟؟​

لالالا وعمره ماصرح يارب جعلني اعيش انا وهو طول عمرنا مقال ابغى اتزوج من اخرى يارب وزوجات الشششرقيين كلهم والمسلمات كلهن اللهم اااامين

هل تزوج الشرقي عليك أو بواحدة من قبلك ؟؟​

لالالالالالالالالالالالالالا

هل يميل الشرقي عند التعدد على جمع زوجاته أم أنه يفكر في التخلص من واحدة ؟؟​

اتوقع بيتخلص من واحده لانه بيعيش في قلق

ما السر وراء تكرار الشرقي لفكرة الزواج ؟؟​

اتوقع هو عقابه

ما الهدف من وراء زواج الشرقي بالثانية وماهي الاسباب ؟؟​

لانه يدور حول الكمال والشيء الثاني ادا لم يشبع عاطفيا وجنسيا

اذا كنتي تعاني من تجربة ما أذكريها ؟؟ سواء لك او لاحدى صديقاتك ؟؟​

لالالالالا ماادكر

هل إذا تزوج الشرقي تظل مشاعره ثابته أم يميل لاحداهن ؟؟​

لالالالالالالا مستحيل اكيد بيميل لااحداهن انا شرقيه واقيس على نفسي بس والله هدا الصدق انه لازم بيحب وحده مستحيل الثنتين

مششششكوره اختي والله نقطه هدي تخوف مره اتخيل اشكالنا كانا نمشي على اشواك مدري وشلون جاني هاالتخيل بس والله من جد حساسه النقطه ههههههههه:harhar1:

 

[أميرة الالماس]

اجاباتك روعة ..

10 على 10

شاطرة حليتي الواجب ..​

 

[أميرة الالماس]

جنرالة من صدق النقطة هذي جدا حساسة ..


وتوجع في القلب ​

 

[أميرة الالماس]

هناك أشياء أساسية إن لم يجدها الشرقي في زوجته ربما يدفعه الامر الى الزواج بأخرى وهي ...


الجنس . . لابد ان يكون جنس مثالي وراقي ..

التنظيم والنظام والنظافة .. حتى لو لم يخبرك بهذا الشي ء ...

والاطفال ... لابد ان يكون لدية اطفال ...​

 

[أميرة الالماس]

ماهي النقطة القادمة التي تريدون الحديث عنها ...؟؟؟؟؟؟؟؟؟؟​

 

[green ross]

احس اني ملخبطه مب عارفه من وين ابدا مع الشرقي
ساعدوني ....

 

[أميرة الالماس]

احس اني ملخبطه مب عارفه من وين ابدا مع الشرقي
ساعدوني ....

اعطينا الي عندك عشان نقدر نساعدك ...

اش المشكلة بالضبط ..​

 

[green ross]

انا من قبل مهتمه فنفسي و مدلعتها:icon31: ... بس بعد ما قريت مواظيعج :busted_red:عرفت شو يحب:busted_red: و غيرت من نفسي قصدي شكلي يعني اول كان شعري اشقر و غيرته للغامق وخليته يطول و غيرت اللبس مع اني احب الجينز و البسه من فتره لفتره... و اهتميت بالنظافه:flex: و الترتيب لاني فوضويه شويه بما اني غربيه صرت ارتب كل شي و خليت غرفتي هاديه و مرتبه واااااايد:flex:
حتى الحمام الله يعزج خليت جوه نفس جو الفنادق ...
بس مب عارفه اتعامل معاه هو:nosweat: يعني يوم يشوف هالتغيير الي صار يستانس و يقولي يا سلاااام:smoke1:... حتى اني صرت اطبخله لاني فحياتي ما طبخت حتى فبيت اهلي ما طبخت و عند اهله نفس الوضع يعني الطباخ الي يطبخ ... فصرت اوقات اطلع الطباخ و اطبخ الغدا مثلا..:essen:
هو صاير يوصل البيت من وقت يعني ما صار يسهر واايد بس مب عارفه اتواصل معاه ؟؟؟ مب عارفه ؟؟:sadwalk:
اذا قعد عندي ما يتكلم و انا صرت اسكت يوم اشوفه ما يتكلم :shutup:
حتى و هو يتعشى ما ينطق باي حرف؟؟؟ و بعد العشا ما يتكلم
و الكلمه الوحيده الي يقولها يالله نرقد .. و انا :shutup:
هل هذا الشي طبيعي ؟؟:dunno:
اتعرفين من يوم صرت اقرا عن الشرقي:santa_1: بديت احبه .. لاني الصراحه من قبل كنت كارهته و حاسه انه ما يحبني:tears: و يعاندني و يبي يقهرني ..

فديتج انتي من قبل قلتيلي انه يعاقبني ..هو يحب يعاندني و يقولي انتي تعاندين .. اقوله انا ما اعاندك انا اناقشك عشان اقنعك .. يرد يقولي ما اريد نقاشات و كلمتي وحده :santa_1:
خاطري يسمعني يوم اتكلم
خاطري يوم اتناقش معاه يتقبل اقتراحاتي
خاطري يوم اقوله خاطري اطلع وياك يطلعني :a049:
اتعرفين لو قلتيلي اتنازلي عن هالاشياء لان طبعه ما بيتغير و هو هذا الشرقي بتقبل و بسكت
بس ابا اعرف هذا الشي في كل شرقي؟؟
ادري اني ملخبطه فالكلااام:nosweat: ههههههه>>>> غربيه الاخت:nosweat:
و صدق صدق تعبتج وياي و دوختج بكثره القرقره .. يزاج الله خير و الله يسخرلج ريلج و عيالج

 

[green ross]

كيف نعاقب الشرقي :tongue: يا ريت تقوليلنا

 

[همس الياسمين]

مرحبا ،،

شلونكم بنات حبوبات وأمورات ؟؟

وحشتوني موووووت

بس آنا متضايقة من شغلة ولي ملاحظة بسيطة يا ريت تقبلونها بصدر رحب :icon26:

المواضيع اللي تنطرح مهمة في التعامل مع الشرقي

لكن احس النقاط تمر مرور سريع ... يعني ما صرنا مثل قبل


تعودنا يكون الموضوع عبارة عن أسئلة يتبعها تحليل ونقاش
وبالأخير نوصل لنقاط مشتركة

بس اللي صاير أن البنات يجاوبون على الأسئلة وننتقل بعدها لموضوع ثاني بدون نقاش وتحليل


أتمنى انكم ما زعلتو مني

أحبكم :icon26:
​