سوالـــــــــــــــــ زوجات (2)الشمالي ـــــــــــــــف

[((تالا))]

مساء الخير حبوبة - أنا شمالية وزوجي شمالي غربي
المشكلة : لايوجد تفاهم ابدا - وكذلك يطق عيالة عمرهم سنتين وسنتين ونص
المشكلة انة وضع لي تسجيل في تلفون البيت من سنتين وكنت اقول كل شي لاهلي و الحين صار يطقني بدون رحمة وصار مايهتم فينا كلش
المطلوب : أبية يحترمني و يثق فيني و لايطقني لاني الان تعيسة

يوووووووووه ياعمري انتي انا دايم اقول ان الشمالي الغربي فيه شك بس يقولون مايشك استغربت والله انا مثلك عانيت من ناحية الشك منه وهو شمالي غربي
​

 

[&Athari&]

انتظر منكم مقترحات عن النقاط التي تريدون طرحها للنقاش بموضوعنا
سوءا كانت بشخصيتك او بعلاقتك مع زوجك
اقول لكل وحده انضمت معنا للنقاش اقراي الملفات كما هي بالترتيب


_____________________________

​

]مساء الخير حبوبة - أنا شمالية وزوجي شمالي غربي

​

المشكلة : لايوجد تفاهم ابدا - وكذلك يطق عيالة عمرهم سنتين وسنتين ونص
​

المشكلة انة وضع لي تسجيل في تلفون البيت من سنتين وكنت اقول كل شي لاهلي و الحين صار يطقني بدون رحمة وصار مايهتم فينا كلش
​

المطلوب : أبية يحترمني و يثق فيني و لايطقني لاني الان تعيسة
​

الضرب والتحقير موضوع تكلمنا عنه بالتفصيل بملفنا الاول ووضعنا استراتيجية
الدكتورة موزه
ارجعي له لانه مفيد جدا بس للي يطبق مو للي يقرأ بس
وبالنسبة للعيال الشمالي ابعدي عياله عنه اذا كان منفعل
او بوقت مو مناسب له
حاولي قدر الامكان

​

والله حيرتوني انا صنفت زوجي طلع شمالي شرقي بس من كلامكم حسيت انه الشمالي انسان عملي بحت وبخيل عاطفيا لكن زوجي حبه للعمل متوسط يعني يحب يغيب لكنه منتج في العمل والحمدلله يقول كلام حلو ويمدحني ويوم يحس اني زعلانه او طفشانه مووت يمشيني لأي مكان ابيه .. بس الشي اللي خلني احس انه شمالي شرقي طبعا مايحب السوق ابدا وملتزم وغيووور ومايحب الجمعات كثير وبيتوتي ودايم ماشاء الله يفكر بالمستقبل والمشاريع بس مشكلته يعصب بسررعه ويسب هل هو شمالي شرقي ولالا؟؟

الشماليين يختلفون
واضح زوجك شمالي شرقي

​

-حددي نمطك0000000انا جنوبيه 0 ونمط زوجك 000000شمالي000وعمر الزواج00سنتين وتسعة اشهر000( اذا كان يلزم بالمشكله ذكره)

​

2- ماهي المشكله بالضبط0
​

زوجي هاجرني من سنه تقريبا والتفاصيل هنا

​

00000000000000000000
​

3- مالذي تريدين الحصول عليه
​

0000000000000000000000ودي ارجع زوجي واكسب حبه وقلبه من جديد انا صرت محبطه من كثر الصدمات اللي تلقيتها وآخر حل توصلت له هو قطع العلاقه معه لأنه حطمني كثير
​

000000000000000000000
​

اعتقد ان زواج سنتين وهجرك سنه يعني جلست معه كم شهر !
ليه ؟؟
ايش المشكله العظيمه اللي مو قادرين تحلونها الا تتركين بيتك
وايش التنازلات اللي تتكلمي عنها بفتره قياسيه !
ولو كان فيه فخطأك انك بهالسرعه تنازلتي وحبيتي وعطيتي وماادري ايش ؟
اعتقد انك تبالغين بعواطفك وتحلين المشاكل بانفعال
استغرب انك من سنه هاجره بيتك وانت زواجك من سنتين بس !
يعني لا مطلقك ولا مرجعك
وين موقف اهلك ؟​

وعندك بنت !
شوفي اختي الموضوع محتاج قرار من اهلك
هو تزوجك وهو عارف انك موظفه يعني المفروض حاسب حسابه
وماله حق يطلبك تتركينها او يطشك ببيت اهلك
لان تنازلك الان يعني انه كل ماغبى منك شي ورفضت راح رماك عند اهلك
عشان توافقين هذي مو حياة زوجيه !
القرار عند اهلك
كلمه ورد غطاها
يناديه اي احد من اهلك مو تستنونه يجي
وتتفاهمون معاه
اذا انت تبين وضيفتك ولا زوجك ؟
استخيري بقرار البقاء في وظيفتك وبعدها بلغي ولي امرك بقرارك سواء البقاء فيها او تركها وانهي هالموضوع
مع اني اعتب عليك ان الموضوع وصل لهذه المرحله

​

حددي نمطك ؟

​

نمطي جنوبيه غربيه
​

نمط زوجك ؟
​

زوجي شمالي غربي
​

عمر الزواج سبع سنوات


​

ما هي المشكله بالضبط ؟
​

باختصار اريد ان اكسب ام زوجي لكنها تصدني دائما بالكلام التافه الذي تلقيه في وجهي كلما رأتني
​

ثم اني حساسه جدا يا عذاري اي انني بعد كل كلمة تقولها لي تجرحني افكر لمدة شهر مثلا في تلك الكلمه
​

ايضا انا كنت في الماضي عصبيه معها جدا انفعل بسرعه وهذا ما جعلها هكذا معي اليوم
​

كنت انفعل وعصبيه بسبب عصبيه زوجي الشديده معي فأنا وهو كنا نعاني حرمان وجوع عاطفي وجنسي شديد جدا بسببي لاني كنت امنعه عني


​

ما المطلوب ؟
​

اخطأت واريد ان اعترف الان انها تتصرف هكذا معي وترمي كلام مستفز بوجهي بسببي انا لاني كنت انفعل عليها كثير في الماضي
​

اليوم انا اريد ان اصلح الوضع فما هي الخطه او الطريقه السليمه التي تنصحيني بأتباعها لاكسب قلب ام زوجي
​

واستعيد مكانتي عندها وعند ابو زوجي الذي كان يحترمني ويحبني لدرجه انه يحكي لي عن الذي يضايقه بأبنته مثلا
​

مع اني زوجة ابنه لكنه كان يفضفض لي حتي عن مشاكله مع خال اولاده ومشاكل اخري بعدها تغير الوضع لان مشاكل كبيره صارت تحدث بيني وبين زوجي وهذا ما جعلهم يكرهونني
​

المطلوب كيف اكسب حبهم من جديد

​

الله يسعدك عذاري وضعي جدا سيئ معهم انظري لامه كيف تتعامل معي اليوم بسبب انفعالي عليها في السنوات الثلاث الماضيه وانا اعذرها ولكن كيف استطيع ان اكسبها اعلم انني اثقل عليك لكنها الحياه لا نعيشها بسعاده مالم نكون عايشين في سلام مع اقرب الناس لنا
​

مرحبا
علاقتك مع ام زوجك قرار مستقل
وحساسيتك قرار اخر يخصك
فإنت راح تشتغلين على حاجتين
نصيحه
تجنبي الالتقاء معها كثيرا خلال فتره معينه
اي مناسبه استغليها لتقديم الهدايا لها
امدحيها قدام احد تعرفي انه بيوصل لها الكلام
وادعي الله ان يصلح بينك وبينها
تلمسي الاشياء اللي تحبها وجيبيها لها
بالنسبة للحساسيه هذا طبع شخصي
موضوع الجنوبيات شرقيات يساعدونك فيه
ومثله مثل العصبيه او اي عيب ثاني
مطلوب منك تحددين بالضبط ايش يعني حساسيه بالنسبة لك؟؟
وايش بالضبط السلوكيات اللي تعبر عن هالعيب اللي فيك
وابداي توقفي عن هالسلوكياتب التدريج
والنقطه الاهم تصمي اذنك عن سماع اي انتقاد لشخصيتك خلال الفتره الجايه
وتستعيني بالكتب اللي وضعتها بالموضوع حقنا

والاشرطه راح تفيدك كثير

​

 

[نعومة إحساس]

السلام عليكم تكفووووون بنات حللوا شخصيتي :

اولا انا انسانه عصبيه بس بسرعه ارضا وما احقد احب الرومانسيه والحب عندي اهم شي بالوجود

احب النظام والترتيب وأعجب جدا بالنساء المرتبات وأبغض الفوضوية لكني أكسل من حين لآخر يعني حياتي مو دايم مرتبه (مع حبي للترتيب واحساسي بتأنيب الضمير في التقصير احيانا فيما يخص بيتي وزوجي واولادي) ومو دايم اكون فوضوية (أيام اكون مرررتبه والبيت قمه .....

احب النوم والراحه والوناسه والترفيه اصرف على ملابسي ومكياجي وملابس عيالي لدرجة التبذير احيانا اذا كان المبلغ يخصني لكن اذا كان يخص زوجي أصبح اقتصاديه جدااااا

احب كل شي بحريه وامقت القيود أياً كانت احب التميز في اللبس والشكل احيانا ارجح كفة المظهر على الصحه العامه

احب الاشخاص يشاركوني في اعمالي

احب الطلعات والاجتماعات فقط مع الناس المقربين لي اما الناس اللي علاقتي سطحيه معاهم ما احب اجتمع معاهم ، ابغض الزيارات المفاجأة ، واحب الزيارات بمواعيد وفي اوقات معينه

بطيئة في المشي والأكل قليلة الكلام احب المزح والضحك لكن بشرط ان لايمسني لا من قريب ولا بعيد واذا احسست ان المزاح يمسني شخصيااحمله محمل جدي واتضايق للأسف

 

[((تالا))]

السلام عليكم تكفووووون بنات حللوا شخصيتي :

اولا انا انسانه عصبيه بس بسرعه ارضا وما احقد احب الرومانسيه والحب عندي اهم شي بالوجود

احب النظام والترتيب وأعجب جدا بالنساء المرتبات وأبغض الفوضوية لكني أكسل من حين لآخر يعني حياتي مو دايم مرتبه (مع حبي للترتيب واحساسي بتأنيب الضمير في التقصير احيانا فيما يخص بيتي وزوجي واولادي) ومو دايم اكون فوضوية (أيام اكون مرررتبه والبيت قمه .....

احب النوم والراحه والوناسه والترفيه اصرف على ملابسي ومكياجي وملابس عيالي لدرجة التبذير احيانا اذا كان المبلغ يخصني لكن اذا كان يخص زوجي أصبح اقتصاديه جدااااا

احب كل شي بحريه وامقت القيود أياً كانت احب التميز في اللبس والشكل احيانا ارجح كفة المظهر على الصحه العامه

احب الاشخاص يشاركوني في اعمالي

احب الطلعات والاجتماعات فقط مع الناس المقربين لي اما الناس اللي علاقتي سطحيه معاهم ما احب اجتمع معاهم ، ابغض الزيارات المفاجأة ، واحب الزيارات بمواعيد وفي اوقات معينه

بطيئة في المشي والأكل قليلة الكلام احب المزح والضحك لكن بشرط ان لايمسني لا من قريب ولا بعيد واذا احسست ان المزاح يمسني شخصيااحمله محمل جدي واتضايق للأسف

​

ياقلبي انتي جنوبية شرقية هلا والله بخويتي سيم سيم انا خخخخخخخخخ
​

 

[نعومة إحساس]

هلا بالغالية تالا انا بعد سويت الاختبار وطلع جنوبيه شرقية بس حبيت اتأكد منكم يالخبيرات وتسلمييييييييين عالرد

 

[كلي مـــزايا]

1-حددي نمطك : جنوبية شرقيـــة
ونمط زوجك : شمالي غربي
وعمر الزواج : 5 سنوات


2- ماهي المشكله بالضبط


والله مشكلتي غير عن غيري .. الحريم خربوا بيوتهم عشان خيانه وما اعرف كيف بس أنا غير ..
مشكلتي فيني بالدرجة الأولى ..
أكبر صفتين أنا أتصف فيهم .. واللي سمعت أحمد النجار يقول هذي الصفتين لو موجوده في الحرمة ينهد البيت .. هي الحساسية الزايدة .. والدقة في ملاحظة الأمور ..
الحساسية الزايدة .. يعني أزعل من الهوا .. لو دخل وما سلم اعرفي اني شليت في قلبي عليه وما بيجي الليل الا وانا انفجرت << إذا ع السلام ما سلم وليش ما اتصل وضحك لعياله وما ضحكلي .. وهلم جرا ،،،، ( شوفي حتى مره وحده في المنتدى قالتلي انا ما فهمت مصطلاحتج << كانت سعوديه وانا كنت كاتبه بلهجة اماراتيه بلجتي العامه يعني .. لكن من بعدها صرت ما احب اكتب بلهجتي .. اكتب اللهجه اللي اتوقع انها تفهمها << يعني بمعنى ثاني تضايقت بصراحه وقلت برايها بتكلم معاها بنفس ما تفهم <<< يعني ممكن إذا زعلت أساير بس مش من قلبي .. احقد بعدين .. وأكيد مع كثر المواقف من نفس الشخص انفجر
الدقــة في ملاحظة الأمور .. يعني ما اطوف ولاااا موقف و ولا حركة له .. وفي الغالب ما اسكت .. يعني تحقيق على كل حركة .. وأنتبه على كل شي .. ليش مخفف لحيته لا يكون انحرف<< يعني ألاحظ حتى اللحيه انها قصرت عن العاده << طيب يمكن الحلاق بالغلط هفها << ما اقتنع بهالكلام لاااازم سوء الظن << استغفر الله بس للأسف هذي هي الحقيقة ... ليش بعد الدوام يمر على أمه ويقعد عندها أكيد ما يحبني ويهرب مني ويقعد عندهم .. يشتريله تلفون جديد أقول ليش اهتم بنفسه واشترى لنفسه وما اشترالي .. وهكذا ..
والله ياليت بس موقفين والا ثلاثة في اليوم !!! طووووول اليوم وانا مخي مب معاي .. احلل تصرفاته على كيفي ومشكلتي اصدق التحليل وأبني عليه واسمعه كلامي يوم يوصل ..
وبصراحة حاطه دوبي من دوب اهله .. انقهر ليش يروح لهم كل يوم .. هو كان متعلق .. فيني صح يحب أهله .. بس زيارته لهم مرتين في الاسبوع في الغالب معاي أو مره معاي ومره بدوني .. بس الحين ابد .. تقريبا اكثر الوقت عندهم .. ولو ما عنده شغل يقولي بروح عند امي .. تقهرني الكلمة ما عنده غير امي وامي .. احس اني متزوجه طفل صغير رايح يدور حليب عند أمه .. << أدري اني غلط بس أنا كتبتلكم طريقة تفكيري و تفسيري للوضع والمشكلة انه الفكرة عامية قلبي .. يعني يوم يرجع البيت احس اني محتقره اللي قدامي ما احسه رجال احسه ياهل وينفخ عضلاته علي .. وأسمعه هالكلام اللي في بالي ..
علاقتنا في الغـــــالب رسمية وع السايلنت .. بس ما بنتكلم إلا إذا حضرت جنابي فجرت مشكلة .. وجيت أناقش أبو الشباب وفقا لأفكــاري ..
وكل فترة وفترة اسير عند ريلي وأقوله خلاص بتغير وبسايرك في اللي تقوله وبكون واثقة ان اللي تسويه صح ولا بزعل منك وبخلي الحساسية اللي عندي والوساوس اللي تجيني بس طبعا يومين على اكثر احتمال وترجع ريمه لحالتها القديمه .. حتى لمن صرت اقوله بتغير يضحك ضحكة سخرية << يا ربي شو اسوي في نفسي ومشكلتي احبه واحسه يحبني بس متغير علي 360 درجة
والمشكلة يوم وصلنا لهالوضع شخصيتي تغيرت تمــاما .. أحس نفسي صرت وحش هائج .. أحس قطعت الأنوثة ورميتها في ابعد أرض .. أحس اني صرت وحده معضله << بالضبط معضله .. عند زوجي بس طبعا .. << ما ادري أنا صدق تغيرت واسترجلت والا من حساسيتي الزايده والا لان زوجي دايم يقولي اسلوبج اسلوب رجال .. للعلم أنا الكل يعطيني بنت 14 من حركاتي واسلوبي ودلعي .. حتى هو يقولي ايام العقد ( الملجه) يقولي كنتي مطيره عقلي بدلعج وهدوئج وحياج .. بس طبعا مع المشاكل انا اتغيرت صرت اصارخ وارفع صوتي واطالع نظرة تحدي واعاند واسوي اللي فراسي وإذا شفته قفل مخه ع الاخير أنا هذيك الساعه احاول اهدي الوضع .. بس بعد شوه خلاص تكون الحريقة ولعت ..مع العلم إني ارضى تقريبا بسرعه بعد المشكله إذا حسيت اني زودتها .. اما لو حسيت انه يستاهل الاسلوب اللي عاملته فيه فما ينكسر خاطري
وبعد كنت قليييييييييلة الكلام .. احس كثرة المشاكل خلتني ثرثااارة .. الكل لاحظ اني صرت وااايد اتكلم .. ما ادري يمكن اخفف عن نفسي الضغط .. أو اني احاول اني اشغل مخي عن التفكير والتحليل أو لأن ضاق خلقي من حياة السايلنت اللي عايشينها فأحاول أعوض برا .. ما ادري


3- مالذي تريدين الحصول عليه

* كيف أتخلص من الحساسية اللي عندي .. والله تعبت أنا بنفسي ضاق خلقي .. طول حياتي وانا زعلانه .. حتى في بيت اهلي والا اهله والا ان شاء الله في السوق
* كيف اتخلص من تدقيقي الزايد في ملاحظة الأمور .. وما أتم أدقق على كل ذرة هوا وأسوي تحقيق فيها ؟؟
* كيف ما اغار من أهله ؟؟ دايما يقولي أمي مب حرمتي الثانيه ما يصير تقارنين نفسج فيها وتقوليلي ليش تقعد معاهم اكثر مني وما تقعد معاي لازم تعدل .. يقولي انتي شي وهم شي ثاني لا تخلطين عباس فدباس ..<< مع العلم أنا أحبهم ويوم أكون عندهم ما أحس اني أغار << بس أغار إذا شفته حط راسه على رجول امه او قال لامه اكليني ما اطالعهم واصد الصوب الثاني .. بس يوم أكون في بيتنا والا بعيده عنهم ويقولي رايح عندهم والا احبهم والا يعني احسه ان قلبه يميل لهم اولع ..
* كيف أقدر ألزم نفسي بتغيير ؟؟ يعني كيف أشغل نفسي عنه بدون ما تتأثر نفسيتي .. يعني مشكلتي أقول بشغل نفسي عنه بس مخي طول الوقت يحلل ويربط الأمور ببعض واشبك الموقف اللي قبل شهر بنظرة أمس بصراخ اليوم .. يعني افتشلت كل مره اعاهده ومااااا اقدر التزم .. صرت استحي اقوله بتغير ..
* هل ممكن أصلح حياتي وأرجع زوجي نفس قبل ؟؟ أقدر أكسبه ويتعلق فيني مره ثانيه ..
* كيف ارد أنا كلي مزايا القبليه ؟؟ .. والله صدق كنت كلي مزايا بس احس هالشمالي والصفتين اللي ذكرتهم اول شي هم اللي عافسيني ..
* كيف أخفف من كلامي .. واصير ثقيله وكلامي ما يطلع الا بالقطاره ؟؟ والله اول كنت غامضه وكانت لي هيبه عند الكل .. بس الحين أحس كاشفه اوراقي لكل الناس



والسموحه طولت عليج .. بس تعبت من حياتي وقرفت منها .. ودي اعيش نفس غيري حياة مستقرة .. وحطيت كل اللي مضايقني في استشارة وحده لاني استحي كل شوي اكتبلج مشكله قلت انزلهم مع بعض احسن

وجزاكي الله خيرأ مقـــدمـــا ..

 

[مشتاقه لريلي]

السلم عليكم ياكلك مزايا ان ماعندي حل بس حبيت أحط لك النقاط على الحروف 000 اولا احتمال النفسيه اللي إنتي فيها بسبب انج محتاسه بشغل البيت على قولتج بالأول الخدامه مسافره وتبين ريلج يحس شويه فيج يقعد وياج موكل شويه يقول امي وأمي (حبيبتي لا تخلينه يفهم إنج تغارين من أمه لاتقولين ماأغار طريقتج ادل على جيه )وسالفة اللحيه إذا اعتبرناها مثل أبد بس وسوسة شيطان بيدور عيوب بريلج يشوهه جدامج مو محصل قال أمشي على مزاجها يعني إذا إنتي ملتزمه بيقولج (الشيطان ) ليش مخفف لحيته لايكون انحرف حبيبتي من متى الشيطان يسأل باللحيه ؟؟ عكسي تماما لما زوجي يحلق اللحيه يقهرني ذاك اول أيام التزامي الحقيقي كنت أسأل نفسي ليش جذي مايبي يصير مثل الرياييل اللي قدوته الرسول زين الريال أصلا مايصلي صلاته بالمسجد وقفت عاللحيه؟ حبيبتي كلك مزايا تعوذي من الشيطان واستهدي بالله ولاتزعلين ريلج منج ولا تخلين صورتج في باله مرتبطه بالنكد 0000 انا لما قريت اسمج توقعت بتسإلين عن ربيعتج الملتزمه شوفي ظروفها وشوفي ظروفج الحمدلله إن ريلج مومثل ريلها وشوفي ها تحاول تصلح حياتها مومثلج بتزعلين ريلج منج 00 اول شي لاتييبين طاري أمه أبدا أبدا مع الوقت تمسحين فكرته إنج تغارين 000 إنيت اللي حطيتي هالفكره وانتي اللي بتمسحينها بعون الله 000 وانتي بنفسج اعترفتي إنج موافقه كلام أحمد النجار ولواني مااعرفه اعرف بس خليفه المحرزي أشهر من نار على علم عندكم يطلع بقناة بدايه لا يطوفج يعلمج أسرار الرجال 00(يطلع الجمعه الساعه عشر تقريبا مساءا)000

 

[مشتاقه لريلي]

واضح يا كلي مزايا إنج عارفه إن تصرفاتج غلط وعارفه الطريقه الصح بس مو بعارفه متى بتيبدين ؟ اول شي صوتج العالي واسلوبج هالأيام ما صار بيوم وليله صار بالتدريج ويمكن ماتدرين من متى؟ يعني العلاج إنج هم تبدين بالتدريج لاستعادة هدوئج ولطافتج (حمدي ربج ريلج قالج هالشي واحد غيره يسر برا ولاتدرين شاللي بقلبه )إنما الحلم بالتحلم 000 وعلشان تذكرين نفسج إنج بتردين مثل أول00 اعتبري ريلج غريب عنج او واحد يبي يتعرف عليج مايعرف أي شي عنج شلون بتخلينه يشوف شخصيتج ؟؟ من الحين اخذي ورقه وقلم مثل ما قريت لج بملف الشمالي 00 بس هالمره عن وضعج ويا ريلج 00 ماهي الصفات اللي أصبحت تضايق زوجك منك (وتركيها)وماهي الصفات اللي كان زوجك يحبها فيها (بلييييييييز استعيديها ) واتمنى اني حليت لو جزء بسيط من مشكلتج الله وياج

 

[كلي مـــزايا]

السلم عليكم ياكلك مزايا ان ماعندي حل بس حبيت أحط لك النقاط على الحروف 000 اولا احتمال النفسيه اللي إنتي فيها بسبب انج محتاسه بشغل البيت على قولتج بالأول الخدامه مسافره وتبين ريلج يحس شويه فيج يقعد وياج موكل شويه يقول امي وأمي (حبيبتي لا تخلينه يفهم إنج تغارين من أمه لاتقولين ماأغار طريقتج ادل على جيه )وسالفة اللحيه إذا اعتبرناها مثل أبد بس وسوسة شيطان بيدور عيوب بريلج يشوهه جدامج مو محصل قال أمشي على مزاجها يعني إذا إنتي ملتزمه بيقولج (الشيطان ) ليش مخفف لحيته لايكون انحرف حبيبتي من متى الشيطان يسأل باللحيه ؟؟ عكسي تماما لما زوجي يحلق اللحيه يقهرني ذاك اول أيام التزامي الحقيقي كنت أسأل نفسي ليش جذي مايبي يصير مثل الرياييل اللي قدوته الرسول زين الريال أصلا مايصلي صلاته بالمسجد وقفت عاللحيه؟ حبيبتي كلك مزايا تعوذي من الشيطان واستهدي بالله ولاتزعلين ريلج منج ولا تخلين صورتج في باله مرتبطه بالنكد 0000 انا لما قريت اسمج توقعت بتسإلين عن ربيعتج الملتزمه شوفي ظروفها وشوفي ظروفج الحمدلله إن ريلج مومثل ريلها وشوفي ها تحاول تصلح حياتها مومثلج بتزعلين ريلج منج 00 اول شي لاتييبين طاري أمه أبدا أبدا مع الوقت تمسحين فكرته إنج تغارين 000 إنيت اللي حطيتي هالفكره وانتي اللي بتمسحينها بعون الله 000 وانتي بنفسج اعترفتي إنج موافقه كلام أحمد النجار ولواني مااعرفه اعرف بس خليفه المحرزي أشهر من نار على علم عندكم يطلع بقناة بدايه لا يطوفج يعلمج أسرار الرجال 00(يطلع الجمعه الساعه عشر تقريبا مساءا)000

فديت روحج .. مشتاقــة لريلــي << وانا نفسج بعد مشتاقه لريلـــي ..

حبيتي .. أما عن ربيعتــي .. فـأنــا أضحك على نفسي لمن تشتكيلــي .. أقول على راي المثل اللي جارتنا تقوله .. عميا تخضب مجنونه ..
مسكينه ما تدري بالضيقه اللي انا فيها بس أحاول أخفف عنهــا .. وبعدين .. سبحان الله .. يوم الشخص يكون خارج المشكله يكون مجرد عن العواطف ويقدر يتخذ قرار سليم .. الحمد لله يوم انصح غيري تمشي حياتهم للأحسن ... لكن باب النجار مخلع << على قولة جارتنا بعد .. أحاول في مشاكلي أتجرد من عاطفتي بس ما اقدر ..

وبعدين حبوبه أنا مشاكلي مب من الخدامه .. أنــا ريلي ياب الخدامه ظناً منه إن المشاكل بتخف .. بس الفراغ اللي لقيته كبر المشكل زياده .. لاني صرت فاضيه لتدقيق والتحليل وتنبيش المشاكل ..<< بس فديته ما هان عليه يشوفني اكرف في البيت راح قدملي خدامه وابشرج امس وصلت .. << يقولي عندج عيال اشغلي نفسج فيهم وخليني من خططج وخلي شغل البيت بتسلمين وبتعيشين أميره << لكن آآه شو بتقولين .. وقسم بالله على قد ما أقولكم حاولت فأنا حاولت لكن ما ادري وين الخلل

 

[كلي مـــزايا]

صح مبرووووك عليكم خااصية التعديل << كنت متأزمه منها .. وخاصية الرسائل الخاصة .. إن شاء الله نتعرف على بعض أكثر عن طريق الرسايل

 

[مشتاقه لريلي]

الخلل يامزايا إنج تعرفين متى بتتخذين القرار 000 تكفين ماتبين ريلج عطي هالفقاره الحريم اللي اللي مسويه ريلها يادهينه لاتنكتين ولاهو بكفو (لاتزعلين أبيج تحسين فيه ماتكفي كلمة فديته خليه يجوفها فعل)

 

[كلي مـــزايا]

الخلل يامزايا إنج تعرفين متى بتتخذين القرار 000 تكفين ماتبين ريلج عطي هالفقاره الحريم اللي اللي مسويه ريلها يادهينه لاتنكتين ولاهو بكفو (لاتزعلين أبيج تحسين فيه ماتكفي كلمة فديته خليه يجوفها فعل)

أريد اتخذ القرار .. بس شو هو القرار اللي اتخذه ؟؟ كم مره اعاهد بس ما التزم .. حتى الدستور مستصعبتنه ولا انا قادره امشي عليه .. وحتى لو مشيت عليه .. انا عرضتلكم اساس المشكله .. الاساس يباله حل وبعدين الدستور بيمشي .. لان مشكلتي في مخي . . والله وانا اقرا لعيالي قصة مخي يحلل ويفسر حركة ريلي ونظرته وطلعته و أنا اقرا الكتاب بعد مخي في وادي ثاني وبعد نص اكتشف اني ما فهمت شي من الكتاب و حتى القران والله على قد ما احاول اخشع الا اني شوي واحس اني شطحت بمخي واستغفر واعيد القراءة و

والله انا مو مستغنيه عن ريلي .. لو كنت مستعده اعطيه حد ما سألتكم وحاولت اني اعدل حياتي ..

لا ما بزعل عليج .. كلمتج كلمة حق .. وياكثر الحريم اللي يلاحقون الرياييل .. ما اريد زوجي في لحظة ضعف وضيق مني يلصقله بوحده منهم واروح فيها ..

وأشكرج على اهتمامج يا قلبي

 

[((تالا))]

فديت روحج .. مشتاقــة لريلــي << وانا نفسج بعد مشتاقه لريلـــي ..

حبيتي .. أما عن ربيعتــي .. فـأنــا أضحك على نفسي لمن تشتكيلــي .. أقول على راي المثل اللي جارتنا تقوله .. عميا تخضب مجنونه ..
مسكينه ما تدري بالضيقه اللي انا فيها بس أحاول أخفف عنهــا .. وبعدين .. سبحان الله .. يوم الشخص يكون خارج المشكله يكون مجرد عن العواطف ويقدر يتخذ قرار سليم .. الحمد لله يوم انصح غيري تمشي حياتهم للأحسن ... لكن باب النجار مخلع << على قولة جارتنا بعد .. أحاول في مشاكلي أتجرد من عاطفتي بس ما اقدر ..

وبعدين حبوبه أنا مشاكلي مب من الخدامه .. أنــا ريلي ياب الخدامه ظناً منه إن المشاكل بتخف .. بس الفراغ اللي لقيته كبر المشكل زياده .. لاني صرت فاضيه لتدقيق والتحليل وتنبيش المشاكل ..<< بس فديته ما هان عليه يشوفني اكرف في البيت راح قدملي خدامه وابشرج امس وصلت .. << يقولي عندج عيال اشغلي نفسج فيهم وخليني من خططج وخلي شغل البيت بتسلمين وبتعيشين أميره << لكن آآه شو بتقولين .. وقسم بالله على قد ما أقولكم حاولت فأنا حاولت لكن ما ادري وين الخلل

يييووووووووه ياقلبي انتي كنك تتكلمين عني انا جنوبية شرقية وزوجي شمالي غربي اربع وعشرين ساعة مبوزة وضابق خلقي من اللي براسي وتفسيراتي :tears:بس الحمدلله من دخلت هالمنتدى وعرفت طبع ابو الشباب وانا نوعا ما مرتاحة ونصيحة مني اضغطي على نفسك وانسيه ترى بتندمين وبيجيه يوم بينفجر واسأليني انا خصوصا الشمالي الغربي مايبي يحس انه مقيد ومراقب ترى بيقلب عليك بعدين ,,,حاولي تشغلين نفسك وبعيالك ادري صعب عليك وانا مجربة لكن اذا راح لامه قوليله سلملي عليها وبوس لي راسها وانتي مبتسمة ..سوي تمثيلية واذا جا قولي وشلون خالتي والله خالتي عسل وحبوبة وياليت اذا رحت تاخذني معاك اشوفها ومن هالكلام وانتي مبتسمة وشوفي وشلون راح يتغير ادري صعب عليك بس حاولي حنا فينا حب التملك شوي وهذا الي مايبيه الشمالي الغربي وراح يعاندك لو هو مايبي ,,,حاولي اذا جا تبتسمين وتتكلمين عن يومياتك وشسويتي مع عيالك وطلعي سوالف بس من دون لاتسألينه عن نفسه خلي كلامك عن نفسك وبس لاتتلزقين فيه وتحققين معاه ترى بيملك ويدور متنفس غيرك هو ماراح لامه الاانه حس عند امه انه يسولف على راحته ماحد ينتقده او يعمله حساب يعني حس بالراحة اللي مالقاها عندك لاتزعلين حبيبتي انا مثلك تماما,,قوليله سولف ياقلبي عن دوامك عن اي شي حتى لو جاب طاري حريم ابتسمي لاتفكرين بشي ثاني عشان يطلع كل اللي بقلبه عندك وبيرتاح مو يشيل همك ويداريك لان الحياة الزوجية دايمة مو شهر او شهرين يعني بيجيه يوم بيطلع على طبيعته مهما دارى منك او خاف على مشاعرك,,انا صار لي مواقف مع زوجي مع انه يموت فيني بس بعد ماصار الطلاق من ضمن الاسباب اللي قالها لاهلي اني كل ماجيت البيت لقيتها مبوزة وضايق صدرها ونفسيتها تعبانة من كل شي وانا تعبت,,,الحين انا تغيرت ورميت الحساسية والوساويس على جنب طنشت وقمت اهتم بنفسي وبعيالي واشغل نفسي عنه وقام يقولي انتي وينك تعالي تقهوي معي تعالي ابقولك سالفة وانا ايه اصبر مو الحين خلني اخلص اشغالي واجيك واذا جا من الدوام احاول اشغل نفسي عنه وهو يجي وينك اليوم غريبة مادقيتي علي سبحان الله اذا طنشتي الشمالي الغربي ولا خليتيه اكبر همك قام هو يدورك:blush-anim-cl:الحقي على نفسك حبيبتي ولاتخربين حياتك بيدك واسأليني انا والله يوفقك في حياتك ​

 

[ترررف]

[

اسعد الله اوقااااااااااتك بالخير ياااارب

2- ماهي المشكله بالضبط ؟؟
مااااااااافي مشكله بس يااااعذااااااااري انا تركته على راحته موزي اول ادقق في خرجااااته والآن عشاااااااان صاااار لي جهاز لوحدي صااااير يروح عند اهله او اصحااابه ومعها المحمول حقه يعني ما يجلس بالبيت ...؟؟؟
صح يدق على ويسأل ونتعشى مع بعض بس يجلس شويه ويخرج ....
او يروح غرفه ثانيه ويجلس لوحده بالمحمول حقه..........​

3- مالذي تريدين الحصول عليه

هل اتركه على مااااهو عليه ام ماذا افعل ؟؟​

 

[شموخ مجد]

السلام عليكم


::اهلين بنات...كيفكم؟؟؟:::



::فقدتكم واشتقت لكم كثير:::



::وربي من قلبي اشكر كل الي سأل عني والله لايحرمني:::



::وحتى الي ماسأل عني مشكورين للتجمع الحلو الاخوي:::



::ترف... ابتسامه ....سلمى:::



::أشكركم من كل قلبي على السؤال:::


::طبعا أنا قلت لكم اني ماعند نت:::


::ولله الحمد رجعه لي:::



::وأنا كنت بحاجه لهذا الوقت اجلس مع نفسي وارجعها:::



::بنات انا رجعت انظم وقتي وأولوياتي:::



::والفضل بعد الله لزوجي ولكم؟؟؟؟:::



::اكيد بتستغربون زوجي؟؟؟؟:::




::ايوة الله هو الي صاحني من سباتي العميق:::



::بنات انا لهيت بالنت بشكل ماتتخيلون صرت مدمنه نت:::




::مع القيام بكل واجباتي ..طبعا:::



::بس تعلقت فيه بالمرة:::



::وصارت المشكله الي قلتها لكم:::



::وصار مشاجرة بيني وبين زوجي..صدام قوي:::



::المهم شال الكمبيوتر وقال بكسرة..قلت انت الخسران::



::قال انا الي غيرتك بيدي انا الي خربتك:::



::كنتي ماتتعدين سجادتك وقرانك:::



::والحين .....نت وبس:::




::بنات مااقدر اقولكم وشلون كانت الصدمه:::


::أنا مااقولك اني تغيرت 180 درجه:::




::بس انا مقصرة ماكنت مثل اول:::



::وللمرة الاولى اسمعه يقول ""ماشاء الله::<<انا خايف عليك::



::بنات وصار بعده بسبب تعبه الله يشفيه:::




::بس ودي أعرف ليش السكوت والانعزال:::




::شارك الناس وتنسى:::




::وأنا الحين سويت لي جدول:::



::من الناحيه الدينيه..النفسيه..التجمليه:::



::وأن شاء الله اقدر انجح بالكل:::



::دعواتكم حبيباتي:::

 

[مشتاقه لريلي]

الحمدلله اولا وأخيرا فرحني وجودك وتواصلك ياشموخ وأسأل الله يثبتك على ماإنتي عليه 00 هذي الاخبار الحلوه فرحونا ياجماعه

 

[شموخ مجد]

الحمدلله اولا وأخيرا فرحني وجودك وتواصلك ياشموخ وأسأل الله يثبتك على ماإنتي عليه 00 هذي الاخبار الحلوه فرحونا ياجماعه

::حبيبتي مشكورة من قلبي:::



::الله لايحرمني:::

 

[salmaa]

شموخ حمدالله ع السلامه وتعرفين زوجي لما يكون تعبان من شئ ولا يخبرني اقوله ليه لم تخبرني يرد يقول لا اريد اضايقك
يعني همه لا يزيد علي

 

[((تالا))]

مبرووك اختي شموخ مجد والله يثبتنا واياك على الهداية​

 

[bride2008]

بنات هل يحب الشمالي التملك
يعني يحب يسيطر على زوجته من باب حب التملك؟؟