زوجي تركني في الشارع

[doooba]

اي تخيلو بس مر على زواجنا 3 اشهر ...

امس كنا سايرين بيت اهله وقعدنا معاهم وقال لي بطلع مع الشباب وبرجعلج وخذ معاه سيارتي لانه سيارته في الغسيل ،،، اتصل فيني الساعه 6:30 وقال لي يالله تعالي نزليني عند سيارتي وبمر عليج الساعه 8 بنسير السينما ،،وانا في السياره خبرته انه بطني وظهري وايد يعوروني وبسير العياده فطور ما تمر علي ونسير السينما ،، قال لي لاحبيبتي انا بوديج وانتي زوجتي حبيبتي، وخذتنا السوالف في السياره ،، جان اقوله حبيبتك هل الشهر فلست ،، اهني هو عصب وتم يعاتبني انتي وين تودين فلوسج :tears: وقال لي لاتفكرين انا زطي وابغي معاشج ،، وعادي لو تستغيلين :schmoll: ،،،
انا قلت له شوبلاك حبيبي الخير اللي انا فيه كله منك انت ،، وانت ما تقصر علي

شوي وقف السياره في الشارع وتركني :icon1366:
مسكت ايده اقوله ارجع قال اتركيني وتم يصارخ علي
ومن امس مارد على اتصالاتي ،،، ولا حتلى رجع البيت

اول مره اشوف زوجي بهل الحاله ،، فيدوني الله يخليكم شو اسوي

 

[أسماء زكي الدين]

بصراحة إذا أنا مكانه بتركك >>>>>>>>>>>لا تزعلي مني

لكن كلمتك ثقيلة .. تصيب رجولة الزوج حتى وإن كنت تصرفين على البيت 100%

من رأيي تصرفي عادي يعني لا تتصلي عليه ولا تفتحي الموضوع مرة ثانية - اتمنى تكوني ذا رجع حايليه وتدللي عليه إذا فتح الموضوع اعتذري له وقولي له أنا لم أكن أقصد ما فهمته أنا قصدت إني تعبانة ورصيد الرومانسية مفلس حاليا وما قصدت فلوس أ ب د ا .. وأعملي نفسك زعلانة منه لأنه لم يفهمك وأخذ كلامك على محمل آخر >>>>>>>> مساكين والله ما يقدروا يخلصوا منا ​

 

[خبايا سنين]

انا أقولج هذا شكله حد داسنه عليج ويبي منك فلوسك ، تصير هالمشكله مع الزوجات العاملات الله يساعدهن. انا من رأي تحاولين ترجعين زوجك البيت بأسرع وقت ما تدرين هو الحين مع مين وشو يفكر، احسن طريقه سوي نفسج تعبانه وروحي المستشفى ورسلي له مسج انك في المستشفى وراح ينوموكي عشان حالتك تحتاج فحص، اذا يحبك صحيح راح يجي طيران المستشفى خليك عادية جدا وتابعي فحوصاتك ويوم تطلعين قوليله ان الممرضه قالت لك هالمعلومه وانتي ما تدرين، وانتهزي الفرصه وعاتبيه عتاب المحب وخليه يوصلك البيت لانك تعبانه ومن توصلين البيت .... اخلي الباقي عليكي

الله يرجع زوجك حبيبتي ويجمع شملكم بالخير

 

[doooba]

انا أقولج هذا شكله حد داسنه عليج ويبي منك فلوسك ، تصير هالمشكله مع الزوجات العاملات الله يساعدهن. انا من رأي تحاولين ترجعين زوجك البيت بأسرع وقت ما تدرين هو الحين مع مين وشو يفكر، احسن طريقه سوي نفسج تعبانه وروحي المستشفى ورسلي له مسج انك في المستشفى وراح ينوموكي عشان حالتك تحتاج فحص، اذا يحبك صحيح راح يجي طيران المستشفى خليك عادية جدا وتابعي فحوصاتك ويوم تطلعين قوليله ان الممرضه قالت لك هالمعلومه وانتي ما تدرين، وانتهزي الفرصه وعاتبيه عتاب المحب وخليه يوصلك البيت لانك تعبانه ومن توصلين البيت .... اخلي الباقي عليكي

الله يرجع زوجك حبيبتي ويجمع شملكم بالخير

امس خبرته اني كنت في العياده وفعلا كنت في العياده وما عبرني ،،وقلت له تعالي بسرعه انا تعبانه
بس للاسف ما عبرني

 

[خبايا سنين]

ما عبرك وانتي في العياده؟؟؟ شكله زوجك صعب وزعله أصعب الله يعينك عليه يا اختي
ما ادري وش اقولك بس في مره صارت مشكله بيني وبين زوجي وقعدت اتصل فيه مليون مره ورسايل حب وغرام ووووو لحد ما طفش ورد البيت غصب عنه بس لانه طفش مني ومن اتصالاتي هههههههههه

فيه مرات لازم نتنازل فيها عن " كرامتنا" بس لو كان هذا التنازل في صالحك للأمد البعيد ليش لا؟؟؟؟؟
متزوجين وصار لكم 3 شهور يعني بعدكم في أول الطريق نصيحه مني فكري زين ايش هو الشي اللي يخليه يقترب منك وما يستغنى يعني وش هي نقطة ضعفه واستخدميها...
مثال: اتصلي عليه بالليل واذا ما رد عليكي ارسلي مسجات عن اشتياقك لصدره الحنون وذكريه بلحظات خاصة بكما( لا تستحي هذا حلالك) وان شاء الله راح يرجعلك بس اختاري الوقت المناسب يعني مو نص النهار وهو في المكت ولا حتى المغرب وهو وسط ربعه. باخر الليل لما الكل يكون نايم وهو وحيد...

 

[doooba]

ما عبرك وانتي في العياده؟؟؟ شكله زوجك صعب وزعله أصعب الله يعينك عليه يا اختي
ما ادري وش اقولك بس في مره صارت مشكله بيني وبين زوجي وقعدت اتصل فيه مليون مره ورسايل حب وغرام ووووو لحد ما طفش ورد البيت غصب عنه بس لانه طفش مني ومن اتصالاتي هههههههههه

فيه مرات لازم نتنازل فيها عن " كرامتنا" بس لو كان هذا التنازل في صالحك للأمد البعيد ليش لا؟؟؟؟؟
متزوجين وصار لكم 3 شهور يعني بعدكم في أول الطريق نصيحه مني فكري زين ايش هو الشي اللي يخليه يقترب منك وما يستغنى يعني وش هي نقطة ضعفه واستخدميها...
مثال: اتصلي عليه بالليل واذا ما رد عليكي ارسلي مسجات عن اشتياقك لصدره الحنون وذكريه بلحظات خاصة بكما( لا تستحي هذا حلالك) وان شاء الله راح يرجعلك بس اختاري الوقت المناسب يعني مو نص النهار وهو في المكت ولا حتى المغرب وهو وسط ربعه. باخر الليل لما الكل يكون نايم وهو وحيد...

ما قصرتي حبيبتي رديتي على موضوعي

ان شاءالله بسوي اللي قلتيه

 

[خبايا سنين]

الله يسهل لك حبيبتي ويرجع لك زوجك ان شاء الله
الحين سوي بحث عن رسايل الحب والاعتذار في النت وسجليها عندك واكتبي اللحظات الرومانسية اللي مريتوا فيها اول ايام الزواج ومن يجي الليل ارسلي اتصلي فيه اذا رد عليكي ابدئي بالكلام المعسول واذا طنش ارسلي رسايل الحب والاعتذار. واسأليه عن احلى لحظات مريتوا بيها في شهر العسل والخرابيط تدرين احنا حريم وأمورنا سالكه باذن الله ههههههههههه

عسى الله يوفقك يا رب

 

[m.k.sanad]

لا اعرف لماذا غضب منكى علشان قلتى مش معكى فلوس هل من المفروض انك جالسة على تل فلوس لا ينتهى هل هناك عيب ان تنتهى فلوسك اللى اعرفة حتى لو معكى كنوذ وطلبتى منه اى شىء هذا حقك وان لم تطلبى من زوجك فمن ماذا تطلبى اذا ثم انك مريضة وطلبتى ان يعطيكى للذهاب للطبيب الليس هذا حق مشروع لكى .

اخوتى تركتم المشكلة الاصلية والهامة ولا يهمكم الا كيف يعود الى البيت بصراحة هذا موقف غير طيب من رجل فات على زواجة ثلاث شهور فقط امال لو فات علية سنين واصبحت المسئولية كبيرة من اولاد وغيرة كيف يتصرف ثم ان ترك الرجل لبيتة مع اى مشكله هذا انذار خطير وليس برجولة من الاصل

راى ان لم تعيرية اهتمام ولا تسئلى علية وسوف يعود من نفسة وهنا تحدثى معه واعلمية ان هذا التصرف خطأ وان لكى حقوق عنده ولا يوجد مشكلة انك طلبتى منه شىء حتى لو ما لدية فلوس يكون تصرفة بهدوء وان تركة للمنزل ليس من شيم الرجال وعاتبية ايضا على رسالتك له واخبارك انك عند الطبيب ولم يعيرك من الاهتمام .

تكلمى معه بجد ولا تخافى فهذة اساسيات لا بد من وضع النقط على الحروف .

وعندما تنتهى من كلامك معه لا تتوقفى عند المشكلة كثيرا بس اتركى ملاحظاتك له ثم قومى بجميع واجباتك تجاهه بدون تقصير منكى

وربنا يهدية لكى .

اختك ملك

 

[هناء 11]

حبوبه انتي قلتي له انك افلستي و هو عصب عليك و قال انت وين تضيعين مالك ؟؟؟ ثم زاد عليها

لاتفكرين انا زطي وابغي معاشج ،، وعادي لو تستغيلين

اهني اساس المشكلة ............فهو اعتقد انك تكذبين عليه و تدعين انك مفلسه حتى لا يطلب منك المال و قال عادي لو تستغليني؟؟ يعني هو ما يثق بكلامك انك بالفعل مفلسه !!! و يعتقد انك قلتي هالكلام حتى يصرف هو مو انت ؟؟؟ و اهني مهم نعرف هو انتي اللي بتصرفين او هو يطلب منك سلفه دوم؟؟؟؟؟؟؟؟ واياً كان الغضب و السبب ما يجوز لرجال انه يترك زوجته بالشارع وحدها و يمشي ؟؟؟؟؟؟ غير ان تركه البيت و عدم سؤاله عنك يعني انه يبغى يضغط عليك فالمطلوب منك تفهمينا السالفه اكثر لان بالموضوع شي مفقود ...............

 

[عنقود عنب]

لا اعرف لماذا غضب منكى علشان قلتى مش معكى فلوس هل من المفروض انك جالسة على تل فلوس لا ينتهى هل هناك عيب ان تنتهى فلوسك اللى اعرفة حتى لو معكى كنوذ وطلبتى منه اى شىء هذا حقك وان لم تطلبى من زوجك فمن ماذا تطلبى اذا ثم انك مريضة وطلبتى ان يعطيكى للذهاب للطبيب الليس هذا حق مشروع لكى .

اخوتى تركتم المشكلة الاصلية والهامة ولا يهمكم الا كيف يعود الى البيت بصراحة هذا موقف غير طيب من رجل فات على زواجة ثلاث شهور فقط امال لو فات علية سنين واصبحت المسئولية كبيرة من اولاد وغيرة كيف يتصرف ثم ان ترك الرجل لبيتة مع اى مشكله هذا انذار خطير وليس برجولة من الاصل

راى ان لم تعيرية اهتمام ولا تسئلى علية وسوف يعود من نفسة وهنا تحدثى معه واعلمية ان هذا التصرف خطأ وان لكى حقوق عنده ولا يوجد مشكلة انك طلبتى منه شىء حتى لو ما لدية فلوس يكون تصرفة بهدوء وان تركة للمنزل ليس من شيم الرجال وعاتبية ايضا على رسالتك له واخبارك انك عند الطبيب ولم يعيرك من الاهتمام .

تكلمى معه بجد ولا تخافى فهذة اساسيات لا بد من وضع النقط على الحروف .

وعندما تنتهى من كلامك معه لا تتوقفى عند المشكلة كثيرا بس اتركى ملاحظاتك له ثم قومى بجميع واجباتك تجاهه بدون تقصير منكى

وربنا يهدية لكى .

اختك ملك

هذا ما وددت ان اكتبة بالضبط

اذا رجع البيت ...يجب ان تجلسي معه جلسة مصارحة ...وخليك واثقة من نفسك

ويجب انه يعرف انه اخطأ في حقك بشكل كبير جدا

عاتبية ولكن بهدوء ...قولي له هذه اخر مرة اسمح لك انك تترك البيت اذا حصل بينا اي خلاف

اصلا ما كان في شي يستدعي انه يتصرف بهذا الشكل

بس الظاهر انه يبغي يخوفك عشان المرات القادمة تسوين اللي هو يبغي منك

عاد الله واعلم هو وش في نيته

عزيزتي افتحي عيونك ...واياك تسلمي زوجك فلوسك ...او انك تعودية انك تصرفي على نفسك من فلوسك

حسسيه انه هو المسؤول عنك من الناحية المادية

واتركية ولا تسألي عنه

واذا رجع عاتبية

 

[سأظل أدعو لك]

الرجل واجب عليه يصرف على زوجته حتى لوكانت أغنى منه
(الرجال قوامون على النساء بما فضل الله بعضهم على بعض وبما أنفقوا من أموالهم)

 

[دلوعة سيمو]

حبوبه انتي قلتي له انك افلستي و هو عصب عليك و قال انت وين تضيعين مالك ؟؟؟ ثم زاد عليها



اهني اساس المشكلة ............فهو اعتقد انك تكذبين عليه و تدعين انك مفلسه حتى لا يطلب منك المال و قال عادي لو تستغليني؟؟ يعني هو ما يثق بكلامك انك بالفعل مفلسه !!! و يعتقد انك قلتي هالكلام حتى يصرف هو مو انت ؟؟؟ و اهني مهم نعرف هو انتي اللي بتصرفين او هو يطلب منك سلفه دوم؟؟؟؟؟؟؟؟ واياً كان الغضب و السبب ما يجوز لرجال انه يترك زوجته بالشارع وحدها و يمشي ؟؟؟؟؟؟ غير ان تركه البيت و عدم سؤاله عنك يعني انه يبغى يضغط عليك فالمطلوب منك تفهمينا السالفه اكثر لان بالموضوع شي مفقود ...............

انا معاك اختي .. وانتي ماقلتي شي يزعل بس الظاهر يحسب انه انتي تكذبي عليه او انا ماأقدر اعطيك فلا تطلب ..

 

[hot pepper]

خلاص لا تكثرين كلام وترسلين مسجات ,,

خلي كل شي لما يجي البيت تفاهمي معه ووضحي وجهة نظرك عشان لايفهمك غلط

انا ابدا مااشجع الحنه والرنه واللي يعيد في الموضوع خلاص مره وحده افتحي الموضوع

اذا رجع للبيت ..

 

[doooba]

اليوم الثاني مارجع البيت ،،، بس عرف انه رجع البيت في غيابي يوم كنت بيت اهله العصر؟؟؟؟

الله يخليكم فيدوني حتى ما يرد على اتصالاتي

 

[العجيبه]

احس زوجك يلعب في اعصابك .. الله يكون في عونك خيتو ..

 

[leen rasel]

لا حول ولا قوة الا بالله

 

[خبايا سنين]

لازم اول شي تخليه يرجع البيت وبعدين تلومين وتحطي النقط على الحروف ووووو
يا حريم لازم اول شي نحل مشكله الاخت وبعدين نفكر في طريقة تحسس الرجل بمسؤوليته يعني اذا كان الطرفين يشد حبل الزواج المبني على الحب والموده راح ينقص والعواقب بتكون وخيمة.

الزوج مثل الطفل لازم تروضيه وتحسسيه بالحنان والحب وبعدين تشكليه على كيفك وعمر العصبيه والشدة ما تجيب نتيجه !!!! كلام الاخوات وتحليلهم للقصة عين العقل ولكن كيف ممكن للزوجه ان تتحدى الرجل الشرقي؟؟؟؟ هذولا متعودين ع السمع والطاعه مو التحدي والمواجهة !!!

انتي ادرى بزوجك ونقطة ضعفه وزواجكم مر عليه 3 شهور يعني لسه فيه حب ورغبة بالحلال. حاولي معاه بكل الطرق هذا زوجك وانتي حلاله واذا ما نفع خلي امك تكلمه وترجعكم لبعض.

سياسة المرأة مبنيه ع الحنية والحب والاحترام وحاولي تستفيدي من هالنقاط وتسخريها لصالحك

الله يهدي زوجك ويرجعكم لبعض يا رب

 

[شباصه ورديه]

والله ماقدر اعلق اكثر من الاخوات لانهم ماقصروا بصراحه

دايما اكثر المشاكل تجي من سبة المعاش خاصة مع الزوجه العامله

الله يعين

 

[مدري من انا]

الله يهديه
بس تعرفين انا شو خطتي عشان ما طرق حق هالسوالف
يعطيني مبلغ اخر الشهر و ا انا احط من عندي و اصرف على البيت يعني مو كل واحد يصرف من صوب و عقب ندش في مشاكل منو يصرف ومن مايصرف فهمتي حبيتي

 

[دمع القصيد]

بنات الله يهديكم كل وحده حللت الموضوع على كيفها ..

كل وحده تقول (هو جيه يقصد) ، ( وهو جيه فاهم) وهو .... وهو .... ؟؟؟؟؟؟

بنااااات ع الأقل قولوا :

يمكن فهم .....
أحتمال قصد ....
أعتقد انه ........

خلو في شوي مجال للخطأ والاحتمالات الأخرى >>> ها أقل القليل

واحرصوا على انكم تأكدون للبنت اللي تكتبون لها
انها تشوف وتفكر وتقرر شو المناسب وأي مشوره اللي تنفع لها عشان تتطبقها

لا تزعلون مني يا بنات .. بس ابي مصلحة الكل مثل ما انتوا تبونها ..
فحرصت أنبهكم على هالأشيا البسيطه ..

والسموحه منكم

والله يساعدج يا doooba ع مشكلتج ويسهل لج فهم زوجج أكثر وفهمه لج