ممكن طيب تفهموني شخصية زوجي اذا ماعليكم كلافه لاني مب عارفه اتعامل معه
زوجي "شمــــــــــــــــــــــــــــــــــــــالي غربــــــــــــــــــــــــــــــــــــي"
وانا"جنوبيه شــــــــــــــــــــــــــــــــــــــــــــرقيه"
ممكن بس افهم
هلا عيوني ...وسعي صدرك ترى سالفتك طوييييله :bigsmile:
أولاً زوجك إنسان نشيط فعلاً ::::: ويحب السرعه بكل شي ....... وحضرتك جنوبيه ... يعني بطيئه وبالك طويل .
لو صار بينكم نقاش (وهذا قليل طبعاً) أتوقع بيكون يوم عذاب بالنسبة لكم ثنينكم ... مارح يمر النقاش بسلام طبعاً .... لأنه هو رجال حار يتكلم بثقه ويدري وش يقول ...
وحضرتك بارده .... وحساسه ...:tears: . ولا تقدرين تتخذين قرار سريع ... وهو طبعاً .... ماخذ الجو على طول ولا يعطيك فرصه تتكلمين . :flex:
وآخرتها تصيحين وتبوزين :sad_1: وهو مارح يفهم حساسيتك لو طقيتي راسك بالجدار ... هو كذا ما يفهم إلا النقاش والتفاهم والذكاء .
وعنده البكاء ... شي تعيس ولا يستوعبه ولا يعرف يتصرف معاك في هالحاله ويمكن يئذي شعورك أكثر بقصد التخفيف عنك
24 ساعه الأخ يبي يعدل الكون ... وممكن ينفعل ويهاوش على شي انت مالك علاقه فيه أصلاً ....وكونك جنوبيه ... تشعرين بالذنب وتحسين كنك المتسببه في تعصيبه .... بس هووووو كذا هذا طبعه لا تهتمين حبيبتي ولا تكدرين خاطرك .
لأن زوجك يبي هالعالم ماشي صح .. وانت ما يعنيك شي إلا رضى زوجك وهدوء بيتك ....وفي حالتكم نوعاً ما هالحلم تحقيقه يحتاج مجهود منك .
مثلاً زوجك يحب يصحى من النوم يلقاك مشعلله نشاط وحيويه ( أدري صعبه بس جربي)
يبيك تفتحين معاه مواضيع عن نجاحه هو ... وتذكرين صفاته الحلوه وتغرقيه مدح ... وكل ما قال شي تقولين معاك حق رأيك سليم
على الرغم من أنه يعشق استقلال المرأه وحريتها إلا أنه يعشقها أكثر إذا طلبت رأيه بالمواضيع المهمه ... وخصوصاً إذا قالت له ( والله أنك خطير يا شيخ بصراحه فكرتك ممتازه)
يحبك تكونين ناجحه في عملك ... شخصيه قويه ولك مكانتك الإجتماعيه .... ومثقفه طبعاً ...
نوعية زوجك ...يحب البيت يشع نظافه وترتيب .... بس ما يحب زوجته تنظف يبيها رازه عمرها ومهتمه بأشياء أكبر من هم التنظيف .
إذا ما عندك شغاله حاولي تنظفي بالأوقات اللي يكون فيها خارج البيت ولا تسوين شي قدامه . قولي مشغوله بقراءة كتاب . أو خليه بعد ما أرجع من الكوافير .
هو يبي يحس باهتماماتك وأنشطتك الإجتماهيه ويبي يشوفك دوووم مبتهجه وسعيده ومشغوله حتى عنه . وركزي على "حتى عنه "
وممكن هو يقولك لا مافي طلعه اليوم خلك بالبيت ... أو ممكن يقولك مافي تطلعين بهذا اللبس ...... لأن هو بطبعه يحب يسيطر ويفرض رأيه مو لأنه بالفعل ما يبيك تطلعين .... فتحي مخك ذيك الساعه ... قوليله رغباتك أوامر يا قلبي ... بس والله عندي موعد مهم مع فلانه وتبي تستشيرني بحكم خبرتي بالتخصص حقي ......الخ
وبعدها بروح أشتري مجلات عن الديكور لأني حابه أغير في ديكور غرفتنا ....
كذا خلك إمرأه عصريه وعمليه ولك أهداف وهوايات وخبرات ..... والناس تحتاجك ...ووقتك ماهو ملكك خخخخخخخ
عاد وش نسوي كله عشان ترضين هالشمالي الغربي .... وانتبهي تراه يمووووت على المرأه المنطلقه .... الغير خجوله .... تخلصي من خجلك فوراً فوراً
وكل ما جلستي مع زوجك امدحيه بفكره وذكاءه .... وتكلمي انجازاته .... ولا تنسين نفسك بعد دايم خبريه عن نجاحك بكل الأمور حتى سيطرتك على عناد طفلك وكيف صار مطيع ....
طبعاً لو عندكم أطفال يبون يموتون رعبه منه .... علميهم احترام أبوهم بشكل زايد ... يحبون راسه الصبح والليل ... وإذا بغوا يستأذنون منك ...قوليلهم خذوا شور بابا .
بس لا تشيلين يدك من المسؤوليه ... لا بالعكس يستانس لو قلتيله أنا تصرفت ...ولكنه يحب يكون على علم بكل شي .
نسيت أقولك شي مهم ::::::::::::::
بخصوص اللبس ... اهتمي باللبس كثير ... وإذا الميزانيه تسمح اشتري من المحلات الكبيره ... وتراه ما يحب اللبس الرسمي ...
يبيك تلبسين لبس عالموضه ... وتتفنين بالحركات الحلوه ...لأنه يحب يشوف نفسه فيك وبرزتك .... وبالبيت انسي انك خليجيه ... تخيلي نفسك ... اليسا وإمشي على أساسها .
أدري فيك تهتمين باللبس الرسمي ... والألوان العاديه ... هو يحبك تكونين كشخه بزياده وبنفس الوقت لبسك عملي .
كثرت الاسئلة آآسفة لكن انا متأكده انك قدها وقدوووووووووووود
