الخيانه__تعبانه ساعدوني

[أم وعد وغلا]

:tears:السلام عليكم ورحمة الله وبركاته

راح أختصر كلامي يابنات وياريت تساعدوني بخبراتكم

أنا متزوجه من سبع سنوات وطول هالسنوات وزوجي يخوني مع بنات
كل مره أكشفه يعتذر ويقولي آخر مره وأسامحه علشان عيالي وأرضى وأدوس على قلبي
بس خلاص تعبت ماني عارفه كيف أتصرف وياه .........:dunno::icon1366:

أمس كشفته بالغلط شفت عنده موبايل فالسياره داسنه بس الله كاتب اني أجوف الموبايل
وياريته واحد بس 3 موبايلات يعني 3 أرقام غير إلي يستخدمه دايما؟؟؟

ويوم كشفته ظل يعتذر كالعاده ويبكي ويترجاني أسامحه:icon1366:

أنا تعبت من هالخيانات والله تعبت :tears: شو أسوي كيف أتصرف
ساعدوووووووووني دخيلكم

 

[حرم الباشا ياسر]

الله يعينك ويصبرك ..................؟؟ عليكٍ بدعاااااااااااء
وقيااااااااام اليل والأستغفااااااااااار والصدقة

 

[أم وعد وغلا]

مشكوره حرم الباشا ياسر عالمرور

 

[موطن احساسي]

الله يرضى عليج دنيا واخره .............


ويارب يسر لج امورج انشالله



اولا : زوجك تعود منك السماح ............ وانتي من طريقة كلامج حسيت انج طيبه

وماعاقبتيه بقوه ...... كل اللي سويتيه انج زعلتي وبس..... وهذا غلط ..........

اللي اقصده الزعل اللي مايعلم لانه باختصار شديد انتي زعلتي وكانج زعلانه من شي عادي

او زعلتي بقوه بس اهو مافهمها بالقوه اللي ممكن تخسره بيته .........


حاولي تبينين انج قويه في اتخاذ قرارج ولازم انتي تقتنعين انج قويه من داخل مش مهزوزه

وبعدين انتي علمتيه انه عيالي كل شي بالدنيا وانا مستعده ارضى بكل شي من خيانه وذل واهانة

لكرامتي كاامرأة من اجل ابنائي عشان جذيه اهو قاعد يماطل

لانه عارف انه في النهايه زوجتي راح ترضى ...........

ثالثا : انتي ماحاولتي تعرفين منه اهو ليش يخون ........ هل هناك نقص منج لابد من الحوار

عزيزتي ولكن في وقت هادئ وبصوت هادئ بعيدا عن الابناء لكي تعرفين منه الحقيقه

لابد من الحوار ....... لانه حينها ان اتخذتي في حقه قرار لن تكوني ظالمه او حنونه كفايه

لانه حينها ستكون الحقيقه بين يديك ..........

وارجو منج لما بتتحاورين معاه يكون بكل هدوء صدقيني جذيه بتكسبيه بودج بتكسيبنه

لج ولعيالج ...... فالرجل لايحب المرأة النكديه والعصبيه يعني مش متفاهمه

لازم تعرفين احتياجته منج شلي ناقصه وانتي مستعده تسوينه بس ماتخسرينه والسبب

خيانه ...............

كوني معاه ودوده في الاخذ والعطا بالكلام ........ وصيري لئيمه لو لقيتي ان النقص مو منج .....


انا لحد الحين مااقدر اعطيج شنو القرار اللي من المفروض اتخاذه .......

لانج لابد في البدايه تعرفين شنهي الاسباب التي ادت الى الخيانه وبعدين لكل حادث حديث

وانا بكون متواصله معاج


...................................................


انا ماابيج تخسرين بيتج بالعكس ابيج تحلين الموضوع برويه تامه

لانه بينكم عيال والطلاق سبب للدمار

اذا في حل انشالله بنلاقيه بس لاتتسرعين بقرارتج من دون سماع اسبابه

ماشي حبيبتي


والله يوفقج دنيا واخره

ويسرلج امورج ويارب يصلح المكسور من حياتج

اللهم امين اللهم امين اللهم امين



..................................................


صح نسيت اقولج اذا بتيين تتحاورين معاه خلي عنج الدموع والاااااهات والعتاب قدامه كلميه بكل

جديه ممزوجه بالهداوه عشان يعرف انج فعلا تبين تعرفين السبب لخيانته وانج

لو النقص منج بتعدلينه وبتصيرين له اللي يبي


ماشي حبوبه


......................................................


​

 

[أم وعد وغلا]

مشكوره الغاليه موطن احساسي

بلعكس انا صارت عيوني ماتنزل دموع ولا أصارخ ولا غيره

جعدت لأكلمه ببرود تااام وتناقشت وياه وقالي اني أنا مب مقصره وياه بشي
بس هو ضعيف قدام البنات ومايعرف ليش إهو يسوي جي
وانا بينت حقه اني قويه وماصارو عيالي يهموني بس وجعد يصيح ويدق راسه بالطوفه
لاني مب راضيه أسامحه وعلى أساس انه مغمى عليه بس ماعطيته سالفه وطنشته بس عقب شربته ماي ورحت عنه _ ولا بينت حقه انه صار يهمني بشي _وانا جدرت أوصل للبنت وياريتها من الإمارات
طلعت من دوله خليجيه ثانيه _وهو من كم يوم يحاول يتقرب مني باليل عسب يحضني بس أطنشه ولا أعبره حتى بحركه
_
بس ابي أعرف شو اسوي بالضبط _هل أتصل فالبنت وأكلمها ولا أطنش الموضوع وأنساها
احسني ظايعه على كثر ماكنت أحبه وأعزه واموت بتراب ريله صار مايهمني بشي
قالي بنتحر إذا ماسامحتيني قلت له كيفك أنت وربك
ماأبي أسوي شي أندم عليه طول عمري دخيلكم قولولي شو أسوي أحس مخي موقف من التفكير
والله يشهد علي أني مامقصره وياه بشي والكل يشهد علي بهذا أهلي ولا أهله _بس ماعرف ليش كل مره يرد ويخوني :tears:

 

[موطن احساسي]

بلعكس انا صارت عيوني ماتنزل دموع ولا أصارخ ولا غيره

جعدت لأكلمه ببرود تااام وتناقشت وياه وقالي اني أنا مب مقصره وياه بشي
بس هو ضعيف قدام البنات ومايعرف ليش إهو يسوي جي
وانا بينت حقه اني قويه وماصارو عيالي يهموني بس وجعد يصيح ويدق راسه بالطوفه
لاني مب راضيه أسامحه وعلى أساس انه مغمى عليه بس ماعطيته سالفه وطنشته بس عقب شربته ماي ورحت عنه _ ولا بينت حقه انه صار يهمني بشي _وانا جدرت أوصل للبنت وياريتها من الإمارات
طلعت من دوله خليجيه ثانيه _وهو من كم يوم يحاول يتقرب مني باليل عسب يحضني بس أطنشه ولا أعبره حتى بحركه
_
بس ابي أعرف شو اسوي بالضبط _هل أتصل فالبنت وأكلمها ولا أطنش الموضوع وأنساها
احسني ظايعه على كثر ماكنت أحبه وأعزه واموت بتراب ريله صار مايهمني بشي
قالي بنتحر إذا ماسامحتيني قلت له كيفك أنت وربك
ماأبي أسوي شي أندم عليه طول عمري دخيلكم قولولي شو أسوي أحس مخي موقف من التفكير
والله يشهد علي أني مامقصره وياه بشي والكل يشهد علي بهذا أهلي ولا أهله _بس ماعرف ليش كل مره يرد ويخوني :tears:

لا حول ولا قوة الا بالله

دام اهو متعلق فيج ومايبي يخسرج بس ضعفه قدام البنات يخليه جذيه ​

حاولي تكلمينه على انه الموضوع لصالحه ومش لصالحج انتي ​

يعني حاولي تقولين له انته ماتدري ايش يحملون من الامراض ​

يمكن في وحده وبالغلط تكون حامله مرض خطيربسم الله عليك اولا واخيرا بعدها قولي

اشبتسوي ​

يانور عيني حاولي هالمره تكلمينه بكل حب وود ​

يعني بين فتره وفتره حبيبي ... حياتي .... عمري... هلي وناسي ...​

ياكلي ..... كل شي ...... وهاي كله وانتي تحاورينه عن الموضوع​

حاولي تبينين له خوفج عليه ...... وخوفج انه الله يغضب عليه ​

وقوليليه انا ابيك بخير لنفسك ولي ولعيالك ​

لولا خوفي عليك مافاتحتك بالموضوع ​

ورب العالمين حي وانا ماارضاها لك يابو عيالي انك تتاذى ​

ابيك لي لانك انته اميري انا ​

وانا اميرتك وانا ابيك بخير يابعدي ​

...............​

وان خايفه عليك حيييل يابعدي ​

الله يرضى عليك يانور عيني ​

اذا انته مال نفسك ترى انا ابيها ومن كثر حبي لك انا خايفه عليك ​

ومحد بيخاف عليك كثري انته كلي وانته داري وبلادي ​

ترضاها لي ولعيالي انه نتوه ​

انته عالمنا ...... وانته حبي ياحبي ​

..........................​

وانشالله يارب يكون فيه نتيجه ​

اللهم امين اللهم امين اللهم امين ​

وانا معاج من بعد الله سبحانه وتعالى ​

في انتظارج حبيبتي ​

................................


:a200::a200::a200::a200::a200:​

 

[مملكة حياتي]

سبحان الله نفس زوجي ضعيف جدا قدام البنات وانا مو مقصرة معه بشي باعترافه
لكن اتوقع ان زوجي يبحث عن الحب القديم من وحده حبها وتقدم لها ورفض ابوها بحجة انها محجوزة لولد عمها
شي يقهر دايم يسمع اغاني عن الفراق احسه باقي يحن لها كثييييير حتى اخته تقولي انه كان يحبها حب جنوني رغم مافي جمال فيها انتي احلى بكثيييييييييييييييييييييييييييييييييييييييييييييييييييييييييييير
لكن مدري وش اسوي احيان افكر ارحل عن حياته واعيش حياتي مع شخص يحطني بعيونه
محتاااااااااااااااارة ومتازمه نفسيا

 

[مملكة حياتي]

سبحان الله نفس زوجي ضعيف جدا قدام البنات وانا مو مقصرة معه بشي باعترافه
لكن اتوقع ان زوجي يبحث عن الحب القديم من وحده حبها وتقدم لها ورفض ابوها بحجة انها محجوزة لولد عمها
شي يقهر دايم يسمع اغاني عن الفراق احسه باقي يحن لها كثييييير حتى اخته تقولي انه كان يحبها حب جنوني رغم مافي جمال
لكن مدري وش اسوي احيان افكر ارحل عن حياته واعيش حياتي مع شخص يحطني بعيونه
محتاااااااااااااااارة ومتازمه نفسيا

 

[أحاسيس مجروحة]

والله هذولي الرجال الخيانه ماشية في دمهم وعروقهم وما أظنهم حيتوبو مثل زوجي إكتشفته 4 مرات وكل مرة يعتذر ويحلف ويقسم وأنا أسامح ولكن لا أدري إلى متى