على حافة الانهيار و الجنون .. د.موزة .. د. ناعمة .. اخواتي العزيزات ساعدوني تكفون

[أحبه و أغليه]

بعد سنة من الحب تخللتها كثير من المشاكل اللي بحسب كلامه سابقا " بتقربه مني و بتزيد تمسكه فيني " تغير! .. عارفة اني اتحمل جزء كبير جدا من المشكلة .. احبه حيل .. احبه اكثر من نفسي .. اراعيه في كل شي .. اعيش و اموت عشانه .. هو مركز الكون عندي .. قبل كان يتستانس من اهتمامي فيه و اهتمامي بكل شي يخصه .. يقول عني اذا كنت بعيد عنه " اذا صار كم ساعة و ما ارسلت لي مسج انجن اقول يمه حبيبتي عمري وش فيها؟ " و الحين يقول كنت سخيف .. و انا مع ربعي يقولون لي شتقولون؟ اقولهم تسالني وصلت؟ متى بترجع؟ تغديت؟ معاك احد؟ ما اشتقت لي؟ يقولون لي و الله انك سخيف.. تعبتيني خنقتيني كل شي تبين تعرفينه .. لازم تعرفين انا وين و شسوي؟ تبيني اقدم لج تقارير مفصلة عن تحركاتي؟ كنت ميت عليج .. بس نفرتيني .. حبج عنيف.. لحوحة .. و تغير و ما رجع هو اللي عرفته زمان .. و انا ما عدت انا.. احاول احافظ على اللي باقي لي في قلبه بس مب عارفة.. صرت اذا اتكلم الحين يفسر كلامي بشي غير اللي اقصده .. يرد علي باسلوب عنيف وقسوة شديدة ما تعودتها منه .. يجرحني بروده و جفاه .. تقلتني قسوته .. احاول ارضيه بس كل شي يصير بالعكس .. اكلمه ينقلب الكلام من كلام عادي لهواش و توتر يهب فيني و يعصب علي مع اني ما اقصد من كلامي شي .. و اذا قلت له ساعدني اتغير .. يقول خلاص ما عدت اثق فيج ! لو تجيبن ناس و تشهدينهم انج بتغيرين ما اصدق .. لو بيكفلونج اصلا من يوافق يكفلج عندي انج تتغيرين محد! كلهم يعرفون انج مب تتغيرين ابدا .. سـاعدوني تعبت باقي لي شعره و استخف .. عايشة صراعات داخلية ماعرف اعبر عنها .. احس اني مجروحة اتالم .. بعد ما حبيت و اهتميت و عطيت حبي و حناني و عمري على طبق من ذهب .. صرت انا سبب عذابه و ضيقه و تعبه اللامنتهي .. احبه .. اتمنى يهتم فيني انا بطبيعتي حساسة احب اسمع منه كلمات ترضي غروري كامرأة ,, احب يمدحني يقولي باستمرار انه يحبني .. لكنه ما يقول لانه يشوف ان كلمة " أحبك" تفقد معناها اذا سمعني اياها باستمرار.. اغار عليه ما ودي ان مراة غيري تشوفه .. هو " وسيم ، شخصيته قوية، مدرس، فنان، لبق، ذكي ، جذاااب" ، و انا " جميلة، شخصيتي قوية ، مدرسة، عندي تاثير في مجتمعي، ذكية ، عاطفية جدا" كل شي ممكن استخدم فيه عقلي و افكر بحكمة الا لما توصل لعنده الامور يحكمني قلبي .. عندي خوف دائم اني افقده.. ما عمري اهتميت لاني معاقة الا يوم عرفته .. ما حسيت بالفشل و لا الخجل من هالشي طول عمري .. تفوقت في دراستي و شغلي و محيطي .. بس اخاف ان هالشي حتى لو مابين لي ياثر عليه .. مع انه ما قد حسسني انه مهتم .. و يمكن هالخوف الداخلي هو اللي مخرب كلشي حلو بيننا .. مدري اذا كان كلامي اصلا مترابط مع بعضه او لا بس احس انها اشياء داخلي اسطرها بكلمات في هالموضوع ..

شسوي ؟؟ محتارة و منهارة و تعبانه من كثر المشاكل بيننا .. و خايفة اخسره بحبي و جنوني و خوفي و غيرتي ..

 

[روعة روح]

اختي انتي خنقتيه بحبك كذا بيضيع منك\\


اختي طبيعي يكون متقبل تصرفاتك قبل بس كل شي زاد عن حده انفلب ضده


اتركيه لا تتصلين عليه الا لالضاروره

لا ترسلين له

فقط اسأليه عن الضروريات <<< تبي غداء وشي زي كذا اذا كان بالبيت

واهم شي لا تقولين ابتغير خليه يحس انك ابتعدتي عنه

وابتعدي عن المشاكل ؛؛ اشعريه انك سعيده

اثيري فضوله

اجذبيه بدون ما تحسسينه

وعندي سؤال اعاقتك هل هي شي صعب

 

[انا بتبع قلبى]

لازم تحبين نفسك عشان زوجك بعدها يحبك......................وخليك غامضه

 

[sahar1982]

حبيبتي ...

اتغيري و راح يتغير

اذا اشتقتي له جيبي ورق و قلم و اكتبي كل الي في خاطرك و قطعيها

لا تسألي عنه الا كل فترة

لا تعامليه كطفل ابدا

اذا حسيتي انه يبي يبعد و ينعزل اتركيه لا تلحقيه هذي طبيعة في كل الرجال ... اذا لحقتيه بيأذيك ... اتركيه لحاله و هو بيرجعلك من نفسه

لا عاد تسأليه وين و متى و ... ادري صعب بس حاولي و عودي نفسك .... صدقني لو كان في مكان و ما يبيكي تعرفي راح يكذب عليكي

و اهم شيء اكثري من الدعاء و الاستغفار

والله يسخره لكي

 

[أحبه و أغليه]

اختي انتي خنقتيه بحبك كذا بيضيع منك\\


اختي طبيعي يكون متقبل تصرفاتك قبل بس كل شي زاد عن حده انفلب ضده


اتركيه لا تتصلين عليه الا لالضاروره

لا ترسلين له

فقط اسأليه عن الضروريات <<< تبي غداء وشي زي كذا اذا كان بالبيت

واهم شي لا تقولين ابتغير خليه يحس انك ابتعدتي عنه

وابتعدي عن المشاكل ؛؛ اشعريه انك سعيده

اثيري فضوله

اجذبيه بدون ما تحسسينه

وعندي سؤال اعاقتك هل هي شي صعب

حاولت و احاول اكون زي ما تقولي .. سعيدة .. غامضة و جذابة .. بس دوم تتصلح الامور و بعد كذا يجي موقف واحد تافه و يهدها .. و يرجع يفتح كل السجلات القديمة ..

امم اعاقتي .. عندي قصور في احد ذراعتي .. يعني وحدة من ايديني مش متكلمة النمو من بعد المرفق " الكوع " تنتهي ..

مشكورة لانك رديتي علي .. و اتمنى منك تدعين لي كلما تذكرتي قصتي

 

[حنين الارض]

احبه واغليه

مادري بس احس من خلال كلامك انو هو كان يتكلم عن علاقته معاك لاصحابه ويمكن انتي بعد كنتي تتكلمين وهذا شي مو طيب ابدااا فلحديث عن امور البيت والسعاده الزوجيه يجلب لكي ولمن هو شريط لحياتك الحسد من الناس
فاول شي تحاولين عمله هو الحديث با الضد بانك لست سعيده فا العين حق وقالها الرسول صلى الله عليه وسلم وبعدها حاولي كما قالت روعة سحر ان لاتكثري من الاحتكاك به تصبري فهذا هو الحل وحاولي ايضا اجابه مايريد وطاعته في كل شي ولكن لاتطلبي شي فقد ثبت ان التعامل بهذه الطريقه هو يفتح مجال للتشويق واعاده تهيئة الحب من جديد........

 

[أحبه و أغليه]

لازم تحبين نفسك عشان زوجك بعدها يحبك......................وخليك غامضه

احس اني محتاجة اتعلم وشلون احب نفسي اكثر مما احبه فعلا بس اكون مرة متحمسة و من يصير شي افقد كلا حماستي و تنهار قلاعي الرملية بضربة موجة بسيطة ..

 

[معشوووقة]

بصراحه ماالومه يتنرفز منك ويتضايق بعد انتي مو خانقته بس انتي بتموتينه خلي نفسك مكانه واحد يحكرك ويخنقك ويقول وشفيك ولاصق بخشتك اربع وعشرين ساعه ويقول احبك اموت فيك خلاص تبدأ تتبلد مشاعرك وتحسين بالملل ياشيخه خفي على الرجال لايطير اثقلي ابعدي عنه خفي عليه بالاسئله ولعاد تسألينه انت تحبني لان كثرها يملل وبيني وبينك الرجال يحب الحرمه الغامضه اللي ماتبين حبها وانجرافها له ولاتبين كرهها هو يبدأ يلاحقها انتي لازم تبعدين عنه تروحين عند اهلك يومين ولا تسألين عنه لا بتليفون ولا برساله خليه يفقدك خليه يشتاقلك
والله يوفقك

 

[أحبه و أغليه]

حبيبتي ...

اتغيري و راح يتغير

اذا اشتقتي له جيبي ورق و قلم و اكتبي كل الي في خاطرك و قطعيها

لا تسألي عنه الا كل فترة

لا تعامليه كطفل ابدا

اذا حسيتي انه يبي يبعد و ينعزل اتركيه لا تلحقيه هذي طبيعة في كل الرجال ... اذا لحقتيه بيأذيك ... اتركيه لحاله و هو بيرجعلك من نفسه

لا عاد تسأليه وين و متى و ... ادري صعب بس حاولي و عودي نفسك .... صدقني لو كان في مكان و ما يبيكي تعرفي راح يكذب عليكي

و اهم شيء اكثري من الدعاء و الاستغفار

والله يسخره لكي

اوقات كثير احس انه متغير علي و مهملني و لا عاد يحبني مثل قبل .. و هالشي يجنني .. و لو عاتبته يرجع الحق علي ..


الله يسمع منك .. و يخسره لي و لا يحرمني منه .. ببتدي من الحين مب اقولك بحاول لا بقول ببتدي ان شاء الله اطبق فكرتك .. بحاول اعبر عن احساسي على الورق ..

مشكورة عزيزتي على مروردك و ردك و الشكر موصول للاخت العزيزة ساميه

 

[أحبه و أغليه]

احبه واغليه

مادري بس احس من خلال كلامك انو هو كان يتكلم عن علاقته معاك لاصحابه ويمكن انتي بعد كنتي تتكلمين وهذا شي مو طيب ابدااا فلحديث عن امور البيت والسعاده الزوجيه يجلب لكي ولمن هو شريط لحياتك الحسد من الناس
فاول شي تحاولين عمله هو الحديث با الضد بانك لست سعيده فا العين حق وقالها الرسول صلى الله عليه وسلم وبعدها حاولي كما قالت روعة سحر ان لاتكثري من الاحتكاك به تصبري فهذا هو الحل وحاولي ايضا اجابه مايريد وطاعته في كل شي ولكن لاتطلبي شي فقد ثبت ان التعامل بهذه الطريقه هو يفتح مجال للتشويق واعاده تهيئة الحب من جديد........

كان دوم يقولي "اقولهم تحبني و تموت فيني و عمري ما تخيلت ان حد مثلها بيحبني و يهتم فيني" .. و بنت اختي قالت لي نفسك كلامك .. تقولي يمكن محسود .. و يمكن ناس تغار من سعادته و راحته معاك تثقل قلبه عليك لانهم مب لاقيين حد يسوي لهم اللي يقوله ..

و انا قلت ببعد بخليه يروق و ترتاح اعصابه على طول متوترين .. و بقلل اهتمامي فيه .. و الله يصبرني .. انا عفوية و ما احب اتصنع و اللي احس فيه يبان على وجهي على طول مشاعري مفضوحة .. سهلة القراءة ..

تسلمين على ردك

 

[أحبه و أغليه]

بصراحه ماالومه يتنرفز منك ويتضايق بعد انتي مو خانقته بس انتي بتموتينه خلي نفسك مكانه واحد يحكرك ويخنقك ويقول وشفيك ولاصق بخشتك اربع وعشرين ساعه ويقول احبك اموت فيك خلاص تبدأ تتبلد مشاعرك وتحسين بالملل ياشيخه خفي على الرجال لايطير اثقلي ابعدي عنه خفي عليه بالاسئله ولعاد تسألينه انت تحبني لان كثرها يملل وبيني وبينك الرجال يحب الحرمه الغامضه اللي ماتبين حبها وانجرافها له ولاتبين كرهها هو يبدأ يلاحقها انتي لازم تبعدين عنه تروحين عند اهلك يومين ولا تسألين عنه لا بتليفون ولا برساله خليه يفقدك خليه يشتاقلك
والله يوفقك

كلامك على عيني و راسي .. و ان شاء الله نصايحك باخذها بعين الاعتبار .. يمكن غلطتي العظمى اني احبه اكثر مما احب نفسي و الغلطة اللي اكبر منها انه يعرف مقدار حبي له .. و مب اقولك اني من النوع اللي اذا حب يعطي كل شي .. بس فعلا هذي انا .. احب واجد و اعطي بدون حدود على سبيل راحتي و سعادتي .. و انا اكره هالطبع فيني .. و الله يقويني اغيره عشاني و عشانه

و مشكورة لانك تفاعلتي معاي و كان اول مشاركة لك فالمنتدى علي ..:icon26:

 

[انا بتبع قلبى]

جربى انك تثيرين فضوله .................كييييف ..............انشغلى بوقت خروجه او انشغاله عنك بصديقتك وحاولى انك تبينيله اهتمامك وانشغالك بها جربى هالحركه لمده محدوده مثلا اسبوع وشوفى ايش يصير

 

[زهرة البوادي2006]

اختي اقرأي قصص الدكتورة ناعمه وحاولي تستفيدي منها لان الحل تجدينه في قصصها معضم الي كتبته ينطبق في القصص حاولي اقرأيها واستفيدي لكن نصيحه انك تطبقي الكلام مو قرأه وبس او ادخل دورات الدكتورة والله يوفقك

 

[أحبه و أغليه]

جربى انك تثيرين فضوله .................كييييف ..............انشغلى بوقت خروجه او انشغاله عنك بصديقتك وحاولى انك تبينيله اهتمامك وانشغالك بها جربى هالحركه لمده محدوده مثلا اسبوع وشوفى ايش يصير

مشكورة سامية .. بجرب و على الله التوفيق ..

 

[أحبه و أغليه]

اختي اقرأي قصص الدكتورة ناعمه وحاولي تستفيدي منها لان الحل تجدينه في قصصها معضم الي كتبته ينطبق في القصص حاولي اقرأيها واستفيدي لكن نصيحه انك تطبقي الكلام مو قرأه وبس او ادخل دورات الدكتورة والله يوفقك

هلا عزيزتي ... قراتها وعرفت اللي فيها .. بس مثل ما شفتي انها تحتاج صبر و ثبات عشان الوحدة تقدر تستمر وتواصل التغير لان الاحتكاك و المواقف المختلفة تخلق ضغط غير الضغط النفسي اللي الواحد يكون فيه اصلا بسبب المشكلة نفسها .. الله يثبتنا

 

[غاليه]

الله يوفقك ويسخر لك زوجك

 

[أحبه و أغليه]

الله يوفقك ويسخر لك زوجك

اللهم آميـــن .. الله يسمع منك حبيبتي .. و يعطيك اللي فقلبك

 

[goldenhony]

تدرين أنك عبدته ؟؟؟؟؟؟؟؟؟؟؟ترضينها لنفسك
اول شي تذكري انتي ليش مخلوقه لعبادة الله وحده ،،
بعدين اسمعي نصيحة الرسول أذا احببت احب الهوينا واذا أبغضت أبغض الهوينا أو كما قال عليه الصلاة والسلام وبعدين هدي اللعب شوي ،،،هل هذا الشخص زوجك،،؟؟طيب تلفتي حواليك وعيدى ترتيب أولوياتك،،،شوفي أنتي وين حاطه نفسك بالقائمه ،،،ماأنسى نصيحة الأستاذه اللى مايحب نفسه ويقدرها ماحد يحبه ولا يقدره ،،،،،وبس والله يوفقج ويسعدج

 

[&دره&]

مره وحده دقت على فوزيه الدريع تقولها متزوجه من 14 سنه ولا قلت كلمة احبك لزوجي واهو متلهف ويطلب منيانه اقولها له بس اهي ما تقولها تقول اعبر عن حبي بكل شي بس ما ا قولها مباشره

تخيلي ريليها يموت فيها لانهال ما عبرت بصريح العباره وقالتله انا احبك

بس بعدها فوزيه الدريع قالتلها خل يسمعها منج قبل ما يحاول يسمعها من غيرج

تغلي غليه لا تكونين خفيفه

وحاولي تمسكين نفسج غير رقم تيلفونه وحطي رقم اختج او امج عشان لي وصلتي حدج ودقيتي الا وحده منهم اللي ترد عليج ما يكون زوجج وقوليلها اشتقت له ولصوته واهي خل تشجعج وتقولج لا تكلمينه او تكلمج بموضوع ثاني ينسيج زوجج

ولا تخزنين رقمه مو لازم مثل وحده من قصص الاستشارات خلت رقم زوجها من غير اسم ونفعت معاها

والله يسخر زوجج لج ويرجع مثل قبل واحسن

موفقه

 

[أحبه و أغليه]

تدرين أنك عبدته ؟؟؟؟؟؟؟؟؟؟؟ترضينها لنفسك
اول شي تذكري انتي ليش مخلوقه لعبادة الله وحده ،،
بعدين اسمعي نصيحة الرسول أذا احببت احب الهوينا واذا أبغضت أبغض الهوينا أو كما قال عليه الصلاة والسلام وبعدين هدي اللعب شوي ،،،هل هذا الشخص زوجك،،؟؟طيب تلفتي حواليك وعيدى ترتيب أولوياتك،،،شوفي أنتي وين حاطه نفسك بالقائمه ،،،ماأنسى نصيحة الأستاذه اللى مايحب نفسه ويقدرها ماحد يحبه ولا يقدره ،،،،،وبس والله يوفقج ويسعدج

كلامك كله صح .. الظاهر من حبي له نسيت نفسي و ان لها حق علي حتى تناسيت كل حقوقي .. مشكورة على ردك ..