الجنـــــــــــــــــ♥ رجل السلام والتواصل ♥ـــــــــــــــــــوبي (الردود)جـ2ـــ

[احبكم]

السلام عليكم

اهلا زوجات الجنوبي كيفكم ؟
اذا تسمحون لي بسؤال خارج الموضوع طبعا بعد اذن العمده المهاجره الله يجزاها خير على تعبها انا والله اتابعكم احيانا مو دايم

بس زوجي مجنني الى الان وانا محتاره فيه ساعه اقول جنوبي وساعه لا

وابغى اعرف انا لما اتناقش معاه في موضوع معين واجلس اقنع فيه واحس انه خلاص مقتنع وماعنده مانع لما يجي بكره القيه يرجع ويعيد كلامه وقناعاته ولا كني تكلمت معه امس واقتنع كلامي كله راح مدري ليش يسوي هالحركه طيب من الاول ماعجبك الكلام قل مو يعشمني بعدين يرجع لنفس كلامه هو ولو ضغطت عليه بشي قال خلاص بسويه عشانك بس انا مو راضي ومره يقهرني لاني اجلس بالساعات اتكلم معاه وهذي اخرتها وبعد لو دق على جوالي ومارديت ياويلي يعصب مره ويهاوشني كني مسويه جريمه مع انه هادي وحليم وصبور ويرجع يتأسف بس مدري ليش كذا

ياليت وحده تقولي هل هو فعلا جنوبي ولا انا جالسه اقرى عن هالجنوبي واجمع معلومات وهو مو جنوبي هههههههههههههههه

 

[نواره99]

هلا اختي
شوفي هالرابط كاتبته العمده وان شاء الله راح تعرفين شنو نمطهhttp://www.niswh.com/vb/showthread.php?t=109230

 

[المهاجره]

دلوعة ممنوعة وينك افتقدتك يالغالية عسى ما زعلتي علي وانا أختك
والله كله يصب في مصلحتكم كنت اخاطب العموم بالتحذير
ومرح j
وحبر وورق
ونفرتاري
العنا
احاسيس
برتقاله تفاحيه
وردة بين اشواك
وردة عسل
كيلو عسل
رومانسية
أمـ مهرهـ
طموح نملة

وكثيييييييير بنات اعرفكم كلكم وماني ناسية وحدة فيكم ان شاءالله
واحتري الفرحة يا حبيبتي انت دلوعة الملف ومحليته وكنا نشجعك علشان مصلحتك لايكون زعلتي علينا
ننتظركم ​

 

[دلوعه ممنوعه]

ووووووووووووووواااااااااااااااااااااااااااووووووووووو

الحمدلله ان ردي جاء بعد مشاركتك يامهاجره ..

واسفه لاني مادخلت الملف لان زوجي ماخذ اوف وحبيت استمتع معاه فيه ..

بالنسبه لمسألة اني زعلت اصلا ابشرك ماطلع لي شئ كل اللي شفته ملفات مرفقه وممنوع ادخل عليها ,, شفتي كيف حظك حلو :msn-wink:..

بالنسبه للدروس اللي فاتتني خساره مابدعت معاكم بس احس لو سويت المستحيل ماراح يعجبه ذوقي لاني جربت كذا مره وكله :no:..

فصرت اخليه هو يختار لي مع انه يهزئني احيانا هههههه اقصد يقارن بين ذوقي وذوقه وهات يامدح بس عاد وش اقول ..!

بالنسبه للدرس الجديد ..

اه على اهل زوج الجنوبي بالذات من جد مثل ما قالت الاخت المباليه ينظرولي وكأنه امي داعيه لي بليلة القدر ... الحنان والطيبه وما يقول لأ لو على قطع راسه ... بس اللي ما يدروا عنه او بالاصح يعلموا عنه ويطنشووووووو بمزاجهم هو اللا مبالاة اللي عند الجنوبي والبروووود بالذات على الزوجه ... وعندما تشكي لاحد ما يصدق ويقول : فلان لا لا لا لا مو معقول ... واللي يصدقني ما يعرف ايش يقول من الصدمه...
واهله اذا سايرتيهم والله يركبون على راس الوحدة وما عليهم وياخذو راحتهم على الاخر بحشر انفسهم بكل شيئ..

جزاك الله خير يالام الحنون جبتي اللي بقلبي والمشكله لاني صغيرة فالسن ,, الاحظ ان اخته الكبيره عمرها تقريبا 50 سنه تستغله اسوأ استغلال خصوصا بالفلوس تعرف كيف تسحب البساط من تحته سحب ..

والله اني اموووت قهر بس وش اسوي مالي الا الصبر ..

بالنسبه للاصدقاء طبعا زوجي جنوبي غربي والاحظ ماعنده اصدقاء كثير ..

ولايطلع معاهم يمكن بسبب ظروف العمل وحتى اخوانه واقاربه يادوب يشوفهم الا اذا كانوا هم بيجون عنده ونادرا بعد ..

وشعوري ساعة خروجه معهم شعور وحده اول مره تجرب وتفرح ان زوجها بيحل عنها شوي :nosweat:..

بالنسبه للحلول اللي تقدمينها يامهاجره والدروس السابقه حاولت اطبق بعضها بس ولو الجنوبي ما احس بيني وبينه توافق تعبت والله واحس اني من اليأس قدمت تنازلااااات كثيييييره ..

حتى هو يقول احس انك محبطه ,,

وفعلا صادق ..

امممممممــ ..؟

حبيت اسألك يامهاجره.. ليه الجنوبي مايحسب لي ولرغبتي حساب وحاطني على الهامش بكل شئ ومايتغير الا بالتحذير او التنبيه ماهي الاسباب ..؟

 

[احبكم]

شكرا اختي نواره ماقصرتي والشكر موصول للمهاجره على الموضوع المميزه ان شاء الله احاول اعرف وش يصير هالادمي ههههه

 

[حبةلولو]

الله الدرس الجدييييييييييييد مره مشوق
ومهم بالنسبا لاي وحده متزوجه جنوبي

 

[حبر و ورق]

السلام عليكم
هاي ياحلوين هجوره ياحظي سالتي عني ترى والله دايم انا عندكم بس دروسكم صعبه علي كانت يبيلها صور وانا ماعرف
حتى صورة الملف ماعرفت احطها
بس هالدرس مايبيله صور الا كانكم تبوني ارز صور الحموله ترى ماعندي مانع بس ماعرف
احم احم اهل الزوج
والله كويسين الحمد لله والام تمام بس اول الزواجكان لهم حركات يعني كان ودهم اني الصق فيهم وهو بعد وده جربت بس مانفع لاني ماحب الخروج عن النص في المزح والدقات ولا اعرف اجاري واذب
فكنت ازعل وابيه يزعل معي ويدافع عني لاني ماحب احتدم مع احد ولا ودي يحسون اني وازته فكنت احط الحره فيه وابيه يفهم وقتها ويوقفهم عند حدهم وهو مادري يفهم ويطنش ولا مايفهم
بس اذا تناقشت معه يايدني ويحس الحق معي
وامشي بعدين بعدت شوي وقللت الزيارات بس اذا رحت اكون كووووووول بس هم بعضهم يعني بعض اخواته يكونون متجهمين ولا يعطوني وجه او يقولون له اذا رحت ليش ماتجي واحيانا يحاسبوني انا
والام حليوه بس تتاثر فيهم احياننا
وبعد ماجبت اطفال يمونون بزياده ويدخلون ويربون ويصارخون الا ان خذت موقف ووقفت الامور عند حدها والحين اصلا انا انتقلت لمنطقه ثانيه
واموري معهم تمام التمام وطبعا يتكلون عليه في امور كثيره كنت اتضايق بعدين كبرت مخي ولاعاد يهمني
واصدقائه لازم يقضي نهاية الاسبوع معهم واحيانا خلال الاسبوع
برضو كنت اتضايق واكبر الموضوع بعدين بطلت يسهر للفجر عادي بلعكس انبسط واروق واطلع واغير جو مع صديقاتي وامارس هواياتي وبس .

 

[baby face89]

الام الحنون .............

يحليلج من كلامج شكلج عانيتي وااااااايد وشكلج مجروووحة :blushing:

تدرين شو غلطنا ؟؟؟؟؟؟؟؟؟؟؟ اننا عا ملنا الناس بطيبة وعفوية مثل ما نصحووونا امهاتنا واتفاجانا انهم ركبو قووق روسنا واستغلو هذي الطييبة ,,,,,,,,,,,:no:

بس اعتقد على حسب ما فهمته من ردودج انج الحين ما شية صح والي هو مبدأ

(السلام عليكم يا جاري .......انت فحالك وانا فحااااااااااالي):bye1:

هذا الي لا زم ينفهم ويطبق والحمد الله اني استفدت من تجاربكم وانا لسا في بداية حياتي :icon30:
​

 

[اسيرة الايام]

امممممممم..
اشوف النقاش انفتح
قبل ما ينفتح الدرس كتيير منيح.......

بخصوص اصدقائه واهله..
طبعا روووووحه اصدقائه
يطلع معه..
بس ما ينسى انه في همده بيت وولد وزوجة..
لازم يكون معهم...
يعني ما يزودها بالطلعات

اما بخصوص اهله..
طبعا امه عنده التوب..
ونان مقده له هالشي لانه كمان امي توب التوب
والحمد لله انا بعلاقة منيحة معهم..
حماتي (وانتو ادرى بالحموات( ..تحاول دايما تصيدني او تعلق علي..
وانا حسب مزاجي مرات اردلها الكلمة 100000000 بس برد غير مباشر او عن طريق المزح
ومرات اطنش
لكن الوضع بشكل عام مستقر

وبنتها الوحيدة طيوبة ومنيحة والحمد لله علاقتي معها كويسة

حبيبتي المهاجرة انا حكيت بشكل عام..
لو يكون في موضوع معين عن اهل الجنوبي واصدقائه
علشان اتعمق اكثر واوجع راسكم اكتر​

 

[نونوته]

صباح الخير ...

بالنسبه لعلاقتي بأهل زوجي الحمدلله كلهم يحبوني ويقدروني وانا زوجة الكبيرههههه
علاقة زوجي بأهله ممتازه أمه محملتنه مسؤولة اخوانه من صغره ...بس من سنتين توظف في مكان جديد
وهو والموظفين يأسسون هذا المكان ..وهو مبرمج ما شاء الله عليه يعني شغله في الدوام والبيت بعد وانا ما اضغط عليه لانه مسؤول عن الشغله اللي في ايده ...اصبح دايما يجلس بروحه يصمم مواقع وبرامج للدوام وانعزل عنا كلنا ههههههههههه وهو في الاصل بيتوتي بس انا احاول اسحبه من دوامه شغله واخليه يجلس مع اهله مب مشكله حتى لو يسحب اللاب توب ههههههه وبالنسبه لأصدقائه ينعدون عالاصابع بس حاليا مبتعد لانه انصدم من معامله بعضهم له بس لو زارو اخوانه يجلس معاهم بعض الاحيان ...

 

[قمر وعسل]

ليش ماحد علمني شلون احط الصورة بتوقيعي
المهم انا راح انظم لكم حتى لو بدون صورة واتمنى تقبلوني

اهل الزوج ......... ااااااااااااه من اهل الزوج ... تصدقون والله اني يوم كنت متملكة اتصلت بي اخته الي تعيش ببلد ثاني وقالت لي بالحرف الواحد انت امج داعية لج لانج اخذتي ابننا هذا الكامل العاقل...... رغم ان الواقع ان امي كانت داعية علي مو لي لان كانت مشكلة بيني وبينها ههههههههههههه
.......... بس الحقيقة انا مرتاحة جدا معاه الحمدلله .. لكن اللي زاعجني هو نفسه اللي زاعج كل البنات زوجات الجنوبيين .. وبتكلم عن موضوع النقاش ... الاهلللل وما ادراك ما اهل الجنوبي .. المشكلة انه على كثر ما يسوي لهم مواقف ويساعدهم ويضحي بكل شي لعيونهم ينكرون الجميل وخصوصا امه ما تعترف ان فيه صفه وحدة زينة والله ما عمري سمعتها مدحته بشي بالعكس بس تذكر عيوبه خصوصا لي انا !! ولما هو يحتاج شي منهم مافي يوم حد منهم طلب منه شي وعمله له!! يضحي بوقته وجهده وماله وحاجاتي انا وابني وياجلها اقصى ما يمكن لكن حاجات اهله واصدقاءه بنفس اليوم تخلص ااااااااااه شنسوي ........... احس اهله يعتبروه ملك خاص لهم وان كل وقته وماله لازم يكون لهم واللي يزيد عليهم وما يحتاجوه ممكن يكون لي انا وابني

 

[الام الحنون**]

ليش ماحد علمني شلون احط الصورة بتوقيعي
المهم انا راح انظم لكم حتى لو بدون صورة واتمنى تقبلوني

ياقمر وياعسل ما يحتاج لوضع الصورة في التوقيع الاانك تفتحي على المكتب عندك وتروحي عند تعديل توقيع وتسوي نسخ للصورة من توقيع وحدة من البنات وتلصقيها في المربع وراح تطلع على طووووول ان شاء الله
ولاتزعلي علينا علشان ما علمناك من الاول منتي شايفه كيف الموضوع الاسبوع هذا حاااااااااااااااااامي وجاي ع الوتر الحساس... وكل وحدة فينا ما صدقت تفضفض اللي في قلبها

 

[الام الحنون**]

الام الحنون .............

يحليلج من كلامج شكلج عانيتي وااااااايد وشكلج مجروووحة :blushing:​

​

بس اعتقد على حسب ما فهمته من ردودج انج الحين ما شية صح والي هو مبدأ​

(السلام عليكم يا جاري .......انت فحالك وانا فحااااااااااالي):bye1:​

هذا الي لا زم ينفهم ويطبق والحمد الله اني استفدت من تجاربكم وانا لسا في بداية حياتي :icon30: ​

تصدقي في الاول كان التطبيق جدا صعب وخصوصا اننا في عمارة وحدة ....بس نصحتني وحدة وقالت لوكنت في عمارة ثانيه هل حيكون لك علاقه بكل الجيران ...اكيد لأ ... لكن اذا شفتيهم ع الدرج او مدخل العمارة لاتقولي اكثر من سلام السنه وروحي بحالك
وهذا اللي صار معايا والحمدلله انا مرتااااااحه الحين ...مع اني ما قابلت امه ولا اخواته بس قابلت والده وزوجة اخيه
**************************
بس اللي ابغ اعرفه وياليت المهاجرة تضعه في عين الاعتبار اثناء وضع الاسئله ...هل زوجة اخيه تعتبر من اهل الزوج ام لا؟
لاني ملاحظه ان زوجة اخيه كأنها متضامنه مع اهله ضدي مع اني ما سويت لها شي وعلاقتنا كانت تمام ... اقول يمكن زوجها منعها انها تتكلم معايا علشان خاطر امه ؟ الله اعلم ...مدري اشلون اتصرف معاها ..هل اصارحها بانها اتغيرت معايا ولا طنش تعش تنتعش؟
رأيكم جدا مهم بالنسبه لي​

 

[قمر وعسل]

شكرا حبيبتي الام الحنون صدق انج حنونة ماحد عبرني غيرج انا الحين بحاول اسوي اللي قلتيه

 

[قمر وعسل]

ما رضت تطلع تظهر لي هذي المسج ::: غير مسموح بوسم BB url.

 

[الام الحنون**]

ما رضت تطلع تظهر لي هذي المسج ::: غير مسموح بوسم bb url.

ايوة يقولو البنات ان الادارة موقفه هذي الخدمه ما اعرف ليش​

 

[baby face89]

الام الحنون ,,,,,,,,,,,

انا بعطيكي راي فالموضوع بصراحة دامج انتي ما غلطتي عليها لا تتنازلين انج تصارحينها وتسوين لها اهمية
في بعض زوجات الاخ تتضامن مع ام الزوج ضد وحدة ضنا منها انها بهالطريقة رح تكسب ام زوجها واهل زوجها :no:

بس بصرااحة انا ما احب النفاق واذا هم صدق ظالمينج ومتحاالفين عليج الا ما تنقلب الموازين من عند ربي وينقلبون عليها هيه :shutup:

مادري انا هذا راي مدام ما غلطتي عليها خليها زعلانه وتكلم الحيطان بالعكس انا احس انج شخصية نا جحة وهما مش عارفين كيف يضايقونك

خاطري اسمع راي العمدة فالموضوع :nosweat:

ودمتي بود​

 

[الام الحنون**]

يا بنات بقسم الثقافه .. يوجد موضوع جدا حلو تحت عنوان دورات وقراءات للكاتبه: الأنيقه
كاتبه دوره حضرتها اسمها القرارات السبعه ... احسها جدا مفيدة خصوصا للإنسانه اللي تبي تتغير مع جنوبيها واهله مثلي
ههههههههههههه
وهذا الرابط اتمنى تستفيدوا مثليhttp://www.niswh.com/vb/showthread.php?t=124397

 

[ماء الذهب للابد]

النقاش صار حار مرررررررررررررة الجنوبي مجنن الكل ؟؟؟المشكله ماهي في ذاته ؟؟؟وعلاقاته خارج عائلته ؟؟؟الي استنتجته من الاخوات الي وصلوا لحل مع ازواجهم انها كونت عالم خاص بها وانشغلت عنه يعني خلصت امورها من دونه وشالت الهم الي كان على قلبها وكل ماجاها قابلته بابتسامه وغموض فهو يحب الغموض ويجري وراه وكمان مافيه اي مناقشات او اي طلب لانها مخلصه امورها ؟؟؟
هذا كنت عارفته من قبل بس وضعي غير زي ماقلت ؟؟؟ماعدت افكر في شي رومنسي او اي امور اخرى ابي ارتاح بس؟؟؟
الي عندي مو جنوبي بس غربي يعني لا يعترف بتقاليد ولا دين ولاعرف؟؟؟؟ الدنيا يحكمها هواه يبغى الناس خدم له ويمشون مثل يبغى ؟؟والله قد قالها بلسانه ان الحرام عنده حلال مادام يبغاه ويسعده
سؤال اخير ادري طولت عليكم وطفشتكم ؟؟هل تعانون من كذب الجنوبي ومماطلته وكثر الوعود الي عمرها ماتحققت؟؟

 

[بنت مكه 1100]

سلام حبيباتي
والله يجعل تجمعنا تجمع خير وللمساعده
ويعلم الله انو من باب الفضفضه مو الحش في الناس
معاناتي كبيررررررررررررررررررر
رررررررررررره 4سنوات وانا لازم اخذ شهر او شهرين فترة راحه بعد موافقته خوفا على حبنا لاينتهي مع كترة المشاكل
الله الحمدلله ارتحنا لبعض من النظره الشرعيه ومن الملكه بدا حبنا بس تفاجات بطريقة معاملته لي من ناحية اهله واليكم بعض من المواقف (فيض من غيض)
من تاني يوم كان عندهم عشاء وكان لازم اروح للكوفيره اتصلح غير الربكه ولخبطت ذاك اليوم والقلق المهم صادفت سلفتي معاي فب نفس المشغل اللي تزوجت معاي اكبر مني من باب الاحترام يوم جاء دوري خليتها هي وبكذا خرجت قبلي مع انها جات بعدي وانا تاخرت عرف من اخوه انها خلصت بدا اتصالات يالله وانواع الازعاجلدرجة قال خلاص اخرجي حتى لو ماتصلحتي كنت بركب راسي قلت شيقولون الناس لو دخل الشيطان بيننا وطلقني بيقولو في عيب واهلي حرام يجيهم كلام من تحت راسي مشيت ورحت تصلح في البيت وانا ابكي خاصم شوي باحترام وعرفت انو ابوه بدا بستعجله فهمت قال مايهمني حزت في خاطري بقوووووووووه والله يسامحه
في الصيف نكون في بيت واحد كل واحد له غرفه انا مهتمه بنفسي مااخرج الامتصلحه ومتاخره يجون ضيوفهم من غير سابق اتصال فجأه علبال مااجهز هم حطوا القهوه زعلوا وسوا اجتماع مغلق بين الاخوان والاخوات وحريمكم ومن هذا الكلام دخل علي وحش مفترس هزى وسب من الى وانا ابكي باموت من القهر لاني ارجع اساعدهم اليوم كله يعني بس 10 دقايق لا يبغوني وي سلايفي بارواب البيت يقابلون الضيوف رفضت وبشده انا لي شخصيتي وكياني مااسوي اللي يناسبهم على حساب نفسي صار يجبرني ادخل بدري انام وان عندي طفل صغير ماتحكم في نومه يقفل الغرفه وصلت انو بالقوه يقول يالله نامي بسرعه وياويلك تجي 8منتي صاحيه الصباح طبعا وتخرجي وتهرجي وتضحكي وعلى فكره هم من قريه وانا من مدينه فرق كبير في العادات واساليب التعامل
مره في الصيف اخواته اجتمعوا ونزلوا الحوش وماقالوا بس عادي حريات شخصيه ماازعل قلت اكيد في احد من اخوانهم معاهم عدى الوقت جاء زوجي لقيني في غرفتي وهم تحت دخل تاير ليه منتي معاهم تناقشنا وضحت لو قال لا لو وين راحوا ترحين وخليك زي ظلهم الغرفه بس للنوم وعلى فكره امو تاخذني معاها كل مكان حتى عند العجايز وهذا الى الان وكل سلايفي لا انا حتى لو ماابغى ولا عندي شي لا اروح عشان مايبغاني اقلها لا
للامانه هم طيبين يحبون اهلي واولادي بس زوجي للكرف عندهم مع انو احنا بعيدين الا انو تتاجل اشغالهم لين يجي المتزوجات كمان في غيره مو الوحيد في الاجازات تعاستي وهو يقولي اصبري اذارجعنا تسامح وترجع امورنا للافضل كمان مااروح لاهلي لاني اهلي واهله في نفس المنطقه مااحي الازيارات بالاجازه ماروح وفي وحده من اخواته حتى لو اهلي عندهم عشاء كبير مع العلم ان اخواته يوميا عند اهليهم
اسفه طولت عليكم بس حبيت افضفض لكم والله يرزقنا الصبر وطولة البال ونقدر نرضيهم ونرضي اهاليهم