زوجي وأنا...

[المتفائلة 123]

السلام عليكم ورحمة الله وبركاته

شحالكم .. عساكم بخير وسهاله .. انا عضوة جديده ومن خلال تصفحي فالمنتدى على بعض المواضيع والمشاركات والتفاعل من قبل الاخوات ونصايحهم لبعض حبيت اطرح لكم موضوعي علي اجد الحل المناسب ووأجد كذلك النصائح ...

ان شاء الله خلال اسابيع سوف يتم مراسيم زواجي ... ودعواتكم لي بالتوفيق بحياة زوجية سعيده ... لا أعلم اذا كانت هذه مشكلة أم لا التي سوف اطرحها.. المهم : زوجي رجل دين وخلق ومن عائلة معروفه ومحترمه ولكن ليس مواطنا .. قبلتُ بالزواج به من حسن سيرة .. وسرت على حديث الرسول صلى الله عليه وسلم .. (إذا أتاكم من ترضون دينه وخُلقه فزوجوه إلا تفعلوه تكن فتنة في الأرض وفساد عريض).

فحالته المادية ميسور الحال ( معاشة لا يزيد عن 2500 درهم)وانا راضية والحمد لله .. وانا والحمدلله عينت مدرسة في احد الضواحي القريبة مني وسأستلم أكثر منه .. أي اضعاف أضعاف معاشه.. والحمد لله ..

فهو لا يعيبة شيء الا انني لا حظت منه هذه النقطة وهي :

لاحظته انه يلمح لي دائما انه يريدني أن اشتري له سيارة ( ومش أي سيارة ) .. فانا مستغربه ومحتارة كيف ارد عليه عنما يطلب مني ان اشتري له سيارة .. وهل ألبي طلبهُ.. في بداية الأمر قلت له على سبيل المزح ان شاء الله ،، ولكن وجدت أنه يتكلم معي بجدية ،،، مع تكرارة هذا السؤال..

مرة من المرات .. سألني وقال: هل سوف تشترين لي سيارة ...؟؟؟ فكان ردي له: بكلمة واحده وقلت له ( لا ) فقال لي لماذا ؟؟ انتي لا تحبينني .. فقلت له احبك ..فقال: اذا لابد ان تشتري لي سيارة .. فأنا ليس لدي سيارة ولا نستطيع ان نتمشى معا من دون سيارة .. فقلت له :ليستْ بمشكلة سوف نجلس معا .. ألخ ..

فما رأيكن بكلامه .. وكيف ارد عليه بطريقة لا تجرحه؟؟ .. وهل من واجبي ان اشتري له بمالي الي ان يتحسن اوضاعه ويكون لديه المقدرة على شراء السيارة .. فأنا لا أريده أن يستغلني ...!! وفي نفس الوقت لا أريد هذا الشيء يخرب حياتي معه ويسبب لي الحساسية مع زوجي .. لانني احبه و هو يحبني ... فما هو الحل المناسب ؟؟

ومرة طلب مني مال حوالي 2000 تقريبا وقال لي انه سوف يرجعها ( دَيْن ) .. في لحظتها قلت له لو كان عندي ما بخلت عليك .. ( وصدقا ً لم يكن لدي هذا المبلغ عندما طلب مني ) فهل اذا طلب مني المال اعطيه ؟؟؟ بس انا خائفة اذا عطيته انه يتعود ويطلب مني كل مره .. لان الحياة يباله كفاح وانا ارد ان ادخر مالي في اشياء استفيد منها للمستقبل .. ماذا افعل؟ !! انا في حيرة !!!

و هل من حقي ان يصرف لي راتبا شهريا من معاشة أو انه لا يحق لي لانني اشتغل وعندي مالي الخاص ( معاشي) .. ؟؟ ( فهل يحق لي ان اطلب منه معاشا شهريا منه .. هل عليه ان يصرف علي رغم انني اشتغل) ؟؟
وانا أريد احس ان رجال هو اللي يصرف علي .. مش انا اللي اصرف عليه ...لان هذا شعور حلوو.. يكون واحد مسؤول عليك ويقدر هذه المسؤولية ... وانتم شو رايكم...؟؟؟

وآسفة اذا طولت عليكم .. وان شاء الله اجد الحل الشافي والوافي عندكم ،،وأمل منكم أن تدعولي بالتوفيق في زواجي وان اعيش حياة زوجية سعيده ... آمين

وتحياتي لكم ،،،

 

[**نبض القلب**]

حبيبتي
في البداية مبــــــــــــــــــــــــــــــــــــارك ياغالية
والله يتمم لك بخير
اما مشكلتك أعانك الله عليها كنت اتمنى اني اساعدك لكن ماعندي العلم حتى اخبرك
بس الا اعرفوا إن الوحدة مو دايم تعطي زوجها
اتمنى الاعضاء يفيدود ويفيدوني
لك حبي

 

[عزيزة نفس]

متفائلة أنتي :icon30:
ماشاءالله عليكي فقط إستمري لاتضعفي أمامه
إختبريه
لمحي له أنكي سوف تؤجلين موعد الزواج لأنه ينقصكي فلوس أو أنكي سوف تأخذين إجازة بدون راتب وشوفي ردة فعله ​

 

[دلوعة مملكتنا]

اختي اقري قصة وله

فيها شبه نوعا ما بزوجها اللي خذت له سيارة ومصرف البيت عليها وبنتها وخدامتها الخ من مصاريف

اخرتها تزوج تونسية بنفس البناية

اقريها وشوفي ردود وخطط الاستاذة ناعمة لها واستفيدي منها



امنعي عنه مالج من الحين

عشان اذا كان يتزوجج طمع يبتعد لانه ماوصل لهدفه
اما اذا كان يحبج صدق بيتادب وبيمتنع عن الطلبات اللي مالها معنى


هو عنده احساس بالدونية لانه مو مواطن ويبي يصعد على ظهرج وبالاخير يذلج


عموما

اتمنى لج كل خير

بس اقري ردود وكلمات الاستاذة ناعمة وقصة وله بالاخص


موفقة حياتي

 

[اغلى جواهر]

هو من الحين قبل ما تتزوجون بيطلب المال وكيف بعد ما تتزوجون وعيشتك كيف بتكون معه خايفه لاتصير حياتك مثل اثير صاحبه موضوع عبر الاثير اسسي اساسك من الحين ولا خليه يفتح سالفه الفلوس هل لانه يبي يتزوجك لاجل فلوسك ام للحياه الزوجيه فالحياه الزوجيه مقدسه واللي ما يحترمها مستحيل يعيش فيها مرتاح ولا انصحك تتبعين توسلاته

 

[المتفائلة 123]

حبيبتي
في البداية مبــــــــــــــــــــــــــــــــــــارك ياغالية
والله يتمم لك بخير
اما مشكلتك أعانك الله عليها كنت اتمنى اني اساعدك لكن ماعندي العلم حتى اخبرك
بس الا اعرفوا إن الوحدة مو دايم تعطي زوجها
اتمنى الاعضاء يفيدود ويفيدوني
لك حبي

الله يبارك في حياتك

تسلمين يالغلا على مرورك

 

[المتفائلة 123]

متفائلة أنتي :icon30:

ماشاءالله عليكي فقط إستمري لاتضعفي أمامه
إختبريه

لمحي له أنكي سوف تؤجلين موعد الزواج لأنه ينقصكي فلوس أو أنكي سوف تأخذين إجازة بدون راتب وشوفي ردة فعله ​

تسلمين يالغالية على الرد ... ولكن المشكلة انا بعدني لم ابدأ في شغلي،، ولم أنل اي مبلغ لانب بعدني لم أبدأ في العمل وألاحظ انه: (( كأنه يهيأني نفسيا على طلباته )) ..

من ناحية انني اؤجل موعد الزواج لا استطيع لانه حدُد وقريب جدااااااا لم يبقى لي الا مجرد اسابيع ...

دعواتكم ،،،

 

[المتفائلة 123]

اختي اقري قصة وله

فيها شبه نوعا ما بزوجها اللي خذت له سيارة ومصرف البيت عليها وبنتها وخدامتها الخ من مصاريف

اخرتها تزوج تونسية بنفس البناية

اقريها وشوفي ردود وخطط الاستاذة ناعمة لها واستفيدي منها



امنعي عنه مالج من الحين

عشان اذا كان يتزوجج طمع يبتعد لانه ماوصل لهدفه
اما اذا كان يحبج صدق بيتادب وبيمتنع عن الطلبات اللي مالها معنى


هو عنده احساس بالدونية لانه مو مواطن ويبي يصعد على ظهرج وبالاخير يذلج


عموما

اتمنى لج كل خير

بس اقري ردود وكلمات الاستاذة ناعمة وقصة وله بالاخص


موفقة حياتي

بس كيف أمنعه ... ؟؟؟؟ كيف اقوله .؟؟؟ كيـــــــــــف ؟؟؟أريد حل أو اقتراح عشان ما يطلب مني ... وأردعليه بكل أسلوب وبطريقة مقنعة ومن دون ان اسبب اي حساسية ؟؟:surrender:

وبالنسبة للقصة في اي قسم ؟؟؟!! عشان استفيد منها ؟؟:sad_1:

يالله وش كثر حيرانه ؟؟

 

[المتفائلة 123]

هو من الحين قبل ما تتزوجون بيطلب المال وكيف بعد ما تتزوجون وعيشتك كيف بتكون معه خايفه لاتصير حياتك مثل اثير صاحبه موضوع عبر الاثير اسسي اساسك من الحين ولا خليه يفتح سالفه الفلوس هل لانه يبي يتزوجك لاجل فلوسك ام للحياه الزوجيه فالحياه الزوجيه مقدسه واللي ما يحترمها مستحيل يعيش فيها مرتاح ولا انصحك تتبعين توسلاته

تراه مرة طلب فلوس (( كَسُلفه )) ... بس قلت له ما عندي لان صدق ما كان عندي شيء ...


بس لو كان عندي فلوس.. شو اقوله ؟؟!!

أقوله ( لأ )) ؟؟؟؟:crazy:

شو راااااااايكم يا أهل الخير..:sadwalk:

 

[اغلى جواهر]

قوليله بان ابوك بيستثمر فلوسك وانك ما تقدري تاخذي اي شئ منهم حتى ولو فلس او طلعيله عذر او انك اشتريتي اسهم او مشاركه مع حد

 

[المتفائلة 123]

قوليله بان ابوك بيستثمر فلوسك وانك ما تقدري تاخذي اي شئ منهم حتى ولو فلس او طلعيله عذر او انك اشتريتي اسهم او مشاركه مع حد

لو اني اقوله كذا بيقول ليش ما قلتيلي ؟؟ وليش ما تشاوريني .. او انه يقولي إعطيني وكاله بإسمي ؟؟

<< ؟أكيد كذا بيكون ردت فعله ؟؟ أخاف يضايق .. ويسبب حساسية ؟؟


والله مدري وش الحل؟؟؟ اريد حل مقنع ؟؟؟

 

[صمت الامارات]

مبرووووووك على الزواج
والله اذا انا بدالج بصارحه ,ودام انه على خلق لا اتخافين انشاالله ما بي ضرج :
يمكن يختبرج, الله يوفكج ياااااااارب

 

[زهرة البوادي2006]

اختي بارك الله لك في زوجك لكن لا تضعفي امامه وخلي نفسك انك لا تملكي فلوس وادخلي جمعيات وعندما يسالك قولي انك دخلتي جمعيه وخليك الاخيرة في الجمعيه عشان تشوفي رده فعله واذا طمعان في مالك بيبين انه طمعان وحسسيه انه متزوجنك لنفسك ليس لمالك ولا تعطيه فلوس وعندما تعيشي معه خليه يصرف على البيت ولا تقولي انه لا يملك مال ومن ناحيه السيارة خليه يشتري سيارة بالاقساط ولا تساعديه لانك في هذه الحاله تهدمي حياتك بتنازلك من اول حياتك الزوجيه معه والله يوفقك في حياتك

 

[المتفائلة 123]

مبرووووووك على الزواج
والله اذا انا بدالج بصارحه ,ودام انه على خلق لا اتخافين انشاالله ما بي ضرج :
يمكن يختبرج, الله يوفكج ياااااااارب

كيف اصااااااااارحه ؟؟؟ شو اقوله >> ما أريد اعطيك فلوس :no:


يالله ارحمني ووجهني الى طريق السداد

 

[المتفائلة 123]

اختي بارك الله لك في زوجك لكن لا تضعفي امامه وخلي نفسك انك لا تملكي فلوس وادخلي جمعيات وعندما يسالك قولي انك دخلتي جمعيه وخليك الاخيرة في الجمعيه عشان تشوفي رده فعله واذا طمعان في مالك بيبين انه طمعان وحسسيه انه متزوجنك لنفسك ليس لمالك ولا تعطيه فلوس وعندما تعيشي معه خليه يصرف على البيت ولا تقولي انه لا يملك مال ومن ناحيه السيارة خليه يشتري سيارة بالاقساط ولا تساعديه لانك في هذه الحاله تهدمي حياتك بتنازلك من اول حياتك الزوجيه معه والله يوفقك في حياتك

الله يبارك في حياتك يالغلا

بس .. هل من حقه ايضا ان يصرف علي شهرياً ،،،


ولا لأني خلاص اشتغل خلاص ما يصرف علي ؟؟

 

[شـغـف]

حبيبتي.. إنتي بعدج صغيرة.. ليش وافقتي على غير مواطن؟؟؟

ما علينا..

إياج تعطينه من مالج.. يعني معقولة في فترة الملجة ويطلب هالطلب الغريب؟ ويعني تحبيني اشتريلي سيارة؟؟؟ لا والله!!!

وقوليله ما أقدر أشتري لك.. لأني فلوسي كلها بخليها عند الوالد.. محتاجنها حاليا..

وطبعا المفروض يعطيج مبلغ.. لو صغير من ماله.. لأنه ملزم بالصرف عليج..

بس تبين نصيحتي.. فكري عدل.. متأكدة تبين تستمرين معاه؟ استخيري وقرري.. وألحي على الله بالدعاء.. الله يوفقج الغالية..

 

[المتفائلة 123]

:a032:



يا اهل الخير بشووو تنصحوني :sadwalk:


واتمنى اللي عندها خبره تفيدني من خلال تجرية ؟؟؟


وشوو الطريقة عشان اتفاداه وتكون بطريقة سليمة



ومن دون اي آثار جانية او سلبية ؟؟؟





:frown:

 

[شموخ حفيت]

إللي أعرفه الي يملج أصعب شي عليه ياخذ من الحرمة يسلف من عند ربعه ولا ياخذ من زوجته . بصراحه غريبة وجنه طمعان اسمحيلي.
خبريه انج ما تقدرين تشترين سيارة بشكل صريح ولو فكرتي تاخذين سيارة اكتبيها باسمج أحسن.

 

[المتفائلة 123]

حبيبتي.. إنتي بعدج صغيرة.. ليش وافقتي على غير مواطن؟؟؟

ما علينا..

إياج تعطينه من مالج.. يعني معقولة في فترة الملجة ويطلب هالطلب الغريب؟ ويعني تحبيني اشتريلي سيارة؟؟؟ لا والله!!!

وقوليله ما أقدر أشتري لك.. لأني فلوسي كلها بخليها عند الوالد.. محتاجنها حاليا..

وطبعا المفروض يعطيج مبلغ.. لو صغير من ماله.. لأنه ملزم بالصرف عليج..

بس تبين نصيحتي.. فكري عدل.. متأكدة تبين تستمرين معاه؟ استخيري وقرري.. وألحي على الله بالدعاء.. الله يوفقج الغالية..

ما اطالع الشخص من انه مواطن ولا لأ ... لان في بنات كثير ماخذين مواطنين ومب مرتاحين في حياتهم وياما نسمع فلانه تطلقت من فلان .. بسب اشياء اخلاقية او من ناحية أخرى .. الخ .. مع احترامي للمواطنين والمواطنات ..

انا وافقت على هذا الانسان اولا من ناحية الدين والخلق .. انسان محترم و عطوف سيرته على كل لسان ولا يعيبة شيء ... ( والكمال لله ) ... الا هذه النقطة اللي خلتني ألِف وألف و أدور .. والله محتارة :sad_1:

 

[المتفائلة 123]

إللي أعرفه الي يملج أصعب شي عليه ياخذ من الحرمة يسلف من عند ربعه ولا ياخذ من زوجته . بصراحه غريبة وجنه طمعان اسمحيلي.
خبريه انج ما تقدرين تشترين سيارة بشكل صريح ولو فكرتي تاخذين سيارة اكتبيها باسمج أحسن.

:icon1366:


آآآآآه ياربي ... لو تدرون ياناس وش كثر احبه هالانسان ... احس اني ما بعيش من غيرة :in_love:


هو كذالك يبادرني هالشعور ... وانا حاسه وابصم بالعشر انا صرت عارفته حق المعرفة

من خلال مكالماته لي ومن خلال زياراته لي"( في الاسبوع مره )


دعواتكم لي