حور الإمارات
New member
- إنضم
- 23 مارس 2009
- المشاركات
- 15
هلا بإستاذة ناعمة وخواتي العضوات,........... أنا عرضت موضوعي في منتدى ثاني بس البنات قالولي أستشير من الاخت ناعمة في هالمنتدى............. والصراحه قريت المواضيع هني وما شاء الله عليكم تردون الروح والله
أبغي أقولكم عن قصتي وعني شخصيا............أنا شخصية كتومة وخاصة لما أتضايج ما أحب أرمس...........بس اليوم اللي خلاني أتكلم ان الضيج زاد عن حده.............. أبغي رايكم فالموضوع......... وكيف أقضي على طبع الكتم لأن زوجي يتضايج من هالشي..........مثلا اذا شافني متضايجه يسألني بس أنا ما أرمس...........فـــبالتالي هو يزعل مني.............ولما أسأله عن سبب سكوته، يقولي ولا شي..........يمكن عسب يحسسني باللي هو يحس فيه لما أنا أسكت.........بشو تنصحوني؟؟؟ أنا طبعي جذي.........ويمكن أبغي وقت حتى أتأقلم معاه بما ان من تزوجنا صار لنا تقريبا شهرين.........
اليوم أبغي أعرض عن مشكله أنا مب عارفه كيف أواجها!!!!
أنا عرفت ان ريلي يرمس وحده عالنت
وانا كنت بعدني عروس مب مكمله شهر.... سكت عن الموضوع فالبداية
بس وصلت لدرجه انهم قاموا يرمسون بالتليفون
بتقولون كيف انا عرفت بالعلاقه!!!! أقولكم اني في يوم من الأيام كنت فاتحه لابتوب ريلي وما كنت أقصد اني أفتش عن شي وربنا العالم والله العظيم واثقة فيه لدرجه فظيعه والله
بس اللي خلاني أفتش أغراضه فالابتوب اني شفت على سطح المكتب صورة وحده
... انصدمت وقلت يمكن صورة حد من الاهل
......... بس استغربت وأنا عارفه ان لابتوبه يديد مرة وماخذينه لما كنا في شهر العسل....... يعني مافيه سوابق لان هو كان نادر ما يستخدم كمبيوتر البيت قبل العرس
أما هاليوم أول ما شفت صورة البنية، قلت أدش سجل محادثاتي اللي يسجل كل الحوارات اللي تكون عن طريق المسنجر......... أنا أدري انه يدش المسنجر بحيث انه بقول انه يرمس ربيعه الفلاني...
شفت لستة ايميلات وايده عنده وتميت أقراهم........لما شفت الحوار اللي صار بينه وبين راعية الصورة......خذت ايميلها وقلتلها ان مب زين ترمس واحد وتطورين علاقتج وياه وانتي ما تعرفينه......... طبعا أنا ما طرشت نفس اليوم.......... طرشت تقريبا بعد اسبوعين من أول يوم عرفت.... واللي خلاني أطرشه اني شفت انها حاطة رقمها فالحوار طبعا لأن زوجي طلب منها وقايل لها انه مب متزوج
وعقب طرشتلها ايميل قلتلها مب زين اتطرشين صورج لناس ما تعرفينهم، وهي ردت علي تسألني انا منو وكيف أعرفه وووالخ.....قلتلها أنا فاعل خير....بس شفتهم بعدهم يرمسون بعض
.....طبعا اذا رن الموبايل وأنا وياه يتأفف ويقول ما برد هذيلا من الدوام......ومرة قعد في سيارته يرمسها.....الظاهر اتصل فيها وما ردت علي جان يتصلي يقول اني فالسيارة عسب ما أدور عليه فالبيت ......ولما قلتله ليش قاعد فالسيارة قال أبغي أكلم واحد عن سيارة يبغي يبيعها بس ما يرد علي.....وهو يكلمني تقريبا دقيقه .... رن تليفونه الثاني جان يقول هذا ربيعي نفسه اتصل وصكر عني...لما رد الغرفه شفت التوقيت اللي اتصل لها...وعقب اتصلي.....وعقب استلم مكالمتها وتموا يرمسون تقريبا ساعه إلا ربع....... آخر مرة قلتلها ان الريال معرس ولا تهدمين حياته وهو توه معرس..... تخيلوا نفس الوقت كان ريلي يرمسها عالمسن وأعتقد صار تجش بينهم وريلي كان متضايج شوي....... وهو كان يحاول يراضيها بعد......وكنت أشوف كيف كانت تتغلى وريلي يراضيها.....هو ما كان يدري اني منتبه له..... ما قدرت أيود عمري وفتحت لابتوبي تميت شوي أتريا وقلتلها انه معرس ووووالخ..... طبعا هي انصدمت لما قرت ايميلي وتمت تسأل ريلي انه معرس وقص عليها ووالخ وظهرت.......... الصراحه أنا استانست وقلت الحين ما بتكلمه في حياتها
.....
بس الطامة الكبرى اني من نص ساعه دشيت كمبيوتره وعرفت انهم للحين يرمسون
بعد ولاااااا فوق هذا تفتح الكام وتراوي جسمها لريلي استغفر الله استغفر الله استغفر الله....... تحط الكام على كل أجزاء جسمها وترقصله أعوذ بالله
.......... والله العظيم أنا ما أبغي أفتح لابتوبه بس الشيطان يلعب دوره
....... وأنا كل ما أصلي أدعي لزوجي مع انه وايد يحبني والله بس ليش يسوي جذي؟؟؟؟
ولما اتصله وهو يرمس حد ما يرد علي لو أحرق تليفونه.....يوم يرد علي يقول كنت أرمس ربيعي وما أعرف كيف أرد على مكالمه ثانية.........بذمتكم هذي رمسه؟؟؟ ما يعرف كيف يرد على مكالمات اذا يت عالخط؟؟؟ ولما أنا أرمسه وأي شخص يتصلبه يقول اختي ولا ربيعي عالخط ويخليني أصكر عنه........ الظاهر المفروض أقوله لا تصكر وأنا بتم عالخط........عسب أتأكد من صحة كلامه
ولاحظت انه اذا يمل وأنا فالدوام يدخل الجات ويضيف البنات ويسأل عن رقمهن......... الأكثرية يعطونه والله أحس عمري بختنق........ شو أسوي؟؟؟ كيف أواجهه؟؟؟ أنا أعرف اذا رمسته أكيد بيبوز وما بيكلمني لو سنه كامله عادي عنده........دام انه بنات الحرام موجودين، بيهتم لزوجته؟
استغفر الله العظيم
ساعدوني بنات قولولي شو أسوي وأنا مب عارفه شو أقوله وأنا توني عروس....يسوي فيني جذي!!!!!عيل اذا كملنا 10 سنوات شو بيسوي؟
كيف أحفظ زوجي لي أنا وأخليه بعيد عن بنات الشوارعاللي ما يخافون ربهم؟؟؟
والله أنا اللي أشوفه اني مب مقصرة وياه..... اتعدله وأترياه لما يرد البيت وأحطله الغدا والعشى وأنش من وقت بس عسب أسويله كوفي عالصبح
مع انه يظهر الفجر من البيت...... بس هذا كله أسويله من قلبي والله..... وما أظهر من البيت إلا ومرتبة الغرفه ومبخرتنها وأشل الثياب من الحمام وأخلي كل شي يلق..... بس عسب ما يرد من الدوام ويشوف الغرفه مبهدله..... أتأخر على دوامي ولا اخلي غرفتي مبهدله
واسمحولي طولت وايد بس ما أدري أقول لمنو...أشتكي لربي ولكم والله
أبغي أقولكم عن قصتي وعني شخصيا............أنا شخصية كتومة وخاصة لما أتضايج ما أحب أرمس...........بس اليوم اللي خلاني أتكلم ان الضيج زاد عن حده.............. أبغي رايكم فالموضوع......... وكيف أقضي على طبع الكتم لأن زوجي يتضايج من هالشي..........مثلا اذا شافني متضايجه يسألني بس أنا ما أرمس...........فـــبالتالي هو يزعل مني.............ولما أسأله عن سبب سكوته، يقولي ولا شي..........يمكن عسب يحسسني باللي هو يحس فيه لما أنا أسكت.........بشو تنصحوني؟؟؟ أنا طبعي جذي.........ويمكن أبغي وقت حتى أتأقلم معاه بما ان من تزوجنا صار لنا تقريبا شهرين.........
اليوم أبغي أعرض عن مشكله أنا مب عارفه كيف أواجها!!!!
أنا عرفت ان ريلي يرمس وحده عالنت
بس وصلت لدرجه انهم قاموا يرمسون بالتليفون
بتقولون كيف انا عرفت بالعلاقه!!!! أقولكم اني في يوم من الأيام كنت فاتحه لابتوب ريلي وما كنت أقصد اني أفتش عن شي وربنا العالم والله العظيم واثقة فيه لدرجه فظيعه والله
بس اللي خلاني أفتش أغراضه فالابتوب اني شفت على سطح المكتب صورة وحده
أما هاليوم أول ما شفت صورة البنية، قلت أدش سجل محادثاتي اللي يسجل كل الحوارات اللي تكون عن طريق المسنجر......... أنا أدري انه يدش المسنجر بحيث انه بقول انه يرمس ربيعه الفلاني...
شفت لستة ايميلات وايده عنده وتميت أقراهم........لما شفت الحوار اللي صار بينه وبين راعية الصورة......خذت ايميلها وقلتلها ان مب زين ترمس واحد وتطورين علاقتج وياه وانتي ما تعرفينه......... طبعا أنا ما طرشت نفس اليوم.......... طرشت تقريبا بعد اسبوعين من أول يوم عرفت.... واللي خلاني أطرشه اني شفت انها حاطة رقمها فالحوار طبعا لأن زوجي طلب منها وقايل لها انه مب متزوج
وعقب طرشتلها ايميل قلتلها مب زين اتطرشين صورج لناس ما تعرفينهم، وهي ردت علي تسألني انا منو وكيف أعرفه وووالخ.....قلتلها أنا فاعل خير....بس شفتهم بعدهم يرمسون بعض
بس الطامة الكبرى اني من نص ساعه دشيت كمبيوتره وعرفت انهم للحين يرمسون
ولما اتصله وهو يرمس حد ما يرد علي لو أحرق تليفونه.....يوم يرد علي يقول كنت أرمس ربيعي وما أعرف كيف أرد على مكالمه ثانية.........بذمتكم هذي رمسه؟؟؟ ما يعرف كيف يرد على مكالمات اذا يت عالخط؟؟؟ ولما أنا أرمسه وأي شخص يتصلبه يقول اختي ولا ربيعي عالخط ويخليني أصكر عنه........ الظاهر المفروض أقوله لا تصكر وأنا بتم عالخط........عسب أتأكد من صحة كلامه
ولاحظت انه اذا يمل وأنا فالدوام يدخل الجات ويضيف البنات ويسأل عن رقمهن......... الأكثرية يعطونه والله أحس عمري بختنق........ شو أسوي؟؟؟ كيف أواجهه؟؟؟ أنا أعرف اذا رمسته أكيد بيبوز وما بيكلمني لو سنه كامله عادي عنده........دام انه بنات الحرام موجودين، بيهتم لزوجته؟
استغفر الله العظيم
ساعدوني بنات قولولي شو أسوي وأنا مب عارفه شو أقوله وأنا توني عروس....يسوي فيني جذي!!!!!عيل اذا كملنا 10 سنوات شو بيسوي؟
كيف أحفظ زوجي لي أنا وأخليه بعيد عن بنات الشوارعاللي ما يخافون ربهم؟؟؟
والله أنا اللي أشوفه اني مب مقصرة وياه..... اتعدله وأترياه لما يرد البيت وأحطله الغدا والعشى وأنش من وقت بس عسب أسويله كوفي عالصبح
واسمحولي طولت وايد بس ما أدري أقول لمنو...أشتكي لربي ولكم والله
