اللي عندها استفسار عن الديكور..تحطه هنا..والجواب عندنا بإذن الله..

[روح النسيم]

اهلا حبيبتي..

انا رأييمن رأي الاخت كل الوفا..

يعني لما قريت استفسارك..

الافكار اللي جتني لقيتها مطرحة برد حبيبتي كل الوفا..

يعني ما رح اضيف عن كلامها شي...

اتمنالك التوفيق..

دمتي بود..

 

[الدوسرية]

هلا بالغالية روح النسيم
عندي استفسارين:
ماالأفضل للأسقف في المجالس والصالات وإذاعندك صور ياليت-فضلا لا أمرا-تعرضيها لأني تعبت وماحصلت ماأريده ديكور بسيط ويوحي بالفخامة.
إذا عندك معلومات عن صلاحية البورسلان الصيني

 

[روح النسيم]

اهلا حبيبتي ..

بلنسبة للسقف..

ممكن تستعملي الاسقف اللي بتكون بالجبس والخشب..

او بالخشب بس..


بسيط بفخامة..

اما بالنسبة للبورسلن فما اعرف بصراحة حبيبتي..

واتمنى الاخت كل الوفا تفيدك..

اتمنالك التوفيق..

دمتي بود..

 

[~كل الوفا~]

هلا بالغالية روح النسيم
عندي استفسارين:
ماالأفضل للأسقف في المجالس والصالات وإذاعندك صور ياليت-فضلا لا أمرا-تعرضيها لأني تعبت وماحصلت ماأريده ديكور بسيط ويوحي بالفخامة.
إذا عندك معلومات عن صلاحية البورسلان الصيني

أهلا بك يا الدوسرية
بنسبة للأسقف فكرة روح روعة تعطي فخامة و جمال على المكان
و ممكن إذا تعذر استخدامك للخشب تعملية كل جبس و بعدين تصبغيه بويه عليها تعريقات الخشب

و نصيحة لاتعبي نفسك في البحث عن أشكال للجبس في النت لأن عندنا في السعودية قوالب ثابته يعني مو كل شكل يعجبك تقدري تنفذيه و عشان كذا لازم تزوري محلات الجبس و من هناك تختاري الشكل النهائي و خذي من النت بس أفكار
بنسبة للبرسلان إلي أعرفة انه حساس يعني ما تحطيه في أي غرفة لانه غالي و كمان يتكسر بسرعة بس أنا ما جربته
أما بنسبة لصيني أو غيره ما عندي فكرة


في حفظ الرحمن​

 

[قطرالندى]

السلام عليكم
صالة الاستقبال عندي مساحتها7*11ومجلس الحريم وباب المدخل مفتوح عليها في بداية الصالة يوجد شباكان سؤالي هل يصلح في علم الديكور وضع طاولة طعام جهة الشباكان اي في بداية الصالة وبعدها تاتي المدفئة والكنب الكلاسيكي و من جهة الدرج جلسة صغيرة مودرن هل يصح هذا الترتيب ولا لا ارجو الرد والاشارة علي بما هو احسن وجزاكم الله كل خير.
علما بان وجود المدفئة هو الذي فرض عليا هذا الترتيب .وهذي الصورة للتوضيح.
[/URL]

 

[~كل الوفا~]

مرجبا بك قطر الندى

بنسبه لسؤالك عن مكان طاولة الطعام فهو مناسب و كمان ممكن يكون الجلسة في أول الصالة و الطاولة في النص أما الجلسة المودرن ما فهمتها يعني انت بتحطي جلستين ؟
طيب لو كانت جلستي ليش ؟

المكان مو محتاج زحمة و انت عندك غرفة طعام ليش تبغي تحطي الطاولة في الصالة؟​

 

[sun set]

السلام عليكم

مكن تساعدوني في الوان المطبخ الي دارجة الحين

عندي شقة ومطبخها مفتوح على الصاله ولون السيراميك بيج فاتح ايش افضل الوان لدواليب المطبخ ودي بلونيين ؟

 

[قطرالندى]

مرجبا بك قطر الندى​

بنسبه لسؤالك عن مكان طاولة الطعام فهو مناسب و كمان ممكن يكون الجلسة في أول الصالة و الطاولة في النص أما الجلسة المودرن ما فهمتها يعني انت بتحطي جلستين ؟
طيب لو كانت جلستي ليش ؟​

المكان مو محتاج زحمة و انت عندك غرفة طعام ليش تبغي تحطي الطاولة في الصالة؟​

جزاك الله خير اختي كل الوفاءوطاولة الطعام كزيادة للغرفة الاساسية عند حصول كثرة لعددالضيوف اوجلسة للقهوة جانبية لبعض الضيوف واذا كان عندك اقتراح لتوزيع الاثاث لصالتي فانا باشد الحاجه لاقتراحاتكم وجزاك الله خيرا.

 

[~كل الوفا~]

السلام عليكم

مكن تساعدوني في الوان المطبخ الي دارجة الحين

عندي شقة ومطبخها مفتوح على الصاله ولون السيراميك بيج فاتح ايش افضل الوان لدواليب المطبخ ودي بلونيين ؟

أنصحك بما إن المطبخ مفتوح على الصالة انك تستخدمي نفس الألوان إلي في الصالة عشان يكون هناك تناغم و تمازج بين الفراغين

و بنسبة للألوان الدارجه
الأزرق مع الرمادي طالع في السوق جنان
و كمان البني و تدخلي معاه اكسسوارات اما وردي أو اورنج

أتمنى أكون أفدتك​

 

[~كل الوفا~]

جزاك الله خير اختي كل الوفاءوطاولة الطعام كزيادة للغرفة الاساسية عند حصول كثرة لعددالضيوف اوجلسة للقهوة جانبية لبعض الضيوف واذا كان عندك اقتراح لتوزيع الاثاث لصالتي فانا باشد الحاجه لاقتراحاتكم وجزاك الله خيرا.

أنا ما أشوف في داعي لطاولةالطعام و أقترح عليك إنك تستخدمي المساحة إلي قريبة من الباب في عمل مدخل يليق بفيلا كبيره و الباقي ممكن تعملي فيه جلسه مثل ما كنت تبغي

مثلا حطي طاولة مثل هذي في نصف الصالة

أو نوافير جميلة

و ممكن شلال

و عند الشبابيك ممكن تحطي فازات بأحجام مختلفة بس تكون كبيرة و تعملي فيها ديكور مثل أخشاب أو تل و لولو
وبس



​

 

[sun set]

أنصحك بما إن المطبخ مفتوح على الصالة انك تستخدمي نفس الألوان إلي في الصالة عشان يكون هناك تناغم و تمازج بين الفراغين​

و بنسبة للألوان الدارجه
الأزرق مع الرمادي طالع في السوق جنان
و كمان البني و تدخلي معاه اكسسوارات اما وردي أو اورنج​

أتمنى أكون أفدتك​

:shiny: الصاله مابعد اثثت يعني معنا خيارات واسعة :clap:
يعني لو قلنا بني محروق مع اورانج يجي حلو :msn-wink: بشاور اخوي واشوف وش يناسبة لان المطبخ له :shiny:

 

[الدوسرية]

مرحبا بالأخوات الغاليات روح...كل الوفاء... وبالجميع

اشكر لكما اهتمامكما بالرد على الأستفسارات

اتمنى للجميع التوفيق

 

[مشتاقه لريلي]

أختي العزيزه نسيم انا مشكلتي سجلتها بس محد رد (أدري مستعجله بس شكلك غاويه ديكور والغاوي هاوي يعني فنان )المهم عزيزتي مثل ماذكرت سابقا الصاله عندي جدرانها لونها ليموني بالنهار وبالليل مع السبوت لا يت الهادي (إضاءه صفرا)مسوي الجدران لونها أصفر وابو الشباب حب يخدمني باللون علشان مايبقى غير الاثاث ونا احب أختار الاثاث بعدين شو حط ديكورات 000 معليش طولتها بس هيك حيرني كيف بيكون ألوان الأثاث (شبعت عنابي وأخضر وألوان البني ودرجاته ألوان ميته بدي ألوان حياه )وماهي الموضه بالستاير وهل الأحلى أخليها من قماش الأورجانزا بحس تعطي طابع انثوي 000 على فكره سقف الغرفه ديكور أبيض مزخرف ناعم مجرد تمويج كيف أخليه متناسق مع لون الصاله شو الفكره اللي ممكن أعملها مضطره أشتغل بإيدي وهل ممكن أغير شوي بلون الجدار والله أصفر مره مومريح 000 الخلاصه عندك غرفه فاضيه جدرانها صفراء ةالشباك مربع عادي سحب عرضه متر ونصف 00 كيف تأثثيها والله يوفقك وتتخرجي من الجامعه وتفتحي محل ديكور بس تسويلي خصم 0000

كل الوفا أيضا احتاج مشاركتك إذا تسمحين1!!

 

[~كل الوفا~]

أختي العزيزه نسيم انا مشكلتي سجلتها بس محد رد (أدري مستعجله بس شكلك غاويه ديكور والغاوي هاوي يعني فنان )المهم عزيزتي مثل ماذكرت سابقا الصاله عندي جدرانها لونها ليموني بالنهار وبالليل مع السبوت لا يت الهادي (إضاءه صفرا)مسوي الجدران لونها أصفر وابو الشباب حب يخدمني باللون علشان مايبقى غير الاثاث ونا احب أختار الاثاث بعدين شو حط ديكورات 000 معليش طولتها بس هيك حيرني كيف بيكون ألوان الأثاث (شبعت عنابي وأخضر وألوان البني ودرجاته ألوان ميته بدي ألوان حياه )وماهي الموضه بالستاير وهل الأحلى أخليها من قماش الأورجانزا بحس تعطي طابع انثوي 000 على فكره سقف الغرفه ديكور أبيض مزخرف ناعم مجرد تمويج كيف أخليه متناسق مع لون الصاله شو الفكره اللي ممكن أعملها مضطره أشتغل بإيدي وهل ممكن أغير شوي بلون الجدار والله أصفر مره مومريح 000 الخلاصه عندك غرفه فاضيه جدرانها صفراء ةالشباك مربع عادي سحب عرضه متر ونصف 00 كيف تأثثيها والله يوفقك وتتخرجي من الجامعه وتفتحي محل ديكور بس تسويلي خصم 0000

كل الوفا أيضا احتاج مشاركتك إذا تسمحين1!!

أولا أحب أقلك انك مستعجلة كثيييييييير
لاني بدخل هذا القسم بإستمرار و ما شفت استشارتك و توقعت انها لها ايام​

و بنسبة لروح النسيم هي غير متواجده هذي الايام و ان شاء الله ما تطول غيبتها​

و أنا ببدأ معاك خطوة بخطوه​

مشكلتك الكبيرة في اللون الاصفر و انت حابة اللون الفوشي او ألوان فاتحة حسب ما فهمت من استشارتك الثانية طيب ليه لا​

شوفي الصور و انت تحكمي​

أنا ما احب الدرجة هذي من الأصفر لكن هنا طالعة حلوة​

​

كمان الازرق السماوي يطلع جنان معاه​

​

​

هذي مو كثير حبيتها لكن ممكن تعجبك​

​

الاورنج و التفاحي المطفي مع الأصفر يعطي نتيجة حلوة​

​

شوفي هنا كل الألوان مع الأصفر بس النتيجة مبهرة و انت ممكن تقللي من الالوان​

​

خلصنا من الديكور
الآن بحطلك صور لالوان مع الاصفر بس مش ديكور​

الفوشي​

​

الازرق​

​

الموف​

​

خلصت
ياليت تقوليلي أي الصور و الألوان عجبتك عشان نكمل
في انتظارك
و لو كنت أنا متواجدة على المنتدى ارسلسلي على الخاص عشان نكمل​

 

[مشتاقه لريلي]

درجة التفاحي ويا البرتقالي عجبني لكن مدخل النساء عندي مسويته قمر ديني يعني برتقالي فحبيت اللون الكرزي طيب شو أدخل معاه 000 ماعليه بتعبج وياي ولج الأجر انا بوسع اختياراتي واحس إن البرتقالي وايد ارقى او التفاحي يعني بختار بين الفوشي وياريت تقوليلي شاحط وياه لون اوتفاحي ويا برتقالي حسب الغنفات الأحلى وحسب رسمة القماش 00 طيب عموما أي أحلى قماش مشجر كله ولا اخلي الغنفات ساده؟؟لإن المقلط (وطبعا بالأيام العاديه اهو غرفة المعيشه )اخترت له غنفات مشجرازررق فاتح ويابني لهيك أبي الصاله ستايل فخم 000 انا بصراحه أحب الستايل الأمريكي بس بسبب مدخل الرجال طالع وايد راقي المفروض قسم النساء يكون أكشخ 0000 فهل القماش الساده أرقى ولا المشجر وهل الافضل قماش الشمواه لوكان ساده 00 طولتها مو ؟؟توني بعد ماخلصت بس أبيج تكونين وياي حبه حبه وعلشان أريحج خليها كل يوم حلقه؟؟

 

[~كل الوفا~]

طيب نخليها كل يوم حلقة(عجبتني)


أنا مشغولة الحين أرجع بالليل ان شاء الله​

 

[مشتاقه لريلي]

طيب نخليها كل يوم حلقة(عجبتني)​

أنا مشغولة الحين أرجع بالليل ان شاء الله​

إخذي راحتج ياقلبي 000

 

[~كل الوفا~]

درجة التفاحي ويا البرتقالي عجبني لكن مدخل النساء عندي مسويته قمر ديني يعني برتقالي فحبيت اللون الكرزي طيب شو أدخل معاه 000 ماعليه بتعبج وياي ولج الأجر انا بوسع اختياراتي واحس إن البرتقالي وايد ارقى او التفاحي يعني بختار بين الفوشي وياريت تقوليلي شاحط وياه لون اوتفاحي ويا برتقالي حسب الغنفات الأحلى وحسب رسمة القماش 00 طيب عموما أي أحلى قماش مشجر كله ولا اخلي الغنفات ساده؟؟لإن المقلط (وطبعا بالأيام العاديه اهو غرفة المعيشه )اخترت له غنفات مشجرازررق فاتح ويابني لهيك أبي الصاله ستايل فخم 000 انا بصراحه أحب الستايل الأمريكي بس بسبب مدخل الرجال طالع وايد راقي المفروض قسم النساء يكون أكشخ 0000 فهل القماش الساده أرقى ولا المشجر وهل الافضل قماش الشمواه لوكان ساده 00 طولتها مو ؟؟توني بعد ماخلصت بس أبيج تكونين وياي حبه حبه وعلشان أريحج خليها كل يوم حلقه؟؟

بنسبة للألوان إلي فهمت إنك اخترتي
التفاحي مع الأورنج
أو
الفوشي مع لون آخر

و مع الفوشي ينفع الأورنج أو التفاحي
و أنا أفضل التفاحي لان الاصفر و الفوشي و الأورنج كلها الوان حاره و صارخة فتحتاج لألوان تهديها مثل التفاحي


ثاني نقطة وهي كلها اراء شخصية
بنسبة لشمواه هو موضه و حلو و فخم وأنا احبة كثير بس يكون الغالب ساده و المشجر أقلية

و رقي القماش يعتمد على شكله أكثر من كونه ساده و لى مشجر
و أنا أحب المشجرات أكثر
و السوق يحكم اختيارك غالبا


و أنتظر النقطة إلي بعدها:sadwalk:​

 

[مشتاقه لريلي]

بصراحه يعطيج العافيه باختيار التفاحي ويا الفوشي 00 لإني كنت مختاره البرتقالي مع تفاحي لإنها واااااااااايد متناسقه وأنيقه لكن بخاطري فوشي 00 شفت الناس طاحو بالبنفسجي شبعت منه 00المهم النقطه الثانيه بخلي الطقم كامل موقطع 00 عشان يكفي الحبايب ومنتجاتهم (بناتهم الكبار) المقصد هنا أخلي كل الطقم ساده ولا أخلي مكان القعده مشجر والظهر ساده (شفته بالسوق وأحس لو غلطه صغيره بتخترب الفكره )وشرايج تكون الغنفات كامله زاويتين ومقابلهم جيز لونج أو أريكه مستطيله من غير ظهر ياخوفي لاتصير زحمه 0 نا بحط طاولات 000 وهل أخلي الاريكه 000 مشجره 000 والله قلبي معورني عليج بس انا من زمان مدفونه في شقتي القديمه وتوني حصلت النت في بيتنا الجديد علشان جذي اسأل بالتفاصيل 000 على فكره الصاله مقابله للمطبخ وهذا اللي يخليني أبي أريكه مستطيله بسوي فاصل ويلم جمعتنا 00طبعا القماش يكةن اختياري حسب توفر درجة اللون واللي أبيه بالضبط الكرزي موالفوشي بس أخاف يطلع بالليل فاقع مع اللمبات الصفرا وهل الانسب التفاحي ولا الفستقي 00 أقصد درجة اللون المناسبه مع الكرزي

 

[مشتاقه لريلي]

الله لقيت عرفت الالوان اللي أبيها

بس ياخوفي الإضاءه
الصفرا تخليها غلط!!