بنت زوجي وابوها الذي لا يكلمني بسببها

[سرعان ما أعود]

السلام عليكم ورحمه الله

خواتي ابغي مساعده منكم احس اني تعبت..انا متزوجه من رجل متزوج ولكن مطلق ولديه ابنتيين ..بكل الوسائل اعمل لادللهن واعوضهن عن بعدهن عن وامهم..
ولكن اشعر انهن يغاروون مني وخاصة اذا اشتريت شي لابنتي وولدي او اذا دلعني زوجي ارى ذلك في عيونهن ..مع اني لا اقصر معهم..

وانا كذلك اشعر بالغيره احيانا لانه لا يرفض لهن طلب ..وحتى لو على حساب راحته وعمله..

مع العلم انه ابنتيه اشعر انهن يميلون لي ..وينادوني بماما..

وايضا من ما يضايقني انه احداهن بلغت 7 سنيين وما زالت تنام في غرفه النوم معنا
وكم مره صارحته يرد:ما ابغاها تحس انه امها بعيده عنها ..
ومره فهمتها بلطف انها كبرت وصارت امراه ولما صار الليل جلست تبكي ولما سالها ابوها :
قالت امي ما تبغاني انام بغرفتها
وبخني زوجي وصار يكلمني باسلوب حاااد:schmoll:

ارشدوني

 

[عســـــولة]

الله يعينك

اقنعيه بأنها كبرت وممكن في اي وقت تصحى من النوم على منظر مو بصالحها تشوفه

اما ان كانوا اولادك الصغار ينامون معك فصعبة تتطلعينها قبل لا تطلعين الصغار

 

[روعة روح]

انا اقترح طلعي هم كلهم

احسن عيالك وعياله وترتاحين

 

[ام دودي و رودي]

انتبهي اذا بطلعينهم من الغرفه لازم كلهم مع بعض ورتبيلهم غرفه حلوه من هوم بلازا والا ايكيا ومع اضائات اطفال وحطي جهاز اطفال بين غرفتكم وغرفتك والله راح يستانسون
وبعدين فيه شغله مهمه كيف ينامون معكم بالغرفه تدرين ان الطفل حتى لو كان عمره شهور وشافكم بمنظر مو زين او صمع صوت صراخ هذا يطلع بعقله الباطن لما يكبر ويصير اما يكره الجنس او شره جنسيا ويسبب له مشاكل حرام والله انا بنتي وولدي من بعد الاربعين بغرفه بروحهم بجنب غرفتي
والله يجزاك خير عالطريقه اللي تعاملينهم فيها وانشالله الله يجازيك بعيالك

 

[الشيخه]

أحسن شيء طلعيهم كلهم بغرفة وحده
وأحرصي أن البنت الكبيره تختاار أثااث غرفتها علشاان تحبها
والله يجزاكِ خير على معاملتك الحسنه للبنات

 

[كاميليا روز]

اكيد كلهم سوا بس لازم خطة وليس الان لانهم ينتظرون ماذا ستفعلين طنشي دى الوقت بس ها لا اوصيك وقت الطناش روحي انت وزوجك غرفة ثانية افرشي فيها فرشة وهيئيها وبعد ما تخلصوا ارجعوا
الخطة ما هي الذي يناسبك طبعا بس فيه خطة متداولة زوري احد اقاربك معارفك صديقاتك تكون عندهم غرف اطفال وهناك يتفرجون ولا تبيني لهم شيء واذا طلبوا غرفة لحالهم عارضي باسلوب حلو
بعدين مو وقته لدينا شغلات اهم وهكذا وخصوصا زوجك لانه اكبر طفل لديك ويحاول يصيد لك

 

[أ. باسمه الكوس]

هلا حبيبتي

كيف حالك؟؟

وسعي صدرك يا بنت الحلال و على قولة خواتنا المصريات ( خليك إنتي الكبيرة ):msn-wink:

مهما يكون هذوله اطفال وما لهم بالدنيا غيرج و هم يحبونج ويعتبرونج امهم

بدليل يدلعون عليج وينامون عندج ويسمونج ماما

اعرف شعورج انج من تزوجتي وهم ملازمينج

وما حسيت بالاستقلاليه

بس انتي من قبل لا ياخذج ابوهم

كنتي عارفه وضعه ان عنده بنات

وبيقعدون معاج

تبين الصج كلما احتريتي او تضايقتي

رفعي ايدج للسما وقولي يا رب -- تسعدنا انا معاهم

وربج بيفتح عليج ابواب الخير من عنده

هذوله بنات زوجج حبيبج وخوات عيالج

دايما اشعريهم بالحب وضميهم لصدرج وحني عليهم

و فاجئيهم بأشياء يحبونها

وكوني انتي مصدر الهنا والسرور لهم

باجر اذا كبرتو انتي وابوهم بيذكرون صبركم عليهم بالخير

وبيقومون باخوانهم

ويضفونهم

:icon30:

اذا كانت الام تؤجر على تربية فلذات كبدها فما بالك بمن تربي ( بنات الناس)

اكيد اعظم اجراا

لأن فيه مشقه اكثر وتعب نفسي ومادي

دايما نظري لهم نظرة الرحمة والشفقه

وصدقيني لو زوجج بيوقف دايما بصفج انتي راح تتضايقين

بتصيرون كلكم ضدها

وهذا فظيع على طفله بظروفها مسكينه تعيش بداخلها صراع

ليش هي مو عند والديها

وتتألم من داخل وتتعذب كلما شافت الناس يعيشون بأمان

وما تقدر تعبر لكم -- ادري انتو مو مقصرين

بس يتم وضعها صعب وايد

واذا ما احتويتوها بالحب راح تهج منكم والله يستر شنو ممكن يصير فيها

ديري بالج عليها و مالج الا الاجر من الله

 

[ألوان]

هلا حبيبتي

كيف حالك؟؟

وسعي صدرك يا بنت الحلال و على قولة خواتنا المصريات ( خليك إنتي الكبيرة ):msn-wink:

مهما يكون هذوله اطفال وما لهم بالدنيا غيرج و هم يحبونج ويعتبرونج امهم

بدليل يدلعون عليج وينامون عندج ويسمونج ماما

اعرف شعورج انج من تزوجتي وهم ملازمينج

وما حسيت بالاستقلاليه

بس انتي من قبل لا ياخذج ابوهم

كنتي عارفه وضعه ان عنده بنات

وبيقعدون معاج

تبين الصج كلما احتريتي او تضايقتي

رفعي ايدج للسما وقولي يا رب -- تسعدنا انا معاهم

وربج بيفتح عليج ابواب الخير من عنده

هذوله بنات زوجج حبيبج وخوات عيالج

دايما اشعريهم بالحب وضميهم لصدرج وحني عليهم

و فاجئيهم بأشياء يحبونها

وكوني انتي مصدر الهنا والسرور لهم

باجر اذا كبرتو انتي وابوهم بيذكرون صبركم عليهم بالخير

وبيقومون باخوانهم

ويضفونهم

:icon30:

اذا كانت الام تؤجر على تربية فلذات كبدها فما بالك بمن تربي ( بنات الناس)

اكيد اعظم اجراا

لأن فيه مشقه اكثر وتعب نفسي ومادي

دايما نظري لهم نظرة الرحمة والشفقه

وصدقيني لو زوجج بيوقف دايما بصفج انتي راح تتضايقين

بتصيرون كلكم ضدها

وهذا فظيع على طفله بظروفها مسكينه تعيش بداخلها صراع

ليش هي مو عند والديها

وتتألم من داخل وتتعذب كلما شافت الناس يعيشون بأمان

وما تقدر تعبر لكم -- ادري انتو مو مقصرين

بس يتم وضعها صعب وايد

واذا ما احتويتوها بالحب راح تهج منكم والله يستر شنو ممكن يصير فيها

ديري بالج عليها و مالج الا الاجر من الله

هذا الكلام السنع ​

والله حكيمه​

 

[أ. باسمه الكوس]

هذا الكلام السنع ​

والله حكيمه​

مشكووووووورة يا قلبي تسلمين والله على هالكلمات اللحوة

 

[سرعان ما أعود]

الله ينولكم كل اللي في بالكم ويسعدكم مشكوريين خواتي الاميرات..

 

[ليليان وبس]

مرحبا حبيبتي
كتبت رد كطويل وراااااااح بس لعيونك بعيد الرد..
أنا أرى أنك تنومينها هي وباقي العيال بغرفة ثانية وبالبداية نامي معها وأحكي لها حكايات وغني لها
وأهمسي لها دايماً أنك تحبينها وأنها بنتك الكبيرة و ما ترضين أحد يزعلها,, وحسسيها بالأمان .. قولي لها أي أحد يزعلك تعالي قولي لي لأني ما أرضى على بنتي الحلوة وثقي أنها بتلين وبتبطل تقاوم أوامرك,, بمجرد ما تشعر بحنانك,,
وخليكي جنبها الين تنام .. وروحي غرفتك..

عطيها الثقة.. قولي لها أنتبهي لخوانك الصغار بينامون عندك,, خليكي مثل ماما
وإذا سمعتي الكلام بكرة أخذك على محل الألعاب تشتري لك لعبة كبيرة..
وكافئيها إذا أحسنت التصرف..

يعني خليها تحس أن نومها بالغرفة الثانية حاجة حلوة لأنها ترضيكي وبالتالي تتكافئ عليها
ورح تلاحظين أنشالله أنها هي اللي بتروح بنفسها لغرفتها وتاخذ أخوانها معها.. صدقيني تقدرين تستفيدين كثيييييييير منها بس في المقابل لازم تحسسينها بحبك وحنانك ..

الأطفال يعبروا عن أحساسهم بعدم الأمان عن طريق العناد والصياح .. ومتى ما عكستي هذا الأحساس وحسستيها بعطفك .. بيزول العناد وتصير لك طفلة مرنة ولينة وهادئة

وزوجك فهميه أنها لو بنتك كان ما خليتيها لها العمر تنام معك,, وأنك تحبينها وما رح تقسين عليها لكن هي كبرت ولو تركتوا لها المجال وتهاونتوا بتوجيهها رح تتعبوا معها بالنهاية
وأطلبي منه يترك لك حرية التصرف لأنك تعرفي تتعاملي معها كأم

 

[ليليان وبس]

مرحبا حبيبتي
كتبت رد كطويل وراااااااح بس لعيونك بعيد الرد..
أنا أرى أنك تنومينها هي وباقي العيال بغرفة ثانية وبالبداية نامي معها وأحكي لها حكايات وغني لها
وأهمسي لها دايماً أنك تحبينها وأنها بنتك الكبيرة و ما ترضين أحد يزعلها,, وحسسيها بالأمان .. قولي لها أي أحد يزعلك تعالي قولي لي لأني ما أرضى على بنتي الحلوة وثقي أنها بتلين وبتبطل تقاوم أوامرك,, بمجرد ما تشعر بحنانك,,
وخليكي جنبها الين تنام .. وروحي غرفتك..
عطيها الثقة.. قولي لها أنتبهي لخوانك الصغار بينامون عندك,, خليكي مثل ماما
وإذا سمعتي الكلام بكرة أخذك على محل الألعاب تشتري لك لعبة كبيرة..
وكافئيها إذا أحسنت التصرف..
يعني خليها تحس أن نومها بالغرفة الثانية حاجة حلوة لأنها ترضيكي وبالتالي تتكافئ عليها
ورح تلاحظين أنشالله أنها هي اللي بتروح بنفسها لغرفتها وتاخذ أخوانها معها.. صدقيني تقدرين تستفيدين كثيييييييير منها بس في المقابل لازم تحسسينها بحبك وحنانك ..
الأطفال يعبروا عن أحساسهم بعدم الأمان عن طريق العناد والصياح .. ومتى ما عكستي هذا الأحساس وحسستيها بعطفك .. بيزول العناد وتصير لك طفلة مرنة ولينة وهادئة
وزوجك فهميه أنها لو بنتك كان ما خليتيها لها العمر تنام معك,, وأنك تحبينها وما رح تقسين عليها لكن هي كبرت ولو تركتوا لها المجال وتهاونتوا بتوجيهها رح تتعبوا معها بالنهاية
وأطلبي منه يترك لك حرية التصرف لأنك تعرفي تتعاملي معها كأم

 

[ام شهد]

الله يعينج يا اختي وعامليهم دايما بالحسنى ...وحاولي ما تغارين منهم لان هذيل بناته ومحرومين من امهم

وهو اكيد حاس باللذنب من هالناحية...والبنات لازم يغارووون حتى لو انتي مو قصرة فيهم لان البنات بطبعهم

يغاروون من امهم اللي يابتهم فما بالج منج...

وحاولي تكلمين ريلج بهدووووء ان ما يجوز البنت ترقد معاكم...والزوجة الحكيمة ما شاء الله عليها ما قصرت

 

[هدهد]

بما ان الاب يخاف على بناته فكلميه ان وجود البنات في هذا العمر في غرفه النوم خطر على صحتهم النفسيه ... لانها ممكن يلاحظوا او تحسوا باي شي من العلاقه الجنسيه او حتى المداعبات ...وهذا يدمرهم تماما...

 

[سرعان ما أعود]

ليليان ..ام شهد..هدهد

ردودكم تطمني انه خواتي الاميرات يرشدوني ويهونون علي
اشكركم من اعماقي
راح اعمل بنصيحتج ليليان واردلج بالنتايج

 

[الدلع]

كفو ووفو ا الاميرات والملكات ...................................
بس حبيت ازيد شغله ,الحين بنات زوجك لايفهمون ولايعون ولاحول ولاقوه لهم ,ولكن بعدين اذا كبرو وهم

يحسون انك كالام لهم . راح يقدرون هذا ويكونون احسن من بناتك لك.ودائما احتسبي الاجر وفكري انهم بناتك.

 

[سلة فواكه]

اختي هيأي لها ولاخواتها غرفه جميله ينامون فيها ولا تنسين التشجيع المادي والمعنوي
ثانيا وضحي له انها حتى لو كانت ابنتك لن ترضي بذلك
ثالثا ادعي الله سبحانه