$$$$$$قصة ولادتي وتجربتي مع أبرة الظهر$$$$$$

[$شوق$]

بسم الله الرحمن الرحيم

كيف حالكم ياكروشات بلقيس إن شأالله تولدون بالسلامة وتفرحون بعيالكم وعيال أعيالكم​

حبيت اقولكم قصة ولادتي ب شوووووووق الحلوه وتجربتي مع ابرة الظهر​

ومن باب رد الجميل للمنتدى اللي ساهم بتوسيع معارفتنا​

وثقفتنا خاصة الثقافة الاسريه المهم مآبي أطول عليكم إليكم قصة ولادتي ​

ألبنوته الحلوه هذي هي المولود الرابع الله يحفظهم كان طلقها باررررررررد حييييييييييييييل مليت وانأ انتظر الولادة لدرجه إني كنت أحيانا ابكي من ضيقه الصدر​

:tears: :tears: :tears:​

المهم طوفت الموعد النهائي للولادة وتنومت بالمستشفى يوم الاثنين وبداء الانتظارررررروالانتظارررررررر​

يوم الثلاثاء الفجر حطت لي الدكتورة تحميله تفتح عنق الرحم وقالولي لاتتحركين ولا تروحين الحمام كثير المغرب زاد الطلق يزيد مرررره كأني بولد وأقولهم خلاص نادوا الدكتورة ثم يبرد وماكني فيني ولادة ولاشي​

:cupidarrow:​

وإذا جت الدكتورة وشافتني قالت مومبين عليك ولادة انتظري وامشي​

بديت امشي ريحه جايه ولما يزيد الطلق اوقف وأتمسك بأي شئ وعلى هال الحال كل شو أنادي الدكتورة تجيني تتطمن علي وتقيس فتحة الرحم وتقولي مفتوح سم2 أبروح أسوي عمليه واجيك ​

تعبت وانا انتظر وادور بالغرفة والممرات حقت القسم ​

بعدين امل وارجع للغرفه​

:flex: :flex:​

المهم الساعة 1 ليله الأربعاء زاد الطلق والرحم مفتوح حوالي 5سم قالوا يله استعدي نوديك غرفة الولادة انا فرحت على بالي اول مااروح للغرفه ابولد وارتاح​

دخلوني غرفة الولادة ​

كانت الغرفة ثلجججججججج قلت للممرضه تطلعيني من الغرفة هذي باردددده مرررره​

قالت مااقدر مافيه غرفه ثاني المهم غطتني بغطاءين ولفت على راسي فوطه والله يابنات من شدة البرودة إني مغطيه وجهي ماطلع الاعيوني​

وضاق صدري قلت إذا ولدت في هذي الغرفه اكيد بنتي راح يجيها التهاب بالصدر من البرد​

:icon1366: :icon1366: :icon1366:​

دعيت ربي عقب مايئست من المحاولات إني اخرج قلت يارب طلعني من هالغرفه البارده:c016:​

سبحان الله على طول جت الدكتورة وشافت الغرفة قالت للممرضات طلعوها برد عليها قالولها مافيه غرفه فاضيه والتكييف حق الغرفة هذي ماندري وش فيه صلحوه لكن مازال بارد​

قالت لهم طلعوا اللي في غرفه ثلاثة خلاص ودوها غرفتها​

:bigsmile: :bigsmile:​

طلعت وجابولي كاس شاي للحين أحس بطعمه لأني لما شربته حسيت إني اذووووووووب​

صرت امشي بين الغرف لحد ماينضفو الغرفة الثانية ولما يزيد الطلق أوقف​

انتقلت للغرفة وكانت دافيه ومريحه حمدت الله وشكرته ​

وكان هاذا الكلام تقريبا الساعة 3الفجرنزل معي دم مع مخاط وكان أكثر من أول لأني لي أسبوع وهذا يجيني ويروح​

:blushing: :blushing: :blushing:​

زاد علي الطلق وتعبت وكان شديد مرررره ونادو الدكتورة قاست عنق الرحم وانأ اتلوا قالت توك 7سم وقالت ادعي وانأ راح ارجع لك​

لما صارت الساعة 6 الصباح كنت تعبانه مره من الطلق جت الدكتورة وشافت التخطيط قالت طلقك غير منتظم لازم طلق صناعي ​

وقالت أنصحك تأخذي ابره الظهر لأنك تعبانه من الطلق استخرت وقلت خلاص موافقه :surrender:​

جاء دكتور التخدير الساعة 7ونص تقريبا عقم الظهر وأعطاني الابره بين منتصف الظهر وأسفله يعني ماكانت أسفل الظهر وسوالي القسطرة وشبكوها بالجهاز حق المخدر وصارو يعطوني بالتدريج​

لحد ماتخدر بطني وثقلت رجولي لكن كنت اقدر أحركها وحسيت إني ابغا أنام ودايخه وصرت أنام واصحا والممرضة تحاكيني كل شو تتطمن على​

واستمريت على هال حال لحد الساعة 10وكنت أحس بالدفع والممرضة تقولي لاتدفعي خطر عليك الرأس مانزل للحوض وانأ امسك نفسي وأتصبر لين الساعة 11 بعدين قلت خلاص مااقدر استحمل أحس بالدفع شديد ومااقدر امسك نفسي لحد الساعة 12 بعدين خلاص بديت ادفع لكن الرأس ماينزل​

:sad_1: :sad_1:​

حتى الدكتورة خافت علي وكانت تقولي ادعي إن الله يسهلها الله يجزاها خير كانت معي من يوم الثلاثاء المغرب الين ولدت حتى لما خلص دوامها وجت الدكتورة الثانية كانت تروح وترجع لحد ماولدت​

والله إني أتذكر الحين وأقول يارب تجعلها كفاره لي من جميع الذنوب بدأت معاناتي إن رأس الطفل مانزل للحوض مع إني ادفع ولما تدخل الممرضه تقولي لسا الراس مرتفع مانزل ​

ولأني كنت تعبانه ومرهقه يمكن عشان كذا ماقدرت ادفع زين خصوصا إني كنت علي غداء يوم الثلاثاء​

جت الساعة 1 ظهر الأربعاء وانأ خلاص ابكي ادفع والبنت موراضيه تنزل اجتمعن الدكتورات عندي والممرضات ونادوا على دكتور استشاري عشان يقولهم أش يسوون معي دخل الدكتور فجأه عشان يكشف علي وانأ تضايقت قالي لاتخافين وكشف علي وهو مغطيني الله يجزاه خير​

قالي شوفي الرأس مانزل لازم شفط أو عمليه استسلمت لأني تعبت من البارح الساعه1 اللي الظهر أيضا الساعة 1 قلت خلاص​

:sadwalk:​

وراحوا يجيبوا جهاز الشفط وانأ صرت أفكر في بنتي خفت عليها من جهاز الشفط ودعيت ربي وتعزمت وبديت ادفع بكل قوتي والدكتورات والممرضات يشجعوني ويقولوا شدي حيلك ويلله اقوي :showoff:​

ومن هالكلام وربي فرجها وولدت قبل مايجيبو جهاز الشفط من الخوف ويارب لك الحمد على كل حال والحين بنتي عمرها 4شهور الله يحفظها​

وبالنسبه لأبره الظهر كانت رحمه لي لأني تعبت وانأ ماحسيت بالطلق الصناعي اجل لواني حاسه فيه​

لكن ابره الظهر سببت لي تساقط لشعري من يوم ولدت للحين وشعري يتساقط بشكل كبير وأحس إني راح أصلع وياليت اللي جربت إبرة الظهر تقولنا هل سببت تساقط لشعرها والي تعرف حاجه توقف التساقط تقولي وانأ راح ادعي لها​

والله يجزاها خير​

لاتنسوني من صالح دعائكم​

 

[نجمة الصمان]

الحمد لله على السلامه

 

[روح ميمو]

الحمدلله على سلامتك ومبروك ماجبتي
ويارب يخليها لك ويحفظها
يارب يسهل على اللي لسه ماولدو

 

[حبيبت حمووووودي]

الف الحمدلله على سلامتك,,, آلهي يسهل علينا جميعا يارب

 

[الام الصغيرة000]

الحمد لله على سلامتك وسلامة البنوتة
تتربى بعزكم ان شاء الله
حبيبتي بالنسبة لتساقط الشعر طبيعي بعد الولادة يعني مو لانك اخذتي الابرة

 

[اام احمد89]

هلا حبيبتي انا ولدي عمرة اربع شهور بعد ومعاي تساقط شعر بشكل جنوني:schmoll: بس خليتيني اشك يمكن لان انا ولدت عمليه بس قالولي لا تخفين شي طبيعي بسبب تغير في الهرمونات الله يعينا ويطلع شعورنا:c016:يارب​

 

[رموش نمله]

الف الف مبروك ماجبتي

 

[** ألماسه **]

الحمد لله على سلامتك و الف مبرووووك

 

[**الماسه**]

الحمدلله على سلامتك
انا جربت ابرة الظهر بأراده مني خووووف من الولاده لاني جبااااااااااااااااااااانه منها واتوقع ان عندي عقده منها من كثر ماني اخاف من طاري الولاده خخخ
المهم
جربتها بعد مااستخرت الله بالصلاة والحمدلله كل شيء على احسن مايرام
اما التساااقط طبيعي مع الولاده لاتنسين انو مع الحمل يوقف التساقط وبعد الولاده يكون التساقط اشد من اول فعشان كذا شكيتي انو من الابره
بس اللي استغربته من تجربتك انك تحسي بالدفع انا ماااذكر اني احس بالدفع اتخدرت مررره لدرجة ان الطبيبه هي اللي تقولي يالله ادفعي الحين لازم دفععع تشوووف هالشيء بالاجهزه وهي اللي تخبرني بوقت الدفع

والحمدلله على توفيق الله ونعمه على عباده

 

[وروود]

الحمدلله على سلامتك وسلامة البنوتة
والف مبروووووك

بالنسبة للابرة والله العظيم انها رححححمة من الله
انا الحمدلله جربتها بولادتي الثانية وما افكر اولد بدونها
بس طبعا هذا كله بعد الاستخارة
والتساقط ما اظن انه منها
يمكن بعد الولادة او من الحبوب
عموما علاج التساقط الجرجير
اخلطيه بالخلاط مع علبة زبادي
ولانه ينشف الشعر حطي شوي زيت معاه
خليه ساعة او ساعتين على شعرك
مرة بالاسبوع او مرتين
وادعيلي
وكمان زيت الحبة السوداء يوقف التساقط
واذا ما نفع معاكي روحي لدكتورة يمكن يكون في سبب
بالتوفيق

 

[نقش الحنه]

الحمدلله على سلامتك وسلامة البيبي
تساقط الشعر طبيعي بعد اي ولاااااده

 

[صريعة الانتظار]

الحمدلله على سلامتك
انا جربت ابرة الظهر بأراده مني خووووف من الولاده لاني جبااااااااااااااااااااانه منها واتوقع ان عندي عقده منها من كثر ماني اخاف من طاري الولاده خخخ
المهم
جربتها بعد مااستخرت الله بالصلاة والحمدلله كل شيء على احسن مايرام
اما التساااقط طبيعي مع الولاده لاتنسين انو مع الحمل يوقف التساقط وبعد الولاده يكون التساقط اشد من اول فعشان كذا شكيتي انو من الابره
بس اللي استغربته من تجربتك انك تحسي بالدفع انا ماااذكر اني احس بالدفع اتخدرت مررره لدرجة ان الطبيبه هي اللي تقولي يالله ادفعي الحين لازم دفععع تشوووف هالشيء بالاجهزه وهي اللي تخبرني بوقت الدفع

والحمدلله على توفيق الله ونعمه على عباده

اللللللللللللللللللللللللللللللللللف مبروك والحمد لله على السلامه انا نفس رد الاخت الله يرزقك برها:clap:

 

[امرأة من الأرض]

الحمد لله ع السلامة يا أخت شوق الله لايحرمك الأجر ويرزقك بر بنتك .......
بس بصراحه خوفتيني وزاد القلق عندي أنا قالت لي الدكتورة موعد الولادة 10ـ 2 واليوم عشرين من الشهر والغريب أن الرحم مفتوح 2سم من ثلاثة أسابيع وعلى ماهو عليه مافتح أكثر من كذا والدكتورة تقول الطلق عندك باااااااااارد وكانت معطتني موعد اليوم علشان تشوف الوضع بس مارحت مليييييت ثلاث مرات اراجع وتسوي فحص مهبلي وتقول إلى الآن 2سم بصراحه تعبت مره ( ادعوا لي الله ييسر أمري ويسهل علي ولادتي يا رب )

 

[sosoooo]

الحمدلله على سلامتك وسلامة البنوته

 

[widad]

الف الحمدلله على سلامتك​

 

[@زوجه شمالي@]

الف الحمد لله على سلامتك انتي والبنوته

 

[$شوق$]

الحمد لله على السلامه

الله يسلمك

 

[$شوق$]

الله يسلمكم جميعا
اما بالنسبه للي قالو لي ان التساقط بسبب الولاده صحيح لاكن مو بهذا الشكل تصدقوا اني قصيت شعري
بسبب التساقط وبكل مكان الشعر لدرجة زوجي يقولي وش هذا شكلك تبي تصلعين
حتى زوجة خالي سوت عمليه والحين مصلعه من قدام
اختي الماسه حتى انا استغربت اني اقدر احرك رجولي واحس بالدفع وبغت تطلع روحي لان راس الطفل مانزل
اختي ورود مشكوره على الوصفات انشاالله اجربها

 

[سـارة]

الف الحمدلله على سلامتك

انا اللي اعرفه انه مع الرضاعة يتساقط الشعر بشكل فضيييييع والله اعلم

بس بسألك هل تنصحيني بابرة الظهر؟؟

 

[$شوق$]

الحمد لله ع السلامة يا أخت شوق الله لايحرمك الأجر ويرزقك بر بنتك .......
بس بصراحه خوفتيني وزاد القلق عندي أنا قالت لي الدكتورة موعد الولادة 10ـ 2 واليوم عشرين من الشهر والغريب أن الرحم مفتوح 2سم من ثلاثة أسابيع وعلى ماهو عليه مافتح أكثر من كذا والدكتورة تقول الطلق عندك باااااااااارد وكانت معطتني موعد اليوم علشان تشوف الوضع بس مارحت مليييييت ثلاث مرات اراجع وتسوي فحص مهبلي وتقول إلى الآن 2سم بصراحه تعبت مره ( ادعوا لي الله ييسر أمري ويسهل علي ولادتي يا رب )

الله ييسر ولادتك لاتخافين انا كل اولادي اتاخر واخلص الاسبوع 42 لكن البنت زياده على كذا صار طلقها بارد وانتبهي لاتخلي مواعيدك