وردة حبيبتي
زي ماشيمو قالتلك بالظبط
خلي حد من عندك يسأله هو مش هيرد على الناس واللا ايه؟؟ وياريت يكون مش قدامك عشان يقول رأيه بصراحة
ولما تعرفي رده وقتها يبقى التصرف التاني ,,,انك تتفاهمي معاه وخليه يفهمك على اللى بيفكر فيه وانت كمان وضحيله وجهة نظرك
الامور دي مش بتتاخد إلا بالراحة والعقل ,,,لان اي تصرف بأسلوب غلط مش هتلاقي غير الرفض
وامك حاولي تميلي دماغها وفهميها ان سعادتك مع الشخص ده وشكري فيه كتير وانه هيحافظ عليكي و,,,,و,,,,,و في الاول والآخر كل شئ نصيب
فخمتو خبيبي
ام هاجر
حمد الله على السلامة
ابعتي رابط المدلعين ده ,,,, نشوفه الاول
بس بعد بلقيس مش هتلاقي
اما عن النفسية فالحمد لله ان بخير وتمام التمام ,,, بس التعب اللى كنت فيه مخلي الواحد مش طايق نفسه
احساسك فشنك
شيمو
عقبال ماتجيبي فستان فرح اولادك واولاد بنات الملف
كلبوزة
احجزي وخلاص ,,,اصل الايام بتمر بسرعة و3 فبراير مش بعيد
وانا معاكي مش دكتور مخ واعصاب بس ,,,,اغلبية الدكاترة هنا تخافي منهم
اللى فشل في بلده يجي يمارس الطب هنا
لينا واحدة صاحبتنا ربنا يشفيها كان عندها مشاكل في عظم الركبة والدكتور قالها عمليه وكانت تعبانة جدا
دلوقت تعبانة اكتر من الاول وبتعاني معاناة ربنا مايوري حد ,,,, الاخ قطع لها اعصاب وهو بيعمل العملية
معاميكو
فين الواجب التاني هههههههههههههههه
غريبة
مش باينة انهاردة خالص ,,,شكلها تعب قوي من اكلة الفسيخ ام محشي
