قصتي مع زوجي ومرته الثانيه ,,

[غرام قطر]

السلام وعليكم ورحمه الله وبركــاته

اخــــــــــباركم انشاءالله تكونون بخيروصحه

انا كنت بنوته عمرهااا 14 سنه لما تزوجه وحيده امي وعندي 3 اخوان من ابي اكبرمنى بكثير واخت وحده كبيره , اكبر من اخواني , ولله الحمد احبهم كثير وهم يحبوني اكثر.

وما أعرف شي من الدنيااا لا اسواق ولا خروج دايم في البيت اهلى وخايفين على بس بزياده ..

وزوجي ابن عمي لماا خطبني وافقوا اخواني وابوي على طول , وزوجوني حابين مصلحتى يقولون اذا كان ولد عمنا ماراح يزعلج وبيداريج بزياده احترام لعمه ولناا

وأول نصيحه من واحد من اخواني قال ضروري تسمعين كلام زوجج في كل شي اذا قال امين لازم يكون امين واذا قال ارمي نفسج في البحر ارم نفسج من غير نقاش

لان المره الي تحترم زوجهاا وتسمع كلامه في كل شي انشاءالله تكون من اهل الجنه لان زوجهاا راضي عليهااا , وحبيت اسمع نصيحت اخوي الي يحب مصلحتى ,

تزوجت ورحت لبيته وكان بيت مشترك فيه اخوانه ونسوانهم وكل واحد له غرفه والحمدلله عشنا مع بعض 7 سنوات واحناا اخوات وحابين بعض

بس مشكلتي اني خجوله وماراح تصدقون لو قلت لكم خلال 7 سنوات وقمصان النوم كلهاا طويله وحشمه او البس بجامات نص كم ,

وهو كل اسبوع مسافر مع الشباب وكان يقول بروح مع اصحابي نغير جو ونرجع ,

ولا كان يحب اني اختلط مع حد لا اخواته ولا نسوان اخوانه يقول انتى كذا عاجبتني ولو اختلطي بهم ممكن يخربونج وتصيرين مثلهم راعيت اسواق وكل يوم تطلعين وانا ما احب كذا ,

والسوق ما اشوفه الا في السنه مره اروح اخذ كل احتياجاتي مره وحده , والضروريه بس ,

الكماليات لا ,

وكنت اقول الحمدلله مابي اصيرمثل حد المهم اني عاجبته وهو يحبني وبس , والمشكله ان اخواته عارفين انه مانعني منهم وساكتين مافي فيدهم شي,

نسيت اقول لكم اني جبت ولدي الاول بعد زواجناا على طول ,,,, بعد ما تزوجت بشهرين حملت وجبت ولدي ,, وبعدهااا كلت احبوب كان هو جايبهااا لي من الصيدليه بس قالي ما تخذينهااا الا وقت الجماع بس

ولما يسافر ما كنت اخذهااا وحملت ببنتى بعد ماكان عمر ابني 9 شهور ولا كنت اعرف كنت مطمنه اني ماراح احمل الا بعد 3 سنوات

وكنت جالسه عند التلفزيون ما شفته الا لما دخل على مايشوف قدامه وقال انزلي تحت اخواتي مجتمعين وابيج تكونين معاهم

قلت له اوكي بنزل وراك بس انت انزل وانا بغير وبجيك قال بسرعه قلت شفيك مستعجل ماراح يطيرون

وقلتهااا بصوت عالي وهذا اول مره اطول صوتي عليه وقال انا عارف انج ماتحبين خواتى علشان كذااا ماتبغين تنزلين

قلت له خلاص طلقني لو انت متأكد اني ماحبهم شكلك دخلت قلبي وعارف الي فيه انا عارفتهم واحبهم قبل ما اعرفك ,,

قال انتى طالق ,, قلت هذي احسنهااا من ساعه لو اعرف ازغرط كان زغرط < الووولش >>

قال جمعي اغراضج وطلعي طبعااا شلت اغراضي ورحت بيت واحد من اخواني كان امي وابوي ساكنين عنده

لمااا سألوني عن سبب الطلاق وقلت لهم انصدموا قالو مستحيل ,,

وبعد الطلاق رجعت لدراستي كنت طالعه من اول اعدادي كملت ثاني عصري لحد اول ثنوي وتعرفت على وحده الله يوفقهااا يارب لما عرفت قصتي مع زوجي استغربت ان فيه وحد لحد الحين جاهله في الامور الخاصه بزوج

طلعت معاهاا في يوم جابت لي كريمات للجسم ريحتهااا موت وعطورات ماركه تجنن وجابت لي مكياج وقمصان نوم خالعه بالمره قالت هذي الي تلبس مش قمصان الي عندج

وقالت لي انتى عارفه ليش هو استغنى عنج بكل سهولهلانج ماتسوين له شي يلفت نضره لج اذا بغاج خذ الي يبي وراح بس

قالت لازم تفتنينه وتخلينه يشوف مفاتنج وتدللين عليه وعلمتنى شويه حركات قالت بيتغير معاج وبكره تشوفين ..

بنسبه له هو كان يومياا يكلم اخواني يبي يرجعني بس اناا بعد ما جبت بنتى زعلت عليه كثير قلت مادامه طلقني بكل سهوله اكيد مايحبني

بس اخواني ادخلوو في السالفه اغنعوني ان المره مالهااا الا زوجهااا وبيتهاا وعيالهااا

ولازم ترجعين مادام زوجج لحد الحين متمسك فيج اكيد يحبج ولازم ترجعين له على الاقل علشان خاطر عيالج

ورجعت له بس حاولت اتغير غيرت لبسي قعدت البس له القصير وجلس جنبه ماقدرت اسوي الحركات الي قالت لي عليهااا

حركات جريئه جدااا ,,

بس في مره جاني اخوه يسألني ليش زوجج مطلع سياره وبايعهااا وبعدهااا سافر اسبوع حتى ماكلمني

قلت له مادري هو قال رايح مع الشغل قال لا شغله مايودون سفريات بس شكله لاعبه عليه وحده وبتضيعه

قلت مادري ,, ونبهتني وحده قالت انتى تشيكين على تلفون زوجج قلت لا قالت لي شوفيه ان كان حاط له قفل انتبهي تراه يغازل وسفراته الكثيراكبر دليل ,, وانا مابي اصدق حد غيره سألته وقال لي لا علشان كذااا ماابيج تختلطين بحد بيخربون حياتج لو سمعتي كلامهم ,,

قلت له والسياره الي بعتهااا قال يمكن تشابه اسماء والي قال لخوي ما انتبه ,, ومن غبائي صدقته ..


وبعدهااا 6 شهور حملت بولدي الثالث وبعدماجبته كان بيتنااا جاهز وطلعنااا وسكنااا في بيتنااا ولا خليته يطلع سلفيه علشان الاثاث ولوازم البيت بعت ذهبي وامي عطتني ذهبهااا وبعناه واثثت بيتي

واخوانه كل واحد طلع سلفيه واثثو بيوتهم ,,

ولما طلعت لبيتي قلت الحين انا بروحي باخذ راحتى اقوم اجهز له الفطور والبس اقصر شي عندي واروح اصحيه اقعد ابوس فيه والعب له في شعره وفي شي ثاني لحد ما يقوم وهو يضحك ومبسوط

واخليه يفطر واجهز له ملابسه لحد ما ياخذ له دش ,,, واروح اشغل له سيارته تحتر شوي لحد ما يجهز ,,

يكون البخور جاهز وامسحله جسمه بكريم انا مسويته له بدهن العود والبسه وبخره يقول لي تدرين ان المدير يقول لما توصل اعرف من ريحتك الحلوه الي تتنتشر في جميع المكاتب

ولما يرجع من الدوام اكون لابس له طقم حلو قصير او برموده او شورت مع بدي ويكون الغدااا جاهز وانا جاهزه له بعد ما يتغدااا استلمه في الغرفه وادلعه ,,

بس تأخرت كثير وانا ما أدري ,, كان مسوي علاقه مع وحده من سنه وانا ما ادري ,,

قلت له خاطري اخذ مانع حمل علشان ابنسط معاك وابسطك قال لا انا حاب عيالي منج يكونون كثير قلت الحمدلله تغير وحبني مثل ما انا احبه ,,

وحملت في بنتى وكانت هي الرابعه وقلت له الحمال هذااا بيكون الاخير لاني تعبت جبتهم كلهم ورااا بعض ,,

قال لي يسير خير

لحد ما جا يوم قال انا احبج واموت فيج ولو الف الدنيااا ما القى وحده تحب زوجهاااا وتحترمه مثلج

وانتى الحمدلله ماقصرتي معي بشي بس انتى عارفتني احب التغيير ولو انتى حابه اني ما اعروح للحرام خليني اتزوج

قلت له ليش لما تغيرت وصرت احسن من اول بكثير تتزوج ولماا كنت جاهله في كل شي ما تزوجه

قال لاني اسافر واروح بس الحين ما ابغي الحرام انتى في بيتج وعند عيالج والثانيه مجرد متعه

قلت وانت اخترتهاا قال ايه وهي عارفه اني ابغيهااا للمتعه وبس ,,

قلت له انا متأكده الحين اني منا مقصره معك ليه تسوي فيني كذااا

قال مادام المره تحب زوجهاا اكيد بتتمنى سعاده حتى ولو مع غيره ,, انا كنت اقدر اتزوج وافاجئــــج
بس انا حبيت انج تعرفين ..

وانا كذا كذاا بتزوجهااا فــــــ احسن انج توافقين لان طلاق انا ما اطلق ,,

قلت له اوكي تزوج بس لاتجيب سيرتي لا في خير ولا في شر عندهااا انا منا بايحه منك

قال زين وغيره وقلت الناس بتبتدي تتكلم وتركبني الغلط فــــ ياليت تقول نصيب وبس ما احب تطلع على سوالف قال بسيطه

وراح وقال لاخوانه وهله انا رايح في دوره تبع الشغل وقعد اسبوعين طبعااا تزوج بس انا حسيت اني كنت في سجن وربي طلعني من سجني كنت محرومه من صديقاتي ومن كل الناس اول شي سويته عزمتهم عندي طبعااا هو كان عارف وعطاني الضوء الاخضر اطلع وادخل بمزاجي ,,

وكل يوم طالعين انا وهم وعيالي انبسطو اعيالي والحمدلله عمرهم ما انبسطو اكثرمن الفتره ذي

وعوضوني صديقاتي عن غيابه ونسيته في الفتره ذي ,,وفي اليوم الي رجع فيه من السفر كنت عند صديقتي الي غيرتني فديتهااا

واتصل وانا كنت اتعشى وهي كانت في الغرفه تصلي العشاء وشافت تلفوني يرن قالت اوديه لهااا بس لما شافت عمري وحياتي كان اسمه

ردت تقول كان اول مره اتجرء ارد على حد غريب بس من الحره الي داخلي ,, وقالت له الو انا صديقتهااا تدري انك ماتستاهل وحده مثلهااا حبتكوانت كنت تخونهااا الحين احنااا نحاول انهااا تنساك في الفتره ذي وانت تتصل ليش

قال انا جاي قالت لو منعتهاا عنااا انا الي بقعد لك على الوحده خلهااا تشوف حياتهااا الي انت حرمتهااا منهاا كانت في مؤبد وطلعت ,, وتقول قلت له كلامكثير وفي الاخر وصته على وقالت حطهااا في عيونك ماراح تلاقي مثلهااا استحملت منك اشياء كثيره مااحد يستحملهاا ابد ولو تلف الدنيااا ماراح تلقااا مثلهااا فـــ لا تخسرهااا ,,

 

[ملكة ببلقيس]

هااا يلااااا حبيبتي
تفاعلت جدا مع قصتك
كملي احنا على احر من الجمر
؟؟؟؟؟؟؟؟؟؟؟؟؟؟؟؟؟؟؟

 

[مرت الوحش]

كملي حبيبتي نحن نترياج

 

[الحـــلا كلـــه]

صراحه قصتج محزنه غريبه في بنت مثلج بريئه صراحه انتي نادره
كملي ناطرتج

 

[اساوري]

يالله وبعدين وش صار أختي ؟؟!​

 

[ميمي 1404]

كملي ياختي .. ايش صار بعدين

 

[خوااااطر]

كملي تحمست مرررره

 

[غرام قطر]

شكرااا على ردودكم


وبعدهااا قال لهااا انا جاي وما ابغيهااا تعرف بسوي لهااا مفاجــأه وصفت له البيت وجاء وقالت لي الدريول بيوديج اطلعي سلمت عليهم وطلعت كان الساعه 12 باليل وشفته واقف ركبت ولا كلمته ولا قال شي هدووووء لحد ما وصلناا للبيت ,,

وبعد ما دخلت للغرفه ودخل وراي قال تعالي جنبي وجلست جنبه وقعد يقول تصدقين انج معي في كل لحظه واني فقدتك كثير وقاعد ابكي ولا تهنييت معاااهااا حسيت اني ظلمتج معاي وقعد يبكي وانا اول مره اقعد مثل الصنم لا تكلمت ولا حتى بكيت مع اني اذا حد قال لي كلمه على طول ابكي ,,

بس حسيت انه انسان غريب عني لا أبيه يكلمنى ولا حتى يجلس جنبي ,,

وبعد ما سكت من مقالاته الي يقولهااا قمت ووقفت وقلت له تصبح على خير ونمت وخليته وهو نام على تحت حط لــــنفسه فراش ونام

احنااا بعد ما طلعنااا لبيتنا امي سكنت معاي فــأنا ما حبيت ابين لهااا شي لما نكون برى الغرفه نتكلم عادي واذا رجعنااا الغرفه كأني ما أعرفه ,,

وبعدهاا 4 أيام قال انا بروح لهااا هي توهاا عروس والناس بتتكلم عليهااا بتقول توك عروس وراح وخلاكي وسافر لــعمان < هي عمانيه >
وبعد ماراح كلموني البنات الي هم خواته قالوو هو وين راح وهو توه جاي من السفر قلت مادري اذا جاااا اسألووه

وقعد عندهااا 3 ايام وبعدهااا ارسلت لي رساله قالت انا حبيتك من كلامه عنج وحابه اتعرف عليج بس هو مايبغيني اجي معاااه وانا مالي حد هنااا مالي الا هووو وانتم ,,

وبعدهااا بساعتين لقيته يتصل بي يقول المره تبغي تيجي معي اجيبهااا او لا قلت له على راحتك مع انك قلت لي
اني بتزوجهااا بسر واهلي ماراح يدرون لحد ما اعرفهااا زين لو اعجبني اخلاقهااا بجيبهااا والحين انت حر حاب تجيبهااا او تخليهااا عادي اكبر شي سويته انك تزوجت والباقي ما يهم ,,

جابهااا وانا سويت عشاء لهم وهي لما جاتو كانو الساعه 11 باليل والعيال نايمين وامي هي الي جالسه قلت لهااا انه تزوج وجاي هو وهي بس ماصدقت لحد ماشافت بعيونهاا ,,

واول ماجات شفتهااا تفاجــئت فكرتهااا جميله جسمهااا حلو طويله هذا الي كان في خيالي قلت اكيد اجمل مني لانه مايهتم الا بالجمال ,,

شفت عكس الانسانه الي في خيالي ,, سلمت عليهاا وقلت لهاا اعتبري البيت بيتك ,, قالت اعتبريني مثل اختك قلت انشاءالله انا لما احب حد احبهااا بصدق بس اذا شفت منه شي يضرني او تصرفات خبيثه انا اسحب نفسي منه للأبد

انا انسانه طول عمري في حالي ما أحب المشاكل قالت مافي مشاكل مادامنااا مع بعض قلت انشاءالله

لما جات شافت وحده حامل في شهرهاا الاخير وشكلي كنت مجهده وتعبانه ووجهي ذبلان ,, فكان تصرفهااا عادي معي

وثاني يوم كلمت اخواته وعزمتهم عندي قالت لهم اخوكم تزوج وحابه انكم تتعرفون عليهااا جاو كلهم ماعادااا وحده قالت الله ياخذه ويهااا مايشرفوني علشان اجي واتعرف ,,
والباقي 4 جاو كلهم وكانوا مش مصدقين مفكريني اضحك او مسويه فيهم مقلب ,, فلمااا جاو سويت لهم ذاك العشااا الي يعجبكم ,,

وهم مستغربين وقعدو يسألوني ليش ماقلتي لنا وليش ما قلتي لخــوانك واسأله كثيره وانا كان ردي هذا نصيب والرجال له اربع مادامه مرتاح انا مرتاحه ,,

انا الحين حامل وتعبانه وهو يبي وحده تشوف طلباته وتخدمه ,, ومن حقه ما سوى شي حرام .

قالوا الله يكملك بعقلج وقالت وحده منهم انا عندي قرفه بلوازمهااا جاهزه عندي تعالو عندي وراحوا عندهااا ,,

بس من ساعتهاا طلع على كلام يجرح انه وسخه ومقصره في حقوقه وانه رجال وحاب يتزوج وحده تشوف له طلباته وركبوني الغلط والكلام يوصلني وانا ردي الله العالم بلي بيني وبينه ومش كلهم بعضهم وفي منهم الي وقف معيمن اخواته 2 منهم ماتكلمو على في شي ,,

كل الي زعلني منهم انهم قالوا كلام جارح مع انهم مايعرفون عني الا كل خير وحده غريبه توهاا جايه قعدوا يمدحون فيهااا ,,

وهو قعد شهر كامل ما شفته اذا حب يطمن على العيال اتصل عليهم وانا الله يخلي لي حبيباتي الي حاوطوني بحبهم لي وحنانهم علي ,,

والحمدلله احلى شي سواه اني عرفت من صديقي الصادق الي يحبني بأخلاص ومن المنافق الي في وجهي بكلام وفي جهري بكلام ثاني ,,

واخواني لما كلموه قال اختكم وافقت لانهاا مقصره معي فــلو رحت للحرام ذنبي عليهااا لانهااا مقصره معي في كل شي والحمدلله اني تزوجت وحده انا الي مختارهااا واكيد بعيش معاهااا سعيد ,,

وبعد ما جبت بنتى جاوني كلهم وهي جاتني بعد وانا من النوع الي بعد كل ولاده اهتم في جسمي فجلست طول الاربعين اسوي رجيم ورياضه وبعد ولادتي بشهر رفيجت عمري وحياتي تزوجت فرحت الكوفيروحضرت عرسهااا ورقصت الحمدلله كان جسمي حلو متعدل كثير,,

ووصلهم الخبر,, كلمتني وحده منهم قالت احنااا مجتمعين في بيت اخوج تعالي وجيبي الطقم الي كنتي لابسته في العرس قلت لهم اوكي ,,

وجيتهم ولمااا رحت ابدل في وحده من الغرف هي جات وجلست والضاهر انهااا ماكانت تعرف اني هنااا لانهااا تفاجئت بوجودي ولمااا دخلت عليهم كل وحده قالت كلمه من عندهااا الله ماخليتي شي للعروس اكيد غطيتي على الكل ومن ذا الكلام وهي سلمت عليهااا ومالقيت الا كأن حد مكهربهااا طلعت على طول وقالت له ليش ماقلت لي انهااا هنااا

هو وصلهااا ورجع وقال هي زعلت انج هنااا قلت غريبه ماتبغيني اجي لبيت اخوي علشان هي هنااا غريبه واين كلامهااا ان احناا خوات وهي مالهااا غيري ولا مجرد كلام قال من يوم ما ولدتي وشافت التغير وهي بتموت من الغيره قلت غريبه هي متزوجه وهي عارفه انك متزوج لهااا الحق تغير لو انا عاديتهااا بس انا عندي عادي,

قال هي مفكره انك شينه علشان كذا انا تزوجتهااا ماكانت تعرف انك غير الحريم كل مايمر عليج سنه تحلوين اكثر,,

قلت له شكرااا على الاطراء الجميل بس انا حابه اني اتكلم معاهااا بروحنااا قال يمكن تجرحج بكلامهااا قلت لا ودني لهاا

نزلني عندهااا وراح جلست معاهاا وقلت شفيج قالت مافي شي قلت فيه انك تخلين الجمعه وتروحين ,,

قالت لي مافي شي بس انا تضايقت ورحت قلت خلاص على راحتج بس انا كنت متوقعه اننا بنكون صديقات بس انتى شكلج ماتبغين على راحتج ,,

وطلعت وهو رجع لهااا حاب يشوف ردت فعلهااا وبعد ما حبيت اروح للبيت لقيته هو الي بيوديني قلت له ليش بروح بروحي قال لا انا اليوم بقعد معاكم قلت غريبه قال لا بس حاب اجلس مع عيالي شوي ولا انتى حابه تطرديني من البيت للأبد

وبعد مانامو العيال قال تدرين اني لمااا رجعت لهااا لقيتهااا زعلانه وتقول انا كنت باكولهااا بلساني بس تحمد ربهااا اني خليتهااا تطلع من هنااا سالمه ,, انتي قلتي لهااا شي يزعلهااا ,, قلت له عن الحوار الي صار بيينااا وقال هي ماتحبج وتغير منج قلت هي حره بس كاسره خاطري لانهااا يتيمه من امهااا وحابه اني اكون لهااا الاخت والصديقه مدام هي ماتبغي هي الخسرانه مو انا ,,

ولما راح لهااا بكره لقاهااا زعلانه وقالت ودني لاهلي وداهاااا ورجع على طول وقعدت عند اهلهااا اسبوع واتصلت به قالت تعال خذني ,,

ولمااا رجعت بكم يوم قالت انا حامل ولما قال لي قلت مبروك قال بس انا شارط عليهااا ما أبغي عيال قلت هذا بينك وبينهااا ,,

وكان يشتكي منهااا كثير يقول اذا عصبت اي شي في يدهااا ترميني به ومره صبت على حليب حار ومره رمتني برموت التلفزيون قلت اصبر عليهااا مدامك تحبهااا هي يتيمه ممكن انت تقدر تغيرهااا ..

ما لقى الا رقم غريب يتصل به واحنااا جالسين نتكلم لما رد لقاهااا هي استغرب قال من وين تكلميني قالت طلعت لشارع ولقيت واحد اخذت تلفونه وكلمتك قال وتلفونك وين قالت عندي بس ابغيك تجيني ,, راح لهااا مايشوف قدامه
واخذهااا ورجعهااا لاهلهااا ومن ساعتهااا ماعاد جات ورجع لي قال سوت فيني شي ماحد سواه يمكن هذا ذنبك قلت لا هذااا اختيارك انت تقول دايم انك لو تزوجت عن حب كنت بتكون سعيد لان زواجنااا تقليدي وخواتك هم الي اختاروني خلاص حاول انك تحل مشكلتك وترجع حبك الي انت اخترته ,,

قال انتى ماتغيرين على ؟ انتى مانتي بسعيده اني طلقتهااا ؟ قلت بالعكس المفروض اني اشكرهااا على النعيم الي انا فيه ,, مصروف وتعطيني وسجني وطلعت منه قعدت اروح وارجع على كيفي حتى العيال تحسنت نفسيتهم شوي بعد ما قعدنا نطلع كثير
قال اجل ما تحبيني قلت انا احبك ومن حبي لك اتمنى اني اشوفك سعيد حتى ولو مع غيري ليش تعيش معي وانت حاس ان حياتك معي ممله قال من يقول قلت انت تقوله لناس ,,

وهي جلست تراسلني كل يوم سب في سب قالت هو ما يحبج وهو يقول عمري ما حسيت بسعاده الا يوم عرفني انا وانتى مجرد وحده تزوجهااا غصب

وانا حبه وسعادته لا تفرحين بطلاقي لانه عمره ماحبج ولا كان سعيد الا في حظني انا مارديت عليهااا خليتهااا تسب لحد ما تعبت وقالت في الخير خليه يجيني انا اشتقت له واشتقت لحظنه ,,

ولما قلت له وين وعدك لي انك ماتجيب سيرتي لا بخير ولا بشر قعدت تسبني عندهااا قال طيش مني وعلشان اقنعهااا اني احبهااا قلت له انت طحت من عيني وماعاد لك في قلبي ذره احترام . وسكت ما رد على .

وهو وخليته لحد ما ربت وجابت ولد وراح يشوف ولده ورجعهااا بس ما جابهااا قال خليهااا هناك احسن مارديت عليه .

وبعد ماراح لهاا مادري شنو حصل بينهم زعله وطلقهااا ورجع ,,

قلت له الطلاق لعبه عندك الحين فكر بولدك ,, قال هي ما تستاهل .

وبعدهااا بكم شهر راح يشوف ولده كان عمره ست شهور ورجع لهاااا وقعد عندهاااا يومين ولمااا رجع مادري شنو حصل لحد ما طلقهااا وحرمت عليه ,,

بعد ما كمل ولده سنه قالت له ولدك مريض تعال شوفه ولما راح لهااا لقيت منهااا رساله علشان ما تفرحين كثيرانتى فاكره اني حرمت عليه خلاص بينساني جاني ونام معي 3 ايام وقال لاتقولين لهااا بس انا حبيت ان الكلام يطلع منج خليه يملك على من جديد ولا والله لا احرمج منه للابد وخليج تتصلين وتترجيني علشان تشوفينه .

قلت لهااا حلال عليج انا ابركهااا من ساعه عندي اذا قعد عندج ولا رجع في بعده نفسيتي ونفسيت عيالي مرتاحه .

وتحلمين اني اترجاج علشان واحد مثله

ولمااا رجع خليته يقرااا رسالتهااا ورسالتي بس عادي عنده كــاني ما وريته شي ..

والحين عايشه معه وانا شاكه في جميع تصرفاته ان قال احبج حاسه انه يكذب وكل كلامه معاي حاسه انه كذب في كذب ومشكلتي اني اقول له انا منا مصدقتك وفقدت ثقتي فيك .

ومن اسبوعين تقريبااا مرسله لي رساله راجعي نفسك وخليه يجيني احسن لك ولعيالك انا ابغي اجيب منه ولد او بنت يكون اخ او اخت لابني قلت لهااا الي فراسك سويه مب غريبه عليج اي شي ما دامك تفكرين انه ينام معاج في الحرام عادي عندج تسوين اي شي حرام ..

وبعدهااا عرفت انه متزوجهااا بعد علاقه استمرت سنه كامله وانا يا غافلين لكم الله كان يسافر لهااا ويطلع معاهااا وانا جالسه هنااا ولا عندي خبر ..

وانا لما اقول اني تغيرت صرت قويه احس اني لو عشت بروحي بعرف ادبر اموري من غير لا احتاج شي والحين
والي ما يعجبني اقول هذا ما يعجبني والي يكذب على اقول فيوجهه انك كذاب ولاعاد يهمني زعل حد والي وقف معاي
شايله له معروفه على راسي والي جرحني بكلامه < وحده منهم سألوهااا اناس ليش يخليهااا تحمل بسرعه منه وهو مايعرف شلون بتربي ولدهااا قالت يمكن هي تربي ولدهااا احسن من تربيت بنت العم لعيالهاااا ممكن يكون ولدهااا داعيه والثانيه يكونون اعيالها خمارين وسكارييين >


وهذي كل السالفه

ويعطيكم العافيه

والي عندهااا نصيحه لي تنصحني والله يوفقكم جميعااا ويسخر كل وحده زوجهااا لهااا


اللهم اغفر ذنوب المومنين و المومنات و اغفر ذنوب زوجي
اللهم ارزق عبادك الجنه و ارزق زوجي الجنه و اجعله من احسن عبا دك
اللهم اهد زوجي وسخره لي ولأولادي
اللهم اجعل زوجي من اخلص عبادك و ابعد عنه شيطان و مكرشيطان
اللهم اجعلني زوجه صالحه له و ام صالحه و امراه صالحه
اللهم اجعلني غره عين لزوجي واجعلني امرأته الوحيده ولا ينضر لغيري من نساء الدنيا
اللهم اجعل قلب زوجي لا ينبض لسواي
اللهم اجعل عينه لا ترئ سواي
اللهم اجعله لا يرئ سواي و لا يسمع سوائ صوتي و لا يلمس غيري و يموت قلبه عن اي انسانه الا انا
اللهم اجعله يهيم و يعشق و يعيش من اجلي
اللهم اجعل اولادي يطيعونك و يطيعون والدهم و لا يغضبونك يا رب
اللهم ابعد كل شر و هم و الفقر و البؤس و الذنوب عنا و اجعلنا من احسن عبادك
اللهم استجب دعائي و اقضي حوائج زوجي و حاجتي و هي ان اكون زوجه صالحه لزوجي مطيعه

 

[الأميرةالنائمة]

اعانك الله حبيبتي بس انتي صح استمري في تطنيشه واستقلالك بس بنفس الوقت كوني جذابة له. اما الثانية اكيد ربك ما بيوفقها لانها رضت بالحرام

 

[غرام قطر]

تـــــس ــلمين حبيبتي انا دوم مهتمه بنفسي وصدقيني لو تشوفيني ما تصدقين اني متزوجه ابد وبالخصوص وانا في البيت على طول لابسه وكاشخه .

 

[اوركيد2008]

كلامك اثر فيني
حتى ظاعت مني الكلمات
ما اقول الا الحمدالله الذي لا يحمد سواى
اهتمي بنفسك وعيالك وحاولي انك تتغيرين الدنيا ما ترحم القلوب الطيبه
اما زوجك الله يهديه ويسخره لك
ومنجد انت خساره فيه

 

[غرام قطر]

تسلمين حبيبتي ويخلي لي عيالي وامي واخواني يارب

 

[أم هيا]

هلا حبيبتي.........
وعسى ان تكرهوا شيئا وهو خير لكم..........
احمدي ربج على النعمة اللي انتي فيها انج في بيت واحد مع زوجج وعيالج وان مافي مشاكل بينكم اهم شي ان يكون محترمنج وعارف قدرج ولو ماعارف قدرج جان تركج وتم عندها طول العمر....والله اهم شي الحين الاحترام والتقدير المتبادل بين الزوجين والله اكثر من الحب والحب الحقيقي يجي بعد العشرة وبعد الظروف الصعبة وكلها صدقيني راح تكون مطبات في حياتكم وراح يرجعلج زوجج وهذي بصراحة ماتعرفين شو ممكن تسوي حق ززجج دام انها رضت تتم معاه بالحرام لاتستبعدين تسوي فيه اي شي عشان تاخذه بس انتي تمي مثل ماانتي لاتتغيرين ولا تقولين محد يستاهل

 

[عشق القوافي]

الله يعينج ويصبرج ويكفيج شرها

انصحج تغيرين رقمج عشان ما تراسلج وتغثج
​

 

[prnsesحلا]

انصحج ترجعينه لحضنك وحاولي تكسبينه لاني احسه يحبك وانتي تصدينه اكثر شي يجرحه ان زوجته تقوله اوتبين له انها ماتحبه

 

[أريد أن أكون]

السلام عليكم ورحمة الله وبركاته
هلا بك غرام قطر..
ماشاء الله تبارك الله ونعم الزوجه انت..
نصيحه لا تقدر بثمن...حتى تتأكدي ان زوجك حقا لن يستغني عنك ولن يفكر في ذلك
وحتى لو فكر لا يستطيع...اهتمي بسمألة العلاقه الزوجيه كثير
تعلمي جميع الفنون والمتع...متعي نفسك معه في العلاقه ..
اهتمي دوما ينظافه المنطقه الخاصه وبقوتها..وحافظي على لياقتك الجسديه
تعلمي ولا تحرمي نفسك من العلم ابداا
تعلمي عن الحياه الزوجيه وعن اساليب التعامل والأخذ والعطاء
والدلع والغنج...لا تحزني ابدا...تعلمي من اجل نفسك..ثم من اجل المحافظه على منزلك
وتخيلي دوما ان رضى زوجك وسعادته التي تصنعيها انت سبب لدخولك الجنه...
لكن لا تسكتين على الظلم ولا تحاوريه بطريقه خاطئه انما كوني راقيه كعادتك..
انصحك ان تشتركي معنا في المجله ففيها ستجدي كل مايساعدك لتكوني الافضل..
من ناحيه الامور الخاصه..
وهذه ليست دعايه.ابدا
بل هي حقيقه فقد تغيرت حياتي كثيرا كثيرا والحمدلله وتعلمت مالم يكن يخطرلي علىبال..
وففك الله وسدد خطاك واصلح ذات بينكم وكفاك شرها وشر من ارداك بشر
لاتنسي الورد اليومي من الاذكار وحصني نفسك وأبنائك ولامانع من تحصين زوجك​

 

[كل الود]

ليش ماتحاولي تراسللي الاستاذه ناعمه الهاشمي

 

[أم جراح----]

ياحبيبتي انتي الله يوفقك اعجبتيني من جد الله يوفقك ولا تنسين الدعا والاستغفار

 

[غرام قطر]

هلا حبيبتي.........
وعسى ان تكرهوا شيئا وهو خير لكم..........
احمدي ربج على النعمة اللي انتي فيها انج في بيت واحد مع زوجج وعيالج وان مافي مشاكل بينكم اهم شي ان يكون محترمنج وعارف قدرج ولو ماعارف قدرج جان تركج وتم عندها طول العمر....والله اهم شي الحين الاحترام والتقدير المتبادل بين الزوجين والله اكثر من الحب والحب الحقيقي يجي بعد العشرة وبعد الظروف الصعبة وكلها صدقيني راح تكون مطبات في حياتكم وراح يرجعلج زوجج وهذي بصراحة ماتعرفين شو ممكن تسوي حق ززجج دام انها رضت تتم معاه بالحرام لاتستبعدين تسوي فيه اي شي عشان تاخذه بس انتي تمي مثل ماانتي لاتتغيرين ولا تقولين محد يستاهل

شكراااا حبيبتي على النصيحه الغاليه وكلامك كله درر وهي الله يكافيني شرهااا

 

[غرام قطر]

الله يعينج ويصبرج ويكفيج شرها ​

انصحج تغيرين رقمج عشان ما تراسلج وتغثج ​

تسلمين حياتي بس رقمي مميز وحلو وصديقاتي كلهم عارفينه ,,, بس يقولووون فيه خدمه في كيوتل عندنا اي رقم مزعج تعطينهم اياه وهم يمنعون اي رساله او اتصال منه وسويته والحين قد لي 3 ايام ما جاني منهااا شي مادري صدفه او فعلا صدق .