شكي راح يدمر حياتي ...

[عنووودي]

أنا شكااااااااااااااكة جداً وغيووووووووووووورة جداً على زوجي ولاأعرف ماذا أفعل أحس إن زوجي مخنوق جداً مني هو بحكم تجارته في بيع الأرقام يتصل فيه أي كان إمرأة أو رجل في من تريد الشراء بصدق وفيه من تريد السوالف لأجل أن يعطيها الرقم ببلاش أو يعمل لها تخفيض ( أرقام موبيلات وسيارات ) وهو يقول لي لازم يجامل هذا وذاك بغض النظر عن وحدة أو واحد وإذا اليوم ماإشترت غداً ستشتري وهكذا وهو دائماً يقول لي إنتي خانقتني وإني منكدة عليه حياته وهو يريد الخلاص من هذا الجحيم علماً بأني حاولت أن أخفف من غيرتي وشكي فيه إلا إني أرجع لها بعد فترة وهو يقول لي أنت لن تتغيري أبداً هذا المرض يجري في دمك روحي عند طبيب نفسي لهذي الدرجة يستهزأ بي ماذا أفعل ساعدوني أرجوكم دلوني قولوا لي كيف أتعامل وكيف إتصرف إذا رن موبايله أو قعد على النت أو خرج من البيت بروحه أو رن موبايله وهو مارد عليه أو وصله مسج شو أسوي أو طلع مع ربعه يتمشى كيف أتصرف ؟ ساعدوني الله يجزيكم الجنه يارب لأنه هو خلاص حاط في باله إني من سابع المستحيلات أتغير وإني إذا تغيرت فهذا مجرد فتره وراح أرجع وأنا فعلاً كذلك لأني ماأعرف أسيطر على نفسي أو أتصرف في المواقف هذي إللي ذكرتها وأهم شئ إني أمثل عليه إن عادي عندي وماأغار وأظل فترة وأرجع ساعدوني​

 

[jawa]

يا اختي والله مشكلتك مثل مشكلتي تماما

ومالك الا الصبر والدعاء ان ربي يحفظه ويثبته

على طاعته

بس اهم شي انك تعطينه الثقه وقولي له انك واثقه منه

حتى لو العكس

بس علشان اذا صار له اي موقف يفكر فيك على طول

وقولي له انا عارفه شكثر انت خايف من ربك وعشان كذا انا واثقه فيك

لانك تحبني ومن الكلام الحلو

ولاتنسين الدعاء له والله يسخره لك ويخليكم لبعض

 

[بنوووووته كيوت]

ياحياااااتي انتي
حبيبتي اللي انتي قاعده تسوينه غلط واكبر غلط
شوفي ياقلبي ممكن تخلينه يخونك بسبب هالغيره
بالعكس خففي شوي من غيرتك وابعدي لاتخنقين الرجال
حطيها بالك لو بيسوي شي بيسويه ولاهو داري عنك اصلا
خليك واثقه من نفسك لاتطيحين زياده عن اللزوم عليه
حبيبتي انا مااقولك لاتغارين بالعكس هذا الشي طبيعي
لاكن اللي تسوينه هو اللي مو طبيعي وصدقيني
لو استمريتي على تصرفاتك هذي بيبعد عنك وبيكره الجلسه معاك
خليك مثل العشيقه شوفي العشيقات يعيشون وينبسطون
بس مستحييييييييييييييل تسأله منو ذا ومنو ذاك
ونسي عمرك وانبسطي لاتخلينه اكبر همك استاااااااااااااااانسي بحياتك
اشغلي نفسك باشياء تفيدك مو همك الاكبر زوجك وبس
خلي اهتماتك متعدده وصدقيني بتعجبينه وبيصير هو اللي يغار عليك...

الله يوفقك يارب ويسخره لك

 

[i_was_happy]

لله يعينك على شكك

اولا يا اختي كوني واثقة فنفسك
وبالنسبة ليا لو كنت فمكانك راح أقوله كلمتين وما اكثر

"هذا عملك وانا راح احترمه لانك ما بتشتغل إلا عشان يفضل ذا البيت مفتوح بس مع هذي الثقة اللي حأعطيك هيا من اليوم ورايح ما أبي انصدم لو بغلطة صغيرة ووريني كيف غلاي عندك"

بعدها لا تضايقيه بولا شي لانه لو ما ردعته نفسه ترا والله اللي يبي يوصل لشي راح يساويه
وادعيييييييييييييييييييييييييييله في الصلاة على طوووووول

 

[عنووودي]

فديتكم والله ماقصرتوا إللي في شئ مو طبيعي مول تصدقون الشك وصلني لحد الجنون بتخبل

 

[TAKE OFF]

تحذير للبلقيسيات الكويتيات من هذي الارقام انتبهوا على ازواجكم تراهم يخطفون الكحل من العين 99570413_65981245_99217085

 

[نور كندا]

غريب امرك وين ثقتك بحالك معقول هالكلام

 

[عنووودي]

ماعندي ثقة فيه أبداً ماأدري شو السبب صحيح ماشفت عليه شئ وماأتمنى أشوف بس حركاته .. ودايماً يقولي الريال من يطلع من البيت مو ملكج ملك نفسه لين يرجع البيت شو هاالكلام أتحداكم كلكم فيه وحدة ماتسأل عن ريلها وينه ووين رايح وإلا فيه وحدة ماتكلم ريلها من يطلع أبداً ولامسج هو يريدني لاأتصل فيه ولاأكلمه ولاأسأله ولاشئ واليوم إللي ماأتصل فيه أبداً يرجع البيت مستانس ويقول لي إن اليوم عنده عيد إني ماأذيته شو أسوي ساعدوني إذا تقدرون ... الله ياجركم

 

[الفقيرة الى لله]

نصيحة يا أخت املئي وقتك واشتغلي على نفسك خاصة بالقرب الى لله و تاكدي لن يمنعه عن خيانتك الا ثقتك بنفسك و نجاح المعاملة معه في كل النواحي.وخاصة ازرعي فيه رقابة لله و كوني قدوة له.و الدعاء الدعاء.

 

[بنوووووته كيوت]

ماعندي ثقة فيه أبداً ماأدري شو السبب صحيح ماشفت عليه شئ وماأتمنى أشوف بس حركاته .. ودايماً يقولي الريال من يطلع من البيت مو ملكج ملك نفسه لين يرجع البيت شو هاالكلام أتحداكم كلكم فيه وحدة ماتسأل عن ريلها وينه ووين رايح وإلا فيه وحدة ماتكلم ريلها من يطلع أبداً ولامسج هو يريدني لاأتصل فيه ولاأكلمه ولاأسأله ولاشئ واليوم إللي ماأتصل فيه أبداً يرجع البيت مستانس ويقول لي إن اليوم عنده عيد إني ماأذيته شو أسوي ساعدوني إذا تقدرون ... الله ياجركم

لالالالا ياقلبي انتي
اتركيه لاتخلينه بكرى يجرحك بكلمه بسبب انك خانقته
وتراه ماقال هالكلمه من فراغ الا لانك فعلا خانقته
حطي نفسك مكانه وبتعرفين ثقل الي اللي تسوينه
انا ماالومك واعرف انك تغارين وشي عادي
مهما كان هذا زوجك وابو عيالك
بس اللي تسوينه بيخليه يهرب منك علشان ياخذ حريته
حبيبتي لاتخسرين زوجك باسلوب الخنق
لالالالالالالالازم تغيرين هالطبع وتوطين على نفسك...
​

 

[@روح الورد@]

للأسف عزيزتي إحنا مانقدر نساعدج!! :schmoll:

لأنه محد غيرج يقدر !! انتي بيدج تساعدين نفسج

(إن الله لا يغير مابقوم حتى يغيروا ما بأنفسهم)

حبيبتي آنة ابي اخرعج!!:sly:

انتي سمعتي عن قانون الجذب؟؟
ان ما سمعتي عنه باقول لج

قانون الجذب يعني اي شي تفكرين فيه وتكررينه في بالج يصير!!!
يعني تفكرين بحرامي يجيج الحرامي
تفكرين في مرض –بسم الله عليج – نفس الشي
تفكرين بصديقة وتتكر في بالج تتصل فيج او تزورج

تفكرين ان زوجج قاعد يخونج يصير !!!:exclamationpoint::exclamationpoint::exclamationpoint::exclamationpoint:
فعلشان تبعدين زوجج عن التفكير في خيانتج انج أنتي أصلا ماتفكرين بهالشي
لأن قانون الجذب يؤكد على هالشي !!

هاذي شي !!

شي ثاني غيرتج مالها الا تفسيرين لا ثالث لهما

الأول: عدم ثقة بنفسج ، كلما غرتي طرشتي لزوجج مسج ( انة قبيحة ، انة مو واثقة في نفسي ، شوف غيري ، أكيد غيري أحلى مني ) لأنه لو كنتي واثقة بنفسج ماراح تغارين أو على الاقل بتكون الغيرة العادية مو مثل ماوصفتيها .
لأنج بالفعل تخنقينه وبهالشكل مابتكسبينه الا بتخسرينه وأكيد انتي ماتبين تخسرينه
فمادام الهدف واضح وهو انج تحبين زوجج وتبينه يحبج أكثر ويموت فيج فليش تسوين الشي اللي يبعد مايقرب!!


الثاني: عدم ثقة فيه ، غيرتج تقول لزوجج ( أنت مو أهل لثقة، آنة ما أثق فيك وما تستحق اللي يثق فيك ) وبهالطريقة بتدفعينه انه يهرب منج ومن المكان اللي انتي متواجدة فيه
ومو بس جذي الا بتلفتين نظره انه يخونج مثل مايقولون (خاربة خاربة خليني اعميها)
شفتي اليهال لما تأنبينهم على كل شي وتقولين لهم انتو فاشلين ولا يمكن تنجحون فذمتج شيصير فيهم|؟؟ يتفوقون؟؟ والا يطبقون اللي انتي تبرمجينهم عليه؟؟
نفس الشي
فكري في كلامي زين قبل لا يفوت الأوان وتقولين يا ليتني سمعت الكلام

الريال حبيبتي يبي الكلمة الحلوة
يبي تعطينه الثقة
يبي تآزرينه وتعاونينه وتقولين له يعطيك العافية يا بو عيالي مثلك مافيه
ياليت كل الرياييل نفسك مناضلين مكافحين
وجان على البنات تراهم في كل مكان
واللي يبي يخون ما يعوقه في عصر النت !! سمعتيني

ويالله راويني شطارتج ويا بو العيال :harhar1:
ونبي عنووووودي يديدة من غير غيرة ولا عوار قلب :icon31::icon31::icon31:
وخل الحياة حلوة :blow:

 

[شـغـف]

حقا حقا يا عنووودي

لم أصدم عندما عرفت أن هذا حالك!

وقد أخبرتك من قبل بما ينفعك.. ولكنك لا تسمعين..

ولا تريدين أن تتغيري أبدا.. تريدنه يقبل بهذا النكد.. وهذا الجحيييييييييييم الذي لا يطيقه أحد!

عندك حب التملك لدرجة المرض لزوجك.. وخوفك من فقده يفوق خوفك من أي شيء آخر!

أتحداكم كلكم فيه وحدة ماتسأل عن ريلها وينه ووين رايح وإلا فيه وحدة ماتكلم ريلها من يطلع أبداً ولامسج

نعم.. أنا لا أسأل زوجي.. وأي امرأة تثق في نفسها لن تفعل!

يقول لي أنا خارج.. ابتسم له وأقول.. الله يحفظك يا عمري.. وأخبر الأطفال أن يجروا إليه ويقبلوه.. وأعطيه خدي بدلال حتى يقبلني قبل أن يخرج!

ولا ينتابني الفضول حتى إلى أين يذهب.. لأنه غالبا يخبرني عندما يعود.. وأحيانا يخبرني قبل أن يخرج!

أتصل به وهو في الخارج (فقط) إن كنت أحتاج شيئا.. أو كنت جائعة ولم أتناول عشائي.. فأتدلل وأقول.. أنا يووووووعانة.. شو بتعشيني؟؟


أنا لا أملكه.. وليس من حقوقي أن أسأله أين تذهب! أو أحجر عليه أو أشك به.. أو أطالبه بإعطائي تقرير مفصل عن أماكن تواجده! هذا ليس من حقي كزوجة!

الشرع أمر المرأة بالاستئذان من زوجها قبل الخروج وليس العكس! إن أخبرك فكثر الله خيره.. وإن لم يخبرك.. خير إن شاء الله!!



وإذا تأخر جدا.. وقلقت عليه (خفت عليه وليس خوف مما قد يفعل.. هناك فرق)

أتصل.. ويرد علي.. أحدثه برقة.. وأقول أنت بخير حياتي.. خفت عليك.. (وهذا أيضا نادر.. حتى لا أشعره أنه طفل صغير لا يحسن التصرف!.. هذا يجعله ينفر بالتأكيد)


وأحيانا إذا خرج واشتقت له.. أبعث له مسج ناعم.. يعبر عن شوقي إليه.. أحيانا يرد.. وأحيانا يصل إلى البيت ويقول لي بحب.. شكرا على الرسالة الحلوة حبيبتي!.. أرد بابتسامة عذبة.. تريح قلبه وتسعده!



المرأة التي يحبها الرجل هي التي.. تجعله بنفسه يخبرها بكل شيء.. هي التي تسلب قلبه وعقله بجمالها ورقتها ونعومتها.. ودلالها.. تلك المرأة التي يتناغم كل شيء فيها.. من شعرها حتى قعر رجلها..

المرأة التي تهتم بكل ما يجعلها أنثى..

سواء شكل جميل رقيق.. أو جسد ممشوق.. أو مشية عذبة مثيرة.. أو شعر مسرح بجمال.. أو صوت رخيم.. يذيبه ويجعله يشتاق له..

هذه من تجذب زوجها.. وحبيبها.. هذه التي يتعلق بها قلبه.. ولا يطيق بعدها عنه..

هذه التي يقول بينه وبين نفسه عنها..

"فديتها.. ما أروعها.. أتوجد أنثى بهذا الكمال؟"


والحب يا عزيزتي..

مب بالغصب..! لا بالقوة..!

الحب مشاعر.. تزرع.. وترين ثمارها كلما طاب زرعها..

أما ما يزرعه الشك.. ليس إلا شوك.. يقرح الحب.. حتى يموت!

تداركي ما بقي من حبه لك.. ولا تدمريه..



لقد حان وقت التغيير يا عنوووودي..

ولا تقولي أنه يجب أن يحبني مثل ما أنا.. وتزيني واهتمامي بنفسي غير مهم.. عندها سيصبح زوجك فريسة سهلة لأي امرأة أجمل منك!


الرجل يحب بعيونه أولا..

ثم يعطيك قلبه!




وأنتي قدها وقدود إن شاء الله..

 

[نور كندا]

انا بعمرى ماسالت زوجى وين رايح ومنين جايه وامتى جايه اعيدى قراءة ماكتبته شغف فكلامها 100 بالمية صحيح

 

[نوجا خوليو]

أختى لا تغلطى غلطتى أنا سويت كده ف جوزى لحد ما خنقته وهرب منى وزهق وتقريبا خانى بسبب كل اللى بتقوليه خنقته بحبى الشديد ولم أعطيه فرصه ليتنفس وقل رصيدى عنده والنهاية طلاق ف هذا الشهر أنتظره مع رجوعه من سفره نقل نفسه لشغله بمكان أخر حتى يهرب منى وزادت مشاكلنا أكتر وف النهاية وصلنا للطلاق وهنحرم من حبيبى للأبد بسبب غبائى وشكى وغيرتى وحتى أن كان خانى وين الدليل ؟ طلعت ف النهاية أنا اللى غبية وغلطانى ومملة ألحقى نفسك وبالظبط مثل ما قالت أختنا شغف جزاها الله خير أعملى .. أنا لم أجد من يقول لى هذا لكن أنت الحمد لله لسة فيه وقت ألحقى نفسك وربنا يهديكى

 

[3afraa_33]

وفررررررري الشك والقهر لشي يسوى ياغالية ...

هذول كلهم مايعنون لة شي .... تخيلي الي زوجها خاطب عليها والي زوجها ينام ويصحى يفكر بغيرها..,الي زوجها رجع لخطيبتة القديمة ..والي تزوج ..والي والي .... ليييييييييييييش تغارين من هذول ..حتى لو لا سمح الله صار شي هم ساقطات في نظرة ...
وترى انتي قاعدة تفتحين عينة على شي مو في بالة ...أنتبهي ...لو استمريتي على هالوضع ...هالسنة بتعدي ..السنة الجاية يبدى يفكر الي بعدها خاين خاين مافيها كلااام ..تعوذي من الشيطان ...وسوي كنترول على نفسك...

 

[3afraa_33]

ماشاء الله ياروح الورد رووووووووووووعة ردك ...

وانتي يا عنوودددي ..ترى موضوع قانون الجذب فعلاً حقيقي ..واقرئي هذا الموضوع لدكتور صلاح الراشد .. واسمعي السي ديات حقتة ..

.وانا كل شي غلط في حياتي جبتة لنفسي ما احد جابة ...

بالجذب بالجذب ..,والله العظيم ...دخلت وحدة بحياتنا ماكانت فيها ابداً ...وصرنا نتكلم كثير فيها ... ونتهاوش عشان طاريها ...اش رايك... انتبهي ..

 

[شمعة لا تنطفيء]

والله والله يا عنودي أنا مثلك بالملي
وأحيانا أحلم حلوم وأقوم أتهاوش معاه عشان الحلم لأني من غيرتي دايما أحلم انه مع حريم
والله اني أبكي من كل قلبي إذا طالع أي وحده في السوق
وأحس الدنيا ما تشيل الهم اللي على قلبي
وأقول في بالي لااااااااااااااااااازم اتعالج عند طبيب نفسي
لأني أخاف يجيني سكته قلبيه
لأني من هالناحيه
ماني طبيعيه
أمووووووووووووووت قهر
وأحس إن اللهب يبي يطلع من فوق راسي
ومن خشمي ومن عيوني
وما اقدر أركز بشي
يا ناس هذا من الله
والله ما أقدر أتحكم فيه
أنا ما أقدر أقول عن نفسي إني يحكم على المجتمع اني حكيمه الى حد كبير
لأن هذا فيه مدح لنفسي وأحس انه عيب
لكن بس عشان تدرون مدى فهمي وتقديري للامور
والكثير يلجأ لي في حل مشاكله الزوجيه والمشاكل العامه
لكن اذا كان الموضوع يخص غيرتي على زوجي
يتعطل مخي عن العمل
وأتعطل انا عن التفكير
ويبدأ الغليان والفوران
والله يزيل الغيره من قلبي
ادعوا لي ارجوكم وادعوا لعنودي
والله غصب علينا

 

[محرومه من زوجي]

حبيبتي ضعي نصب عينيك قول الله عزوجل..(إن بعض الظن إثم)
اولا انك ترتكبين محرم...ثانبا تخرين احترام زوجك......
تعقلي ولا يلعب الشيطان بك...

 

[عنووودي]

يزاكم الله كل الخير ماقصرتوا صدق كلامكم صحيح بس تدرون التغيير مايصير بين يوم وليلة يبيلي وقت لين شوي شوي أتعود إني ماأتصل فيه أو أتعود على الأقل ماأفكر وين رايح وإلا مع منو قاعد لأن هذا الشئ متعبني ومب عارفة أخلص منه ساعدوني إذا تقدرون يعني في طريقة مثلاً أمشي عليها لأني ماأقدر أضغط على نفسي مرة وحدة ماأقدر أمثل إن مش شاكة أو غيرانه على طول لأن سويتها وأقعد فترة وأرجع مثل ماكنت وزود وأطلع كل شئ يعني أنفجر فيه علموني إنتوا ماشاءالله عليكم حكيمات وكلامكم وايد مريح الله يجزيكم الجنه ويحفظ لكم أزواجكم يارب جميعاً إن شاء الله أترياكم ياعمري

 

[عنووودي]

ماحد رد علي أترياكم الله يجزيكم الخير