السلام عليكم والرحمة
انا ابي ارد عن نفسي وشوي بشكل عام
لان ذبحتنى النغزات وها الكلمه بالذات تجرح اختي جلمور
حبوبه انا من المتابعين للشات من زمان واعرف اغلب الي
فيه بطيبتهم وسوالفهم وخفت دمهم
ما انكر اني شاركت كذا مره سواء بالشات الي تسكر
او الي تعدى الرقم المحدد او هذا شوي ولاني حسيت
لما شاركت ان الموجودين كلهم تقريبا يعرفون بعض
وانا اتكلم عن احساسي احسهم ماعندهم قابليه انهم
يتعرفون او يحتكون بحد جديد بس سلام وعليكم السلام
ففضلت اني اقرى واستمتع بسوالفكم واكن لكم كل احترام
وحب والله يشهد لكن توصل لكمة ننشر الاخبار ليه مثلا
من نعرف شخصيا هنيه عشان ننشر سوالفه او اخباره
ولمن مثلا انا اتوقع الي بتقول معلومه عن محل او شغله
معينه بضميرها حابه تفيد الموجودين والا كان قالتها خاص
واعتقد احنى نيتنا كمسلمين والي تعودنا عليه نفيد الجميع
بالي نعرفه مدامنا ما نظر احد
انا وحده مثل ما قلت لكم من زمان ادخل الشات واقرى وشفت
كثير كثير بنات يدخلون ويسلمون ومحد يتعاطى معاهم
بالسوالف وينسحبون لاهم بيرمون على الموجودين حجي
ولا بيسوون سوالف
بالنهايه حبايبي هذي حريه شخصيه السوالف والكلام
واسفه جدا لو ضايق احد كلامي بس كل ما شفت ها العتب
ودي ادخل واتكلم الي احسه بس اقول ماله داعي بس بعد ثلاث
تعليقات سمعتهم امس وقبله وانا اقرى الصفحات الي كتبتوها
عورني قلبي وقلت بكتب رايي وسوري على الاطاله