شات ***جمهورية مصر العربية***

[امرأة لن تنحني]

صباح الخير

 

[هالةالقمر]

اذيك انتى يا قمرايه والله وحشانى

الحمد لله رب العالمين
والله مشكلة البلد هنا مافيهاش حضانات
الموجود شقه فيها ناس باكستانيين
وبياخدوا كل الاولاد كل الاعمار على ما اهلهم يروحوا الشغل
مافيش تعليم وكمان تقلقى لانه شقه مقفوله
وكمان هنا مش بيعترفوا بتعليم البنات مش عاملين حتى مدارس خاصه ليهم
والمرستين الحكوميتين الوحاد الموجودين ادارة التربيه والتعليم منزله قرار مايخدوش اجانب سعوديين بس
الاجانب مايتعلموش
ومش عارفه اعمل ايه والله
وجبنا وسايط بالهبل لحد مير الاداره وبرده مافيش فايده

ازيك يا شيمو اخبارك ايه
معقول الكلام ده ليه يعنى غريبه اوى ما في اجانب في الحكومه في كل مكان
امرك لله بقى انتى جيبي الكتب من مصر وذاكريلها ولما تنزل مصر تمتحن

 

[هالةالقمر]

صباح الخير

معلش يا دكتوره شيمو المهم انك معانا برده واللى عايزك اهو العنوان معروف على الشات هنا دغري



ام هاجر
ربنا يخلي الصغيرين والكبار يا اختى معلش استحملى كلها كام يوم ويفرجوا عنك

كلبوز

ربنا يعدى كل الاختبارات على خير ويطلع من الاوائل

حسستونا اننا متاخرين اوى انتم بتمتحنوا نص السنه واحنا لسه واخدين اول تقييم للسنه


بين الاطلال

الصراحه تستهلوا علشان مش كل شويه تقطعوا وصلتكم لعب العيال ده
هههههههههههههههه
معلش يا عسل انتهزي الفرصه بقى ودلعيهم شويه

امراه لا تنحنى
سعدت بمعرفتك ويا سلام على الورد الجميل
على فكره انا من اسكندريه برده

كلبز انا المعجنات عادى بعملها بعجينه العشر دقايق وبحشيها سبانخ وبعملها صفيحه وكل حاجه
خليكى عليها احسن ونوعي في الحشوات بس
ده حتى كنت بقطعها دوائر صغيره واقليها بعدين افتحها واحشيها خطه تونه كانت بتبقى روعه بس بطلتها علشان الكالوري كتير

 

[هالةالقمر]

حبيبه

ربنا يقويكى وتعدى الايام بسرعه وتفقسي على خير يا كتكوته
حاولى مش تقفي كتير بس تتمشي


ام نوران

مختفيه ليه اهوه بسال علشان مش تقولى ليه مش بتسالي

ربنا يطمنا على ميرو وتقوم بصحه وعافيه
كتكوته
طمنينا على رحاب من فضلك
وانتم لسه قاعدين عندكم في مصر شكل مصر مش قادره على فراقكم

 

[هالةالقمر]

طيب انا حفضل كده لوحدى حتى الضيف زهق ومشي
اروح اعمل اي حاجه على ما تصحوا

 

[ام محمود]

صباح الفل يا بنانيت عاملين ايه واخباركوا ايه
كل سنه وانتوا طيبين
امبارح روحت كارفور كان عامل شو للاطفال جميل جدا ولعب وهدايا وبلياتشوا وطبعا محمود هاص ورسم اسد على وشه وايه كان مبسوط جدا وانا كمان طبعا اتبسط عشانه بس كان يوم جميل كان بقالى فترة مغيرتش جو والحمد لله كانت صدفه جميله رايحه اجيب طلبات للبيت الاقى الحفله ديه حضرناها والحمد لله كان يوم لطيف وهربت طبعا كده من اليوم المقدس العائلى يوم الجمعه هههههههههههههههههههه

 

[كلبوزه هانم]

صباح الفل

ام حوده ربنا يهنيك بحوده ويسعد ايامكم يقمر

هالوووووووووول يقمره ربنا يكرمك على الدعوه ............بس انا حبيت اغير شوى فى طريقه المعجنات وربنا يسهل


مرمر شيكى على الخاص

 

[ام محمود]

كلبوزه وحشانى جدا يا بنتى انتى فين فين ايام ومان والرغى وحشنى جدا جدا

 

[بين الآطلال]

سلام عليكم
صباح الخير يا بنات عاملين ايه؟

 

[ام محمود]

ازيك انتى يا جميل واخبار سوسن والنونه ايه

 

[اعماق البحر]

السلام عليكم جميعا
حبيت اعدى اسلم و امشى
خارجين هحكى لكو لما ارجع بااااااااي

 

[ام محمود]

يتصفح الموضوع حالياً : 2 (2 عضو و 0 ضيف) ‏ام محمود معايا اللهو الخفى وانتوا سيبنى لوحدى اهىء اهىء يا مامى يا مامى

 

[هالةالقمر]

ايه ده
لالالالالالالالالالالالالالالالالالالالا
ده اتفاق بقى
اين انتم يا قوم
بين الاطلال
عاملين كده:no::no::no::no::icon1366::icon1366::icon1366::icon1366:وانا قاعده لوحدى

 

[هالةالقمر]

ام محمود

ما شاء الله حظ حوده حلو اهو اتفسح ورحمك من وجع الدماغ ابقى اتفقى مع كارفور يعملها كتير هههههههههههههههههههههههههههههههه

 

[الملاك الوردى 2]

ازيك يا شيمو اخبارك ايه
معقول الكلام ده ليه يعنى غريبه اوى ما في اجانب في الحكومه في كل مكان
امرك لله بقى انتى جيبي الكتب من مصر وذاكريلها ولما تنزل مصر تمتحن

اذيك يا عسل
ده على حسب المدرسه
مش بيوافقوا
حاولت كتير فى كده

 

[الملاك الوردى 2]

يابنات
انتوا فين

مش بتتدخلوا ليه؟

 

[امرأة لن تنحني]

امراه لا تنحنى
سعدت بمعرفتك ويا سلام على الورد الجميل
على فكره انا من اسكندريه برده

أهلاً ياهالة
وأنا ياحبيبتي سعيدة بمعرفتك
إنتي موجودة هنا ولا هاجرتي وسيبتلنا البلد برضه زي أغلب اللي هنا ؟​

 

[هالةالقمر]

امراه لاتنحنى

لا يا اختى طفشانه برضه انا في السعوديه الرياض تحديدا


شيمو
هو فعلا مديره المدرسه اللي في ايدها كل حاجه مش الاداره
بس نقول ايه ربنا يفرجها عليكى وتنقلي مكان متحضر شويه
انا سلفتى اضطرت تنقل بنتين من مدرسه جنب البيت لمدرسه بعيده لان المديره رفضت تقبل البنت التالته

رغم انهم عايشين في جده بس المهم نفسيه الناس

 

[امرأة لن تنحني]

يتصفح الموضوع حالياً : 2 (2 عضو و 0 ضيف) ‏ام محمود معايا اللهو الخفى وانتوا سيبنى لوحدى اهىء اهىء يا مامى يا مامى

تقريباً كده انا اللهو الخفي ده​

مفيش حد مخفي هنا غيري​

ماتخافيش مش هاعملك حاجة​

ده أنا طيبة خالص والله ومابعضش​

عوووووووووووووووووووووووووووووووووو​

هههههههه

إزيك يا أم محمود
أنا مصرية من إسكندرية
وعلى فكرةعندي محمود برضه
يعني في 2 أم محمود هنا في الملف
سعيدة بمعرفتك ياقمر​

​

​

​

"خلاص بطلنا تمويه وبطلنا نخاف.... صح ياكلبز؟ "​

 

[امرأة لن تنحني]

مرمر شيكى على الخاص

شيكت ياكلبوزتي شيكت :shutup:
صدمتييييني ياكلبوزة مرتين في رسالتك
إستني عليا بس هاخلص شوية حاجات وهارد عليكي على رواقة :icon1366:

​