ياهلا والله بالملكات كل عام وانتم بخييييير
متابعه معكم ملفنا الغالي في منتدانا الغالي
هل الجنوبي خائن او اذا كان اصدقائه خائنيين لزوجاتهم هل يقلدهم اذا كان مبسووط مع زوجته وما ناقصه شي معها ؟
حبيبتي من واقع خبرتي و مدة عقوبة وحبس خخخ قصدي زواج ل 12 سنة كل بلاوي زوجي من ورا راس اصحااابو الي فيهم رفقة السوووء اش قال الرسول الكريم عليه الصلاة والسلام قال : " إنما مثل الجليس الصالح والجليس السوء كحامل المسك ونافخ الكير فحامل
المسك أما أن يحذيك وإما أن تبتاع منه وإما أن تجد منه ريحاُ طيبة .. ونافخ الكير إما أن يحرق ثيابك وإما أن تجد منه ريحاً منتنة "
تخيلي يعني هل كل اصحاب زوجك من حاملي المسك؟؟ و الله انا عن نفسي كان معظمهم من نفاخ الكير غاليتي و اخرتها ع راسي ماجاته البلاوي الا من وراهم مثلا و باقولك عدة امثلة ومنها السفرات:
زوجي اثق فيه و يروح يسافر لوحده او معانا عالاقل و لكن مع اصحابو ينخبل يتدهور حاله ههههه احس انه ما عاش مراهقة ولا طيش شباب رغم انه عاشها بالطول والعرض خخخخ يعني يبغا يثبت لهم انه لسا هاوي و شبابي وما عنده مشكلة. مرة جا من سفرة وقام يوريني الصور مع العلم انا فارة العالم معاه بس برضو اذا صار معا اصحابو يصير غير!!! المهم وهو يوريني الصور الا متصور مع صاحبو و صاحبو في ايده قارورة ويسكي مع العلم زوجي ما يشرب و متصورين مع بنات م الشارع تخيلي انا عارفة هالبلدة بنات مارين من جنب النهر مسكوهم يسولفوا معاهم و لقطوا معاهم كم صورة!! طبعا صور عادية بس اش الداعي يتصور معاهم بمناسبة ايش يعني؟؟
شي ثاني صور لو مع اصحابو ايضا مع بنات في نايت كلب انا اعرف زوجي يروح النايت كلب جنوبي طبعا لازم يونس نفسو عيوني بس لما اشوف الصور اشوف اصحابو بحكم انهم عزابية ماتزوجوا مرتزين جنب العاهرات ومتصورين وهوا جالس جنب اصحابو طبعا مو من ناحية البنات بحكم انه متزوج بس انه متصور معاهم بمناسبة ايش برضو؟؟؟!!!
و بعدييييين بدوا كل اصحاب زوجي يتزوجوا و لله الحمد <<< قعدت ادعي لهم خخخخخخخخ لحد ما ربي فكني منهم بس ترا الصور هذي سببت مشاكل فحياتي قوية لاني فقدث الثقة اجل افكر اذا يتصور كذا بكل بساطة اش يسوي من ورايا كلو بسبب شلة السووء .
يطلع معاهم السوق ما يقدر يجلس عاقل لازم ايدو تحكه ويبلتث مثل اصحابه!! طبعا زوجي بقدرة من الله تعالى انفطم منهم لانهم بانوا ع حقيقتهم مكاين عملة خخخ كله سلف و سلف و ما يرجعوا لزوجي هوا جنوبي ماهمو السلف وماعنده حدود للعطاء معاهم ولهم بس انقهر انه ما يهتموا فمناسباته و واجباته وهذا شي اكيد لان الصاحب الي ما يعرفك الا ف الشر اجل كيف بيعرفك ف الخير!!
والحمد لله مابقى غير اصحابو الكويسين وانا سبحان الله قبل معرف المنتدى كنت اتعرف على زوجات اصحابو وابين لو انو عادي و اعرف عن حياتهم الكثير واخليني بريئة مع زوجي واعرف اسرارهم كلها لحد ما يجي الوقت المناسب افطمه منهم مرا وحدة او اتحاشى اشياء كثيرة تصير من جهتهم.
ابدا لا تسمحي له يمشي مع ناس بطالة التفاحة الخربانة تفسد الصالحة ومافي شي ااكد من كلام رسولنا الكريم.
الله يقوويك و يطيرهم عن زوجك واحد واحد ونتي تعرفي ع زوجاتهم و شوفي اش ناقصهم و اش ظروف حياتهم تلاقي مداخل تعدلي و تبدلي من خلالها و تعرفي خرجاتهم و دخلاتهم و طلعاتهم وعلاقاتهم والخ.
مرة من المرات قالوا لي زوجات اصحابو ان ازواجهم طالعين كورس تخيلي؟؟ خخخخ هما بشتغلوا فشركة وحدة والحمد لله مو مع زوجي و الا كان المصيبة مصيبتين وانا خخخ احب من زمااان اراقب وافتش ورا زوجي هههه الحرص واجب المهم اكتشفت انهم راسلين له اميل انهم عندهم كورس قصير للخارج و منه بيحركوا مسارهم الى بلد عربي معروف بتوفير الصياعة لخليجيين!! و بعضهم ما عنده هالكورس بس بياخذ اجازة و يطلع معاهم وكانت عذر حلو لزوجاتهم وطبعا يعزموا زوجي معاهم طبعا انا اول ملقيت الاميل مسسسسحته مسسسسسسسسسح و كان الاميل ويك اند وهم مشغولين بتجهيز السفرة فما حد اكد على زوجي خاصة اني صرت اسحبه من حياتهم و جمعاتهم عدا الرسمية منها وهم فمكان بعيد عن مكان زوجي يعني مشووار فففكروه انه ينتقدهم و ما يبغا يطلع معاهم و بكذا طاارت عليه السفرة.
مرا ثانية كان زوجي يتسحب الصبح مني يوم الخميس بشووويش ينزل هذا اول متزوجنا تخيلي هههه اول سنة زواج يعني وانا استغرب فين يروح ؟ يروح يقرا ويشوف اميلات و صور جنسية يرسلها له صاحبو العزابي! طبعا راقبت و شفته و واجهته و تركها يومها.
العيد الي فات لاحظت زوجات اصحابو ما يسلموا ع بعض طبعا باسلوب عرفت ان واحد من اصحابو و هذا اصيعهم و الله اني اكرهه موووت خخخخ الله يهديه بس هو الي يطلعهم و يخربهم و يجيب لهم الافكار والسفريات والخ المهم ان اخر محاولاته انه يجمعهم ف العيد ويجيب شي من المحرمات والي عرفته انه يجيب شراب وشي من هذا القبيل طبعا واحد من اصحابو قال السر لزوجتو هههههه يعني انه واثق فيها خخخ وهي ما قصرت فشلتو قدام الكل و زوجتو مسكينة الله يكون في عونها الكل عاتبها و قاطعها بس انا معاهم يا تنصح وما ترضى عن افعال زوجها يا يبعد شره عن ازواجنا المهم حبيبتي انا ما صدقت و قلت لزوجي ياااه كيف هذا الانسان يسوي كذا ومافي خير واي احد يمشي معاه زيه ومتى بيعقل الخ وصار زوجي مايحب سيرته ولا يبغاني اربطه فيه او اقوله ان لك علاقة معاه يعني صار يعتبره من ضمن شلة الشباب بس ابدا ماصار له قريب مثل اول وترا الي خلا اللحام يفك ان هذا نفس الشخص الي زوجي تصور معاه مع البنات ف النايت كلب وهو حاضن وحدة يمين ووحدة شمال و زوجي مرتز جنبهم راااضي عن الي يصير؟؟!! حسبي الله ونعم الوكيل بس فعشان كذا زوجي معاد قبل اي شي يجي من هالشخص لاني طفشتو منه ووصلت له اني اكرهه وما طيقه وانه مافي خير
اخر موقف صار جيت و هو ناسي اميله مفتوح وفي واحد من اصحابو الله يهديه يا رب بس يرسل لزوجي دددايما اميلات بطالة كلها مقاطع ما تصلح اش سويت بكل هدوووء دخلت ع الخصائص و سويت لاميلاته عدم استقبال!! و اكيد زوجي ليومكم يفكر ليه ما توصله للحين ترا الجنوبي نعمة انه شوي كسول ميحب يفتش و يدور ورا الاشياء والاسباب بس ان الشخص هذا اتصل عليه و هو واجهني وانا قلت له بكل هدووء من حقي و تقبل الموضوع وسكت والحمد لله.
ملاحظة الجنوبي ميعييييييييش بدون اصحابو فاصحابو الي فيهم خير خليه يتمسك فيهم و يروح لهم انا الاحظ كل مراح لهم واجتمع يجيني بنفسية احسن و يعبوا عليه فراغ لو كان فاضي كان بتفرغ فيه للاشياء الي ما تنفع
يالا حياتي موفقة يا رب الله يبعدهم عنا و عنك :dunno: وهديهم يا رب
