زوجي واللباس

[غالية على الكل]

معليش حبايبي
بس حبيت اعرض مشكلة عندي واتمنى من اهل المشورة الرد

انا زوجي ملتزم
في مشكلة معه على اللباس
عند خروجي للزيارات يريدني دائم البس الثياب الخليجية في اي مناسبة

حاولت معه
ان اقنعه انا لباسي مستور ولله الحمد اللبس البنطال لكن البليز تكون طويلة الى الركبة
والبس التنانير والبس في بعض الاحيان الثياب
على حسب المناسبة واحب التغيير
وانا صغيرة بالعمر
ولكن زوجي يريد مني ان البس الجلابيات فقط
واهل زوجي والناس يخبرونني انني كثيرة اللبس للجلابيات وانني مازلت صغيرة على لبس الثياب الخليجية
ولابد من التغيير

ساعدوني
وهل زوجي على حق

 

[ميوسه]

عزيزتي

بدعي بالجلابيات لحد ماتوصلوا لحل وسط


فيه منها اشكال والوان

وهو بس يمكن يبي يمشي اللي بباله بعدين راح يقل تركيزه على لبسك

اهم شي تكوني حلوه وباحلى طله

ومسالة وقت ان شاء الله

وبيكون عنده عادي


بس روقي

 

[بقايا إحساس]

نفس زوجي بس زوجي مايقول شي عالتنانير والبلايز
قولي بنت فلان لابسه كذا وانا الوحيدة لبسي غير
وحاولي تسوين اللي يحبه عشان يعطف عليج ويوافق
ان شاء الله اكون افدتك
موفقة

 

[ياسيدهم وينك]

لاطبعا اللبس اللي ودك فيه مافيه اي باس
بس مدري ليه زوجك مايحب هاللبس معا انه لبس حلال ويحل لك لبسه .؟

طيب اساليه شنو السبب , ليش مايبيك تلبسينه ؟

حاولي فيه و حايليه يسمحلك تلبسينه ..؟؟ مالك الا محايله

 

[غــرور انثــــى]

حاولي فيها بس في اوقات يكون رايق

حاولي ولاتيأسي مع المحاولا ت راح يلين

كثر الدق يفك اللحام

والله يوقفك بحياتك

 

[أم احلى وردتين]

كنت كده ملابسي كلها ثياب وجلابيات هم يعتبروها من الهيبة والوقار وعشان يكون الالتزام واضح عليك ..هي بس في البداية يمكن انت عروسة لسة ..مع الايام رح يرخي الحبل ويتركك تلبسي اللي تبغيه ..طبعا الا اللبس الخليع ..

 

[جروح الروح]

الحين يبي يسترج باللبس الساتر وتزعلين

لبسي بناطلين ولبسي قصير وضيج وطلعي جسمج ومفاتنج ببيتج لزووجج بس
لكن برى لبسي الثوب الساتر اللي مايظهر جسممج لاي غريب

واذا كان بس تجمع نسائي البسي عباءه فوق لباسك ثم اخلعي عبائتك عندهم
هذا مانفعله نحن الخليجيات
نلبس مايحلو لنا ونتستر عن الرجال بالعباءه الساتره
سترنا الله وسائر نساء المسلمين

 

[@باونتي@]

حبيبتي....
هل من المعقول انه يريد منك ارتداء الجلابيه في كل مناسبه.....؟؟؟؟
وهل من المعقول ان تنفذي طلبه.....؟؟
في زمننا هذا بيكون مستحيل..بل عذاب....فانتي اعلم بما اقصد حبيبتي...الزمن تغير.والكل صار ينافس الاخر باناقة اللبس والمنظر..والكل يقول الحلى والكشخه عندي...كيف قدرتي تطلعين للعالم (كذا مره)بجلابيه..؟؟
حبيبتي..انا مو هدفي اني اضايقك..انا ابي اوصل لشئ واحد بس..ان زوجك غلط بتحكمه بلبسك وانتي ساعدتيه ع الغلط...
ياقلبي...
كان المفروض من اول زواجك بينتي له طريقتك باللبس واصريتي عليه ورفضتي شئ اسمه جلابيه..لاتزعلين مني..بس ماتوا اللي يلبسونها انقرضوا...
ارفضي..اثبتي شخصيتك وقرارك..لاتسمحين له يقرر عنك..زوجك؟؟على عيني وراسي بس الزم حدود المعقول..........
اذا اليوم تحكمت بلبسي..بكره شنو بتقول..؟؟بتتحكم باكلي؟؟
عمري...كثل ماقلتلك..زوجك احنرميه وقدريه..لكن علميه ان فيه حدود لازم مايتعداها وان لبسك شئ خاص فيك وماله اي دخل فيه مدامك ساتره نفسك..الا في حاله وحده اذا كنتي كاشفه كثير عن جسمك في هالحاله نتقبل كلامه ونصيحته وانتي ماسويتي هالشئ بالعكس تقولي انك لابسه شئ معقول وساتر...طيب؟؟؟بالمختصر..؟؟وش تبي..؟؟تبي تتحكم؟؟تبي تتسلط؟؟تبي تمشي كلام بس ماتدري وش تقول؟؟لو سمحت ..بعيد عني مارس هالاسلوب وخليني اعيش طبيعيه مثل الاوادم..
قال ايش..؟؟قال البسي جلابيه بكل طلعه...
انا زوجي اول ماخذته كان كذا..بس ماعطيته وجه...ولاعندي فيه..البس جينزات وبديهات لدرجة البسها عند اهله وصار هو يسكت ولا ينطق بكلمه.عرف اني متعوده على كذا..وعرف ان مافيه امل اتغير..وتقبل الموضوع..ورضخ

 

[ملكة ببلقيس]

لا حبيبتي
مو من حق زوجك انو يتحكم في لبسك ان اردت الخروج
هذا شيء خااص بك
مو من حقه ان يجعلك آله يحركها كيف ما شاء

 

[الدر المصون]

اختي العزيزة انتي اعرف بزوجك وبطبعه حاولي تتفاهمي معاه وتوصلي الى حل طيب يرضيك ويرضي ويرضي رب العباد قبل كل شي والله يسعدك ويوفقك لكل خير اما عن الاخوات مع احترامي الكبير الهم الي قالو هو ماله دخل وما اله حق يدخل في لبسك عزيزاتي كيف ماله دخل ............كلكم راع وكلكم مسئول عن رعيته زوجته مسئوله منه وراح يتحاسب اذا شاف شي في لبسهة مو موافق مع شروط الحجاب ويمكن الرجل يشوف اشياء احنة ما نشوفهة ويخاف على زوجته من الوقوع في الحرام بسبب نضرات المحارم الله يسعدك مع زوجك وترضي ويرضيك وموفقه

 

[شباصه ورديه]

اووووف اوووووف

ليش كل هذا

صراحه خرعتوني شنو مو من حق الزوج يتحكم بلبس زوجته

لا والله يقدر بس بحدود خاصة انها عارفه شخصية زوجها اذا كان عاجبه هالشي

يمكن لما يشوفها لا بس الدراعات او الجلابيات تكون حلوة بعيونه ويبيها تصير احلى وحده

بعدين من قال الجلابيات انقرضوا؟؟؟؟؟؟ على الاقل كان نزل سعرهم بالعكس موديلاتهم تزيد واسعاررهم بالعالي الوان واشكال

اصلا حتى اللي مايحب الجلابيات بتعجبه اذا شاف الموديلات الحديثه والوانها

بعدين صراحه اسمحي لصاحبة المشكلة ماعندج ثقة بنفسج وهذا عيبج

ليش مالبستي الجلابيات بموديلات يديدة وحلوة واذا قالوا لج توج صغيرة على الجلابيات؟ قولي معقولة الجلابيات هذا حق الشباب متى البسها لما اكبر

وابدعي بلبسها...... واكيد راح يقلدونج بعد فترة بعذر الموضه؟؟

شي حلو انج تكونين فريده باللبس والجلابيات الحين روووووعه قطعه وقطعتين و3 قطع

يعني تجديد بكل شي

خليج ثقة واختاري وفصلي الجلابيات وصيري عالموضه

شنو الموضه جنز...... شخباري الجنز

لا يباااا الدراريع لا يعلا عليها وشي نفصله ونستانس عليه

 

[ليتني احتويك]

السلااااام علييييكم
يااختي البسي الجلابيااااات ونوعي فيهااااا زي ماتقول اختي شباصه ورديه بس با المعقول يعني مو كل زيااااره جلابيه لا نوعي واخرتهاااا بيتعود قوليله مره البس الي يعجبك ومره البس الي يعجبني ولك مايرضيييييك ان شاء الله بس مو بذي الكثره والله يوفقك ...

 

[@باونتي@]

اووووف اوووووف

ليش كل هذا

صراحه خرعتوني شنو مو من حق الزوج يتحكم بلبس زوجته

لا والله يقدر بس بحدود خاصة انها عارفه شخصية زوجها اذا كان عاجبه هالشي

يمكن لما يشوفها لا بس الدراعات او الجلابيات تكون حلوة بعيونه ويبيها تصير احلى وحده

بعدين من قال الجلابيات انقرضوا؟؟؟؟؟؟ على الاقل كان نزل سعرهم بالعكس موديلاتهم تزيد واسعاررهم بالعالي الوان واشكال

اصلا حتى اللي مايحب الجلابيات بتعجبه اذا شاف الموديلات الحديثه والوانها

بعدين صراحه اسمحي لصاحبة المشكلة ماعندج ثقة بنفسج وهذا عيبج

ليش مالبستي الجلابيات بموديلات يديدة وحلوة واذا قالوا لج توج صغيرة على الجلابيات؟ قولي معقولة الجلابيات هذا حق الشباب متى البسها لما اكبر

وابدعي بلبسها...... واكيد راح يقلدونج بعد فترة بعذر الموضه؟؟

شي حلو انج تكونين فريده باللبس والجلابيات الحين روووووعه قطعه وقطعتين و3 قطع

يعني تجديد بكل شي

خليج ثقة واختاري وفصلي الجلابيات وصيري عالموضه

شنو الموضه جنز...... شخباري الجنز

لا يباااا الدراريع لا يعلا عليها وشي نفصله ونستانس عليه

صح الجلابيه حلوه وستايلها حلو..ماعلى هالشئ خلاف..لكن انا اقصد ان الجلابيه لها مناسبتها مو تنلبس في كل مناسبه..
مثلا..بالنفاس بتكون حلوه..مناسبه تناسب الجلابيه...وبصراحه عن نفسي مااعتقد تنلبس بمناسبه غير هذي..
ممكن كلامي يكون مخالف لرايك هذا يرجع لطبيعة شخصيتي واختيارها للبس
اما الجينز مين قال ان موضتها راحت؟؟؟
بالعكس..هي مو موضه اصلا..الجنز حاجه اساسيه مايخلى دولاب الملابس منها..للمراه والرجل كمان..
بس اشكال الجنز تتغير وتتجدد مع الموضه..الان موضتها اللو ويست..وديرتي جينز ..انا عن نفسي اموووت فيه..يمكن هالشئ يرجع لطبيعة شخصيتي..اما الجلابيه اسمحي لي مستحيل الوحده تلبسها في كل مناسبه الا اذا كانت تعدت الخمسين في هالحاله انا معك...:icon30:

 

[وردة’عسل]

البسي عباءة حتى اذا خلا المجلس من الرجال انزعيها والبسي ما تردين بعد مشاورة زوجك

 

[رامااا2009]

حبيبتي اذا كان بنطااال فهو حرام شرعا
اما التنانير والبلا يز اعتقد مافيه باس
الله يعينك اميييين

 

[ضحكتي دموع]

حبيبتي خذية باالسياسة وتقدرين تلبسين جلابية على شكل بنطلون وانتي عارفة كثرة الموديلات في الجلابيات وابدعي فيهم بافكارك الى ان يياس ويصرف نظر عن لبسك واللة وياك :icon26:

 

[شيخه الخليج]

حاولي مثلا يوم بتكونو مع اهلج او اهل زوجج وحده من البنات تتكلم جدامه وتوجه الكلام لج وتقول مثلا ليش انتي كله بجلابيه خاطري اشوفج بالتنانير او اي شي غير احس انه بيطلع عليج رووووعه وحاولي ان زوجج يسمع الكلام يمكن يتاثر ويثير فضوله يشوفج بلبس غير

 

[silkgirl]

الله يكون في العون اذا كان زوجي مو ملتزم ويتحكم بعد

 

[وينك ياغلاالروح]

:icon26:مع حترامي الاراء الاخرين........... اختي ..لا تسمعين كلام الناس الناس غايه لاتدرك..شوفي خذيه نصيحة مني زوجك جنتك ونارك...شوفي اقسم للك اني من الناصحين..انا كنت زيك وكان الكل ينبهر من اناقتي ومازلت الحمد الله..
وزجي مثل زوجك .واحمدي ربك هذا من حبه لك ومع الايام راح تدعيلي ..اسمعي..
انا احب اكون مميزة زين؟؟الحين خلي بقررت نفسك انك مقتنعه وارضي زوجك والله يبخلي كل اناس تحبك وتعجبك بعد...شوفي الناس كلها الحين تلبس تنانير وبناطيل ليش ماكون مميزة والبس وابدع بلجلابيات شوفي انا دايم ابحث عن اللجلابيات اللمميزة وبنفس اللوقت غريبة وسوي مكياج واشتري ااكسسورات تناسبها وابدع بتسريحت شعري واكون((ماشاء الله كاني عارضة ازياء))وشوفي اذا ماحصلت جلابية حلوة ونعمومه الروح افصل تفصيل..
شوفي انا ابدع بتفصيل الجلابيات..مثلا مرة اشتريت قماش ابيض خمته مرة روعة..والقماش كان مشجرمن نفس القماش ..جيتك وفصلته مخصرة شوي من فوق وواسعه من تحت..والاكمام واسعه من النهايه على قولتهم فرنسي..ورحت اشتريت له شال من ليف ستايل شال اصفركريمي وحطيته على اكتافي وشتريت صندل ابيض..وتعليقه طويله مكونه من دوائر صغيرة وكبيرة لونها اصفر اللمهم كونته بشكل رهيب وحطيت بشعري وردة صفراء تصدقين الكل انبهر منها ودايم اهل زوجي يعجبهم لبسي مع انهم ناس هاي ..الادايم يقولون عني مميزة..وانا اغلب لبسي جلابيات..خليك مقتنعه دايم ورضي زوجك ترى والله الناس مارح ينفعونك..والله من حرص زوجك عليك وخوفه اكيد ان جسمك حلو..وانتي حلوة ويخاف عليك من العين عشان كذامايبي يلفت الانضار او تبرز مفاتن جسمك اللاخرين ويكون بمعلوك تراى الرجال ماراح يقولك اني اخاف عليك لان طبع الرجال المكابرة..وانت هوني الامور ولا تعقدي المسالة كل شي يجي بتفاهم....اتمنى اكون افدتك..

تقبلي مروري............................:icon26::icon26::icon26:

 

[نهر الحياه]

والله زين يبى لج الستر

بالنسبة للبنطلون مااصنحج تلبيسيه قدام الحريم

لاني قريت انه حرام ولو في وجود النساء

لكن لزوجج البسي اللي تريديه

انا ريلي ملتزم بس يعطيني حرية اللبس من غير

انه يكون عاري اوكيه تنورة وقميص بس محتشم لكن بودي جدام الحريم

مايرضى في الأعراس مايطيع اللبس مشخلع ولا انا اصلا استحي

لا تعقد الامور وفهمي الحلال بين والحرام بين اي شي محتشم

يجوز ...واذا بتمي تناقشيه ويزعل ترى مايسوى