في مرة شافك ولد بالغلط من غير شيله و لا عبايه؟!

[الـ غ ـاويهـ]

مرحباا بالشيخات

شخباركن؟

ان شاء الله بصحة و سلامة

...................

الله يسلمكن و يالسة افرفر ف ها المنتديات

لقيت موضوع عجبني .. و يلست اضحك على المواقف اللي تصير للبنات

و انا يالسة تذكرت موقف صار لي تقريبا مشابه لموقف لوحدة من البنات

فقلت خلني انزل الموضوع في بلقيس عشان البنات الحلوات يشاركوني في الموضوع

الموضوع // :

كل وحدة تقول موقف صار وياها ، او مع غيرها ان ولد شافها من دون عباية او شيلة

و انا ببدأ ..

مرة من الأيام قوم خالي يو عندنا و ولد خالتي كان وياهم ، كلهم يالسين في الصالة و انا توني كنت
ناشة من الرقاد يلست ارتب عمري و احاول اخوز علامات الرقاد ( يو نو الوحدة لما تنش من رقادها
كيف تكون :strongsad: ) اتعطرت و رفعت شعري على شكل ذيل حصان و يبته ع صوب و طلعت ( كل ها و انا
ما اعرف انه ولد خالتي عندنا) و انا طالعة بنت خالي يت و سلمت عليها هي صغيرة و يلست ارحب و
من ها الكلمات اللي نقول حق اليهال مستانسة و شاقة الحلق ( هع) وصدت عشان اسلم على مرت خالي و ما اشوف الا ولد خالتي
صاد ويهه ذاك الصوب و انا من غبائي بدال ما اشرد بسرعة قلت ها شو ؟! :blushing: :nosweat:>>> هههههه ، ( الي يقول شايفت لي شيء مب عايبني شكله) و بسرعة بسرعة رحت الحجرة و ما طلعت منها ابد
و كل ما شوفه اتذكر

و اذا اتذكرت موقف ثاني بقولكن

يلا يلا ابي اشوف الردود و المواقف الل تصير وياكن

 

[عرابة المنتدى]

موضوعك جناااااااااااااااااااااااااااااااان
ولي عوده انشاء الله
بس ما حبيت اطلع قبل ماااقولك الله يعطيك العاااافيه

 

[ودهم]

هههههههههه ياحركات 00

انا بقولكم موقفي من اسبوعين تقريبا >> بس متغطية

السموحة كسرت القانون >> خلصي وقولي الموقف

المهم كنت مريضة ورحت انا وزوجي الصيدلية

عند الكاشير وقفت عندة وانا حاطة يدي على وجهي من التعب

المهم حسيت بزوجي متصنم ولا التفت لي وانا كل مالي اتقرب

لما التفت له >> قمة الصدمة طلع واحد مااعرفة وشكل الرجال متوهق فيني

والمصيبة ان زوجي عند الكاشير اللي حذاه يعني لو يلتفت بيشوفنا

بس الحمد لله ربي ستر >> كل مااتذكر وجه الرجال اضحك مادري ليش متخرع

ههههههههههههه 00

 

[محبة الانمي]

والله انا ماعندي موقف الى الان ربي ستر
تعرفون ملقوفه لازم ترد بس ونستوني والله ههههههههه مواقفكم احراااااااااااااااج

 

[عازفه الكيبورد]

هههههههههههههههههه


من جد مواقف لايحسد عليها


موااقف كثيــــر << من حظي النحس الحمد لله والشكـــر


هذا موقف صارلي بعيد الفطر الي قبل هذا كنا في بيت جدي وانا وبنت خالتي ندور واحد من خوالي يصلح لنا الاب توب


المهم واحنا ننزل من الدرج الا ولد خالي في وجهنا
بنت خالتي رقت فووق وانا من الصدمه واقفه هههههههه بعدين استوعبت الموقف ورقيت >> بدري كان بقيتي شووي :sly:


لما حسينا انه راح لقينها فرصه ننزل نكلم خالي وتونا طالعين للحوش الا هو قدامنا انا انخشيت ورا ظهر بنت خالتي وهي غطت وجها بـ الاب توب


من جد مواااقف لايحسد عليها وماخفي اعظم :crazy:

 

[أحس فيك]

هههههههههه ياحركات 00

انا بقولكم موقفي من اسبوعين تقريبا >> بس متغطية

السموحة كسرت القانون >> خلصي وقولي الموقف

المهم كنت مريضة ورحت انا وزوجي الصيدلية

عند الكاشير وقفت عندة وانا حاطة يدي على وجهي من التعب

المهم حسيت بزوجي متصنم ولا التفت لي وانا كل مالي اتقرب

لما التفت له >> قمة الصدمة طلع واحد مااعرفة وشكل الرجال متوهق فيني

والمصيبة ان زوجي عند الكاشير اللي حذاه يعني لو يلتفت بيشوفنا

بس الحمد لله ربي ستر >> كل مااتذكر وجه الرجال اضحك مادري ليش متخرع

ههههههههههههه 00

آآآه يا قلبي
قمة الإحراج
الحمدالله عالسلامة

 

[الـ غ ـاويهـ]

ههههههههه

/ أحس فيك/

ههههههههه .. اول مرة احس انج طريفه مثلنا من الابتسامة اللي ابتسمتيها لولد عمج
هههههههههههههههههه
اصلا دايما تطلع ف هاي المواقف
/ ودهم/

موقفج موقف ما ينحسد عليه

توني متذكرة موقف

الله يسلمكم ...

كانوا قوم خالتي زيارة للبلاد ( لأنهم عايشين برع البلاد) ، فرحنا بيت خالتي الثانية لأنهم كانوا بيسكنون عندهم
المهم رحنا و رقدنا هناك بما انه عدد البنات كبير و الأولاد يا دوب 5 اولاد خذنا نحن غرفة الشباب ( غرفتهم كبيرة) و
هم غرفة ثانية .. ف الحجرة كنا يالسين انا منسدحة ع الارض و فاصخة الشيلة و جلابيتي مرتفعة لين الركب وويهي
ما كان للباب و بنت خالتي يالسة عندي و الحريم يالسات يتكلمون .. فجأة بنت خالتي تنزل جلابيتي و تحاول تقومني ( ليش؟؟)
بس انا مب طايعة و ردت رفعت الجلابية هي تنزل انا ارفع ( شو ها الاستهبال البايخ ) .. لفت ويهي ذاك الصوب ما
اشوف الا ولد خالتي ف الحجرة يرمس الحريم و هذاك و لا على البال ( يعني ما في احم و لادستور) و انا خلاص مب
عارفة شو اسوي انزل الجلابية و لا البس الشيلة ( حق ليش انزين خلاص الريال شافج ما يحتاي بعد ) لين ما انا
اسوي كل ها هو طلع و يلست اضرب بنت خالتي اقولها ليش ما نبهتيني تقول بالله عليج شو كنت اسوي من ساعة
يالسة العب وياج ( الغبية انا اللي ما كنت افهم ).... والله حالة

و احين كل ما اتذكر اضحك ع عمري


هههههههههه

وين الباقيات يتحفونا بمواقفهم ... خخخخخخ

 

[بحر الغرور]

من المواقف اللي صارت لي انه كنت بيت خالي ويلست حريم وراحوا الحريم والبنات للصلاه

والبيت مافي رياييل سمعت اغنيه تربش ليش ما اقوم وارقص وانا ارقص الا يدخل ولد خالي

من الفشله اهو رد بس من انتبهت عليه قعدت ع الارض واضحك
هههههههههههههههههههههههههه

 

[alreeem22]

هههههههههههههههه والله مواااااااقف تجــــــــــــــــنن ومحرجــــــــــــــه..

شو اقول وشو اخلي ..بس والله يسير قهر بعد مايشوفك خاصه اذا كانـــــــــــــــــت عيونه طويــــــــــــــــــله

 

[الـ غ ـاويهـ]

ههههههههههه

/ بلقيس في حيرة /

والله عجيبة جان فتحتي لج ديسكو مرة وحدة

ههههههههههه

/ الريم 22 /

صدقتي والله

عيونهم مبطلة ما تسكر لما يشفون بنات مب الكل بس الأغلبية

 

[الاختصاصية أمل]

مواقف مضجكة و فشيله والله

تعيشوا تأكلوا غيرها

اسولف:bigsmile:

​

 

[أحس فيك]

ههههههههه

/ أحس فيك/

ههههههههه .. اول مرة احس انج طريفه مثلنا من الابتسامة اللي ابتسمتيها لولد عمج
هههههههههههههههههه
اصلا دايما تطلع ف هاي المواقف
/ ودهم/

موقفج موقف ما ينحسد عليه

توني متذكرة موقف

الله يسلمكم ...

كانوا قوم خالتي زيارة للبلاد ( لأنهم عايشين برع البلاد) ، فرحنا بيت خالتي الثانية لأنهم كانوا بيسكنون عندهم
المهم رحنا و رقدنا هناك بما انه عدد البنات كبير و الأولاد يا دوب 5 اولاد خذنا نحن غرفة الشباب ( غرفتهم كبيرة) و
هم غرفة ثانية .. ف الحجرة كنا يالسين انا منسدحة ع الارض و فاصخة الشيلة و جلابيتي مرتفعة لين الركب وويهي
ما كان للباب و بنت خالتي يالسة عندي و الحريم يالسات يتكلمون .. فجأة بنت خالتي تنزل جلابيتي و تحاول تقومني ( ليش؟؟)
بس انا مب طايعة و ردت رفعت الجلابية هي تنزل انا ارفع ( شو ها الاستهبال البايخ ) .. لفت ويهي ذاك الصوب ما
اشوف الا ولد خالتي ف الحجرة يرمس الحريم و هذاك و لا على البال ( يعني ما في احم و لادستور) و انا خلاص مب
عارفة شو اسوي انزل الجلابية و لا البس الشيلة ( حق ليش انزين خلاص الريال شافج ما يحتاي بعد ) لين ما انا
اسوي كل ها هو طلع و يلست اضرب بنت خالتي اقولها ليش ما نبهتيني تقول بالله عليج شو كنت اسوي من ساعة
يالسة العب وياج ( الغبية انا اللي ما كنت افهم ).... والله حالة

و احين كل ما اتذكر اضحك ع عمري


هههههههههه

وين الباقيات يتحفونا بمواقفهم ... خخخخخخ

هههههههههه موقفج لا يحسد عليه يا الغاوية
عجبني موقفج لأنه في تفسخ >>>هههههههههه

 

[أحس فيك]

في موقف صار لي يوم كنت صف ثالث إعدادي
مرة كنت في بيت خالتي وبعد ما طلع ولد خالتي طلعنا نحن البنات فوق واشوي وابوي جا لنا وجاوا اليهال ينادوني المهم تاخرة شوي وبعدها فلت((بسرعه)) على الدرج نازلة وإلا طاااخ ولد خالتي هو الأخر جاي بعد فلت ناسي شي المهم في أخرى لحضة أحط بريك وتجازوة الاصطدام المهم بوصف لكم اشلون كان شكلي وشكله كان راسي في صدره وما بيني وبينه إلا شعرة طبعا بفضل الله ثم بفضل البريك اللى سويته >>> هههههههههههههه...
على كثر ما شافني ولد خالتي هذا بس هذا الموقف ما أقدر انساه لأني تجمت في مكاني وهو مسكين تصرقع وفلت الصالة علشان اطوف انا بس أنا تمين في مكان مدة متجمدة وبنت خالتي تقولي يالله روحي خلاص هو محد وانا انطر يغمى علي>>> خخخخخخخخ من قوة الموقف
هذا موقف مو مواقف اللى صارت لي مع ولد خالتي هذا اللى كل اسبوع كان يشوفني لين ما مليت وقلت والله ما عدا يشوفني مرة ثاني وبالفعل يمكن صارلي الحين اربع سنوات ما عدا شافني >> الحمد الله

 

[هوت كوفي]

هههههههههههههه واللهي مو اقفكم مره تضحك

انا كمان حكتبلكم موقف صار معايا
مره كنت راجعه من المول ورايحه للشقه مع اخويا
وانا طالعه فالمصعد قلت خلاص مافي احد بس وشلت اللتمه واخويا يقولي ايش هدا غطي
وانا اقوله لا مافي احد الساعه 12 الليل وشويا مع المضاربه
الا باب المصعد يتفتح ولا واحد طالع فيا فتح عيونو ههههههههه وانا مره تفشلت وسريع سريع ارمي الللتمه على وشي
وربي موقف مانساه

مشكوره على الموضوع ياعسل

 

[القادمه بقوة]

مواقف حلووووووووووة هههههههههههههههههههههه

اما انا الظاهر شباب العايله والجيران ملووا من وجهي لان فيني طفااقه وعجله لا اله الا الله

وفيني فهاااااااااوة عجيبه هههههههههههههههه .. زوج اختي دايم بوجهي وشافني مره وانا علي بجامة توني قايمه من النوم ومررررررره وانا تو طالعه من الحمام (وانتم بكرامه) ورافعه جلابيتي الى الركبه

ومرررره دخلت عليه بالديوانيه لان كنت ادور الجريده ونسيت انه فيه وهو قام تغطى ههههههههههههههههه

وولد خالي شافني وجه لوجه وانا طالعه من الغرفه ببيتهم واقوم اصرخ يوم استوعبت وقفلت الباب حق الغرفه

وحسيت بنظراته مستغربه منو هذي ؟؟؟ وابتسم ......... وقامت بنت خالتي الصغيره فكت الباب قالت خير وش تبي

ترى عندنا فلانه بنت خالتي فلانه (مابي اقول اسمي عشان ادري فيه من بيعرفني خخ).. واجي ابطلع من الغرفه مره ثانيه لان وراي شغل ضروري وهو متصنم لانه يكلم خالاتي برااا ويقعدن خالاتي يقولن له لف لف وهو يلف
بس ولوو احسه يشوفني مع نص عينه .. المهم وقتها كان توه متزووج ومشاكل مع حرمته .. بس كنت احس

اول ماشفته باحساس غريب له مع انه مو اول واحد اشووفه .. بعد فتره جاني يخطبني بس طبعا مو هو اللي اختارني

اخته اللي اختارتني ... وكنت متوقعه هالشي احساس فقط ........ لكن اخووي رفض

والحمد لله على كل شي والله يكتب اللي فيه الخير

 

[القادمه بقوة]

توضيح ........... خطبني وهو بينه وبين زوجته قضية بالمحكمه رافعه قضية طلاق لاسباب اعرفها انا

وبنظري انها جدااا عاديه وتحصل في اي مكااااااااااااان .. والحين طلق

 

[أنا بنت هذيل]

يعطيك العافيه اختي على موضوعك الحلو

انا الله يسلمك مواقفي ياكثرها وتفشششل من قلب ههههههههه

طبعا في الاجازه كلنا نتجمع في بيت جدتي ام امي
المهم الدور الثالث دايم احنا البنات فيه والشباب في الدور الاول
كنا طالعين نتمشى ويوم رجنا دخلت اسبح عاد انا الله يسلمكم خوافه مووووت بعد ماحطيت الشامبو حسيت ان فيه شي يطير في الحمام ونتوا بكرامه بس مو متاكده ومااقدر انتظر لين اعرف فيه شي والا يتهيأ لي المهم اخذت التي شيرت حقي ودخلت رجولي من عند الرقبه ورفعته الى الصدر ((مغطي من الصدر لفوق الركبه بشوي)) واقوم افتح الباب واطلع في الصاله والا ماما وخلاتي يصرخوون انا تجمدت مكاني الشباب حاطين سفره لهم في الصاله يتعشون وانا قدامهم بالشامبو مااشوف الا الشباب يعطوني ظهرهم وماما وخالاتي يبغوني ادخل الحمام وانا مخترعه اقول لهم بصوت واطي في شي يطيييير ويجيبون الشغاله تشوف
وماطلع شي في الحمام وتفششششششلت شكلي غبي ورجعت كملت حمامي (اسوأ موقف)

 

[الـ غ ـاويهـ]

هههههههههه موقفج لا يحسد عليه يا الغاوية
عجبني موقفج لأنه في تفسخ >>>هههههههههه

لا والله .. يمكن لو صار فيج انتي

كنتي بتصيحين على طول ..

اسولف >> خخخخ

اما موقفج عجييب .. و انا اقول شو ها الصوت اتحرته ف البداية صوت
بريك سيارة طلعتي انتي . اها اها اها

هع


/ أنا بنت هذيل /

ههههههههههههههه
ههههههههههههههه
هههههههههههههه
هههههههههههههههههه

اخاف من الضحك انفجر بسبت موقفج

خخخخخخخخخخخخ

خخخخخخخخخخخ

خخخخخخخخخخ

بس الصراحة فشلة .. انا لو كنت مكانج بعد اللي صار لي يمكن ما اظهر من الحمام موووووول

هههههههههههه

 

[تماره]

أما مواقف بديعه يابنات ههههههههههههههههههههههه

اما أنا صار لي موقف مع ولد عمتي بعيد الأضحى
كنا متيمعين البنات والحريم بالصاله والرياييل بالدوانيه ولما صار العصر قالتلي بنت عمتي أروح الدوانيه أييب دلة القهوة والشاهي لأن الرياييل طلعو حق الصلاة جان أقولها متأكده مافي أحد؟ جان تقولي ايه
ولما وصلت الباب :flex:
قلت بتأكد وطقيت الباب أول ,شوي ويي ولد عمتي من ورا الباب بدون مايشوفني علباله خواته جان يقول شنو؟ , انا انصدمت والصوت راح وماني قادره أتحرك وأقول بصوت واطي لأ , ويرد ويقول بصوت أعلى شنو وأرد و أقول لأ , و رد وقال شنو
جان يطل علي ولما شفته صرخت وانا أقوووول لألألألألأ
واخترع ودش داخل
هههههههههههههههههههههههههههههههههههههههههههههه وضحكت على الموقف جنه فيلم مصري
وطبعا بنت عمتي كلتها زف

 

[أحس فيك]

واااااااااااااااو مواقفكم اقوى من موقفي
هههه الله يستر علينا يارب