زوجي يشوف مواقع اباحيه شنو الحل

[ام جمانه11]

ابي اشرح لكم قصتي انا زوجي يدخل مواقع اباحيهويشوف الصور الخايسه الي بالنت وبنفس الوقت يسمع القران ويحبه شخصيته عجيبه ماعرف احللها ساعات عصبي ويحط الحره الي من برى فيني وساعات يسكت ويكون هادي هو مايترك صلاته ابد ويصلي فرض بفرضه فالمسجد ولما ادخل اشيك وراه فالنت اشوفه يدخل مواقع اباحيه وعقبها يدخل مواقع اسلاميه بديت اشك فيه انه يعرف وحده غيري ويحاول يتعلم هلاشياء علشانها بس ماقدرت امسك شي عليه دايم فالبيت واذا طلعنا السوق مايطالع دوم منزل راسه ومافي دليل ضده ممكن حد يفسر لي شخصيته انا تعبت احس اني بانجن من تصرفاته متقلب تصرفاته تدل انه متدين بس الي يشوفه فالنت يبين لي العكس :tears:

 

[ضحكتي دموع]

مالك الاالدعاء وكثرة الاستغفار يا قلبي :icon26::icon26:

 

[ام جمانه11]

مالك الاالدعاء وكثرة الاستغفار يا قلبي :icon26::icon26:

مشكوره عالرد حبيبتي والله يصلحه ان شاء الله

 

[أم وتين]

يمكن عنده اضطراب في الشخصيه يشوف هالمواقع بعدين يندم

 

[ام جمانه11]

يمكن عنده اضطراب في الشخصيه يشوف هالمواقع بعدين يندم

والله انا منصدمه منه وبديت اشك فيه ونفسيتي تعبت واااااااااايد الي يقدر يعطيني حل ارجوكم سشسوي احس انه يعرف وحده غيري

 

[ليتني احتويك]

السلام علييييييكم ورحمة الله وبركااااته
زوجك ما شاء الله فيه الخييير ان شاء الله
يمكن احد دله من اصحابه على الابأحيه لانهااا سارت تمشي في عروق البعض من الرجاااال الله يهديهم وهو بس فضول منه يطالعها وبعدين يندم او يمكن يطالعهااااااا وبعدين يندم ويخاف من الله ويروح يفتح مواقع اسلاميه يقراء فيهااا يمكن يتعض ماتدري
اهم شي انصحيه ودايم ذكريه بالله لانه ماشاء الله علييييييييييييييييييه والباين من كلامك انه على طوووووووووول يندم الله يهديه لكي ويسخره انشاء الله وعليييييكي بأالدعااااااء

 

[دلوعة عبودي]

مرحبا00موضوع هالافلام مااعتقد فيه زوجه مااشتكت منها مع اختلاف وسائل العرض الا من رحم ربي---بس احمدي ربك ان زوجك عنده النفس اللوامه وهاذي اللي يفتقر لها الكثير من الرجال ويستبدلونها بالاصرار والانغماس بالاثم حاولي تكونين طوال الوقت معه بدون مايحس انك كاشفته وحاولي انك تكثرين من الثناء عليه علشان يخجل من الشى اللي قاعد يسويه وتعاملي مع الموقف انه مافيه انسان معصوم من الخطا بس دورك الاكبر انك ماتسمحين ان هذا الخطا يكون بداية دمار لحياتك الزوجيه اما بالنسبه لسلوكه معك فاانا شايفته عادي اغلب الرجال كذا طريقتهم ويمكن من ضغوطات الحياة اللي يواجهها وبالنهايه باقول لك زوجك فيه اصول طيبه فحافظي عليها واكثري من الدعاء ووفقك الله يالغاليه0000000000

 

[أتامي]

آه ياقلبي مالقيت حل له الا اني ادعي له بالهدايه الله يهديه يارب ويغض عينه عن مشاهدة الحرام

 

[ام جمانه11]

مشكووووووووورين فديتكم عالردود والله انا مابينت له اني ادري بس محتاره اقوله والا لا اخاف اذا درى اني ادري يصير الموضوع عادي بالنسبه له ويكون علني :tears:فقلت اسوي نفسي مادري احسن لي

 

[فارسة الحياة]

انتي من تعرفين شخصية زوجك، فإن كان السكوت أفضل حاولي معاه بطريق غيرمباشر،، لأن واضح إن فيه خيييير،،،
ثم إنك لابد تراجعي دورك في المعاشرة،، وهل هو روتيني وممل،،؟؟
وعليك بالأشرطة اللي فيها قصص تذكر بالخاتمة،، طالما وزجك معتاد عليها،، لعل الله يهديه ويتووب
والله يكون في عونك عزيزتي.

 

[شمعة لا تنطفيء]

شوفي يا عمري
انا ما احلل للرجال شوفة هالمواقع
بس بقول لك ان بعض الرجال مهما تدينوا يحبون يتفرجون على المواقع الاباحيه
لمجرد الفضول ولأن حبهم للجنس غريزي يساوي اضعاف المرأه
عشان كذا كثير من الرجال مهما بلغ منهم الدين والالتزام مبلغه فهم لا يستغنون عن هذا الشي
لكن اهم شي يا اختي الحبيبه انك ما تقولين له انك تدرين عنه
والشي الاهم انك تدعين له بالهداي في ظهر الغيب
ولله يوفقكم لما فيه رضاه

 

[lonlyreem]

تبغين صراحتي سألتي نفسك هل من جديد في علاقتكم الجنسيه يعني اللي تسونه هل هو شي متكرر ومافيه تجديد انا احس انه وده يقولك اعملي لي كذا بس مو عارف كيف يوصلك الرساله شوفي بعد مايشوف الموقع قوليه او اطلبي منه حركه جديده في الجماع خليه يفتح لك اللي في قلبه كوني جريئة فهمتي علي

 

[المنقبة]

اذا عنده اميل ابحثي في موقع عن عواقب النظر في المواقع الاباحية او حطي صورة او اية او اي شئ يذكر بالله في شاشة الكمبيوتر بس لا تقوليله انج تراقبيه او تشوفين مواقع من وراه خلي الاحترام بينكم و لا تحسسيه انج شاكة في شئ عشان ما يقول طحت من عينها خلاص خليه مثل ما هو سوي الي قولتلج عليه وادعي ان الله يهديه

 

[ام جمانه11]

مشكورين عالردود والله يصبرني انا والله مستغربه منه انا مو مقصره معاه بشي واهتم بنفسي وايد وايد واحرص ان وزني مايزيد بس عشان ارضيه بس الله المستعان

 

[عنقود عنب]

باين ان زوجك فيه خير

اختي ...ادري الموضوع مؤلم ...ولكن صدقيني ..لا تكبرينه لان كثير من الرجال يحبون يتفرجون

والاكثر منهم ...ان هي فترة يمر بها الرجل و من ثم يتركها ...يعني فضوووووووووول فقط لا غير

لا تبيني له ..عشان ما يصير الموضوع عادي بالنسبة له

ولا تفتشي وراه

زوجك انسان عاقل و يعرف الحلال من الحرام

وربي يهديه

 

[اصل المحبه]

انا مشكلتي تقريبا نفس مشكلت الاخت بس يناديني ويبغاني اشوفه معاه مع اني ماااقصر ابد بالاشياء اللي انتو عارفينه وصاراحته وقلت انا مابي انت تشوف موتناديني بعد احس يندم ويتركهم بعد فتره يرجع لهم مره ثانيه
وانا اتوقع هالشي من اصدقاء معينين على حسب تصرفاته حكمت ...ابغى ردودكم خواتي وشكرا؟؟؟

​

 

[تاج الاحزان]

عزيزتي ما لك الا الدعاء على الاقل زوجك ضميره حي احمدي الله وفي هذا الزمن ابتلينا عزيزتي ايش نسوي حاولي ترسلينه مسجات تذكير او شريط وهذا اكثر شي اتسوينه وكلنا في الهوى سوى

 

[تاج الاحزان]

انا مشكلتي تقريبا نفس مشكلت الاخت بس يناديني ويبغاني اشوفه معاه مع اني ماااقصر ابد بالاشياء اللي انتو عارفينه وصاراحته وقلت انا مابي انت تشوف موتناديني بعد احس يندم ويتركهم بعد فتره يرجع لهم مره ثانيه
وانا اتوقع هالشي من اصدقاء معينين على حسب تصرفاته حكمت ...ابغى ردودكم خواتي وشكرا؟؟؟

​

عزيزتي لا طاوعينه في هذا الامر ابدا لاطاعة للمخلوق في معصية الخالق وادعيله بالهدايه حاولي تشغلينه عن هذي الاشياء بطلبات في البيت او تمشية العيال حتى ما يكون عنده وقت لهذه الامور والله يهديه لك

 

[عبير الحزن]

ادعو لهم بالهدايه الله يصلحهم

 

[الرايا]

شوفي يابنت الناس زوجك ما عنده قناعه بزوجه الي عنده وطبيعته في الا صل طيب وعلى الفطره لا كن ايمانه ب لله ضعيف ولديه فراغ عاطفي يجعله ما بين لحضه ولحضه يفكر بلحرام او النضر للحرام بسبب النقص الي انتي حرمتيه
بدون قصد حاولي تعوضيه الدلع والغنج خاصه على الفراش0 البسي احسن لبس استقبليه عند ما يجي من العمل
ببوسه خذيه في الحضن ادلعي عليه خليك رومنسيه زوجك طيب وفيه خير كثير والدليل عدم تركه الصلاه وعند ما ينضر للحرام صدقيني يندم يااختي الرجل مهما كان انسا لديه فطره وغريزة حب النساء فلا تحرميه المتعه الحلا ل بشتا انواعهابسبب جهلك اوغيره0 حا ولي ان تقرئي كتب عن الرومنسيه 0ملا حظه0 اللبس 0النظافه 0 الاكل في وقته0 حب الطيب0 الكلام الحلو0 الدلع والغنج وقت النوم0 هذي كلها يحبها الرجل0