مشكوره يا لمهاجره على الرد
........................................
يابنات ودي اتكلم عن الجنوبي الغربي والمدح
مع ان هالنقطه خالصين منها وعارفينها زين
بس والله المدح يسوي العجايب مع الجنوبي
يعني انا اشوف المفتاح للقضاء على سلبيات الجنوبي هو المدح
يعني حتى بروده وتردده وكسله من خلال المدح ممكن تخففينهم
الجنوبي مو بس يستانس الا تطلع اسنانه من الوناسه لما تمدحينه ,, سبحان الله مثل الاطفال يعني مثل ما الطفل يموت بالمدح وهالمدح يشجعه ويعززه على السلوك المرغوب ,, الجنوبي نفس الشي ,, اذا تبينه يعيد سلوك معين واذا تبينه يبتعد عن سلوك معين بعد مدحيه بس بطريقه تنفره من هالسلوك
مثلا انا زوجي يدخن الله يهديه يمووووت بالسيجاره ولو شنو اسوي معاه ما اقدر عليه ,, التدخين معشعش بدمه
غلطه حياتي لما كنت اخليه يدخن بالشقه ( الحمام ) تكرمون ,, كل مره اكلمه واقوله اني اكره الريحه يقول لي الله يخلي الشفاطه وما يسمع الكلام
انا قلت اذا بيدخن كيفه لكن داخل الشقه مستحيل ما احب الريحه مع انها تكون خفيفه....
قمت شنو سويت ؟؟ عشان اقضي على هالشي استخدمت المدح
يعني مثلا اذا اشوفه يطلع يدخن عند الباب ,, اقوله حبيبي الي خايف علي وعلى البيبي من الريحه ويروح يدخن بره ,, والله كلك احساس وادري انك يوم من الايام بتتركها عشاني انا والبيبي ,, لما اقوله هذي الجمله مسكين يستحي يدخن داخل الشقه ,, كم مره قمت امدح فيه احساسه فيني ( مع انه لا يحس ولا شي هههههه ) ومسكين تفشل مني والحين قام ما يدخن الا بره الشقه حتى لو طقت السيجاره على باله نص الليل ,,,
من ناحيه ثانيه زوجي فوضوي من الدرجه الاولى حتى الثياب لما ينزعهم ما يشيلهم من مكانهم من الكسل والفوضى ,,, طبعا لا صراخ ولا عناد ولا شي فاد معاه ,, ومافاد معاه الا لما قمت اعامله مثل الاطفال واقول له ,, حبيبي المنظم الي يحبني ويخاف يتعبني راح يشيل هدومه ,, صحيح ما يشيلها الا بعد طلوع الروح بس على الاقل حققت انجاز بالنسبه لي مع الجنوبي ....
طبعا كلكم ما شاء الله خبيرات ,, ولكن ذكر فان الذكرى تنفع المؤمنين ,,,
