احلى تجمع لاحلى زوجة ثانية

[سراب الحب]

شاكرين ايقاف المعركه التي تقام على اراضينا من اطراف زائرين ولا ادري لماذا لا تحلو الحروب الا في ملفنا؟؟
وما الغايه منها ؟؟

 

[سراب الحب]

حبيبتي ازمه وعدت..ودبور وزن على خراب عشه:thumbdown:..سكت واستحملت لكن هي ما احشمت نفسها فصار الطرد لها من حياتنا..وصج الله ما يضيع حق حد والله يمهل ولا يهمل..:cupidarrow:

هلا ام شووق والحمدلله اللي تمم الامور على خير
فيه ناس ما يعرفون العيش الا على نكد وتعاسه الاخرين
ياليت كل شخص يرضى بكتبه ربه ويقنع كان الكل بخير
كيف البيبي عسى ما تعبك؟؟

 

[سراب الحب]

صباح الخير
وجمعة مباركة للجميع
انا بصراحة مدري نصيبي وين بيكون فيه
هنا بهذا التجمع .... او مع تجمع الأولى
الله يكتب لي مافيه الخير

الله يرزقك الزوج الحنون اللي يسعدك

 

[كــلي احاسيس]

السلام عليكم...

شحالكم , شخباركم؟

 

[كــلي احاسيس]

يعله مديييم ...
تمااام ....


الله يوفقج ان شاء الله فــ حياتج ......
اما انا اكره حريم اخوان ريلي يالله منهن ياكلن لحم بعض بعد ام ريلي ماسلمت منهم وبعد زوجته الاولى نفس الشي اما انا لا جاوفوا خيري ولا شري ناااادر ما اسير عندهم اتا ماحبهم سبحان الله مش مرتاحتلهم كلهم متكبرات اخ ...
بس اريد اعرف احينه الحرمه يوم تربي ليش جسمها يخترب ... وفي بعض الحريم جسمهم يتم مثل ماهو يعني مايلعبن رياضه ولا م يحزنون كيف جي ؟؟؟!!!!!

 

[كــلي احاسيس]

حبيبتي انا بقولج شي ام زوجي عمه زوجته الاولى (صدمه) بس للاسف عانت وايد من بنت اخوها..والحمدلله هي بنفسها تقول لزوجي مرتك ذهب لاتفرط فيها..ام زوجه اخو زوجي فهي خبيثه لكن انا ما يهمني وللاسف على قد ما وقفت معاها وحاولت افتح عينها لزوجها هي مو مهته هي تغار مني لاني اهتم بزوجي وااايد ومخليته ملك واتعدله له واتزين واطبخ..وهي ولا كانها في الدنيا للاسف ياليت غيرتها تخليها تسوي شي لا بس قاعده وتتصيد السوالف..
اما عن الحريم اللي ما يمتنون وايد في الحمل فانا عن نفسي طول حملي كنت اركز على الفواكه والشوربات والسلطات..وكنت اتحرك وايد انظف واطبخ وما اسوي نفس بعض الحريم دام انا حامل بخلي كل شي وبقعد اكل وانام(طبعا خواتي اولهم وللاسف زادو بشكل خيالي 40 كيلو)..ومع ذلك زدت 15 كيلو لكن بعد الولاده طارو 10 كيلو بعد الولاده باسبوع والباقي اقساط في شهرين..وانا اعترف كنت احاول اسوي رياضه بس للاسف ما عندي وقت بس كنت دوم اشفط بطني واشد العضله..واحط جل دوف لشد الجسم..والحمدلله النتيجه فتاكه..سوال انتي عندج اطفال؟؟؟ ولا ناويه على الحمل..؟؟

الله ييوفقج بحياتج ويبعد عنج شر اللي يكيدون لج
اامين ان شاء الله
الله يعينا

و الله اللي يقهر يوم يغارون و مايسوون شي زين اتلحلحي وحسي بدمج شوي بس فالحات يأذون ماعلينا ....


اها ... مشكوره اختي ع المعلومه .....^.^
لا ماحملت انا لي 9 اشهر وماحملت كل شهر اتريا الدوره ماتيي وتيي احباااااااط :blow::sad_1:.... و اللي احبطني اكثر عديلتي حااامل الله يقومها بالسلامه << مع انها ماتتمنى لي الا كل شر :dunno:

اسير اقول حق ريلي و اهلي اريد اسير المستشفى اريد اعرف ليش مش حامل وجي يقولون لا بعدج صغيره :icon1366:
بس كل هذا لا يجدم ولا يأخر كله من عند الله سبحانه وتعالى و الحمد لله ع كل شي

 

[كــلي احاسيس]

وياج يا قلبي ويسعدج دنيا واخره..احبيبتي انا قريت مشكلتج في موضوع سراب اختي يمكن موضوع التاخير خيره لج..الحين انتي حاولي ترتبين حياتج وتكسبين زوجج وترتبين وضعج عشان حتى لو حملتي تكونين مرتاحه..والحمل لاحقه عليه ..بس فضول هو ليش كان يبي يتزوج من الاساس

تعبت منه و الله سويت كل الاساليب و مانفع وياه اسلوب من يوم مارجعت زوجته بعد زواجنا بشهرين هو مختبص مش عارف شو يسوي و انا نفس الشي يعني يرضيها و انا لا لو اتاخر عليها ساعه طردته من البيت اما انا يتاخر نص يوم و الله ما اسوي اللي هي تسويه هي صح انها يت تخطب حق ريلها واحينه تباه يطلقني وحسيت من ريلي انها مسيطره عليه بعض الشي طبعا هو جنوبي مثلي انا فكل شي اتصعب علي خصوصا ترتيب حياتي وياه على اتفه اتفه واصغر الاشياء يزعل ويجذب وانا من النوع العصصصصصبي و النوع اللي ماعرف اخبي شي فداخلي لازم اظهره ويبين فويهي يعني الحياه صعبه وايد فقلت لو حملت بنسى ريلي تعرفين شو هي احينه مطنشتنه رسايل الحب لها وانا سويت نفس الشي مطتشتنه و لا اجوف رساله ليش انزين انا حرمته بعد يعني و الله تعبت والدكتور يعصب يقول لي لاتفكرين لان مرضج مايباله مشاكل وتفكير وايد هالاشياء تزيد المرض انا تعبت بس شسوي احسه مايحبني
اختي بغيت اقولج شي ع الخاص ممكن :sadwalk:

 

[كــلي احاسيس]

ان شاء الله ومشكوره فديتج .....^.^

 

[كــلي احاسيس]

اختي انا زوجي جنوبي وصبرعليها 4 سنين بعدها كرهها كره مو طبيعي اختي زوجج منصدم منها الحين بس مرده بيطنش لها بس دورج الحين تحسسينه بان انتي راحته مو تعاسته خلي عنج العصبيه وانتبهي لنفسج ولصحتج وتذكري شي ان الشده والقوه تبعد الزوج ما تقربه..اختي طرشي له رسايل حب حسسيه بوجودج خل هي بعد تحس بوجودج..محد ضربها على يدها وقال لها تخطب له وبعدين هي لو واثقه من نفسها ما راحت وخطبتله ..هي خايفه ان انتي تاخذينه منها..وبالفعل ترى تقدرين تاخذينه منها بطيبتج واحتواج له خلها تطرده وانتي احضنيه ..خلها تطنش له وانتي كوني حذاه..لا تخلينه لها وبعصبيتج ترى انتي تقدمينه لها على طبق من فضه..اسمعي كلامي وصدقيني بتقولين ام شوق قالت

انا مطنشتنه تعبت منه و الله

مره صار لي شي غريب عقب اسبوعين من عرسنا او اسبوع ونص ما اذكر نشينا المغرب و عقب اكلنا << و نعم الازواج المهم وهو ياكل شرب حليب بارد تعب يته حراره وكنا بنسير امارات مول وقلت له خلاص حبيبي اهم شي راحتك مابنسير و اليايات اكثر ترى مابيطير المول قال الا اوديج قلت له لا فديتك ماريد بدا يزعل قلت له ع راحتك اقولج بدا يتعب و يتعب ويتعب انا اقول له خلنا نرد خلنا نرد يقول لا قلت له خلاص انا مليت خلنا نرد قال اوك ورد البيت وعقب يومين انا مرضت وتميت اسبووووعيييين حراره و ياهي حراره قلنا عين و بس تمينا نقرا قران ويوم ما هاذي بترد انا اترقدت بالمستشفى و اكتشفت ان التصلب اللويحي فيني كيف فيني لا وراثه ولا شي بس قدر الله ماشاء فعل و الحمدلله ع كل شي عقب هاايج الحراره اللي يتنا ما طعمنا عافيه لا انا ولا هو اتغيرنا ع بعض بشكل فظييييييييييييييييييييييييييييييييييع

 

[كــلي احاسيس]

جفت ردج فديتج مشكووووره .. يوم اجوف ردج والله احس بحماس الله يعطيج العافيه ماتقصرين بس هو احينه مش عندي زعلان قلت لج في الخاص ليش ...^.^

 

[كــلي احاسيس]

اه يختي هههههههه
مشكوره و الله ماقصرتي الله يبعد عنج الشر وعساج ع القوه

 

[سراب الحب]

هلا ام شوق وش اخبارك صايره مستشاره الملف خخخخ حركات من ورانا
الله يعينك يا كلي احاسيس قوي نفسك السعاده ما تحل بسهوله

 

[كــلي احاسيس]

هلا ام شوق وش اخبارك صايره مستشاره الملف خخخخ حركات من ورانا
الله يعينك يا كلي احاسيس قوي نفسك السعاده ما تحل بسهوله

اعرف هالشي يختي بس احس صعب صعب مزاج الريال احينه زعلان وماعرفت كيف اراضيه :dunno: بمووووووت انا ماسويت شي غلط عشان يحتشر مفروض يسكت ويستحي لانه جذب علي وانا كشفته :icon1366::icon1366::icon1366::icon28::tears: :tears: :tears:
و الله ماعرف شو اسوي ياارب سخر ازواجنا لنا اللهم امين

 

[لؤلؤة أبوظبي]

هلاا وغلاا مرحبا بكن
الحمدالله اخيرا حد سولنا تجمع خااص فينا نحن الزوجاات الثاانيااات
اااااااااااااه والله يتني حاله نفسيه من زوجي وحرمته
دخيلكن
انا زوجه ثانيه ورياالي يحبني وحس انه يحبني بس ماايصرف علي كثر الاوله
االاوله رااعيه الحشم وخدم والعقوود الامااس
وكل ماقلت له قاال انا ماااعطيها شي
انزين من وين لهاااااااا ه الاشيااء ؟؟
وبعض مراات ينقلب علي ويطنشني وحس بضيقه منه
يااب لي الضيقه انا اصغير الدلووعه والله لو تشوفووني كبرت عشر سنسن لقداام
انا رياالي اكبر عني ب 20 سنه
وانا الي اخترت رياالي بكيفي بمزااجي ابا من يدلعني والحين لاا يدلعني ولاا شي
وحسه يتغير كل يوم

 

[لؤلؤة أبوظبي]

انتن متفيقاات تضااربن
ياماما هاذا تجمع الزوجاات الثااانيه يعني الي عندها مشكه
ههههههههههه
انا عندي مشكله ودي اعبر عن هموومي ابغي اصيح
ونتن تضااربن
مااتستحن حرييم اشطولكن وشعرضكن تضااربن عسب اشياااء تاافهه
يلاا حبوو بعض
هههههههههههههههه
بنسوي معااهده بينكن وماايصير لاا خطركن طيب
المهم ردو ع مشكلتي حد زوجه ثاانيه اهني

 

[كــلي احاسيس]

:icon1366:

كلي احاسيس انتي لين الحين ما سويتي شي ومتحطمه جذي..:crazy:..وين الصبر..سوي اللي قلت لج عليه وباذن الله بتتيسر الامور..:icon30:..اصبري واطبخي كل شي على نار هاديه:sly:..

كتبت هالرد عقب ما انا طرشت حقه وهو ولا شي والله تعبت من كثر الصيااح وهو مطنش :icon1366:
الله يفكني من زوجته الاولى وشرها وارتاااح :icon1366:

 

[كــلي احاسيس]

يا حبوبه الصبر ثم الصبر انتي حتى ما انتظرتين لين اخر اليوم..اصبري على نفسج ..وشيلي زوجته من بالج لانج بتتعبين ..هي حالها اردى من حالج..فكري بنفسج وبزوجج..واصبري عشان تلقين نتيجه ترضيج

.... خلاص ان شاء الله بصبر وان الله مع الصابرين...
اما عن ذيج ماقدر اشيلها لاني اقول اكيد احينه هو مطنشني و هي يرسل لها حبيبي اشتقت لج و هالخربطه ترى جفت مسجاته ... انا امووت واعرف هو جذب علي و اخلف بوعوووده جذب جذبات وصارت مشاكل تخرب بيوت بس ليش انا لين احينه متعلقه فيه هل هو الحب او مرحلة مراهقه وفهالمرحله المشاعر ماتكون ثابته ؟؟؟؟....

 

[كــلي احاسيس]

حبيبتي ما في زوجه ما تحب زوجها :blush-anim-cl:..وما انكر انتي في مرحله صعب تاخذين فيها قرارات مصيريه لانج صغيره:cupidarrow:..بس صدقيني انا قريت رسايلج انتي بس يبي لج صبر ..وتغلي ودلع ..وحركات مع الايام بتتعلمينها..وتبين الصج انا عن نفسي اشوفج كسبانه المعركه قبل ما تخوصينها :smoke1:بس يبي لج تفكير سليم وصبر..والوصول لمفاتيح زوجج ..لو كلنا ننصحج ماراح تستفدين الا بهالثلاث..وانا اقولج لا تتهورين وتخسرين زوجج..بالعصبيه والغيره اللي بتوديج في داهيه..:icon1366:

العصبيه خلاص بديت امحيييها و الغيره و الله ماقدر اسيطر عليها بس خليتها فقلبي ما ابين له وعقب انفجر بويهه وثانيا عشان مايمل مني ويغسل ايده وبيقول هاي تمووووت فيني ..اون غامضه :smoke1:
اما عن المرحله للي فيها صدقج كل القرارات اللي اخذها تنقلب ضدي مرات ومرات تكون اوكيه ... و الكل يقول استخدمي عقلج مش قلبج بعد في الحب عقلج مش قلبج ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مافهمت شي كيف احب بعقلي مش قلبي كيف جي :questionmark::questionmark:

 

[سفيرة العطاء]

السلام عليكم ورحمه الله وبركاته​

الصراحــــــة اول مره اشوف الملف ​

واتمنا ان احجز لي مقعد بينكم ​

ولنا لقاء في الايام القادمه بأذن الله ​

وعلى الخير نلتقي ​

 

[كــلي احاسيس]

حبيبتي يقصدون حبي بس لا تخلين حبج يخرب عليج لان اللي يحب ما يفكر لما يغار واذا انضافت العصبيه مع الغيره اختربت الحياه الزوجيه:thumbdown:..حبيبتي ما عليج من اي وحده كانت زوجه اولى او ثانيه تقول ما يهمني وخلاص انا بفكر بنفسي بس وبطلعه من حياتي وهو ما يحب الا زوجته ذيك ونفسه(هذي تعطي نفسها العذر عشان ما تطالب بقلب زوجها وتخسر:schmoll..الحياه الزوجيه تنبني على 2 مو شخص واحد..ومافي حرمه ما تتمني ان تكون قلب زوجها..حبيبتي خلي الغيره وثبتي مكانج في قلبه ..انا عطيتج كم نصيحه في الخاص وصدقيني لو داومتي عليها شهر بس بتشوفين الفرق..ولا تتصنعيها خليها جزء من تعاملج معاه وبتشوفين الحب في عينه قبل لا تحسينه في حضنه..اسئلي مجرب:icon30:
قال النبى محمد الله صلى الله عليه وسلم:
"إن الرفق لا يكون في شئ إلا زانه، ولا ينزع من شئ إلا شانه" ‏رواه مسلم‏‏‏.

مشكووره حبيبتي ع النصايح ويعلها في ميزان حسناتج ان شاء الله

اما اللي خبرتيني عليه في الخاص انا مررااات اسوي هالشي يعني بدون تففكير يعني اسوي هالشي ومافكر اني بسويه بس استحي و انسحب بس احينه هالمستحى نويت او بالاحرى خوزته بس بتم على المستحى الحلو الخفيف اللي يزين الحرمه مش اللي يخرب عليها حياتها ويكون حاجز بينها وبين حبيبها :blush-anim-cl: