اطلب استشاره ورأي من كل متزوجه......

[دندونه@@@]

اتمنى من كل زوجه تسأل نفسها هذا السؤال وتجاوب عليه بكل صراحه و بعيد عن المثاليه الزايده ......هل من المعقول انج تعيشين مع زوج تقريبا انتي ما تحبينه لكن في نوع من الاحترام موجود من طرفج انتي بس؟ وهل تجدين في نفسج القدره على الصبر عليه وعلى اهله اللي تعيشين معاهم بنفس البيت وطبيعة حياتهم كلها غيره وحسد وكره؟...استغفر الله حتى العيد عندهم ماله طعم ولا كأنه عيد..."


طبعا انا عن نفسي اعيش بهالمحيط وتحملته كثييييييييييييييييييييييييييييييييييييييييييييييييييييييييييير بس تعبت وودي اخذ رايكم ممكن تفيدني وحده منكم برايها..

انا طبعي هادي رحومه طيبه وصبوره واحاول دايما احل المشاكل بشكل عقلاني وبنفس الوقت ما اسمح لاي شخص انه يتدخل في خصوصيات حياتي وتربية ابنائي..احب الناس واحب اكون علاقات لكن مع الناس المحترمه بس"

 

[ام عيال حلوين]

يا اختي البيان من كلمك ان عندك اطفال ادعي ربي يهدي سرك انتى وزجك اما بالنسبه لاهله يااختى احترميهم من احترامك لزوجك ولنفسك عاملي الناس زي ما تحبيهم يعاملوك واهله كم ما عاشو بيروحو وهذا حال الدنيا وترى الدنيا دار امتحان وابتلاء مو دار سعاده والله يوفقك
سبحان الله وبحمده سبحان الله العظيم

 

[بااتشي]

يااختي اذا انتي زعلانه بس من اهله ترى عندنا وعندك خير
اما اذا كانت المشكلة مع زوجك فقوليها وان شاء الله نساعدك

 

[عرابة المنتدى]

حبيبتي من كلامك الضاهر انك عاااايشه بنفسيااات منتهيه وحاااسه بمرارت كل شي حولك
لكن نصيحتي انك تحااااولين بقدر استطاعتك تطلعين بيت لك انتي وحدك
وساااعتها مارح يكون بها البيت الا انتي واولادك وزوجك
وراح تقدرين تضبطين انشاء الله وتحسنين علااقتك بزوجك
واما اهل زوجك فصدقيني على قولت المثل خلك بعيد حبك يزيد
وتقبلي تحيااااتي000000000
عرابة المنتدى

 

[عيون عزيز]

دندونة حياتي بصراحة أحيييييييج على صبرج على عيشتج مع أهل زوجج..بصراحة انتي بطلة ومادري شلون متحملة هالوضع؟؟ بكون صريحة معاج..أهل الزوج وان كانوا ملائكة لا تعيشين معاههم في بيت واااااااحد..تعرفين ليش؟؟ لأنه حتى لو ماتدخلو في حياتج بس بيسألون نفسهم ليش اليوم ماطلعت تقعد معانا؟؟ وين رايحة مع ريلها هالحزة؟ ليش ماتدش المطبخ تسوي أكله ولا عبالها أميرة؟؟ لابسة اليوم لبس بايخ؟؟ ليش عيالها لابسين جي؟ شعندها مادة البوز؟؟ أكيد متزاعلة مع ريلها؟؟ ومن هالكلام الي يجيب المرض.. غير انج مستحيل ترتاحين وتاخذين حريتج وتلبسين مثل ماتبيين عندهم أو تربين عيالج بطريقتج لأنهم حتى فهالمواضيع يتدخلون..أنا عن نفسي أنصح كل بنت على وشك زواج تشرط بيت بروحها انشالله لو تسكن في جحر.. ترتاح وتريح.. وأهل الزوج لهم الحشمة والتقدير وتقومين بالواجب.. حاولي بكل الطرق تطلعين بيت بروحج.. لايقولج مقدر.. لو بغى يعرس عليج طلع البيت فلحظة.. ,تأكدي تأكدي انه مهما سويتي وعطيتي لأهل زوجج مستحييييييييييل يحبونج..لأنج بتمين غريبة في نظرهم وخذتي ولدهم منهم..بأي زلة منج بينسون معروفج كاااااااامل..عاملي أهل زوجج بالي يرضي الله واتقي ربج فكل شي تسوينه معاهم..لاتقولين عشان ريلي يرضى علي بفعل وافعل لهم..لأ.. أهم شي رضى ربج.. وبعدين حطي خطوط حمرا محد يتعداها منهم عشان ترتاحين..وبعدين ماأنصحج كلش انج تطبخين وتنفخين لهم لأنج مب ملزومة الا بريلج وعيالج وبس وهم لهم الكلمة والمعاملة الطيبة وبس.. وعسى ربي يفرجها عليج ويرزقج بقصر تسكنين فيه انتي وريلج وعيالج ويسخر زوجج وأهله لج ..

 

[*شوكليت*]

اقري موضوع ( هل انت واحدة من هؤلاء) لموزة الخلفان عشان تعرفين ان طريقتج صح , ومو عيب ان الوحدة تربي عيالها بروحها وما تسمح لأحد يتدخل بتربيتهم *

 

[المنقبة]

حبيبتي انتي شوفي شخصية ريلج وشوفي الاسلوب السليم الي تقدرين توصلين له فكرتج و طالبي ببيت مستقل لحالج و هذا حقج انا صراحة ما اقدر اعيش جذي مراقبيني في الطلعة والنازلة هذا ريلي و مجنني عيل اشلون ريلي و اهله معه الله يزيدج صبر على انتي صابرتنه

 

[سونيتا]

دندونة حياتي بصراحة أحيييييييج على صبرج على عيشتج مع أهل زوجج..بصراحة انتي بطلة ومادري شلون متحملة هالوضع؟؟ بكون صريحة معاج..أهل الزوج وان كانوا ملائكة لا تعيشين معاههم في بيت واااااااحد..تعرفين ليش؟؟ لأنه حتى لو ماتدخلو في حياتج بس بيسألون نفسهم ليش اليوم ماطلعت تقعد معانا؟؟ وين رايحة مع ريلها هالحزة؟ ليش ماتدش المطبخ تسوي أكله ولا عبالها أميرة؟؟ لابسة اليوم لبس بايخ؟؟ ليش عيالها لابسين جي؟ شعندها مادة البوز؟؟ أكيد متزاعلة مع ريلها؟؟ ومن هالكلام الي يجيب المرض.. غير انج مستحيل ترتاحين وتاخذين حريتج وتلبسين مثل ماتبيين عندهم أو تربين عيالج بطريقتج لأنهم حتى فهالمواضيع يتدخلون..أنا عن نفسي أنصح كل بنت على وشك زواج تشرط بيت بروحها انشالله لو تسكن في جحر.. ترتاح وتريح.. وأهل الزوج لهم الحشمة والتقدير وتقومين بالواجب.. حاولي بكل الطرق تطلعين بيت بروحج.. لايقولج مقدر.. لو بغى يعرس عليج طلع البيت فلحظة.. ,تأكدي تأكدي انه مهما سويتي وعطيتي لأهل زوجج مستحييييييييييل يحبونج..لأنج بتمين غريبة في نظرهم وخذتي ولدهم منهم..بأي زلة منج بينسون معروفج كاااااااامل..عاملي أهل زوجج بالي يرضي الله واتقي ربج فكل شي تسوينه معاهم..لاتقولين عشان ريلي يرضى علي بفعل وافعل لهم..لأ.. أهم شي رضى ربج.. وبعدين حطي خطوط حمرا محد يتعداها منهم عشان ترتاحين..وبعدين ماأنصحج كلش انج تطبخين وتنفخين لهم لأنج مب ملزومة الا بريلج وعيالج وبس وهم لهم الكلمة والمعاملة الطيبة وبس.. وعسى ربي يفرجها عليج ويرزقج بقصر تسكنين فيه انتي وريلج وعيالج ويسخر زوجج وأهله لج ..

يابنااات النصيحه مو بالطريقه هذي انتو تزيدون البنت ماتهدونهاااا وكل حرف يطلع منكم مسئولين امام الله قبل البشر عنه ......وبصراحه رد فيه تناقض كبيرررر !!!!!!
​

 

[سونيتا]

اختي الكريمه لاكلف الله نفس الا وسعهاااا ....بما أنك ماتستطيعين تعيشين وسط هذا المجتمع اطلبي من زوجك يوفرلك منزل مستقل عنهم .....واطلعي منهم وريحي نفسك وربي اولادك على كيفك لكن ما أوصيك خلي ذكرك عندهم بالطيب ...ترى مايبقى من الانسان غير ذكره الطيب واخلاقه العاليه ....الله يوفقك عزيزتي ويسخر زوجك لك ويهدي النفوس ....فبما انك طلبتي نرد وبأمانه فهذا ردي لو مكانك بطلب منه نطلع في منزل مستقل ...

 

[هديل001]

لا عن نفنسي عزيزتي ماأتحمل هالوضع بتاتا

لكن عزيزتي وش هي المشكلة بالضبط عشان نقدر نساعدك ونحاول بكل الوسائل

وكل وحدة تبدي رأيها وخبرتها في حياتها غاليتي

الله يريح قلبك م

ودمتي بود / هديل001

 

[نافله]

أختي الناس قدرات ...... اذا تحاولين تصبرين وتعيشين افضل ...... ترى احنا ما نفرق واااايد عنج والله يحببج فيهم ويحببهم فيج

 

[@روح الورد@]

حبيبتي دندونة

مع احترامي لكل الردود اللي وردت !

انة اشوف انج تهدين حالج شوي وتخلين سدرج وسيع

وان كانو هم مملين فكوني انتي مرحة ودمج خفيف وسوي جو لأنج ان

قلتي مملين وسكتي وصرتي على قولتج هادية وصبورة ترا حتى هم

بيقولن عنج مملة!!!

الواحد ياخذ الزين ويرمي الشين

الحياة ماتقدم لج السعادة على طبق من ذهب

انتي تبحثين عنها

وعلشان تلقينها لازم تتأقلمين مع الحياة

انتي من البداية كان المفروض تطالبين ببت خاص فيج وهالشي مو غلط ولا عيب

مثل ماقالو الخوات "خلك بعيد حبك يزيد"

اما الحين فلأنج معاهم خلاص لازم توسعي سدرج وتخلين قلبج في ماي بارد "ثلاجة"



ودواج انج تحبين زوجج لأن "عين الرضا عن كل عيب كليلة ولكن عين السخط تبدي المساويا"

اتمنى انج تكونين فاهمتني

واتمنى لج حياة سعيدة

 

[دندونه@@@]

شكرا لكل البنات اللي اثروني بآرائهم والله ما قصرتوا معاي والله يوفق كل وحده فيكن ويرزقها ظل الرحمن و قرب الحبيب بالجنه......"

واحب اوضح لكم شيء وهو اني ما اقدر اطلع في بيت مستقل فيني والسبب عمي احبه بشكل ما تتصورونه واشفق عليه وانا اللي اراعيه بأكله ولبسه حتى غرفته انا اللي انظفها له لانه يستاهل كل خير ولو يدري بمعاناتي ومعاملة اهل البيت لي والله ما يبقى في البيت غيري لانه مايرضى علي ويحبني ويحترمني ومثل ما قلت لكم انا اللي اراعيه ولا ارضى ان ولده يطلع عنه ويخليه لانه رجال كبير وولده ملزوم بمراعاته عقب كل هالسنين من الشقا والتعب بتربيته لعياله اللي ما فيهم خير.."
ولو تشوفون كيف يعاملوني اهل البيت بوجوده ما تصدقون حتى زوجي معاهم ولو آمر عليهم ينفذون بدون لاي تردد..بس بوجوده ولراح الله لايوريكم اللي يحوشني منهم صغيرهم وكبيرهم مع اني محترمه نفسي ومحترمتهم ومبيضه وجيهم عند ضيوفهم واذا غلطوا على ارد عليهم بالكلمه الطيبه اللي تحرجهم بطيبي وصبري عليهم...وكثير قالولي استغلي وجود عمج وانتقمي منهم بس انا اخاف الله واحب اني احافظ على اخلاقي ومكانتي وسمعتي الطيبه والا مافي اشطر من ابليس اذا استعنتي فيه...والمشكله مومتوقفه على اهل زوجي وبس حتى زوجي صرت بليده تجاهه بمشاعري تعبت من زلاته ومسلسلات الخيانه اللي ما تنتهي ...انا وحده احب اكون صادقه بكل شي ولا احب الكذب حتى لو غلطانه احب اعترف بغلطي ولا اكذب اما زوجي عكسي مافي مثل كذبه والمشكله انه يستحي مني ويعرف غلطاته ومدى سوءها ودايما ينكشف امامي بالصدفه واعطيه كم كلمه واعاقبه باللي يناسبه ...لكن ما ادري ليش يكرر الغلط على الاقل يستر على نفسه وترى انا ما احب ادور وابحث ورى الزوج لاني ادري ان كلهم دواهي فادور على راحتي واطنشه وله رب يحاسبه بعد مو ناقصني الا اصحح اخطاء غيري كافي عليه حقه واصله كامل وزياده....

على فكره انا مو زعلانه لكني تعبانه من هالحال ودي اعيش مع ناس قلوبهم نظيفه ويتقون الله تدرون ان حتى في رمضان كل يوم مشاكل والعايله تشتت وانا اشتغلت مصلحه اجتماعيه لهم اراضي الام بعيالها وبناتها عشان اجمع شتاتهم ومع هذا الله يرحمني برحمته ابي ارتاح واربي عيالي بعيد عن مشاكلهم وغيرتهم واعودهم يكونون رحيمين بجدانهم ويبرونهم بكبرهم ويتعودون على صلة الرحم ما ودي اطلع في بيت مستقل واخلي عمي بروحه من بيهتم فيه
ابي حل منطقي اقدر عليه بحيث يريحني وبنفس الوقت ما يبعدني عن عمي حرام ما يستاهل اهمله واطلع عنه"

 

[دندونه@@@]

على فكره من جهة البيت كان مشروط قبل الزواج لكن بحكم رفقة العمر بين عمي وابوي تغاضو عنه رغم اصراري على البيت الخاص فيني..

اما من ناحية شخصية زوجي فهو شمالي شرقي وانا جنوبيه والحمد لله تقريبا صححت فيه اشياء كثيره ومنها السفرات خليتها تنتهي من حياته بعد الزواج و................اشياء كثيره ما عندي وقت اذكرها بسمشكلة المكالمات والنت لانها جديده مضايقتني وتقدرون تقولون اني مليت من هالسوالف خلاص ما عدنا صغار ونقدر نميز بين الحرام والحلال وما يبيله موجه عشان يدله على الصح والغلط.


للصبر حدود وانا بعد محتاجه انسان اثق فيه وبتصرفاته والله صعبه تعيشين مع زوج ما تثقين فيه..كافي متحمله اهله ومحترمتهم على شين معاملتهم يعني المفروض يكون في شوية احساس وما يثقل علي مع ثقلهم....
انا وحده احب افرح واونس نفسي واضحك مع الناس احب استغل كل لحظه بحياتي بما يرضي الله ويرضيني ولا يهمني اي شخص ان كان معارض لتصرفاتي تدرون ان زوجي واهله يضحكون علي لاني العب مع عيالي مساكين حارمين نفسهم من احلى لحظات لا يمكن ابد تتكرر بحياتهم لان العيال بيكبرون وبيذكرون احلى ذكريات تعزز حبهم لي ومكانتي بقلوبهم...
ادري عورت قلوبكم وشتت عقولكم بمشكلتي هذا وانتم تقرونها شلون اذا عايشتوها ؟""

 

[فريدة من نوعي]

ماشا ءالله تبارك الرحمن اللهم صل على سيدنا محمد
قلبك أبيض و صدرك وسيع و ربي مكملك بالأخلاق الحسنة
الله يفرجها عليكي من أوسع أوسع أوع أبوابه
و يجعل عيالك ذخر و قرةعين لكي
و ربي قادر سبحانه يهدي زوجك و يفتح لك في قلبيه و يببك فيه و أهله كمان

 

[دندونه@@@]

جزاج الله خير اختي ..فريده من نوعي .. والله طيبتي خاطري بدعواتج الطيبه

 

[ام سارونة]

يا قلبي دندونه
بقولج شي مو شرط انج تحبينه بس دام اهو يحبج شي طيب
وفكري بالموضوع وبقولج شي حلووو
دايما فكري انج انتي عايشه معاهم عشان زوجج وعيالج
وانج بس فترة معينه وراح تطلعين بيتج وتاخذين راااحتج
وتحملى عشان عيالج وزوح الطيب بس
واللى الباقي ارفعي الجامه عنهم وعطيهم طاااااااااف
و الحمدلله انج صبورة والله عطانا نعمة النسيان انسي


تحياتي لج

 

[روعة الخااااالق]

الله يكون في عونك والله حاسه فيك.............................

 

[مجموعة أنسان]

اهلين اختي احب اجاوبك اناعشت معهم لمدة خمس سنوات وجزت اتحمل وطلبت بيت بروحي ويالله بلله حط لي البيت وبعدين انت حاولي تلطفي الجو والله يفرج لك واختي وكل وحدة متضايقه

 

[هدوءالقمر]

ياأختي كل هذه الأفكار من الشيطان
دآمه يعاملك كويس وماغلط بحقك غلط كبير أكيد بتحبينه مع الأيام يمكن أنتم بعاد من بعض لأنكم عايشين عند أهله
حاولوا تسافرون لوحدكم وتعيشون أيامكم وراح تحبون بعض

والله يوفقكم