بما انكم تدعون النشاط وتتذمرون من كسل الجنوبي
عندي لكم درزن أسئله
بس هي منكم ولكم
يعني
يا من شرى له من حلاله عله<<هذا لسان حالكم ههههههههههههههه
لكن لمصلحتكم بالله شدوا الهمه
اللي ماتقدر عليهم بوقت واحد تجاوب نصهم
بعدين النص الثاني
ويمكن نغيربأسلوبنا بالملف اذا ظل الملف راكد هكذا
هالمره ماراح احط عناوين لانكم اعتمدتوها بالاجابه
بدل الاجابه على سؤال الزوجه
7
انا عن نفسي طبعت نموذج الاسئله في صفحة وورد
وحليت على راحتي وهذا الرد بما إن الاسئله هالمره مش شوي
7
نموذج اسئلة الجلسه الثالثه
(1)
البرائه
صحيح نسيت اسالكم
اللي اعرفه انه الجنوبي مايحب المبادرة..لكن اللي عندي يقولي اتمممنى انك انتي تبادرين وتسوين كل شي ولو لمرة وحدة..
غريب صح؟؟
حيرني..
هل انتو نفس الشي ولا انا بس اللي غيير؟؟
لا والله لا غريب ولا شي انت يمكن مافهمتيه , معروف إن الجنوبي مايحب المبادره الشفهيه الصريحه , الجنوبي يحب المبادره في صمت يعني إنت بادري بدون لا تتكلمين وسوي له حركات خفيفه على المناطق الحساسه فهو يحب المداعبه في تلك المنطقه
(2)
قلائد الدر
وحبيت اطرح عليكم مشكلتي هي ان زوجي يشتغل في مكان مختلط وبما اني من السعودية فهو يعمل مع نساء متنقبات يعني ما يحتاج يروح السوق علشان يقز واهو لطيف معاهم ويقولي انهم مثل خواتة ويحترمهم حيييييييل آه يا القهر ويقولي اللي فيهم لفة مافي علاقة معاهم بس قبل زواجنا كانت في علاقة هاتفية بس قطعها واهو الحين يقول يخاف على سمعتة ويهتم لنظرة البنات المحترمات اللي معاة ويحطني في الوجة علشان كذا أهو ما يجاوب مع البنات اللي يتحرشون فية عاد مادري كلامة صدق ولا كذب بس الاحتمال الاكبر انه صحيح ويتكلملي عن مواقف تصير له معاهم بس ما ابينلة انو مو عاجبني علشان يبقى يقولي كل شي والتقيت فيهم كذا مرة ومعاملتي معاهم عادية انا ما كرهم بس اغار على زوجي ويقولي انة مستانس علي لانهم يمدحون فييني بعكس زوجات الرجال الثانين اذا التقو فيهم ما يعطونهم وجة ويفشلون رجالهم قدامهم طولت عليكم معليش بس سؤالي هو مين تصرفة صحيح انا ولاهم يعني انا اخاف اني اكون طيبة زيادة عن اللازم ومغفلة تكفون دلوني على الاسلوب الامثل للتعامل طلبي لك اختي المهاجرة ولكن اخواتي ذوات الخبرة
والله ماادري بس انا لومكانك مهما قالي مابرتاحله ولازم بتحرى من وراه اكثر من مره , والدليل انك قلتي انه كان في علاقه هاتفيه , وماظني بيقولك كل شيء , واكيد لازم بيخبي شيء, لان الرجاجيل في هالحاله مستحيل يكونون صريحين عالاخر مع ازواجهم , علشان كذا انا لو عنك بفتش من وراه وبتحرى وبتأكد وبخلي إسلوبي قدامه مرحه وحبوبه وعفويه وكأن شيء لم يحدث في حياته ومن وراه بشتغل تحري , وبحاول دائما اخلي الموقف لصالحي , يعني اذا اكتشفت انه يكلم وحده من وراي رح آخذ رقم تلفونها من موبايله من دون لايحس ولا يدري عن شي , وبروح الاتصالات وبخاذلي رقم جديد محد يدري عنه وبحاول اكلم احد من ذوييها ابوها اخوها لانه لو يدرون عن فعايلها بيوقفونها عند حدها , يعني بالاختصار بسوي نفس شغف في احدى مواضيها طارحتنها هنا في قسم الزوج والزواج .
(3)
نفس المشكله
**دارين**
لا تشكيلي ابكيلك انا زوجي طالب في امريكا يعني انواع المفاتن ولا يقهررررررررني إلا العربيات من الدول الشقيقه اقولك موقف صار لي الغيره وصلت لأعلى درجه وعلى كذا ماوضحت أبدآآآ جالسه اضحك وكأن الموضوع عندي عادي
ايام نفاسي بولدي الاخير بفتره بسيطه صاحبه زوجي في الجامعه ,عربيه الجنسيه ماراح احدد من فين بضبط تبغى تزورني في البيت وتشوف البيبي المهم يوم شفتها انصدمه الصراحه توقعتها احلااا ,عاديه جدآآ وجسمها مليان المهم طول الوقت وانا جالسه زي الهبله بينهم يتكلمو عربي شويه والباقي كله انجليزي ولا افهم شئ ومسويه نفسي فاهمه يوم يضحكون اضحك وانا ماادري وش السالفه
ووقت العشاء انا مصلحته زي البوفيه كل يغرف لنفسه وهي جالسه تاكل وكل شوي تطلب زوجي بليزز رز ويعطيها زوجي اشوي تقول لزوجي حطلي تبوله, وشوي تقول ممكن دجاج الصراحه انا ماادري ايش قصدها بحركاتها وشكلها مقهورره مني بشكل مبين في عيونها شكلها ماكانت تتوقع ان السعوديات حلوات, وعيونها في بيتي تخوف مبين عليها ماعمرها شافت نعمه
وبعد العشاء قامت تطلع رجولها تورينا نقش حناء وزوجي ماطلع وانا مسويه انه عادي جالسه امدح رسمها وقالت بدك اعملك نقش انا قلتلها ايوة قالت بس لازم تعطيني فلوس قلت لها كم تبغين قالت على الرجل 60 دولار زوجي طلع عيونه ماادري شكلها مفكره انى من اصحاب السمو
ويوم جات بتروح تقوم تحضن زوجي وتقوله شكرآ على الاكل وزوجي يطلع فيه شكله خايف من المشاكل وانا عادي اضحك والقلب ينحرق وبعدين جات عندي وحضنتني وراحت بلا رجعه
تصدقين بعد مازارتني زوجي كرها بشكل مو طبيعي ما توقع انها حسوده
وانا ماقلت له شئ عشان اذا زعلت وعصبت راح يخبي عليه بلاويهم في الجامعه
الله يستر بس
بكمل معاكي
خليك وسط لا غيره جنونيه ولا برود بزياده
وخليه يعرف انك مستحيل راح تغفرين له لو فكر في الخيانه
والله يحفظ لك زوجك ويبعد عنه كل شررر
انا لو عنك بكون مررررررررره كوووووووووول بارده , وبفتح وذني عدل على كل كلمه وبسويلها اكبر طاااااااف المهم اهتم في نفسي وشكلي واسلوبي ,واما الباقي كله برى الدايره , اما مادام ان زوجك كرهها , حلوه خليه كذا ولا تسوين أي موقف معاه يخليه يكرهش , علشان يكون الموقف في صالحك
(4)
انا زوجي جنوبي غربي و تقريبا كل هالصفاااات فيييه ..
بس بعض الاحياان احسه وااايد غامض ويااااي ..
و ودي اصااارحه باشيااا غلط في حياااته بس ما فيني الجرأه الكاااافيه للمواجهه ..
دلوووووووتي شسوي بلييز 
المفروض انت تكوني غامضه معاه , بتلاقينه يسئلك ان ليه كذا ورح يعترفلك انك صرتي غامضه واسئلته رح تكثر وياك بسبب حيرته منك . انصحك لاتصارحينه بأي شيء غلط انت تشوفينه في حياته لانه رح يتعكس الموقف عليكي ويسبب مشاكل الا في اذا جيتيه بإسلوب يختلف ويأتي بيتيجه جيده , لكن احس من كلامك ان الوقت غير مناسب لمواجهته في الوقت الحالي , إختاري وقت اخر ومناسب اكثر من ذلك , الوقت الذي فيه تحسيت ان اصبح لك الجأه الكافيه للمواجهه
(5)
همـسات انثى
ويا بلقيسيات عطوني حل بعصبيتي عجزت ماني قادره اسيطر على نفسي
وبغيت اسأل عن شغله انا خاطري اسوي نقش حنا على يديني وعلى صدري بس ياترى هل الجنوبي الغربي يحب الحنى ؟؟ وهل يحب الشعر القصير ولا الطويل ؟ والاشقر ولا الغامق
؟؟؟؟
بالنسبه لعصبيتك لا بد ان تضغطي على نفسك كفايه حتى يسير المركب بسلام , انا اتوقع انه يحب تقش الحنا ومن هالحركات وهو يحب الشعر الطوييييييييل وذات اللون الاسود الفاحم
(6)
أنا عندي تساؤل
إذا غلطتي مرة مع زوجك الجنوبي وندمتي وتبغي تصالحينه ... ماهي الوسيلة المثلى لإرضائه...
كما قالت احدى العضوات , الجنوبي يحب الاعتذار عن طريق الاشياء اليدوية ككتابة رسالة اعتذار مع كلمات تضيفينها تغير من جو التعكر بينكما او تقدمي له هديه , بس ماتلاحظون معي يابنات ان الرجل الجنوبي انه يحب دائما ان تبادر زوجته بدون ان تتكلم دائما , في الجنس مثلا يحبها ان تبادر بدون ان تتكلم , يعني تسويله حركات هو يحبها والمداعبه ايضا , ونفس الشيء اذا غلطت الزوجه على الزوج أيضا الزوج يحب طريقة الاعتذار كتقديم شيء يدوي من صنع يديك , يعني العامل المشترك في هاتين الموقفين أن الجنوبي يحب المرأه ان تبادر دائما بالاشياء الجميله أي كان نوعها من دون أن تتكلم , يعني نقدر نقول أن الجنوبي يحب المفاجآت والحركات الحلوه بس في صمت , يعني شغلي مخك في يدك وفمك ساكت , وطبعا ماتلاحظون معي ايضا إن التعبير للجنوبي صفر مايعرف يعبر , يعني الحركات اليدوية تسر قلبه وخاطره , ونحنا مهما قلنا وتناقشنا وتكلمنا وياه مايجب نتيجه فكيف بالاشغلات اليدويه الي يحبها لو استغليناها في اشياء لصاحلنا كان جابت الف نتيجه ونتيجه , بس يبيلنا نعصر مخنا ونجيب افكار جهنمية .
شو رايكم يابنات
(7)
احاسيس*
انااعندي سؤال
كيف اقنع الزوج الجنوبي الغربي في حاجه ابغى اشتريها؟وهورافض تمامآ
مثلآ تغييرالاثاث
وآسفه اذا كنت غيرت مسارالموضوع
والله انا نفسي مازلت اعاني من هذا الشيء , الى الان , ولا اعرف حل لهذه المشكله .
(8)
دمايع
مثل ماقلت لج ياختي.. من اكبر الاخطاء اللي نرتكبها في حقنا وحق ازواجنا اننا نذوب بعد الزواج..
والاغلب تصير شخصياتهن ضعيفة.. الزوج تكبر زوجته فعينه لما يشوفها تدافع عن نفسها وماتسكت عن اللي يظلمها.. ماعليج من حد.. خلج قوية ولاتسكتين.. واذا ما غلطتي ليش تعتذرين!! الغلطان هو يعتذر..
موضوع الشخصية انا حابة اطرحه في الجلسة الثانية ان شاء الله.. موضوع حساس جداً ومهم..
نعم صحيح بعد الزواج تنسى الزوجه نفسها فتعلن عن كل عيوبها لزوجها مع إن المفروض يكون العكس عشان تكبر في عين زوجها وتكون أكثر غموضه في نظره , متميزه متنوعه ومتجدده وصاحبة كلمه , يعني تعرف متى تتكلم ومتى تسكت
(9)
**دارين**
الله يسعدك يادمايع اعطينا كل خبراتك لاني مو عارفه كيف اكون بضبط
انا ليه فتره متغيره وحتى زوجي ملاحظ التغير ومو عاجبه الوضع ابدآآ يقولي شوفي نفسك على الناس مو على زوجك
وأذا قال شئ مايعجبني ارد بدون خوف ويقولي انتى نافخه راسك علي ويزعلل وانا والله مايهون علي زعله بس من جد اسلوب الطيبه الزايده والتناحه والغباء بودعه من حياتي للأبد بأذن لله
طبعا هذي مشكلتنا نشوف اعمارنا على ازواجنا ومع الناس ساكتين , مع ان المفروض يكون لازم تعطين كل موقف حقه في الرد وتوازنين بين كل ردة فعل وفعل وتعطينها حقها بالميزان وبالعدل , هذا رأيي
(10)
مشاااارق
عزيزاتي ... عندي لكم سؤال حابة أستفسر عنها ...
هل الجنوبي رجل يسعى للكمال... يعني مثلا زوجي على الرغم من عيوبه وأخطاؤه إلا إنه دوما يحب يظهر أمامي وأمام أهلي بصورة مثالية... يعني مثلا ممكن ينتقد المدخنين... وهو يشرب معسل مثلا ومايبغى أحد من أهلي يعرف ولاعمره شيش قدامهم...
دايما يقول لي أنا عمري ماقصرت معاكي في شئ وممكن يكون مقصر في أشياء بس بسيطة...
ممكن ينتقد الشباب والبنات اللي يقيموا علاقات بالتليفون وممكن هو يسويها ...
شي ثاني ... على الرغم من عصبيته أحيانا إلا إنه يميل للمرونة... يعني أروح السوق مع أهلي على طول يوافق...
ممكن أطلب منه طلب ومايوافق وإذا سكت وماأصريت... يرجع من نفسه يوافق عليه...
كيف أقدر أقوي الوازع الديني عنده...كيف أقدر أكسب وده...
هل تحسيسه بأنه أفضل رجل ممكن يكون وسيلة للتقرب منه وكسب وده... ولا كثرة المديح له ينفخه ويكبر راسه..
صحيح كلامك , الزوج مايشوف نفسه وعيوبه لانه اعمى لنفسه , واذا شاف عيوب غيره تكلم عليهم ودائما مرات يسعى للكمال , بالنسبه للمعسل انا زوجي كان يشيش قدامي وقدام اهله عمره ماشيش , بس الحين الحمدلله تركها وصارتله سنه وهو تاركها , لانه والله من تزوجنا ابدا ماتقبلت هالعاده عنده , وانا كنت عايشه مع اهلي والله ولا واحد من اهلي او جماعتي كان يشيش ولا حتى يدخن , فظليت طوال هذه السنوات اقنعه بتركها حتى تركها بالفعل فقط عليك المحاوله مره بعد مره والتكرار معه دائما , وعليكي عدم اليأس , يجب المحاوله مره بعد مره , إن شاء الله تجيب نتيجه
لا مبالية
ردا عليك أخت مشارق
برأيي معظم الناس وليس فقط الرجال يكتسبون رضاهم الذاتي عن طريق نقد الغير ، تجدينهم ينتقدون الخطأ ولا يلتفتون انه فيهم ( الجمل ما يشوف حدبة سنامه) والرجل يحب يكون بنظر زوجته الأفضل ، الأكرم ، الأوسم فيحب ينتقد قدامها أي أحد يمتلك صفة حسنة يراها تعجب بها ( غيرة بعيد عنك) . لكن المصيبة الأدهى والأعظم لما يستخدم أسلوب ( الإسقاط )وهو حيله من حيل الدفاع النفسي كما يعرفها علم النفس يقوم الانسان بها باسقاط عيوبه على الغير او يتهم ويهاجم اذا غلط حتى يدفع التهمه عنه ويلصقها بك ( اتمنى اجد علاج لهالحالة )،
هذا الاسلوب قد تكلمت عنه الاستاذه موزه خلفان , واسمه اسلوب التحقير الي ينتقل من الشخص الى الاخر يعني هذا الاسلوب اسلوب مكتسب من احد افراد عائلته , لابد تلاقين شخص من افراد عائلته يتأثر به وينتقده بشده , عشان كذا لما يتهاوش مع حد ينتقده ولا يرى نفسه ويتم ينتقده وينتقده وممكن في هالحاله يكون الشخص المنتقد مريض نفسيا فهو ينتقدك ليفقد الثقه في نفسك , افضل حل في هذه المواقف التجاهل ثم التجاهل ولا تأخذي تلك المواقف على محمل الجد ولاتنطوى على نفسك ولا تفكري في اسبابه لانه اسباب نفسيه او لسبب ظروف ,
هذا النص اقتبسته من موضوع الشخص المحقر للاستاذه موزه خلفان ياريتكم تستفيدون منه لاني انا نفسي استفدة واااااايد :
ان الانتقادات العشوائيه والعامه اللتي لا يوجد لها اجوبه مقنعه لدى زوجك تجاهليها تماما ولا تلتفتي اليها لانها لا تمت لك بصله هي فقط اسلوب يتبعه المنتقد للتحقير من شانكهو فقط بهدف التلاعب بك وبمشاعركولا تفكري بها بل فكري بنفسك ولا تدعيها تاخذ من وقتك الكثير فهي غير مهمه اطلاقااذا قال لك زوجك لماذا طفلك بعد لعب الكره رجلاه متسختانقول له لاني ام سيئه ماذا في ذلكواتركيهاغلقي عليه المنافذوهذا الكلام ينطبق على من لديها ام زوج منتقده او شخصيه تمارس الانتقاد في كل شيءهناك مواقف تمر علينا في حيانا يجب ان لا ناخذها علىمحمل الجد و لا نلقيلها بالامثال ذلك
"انت و شقيقتك في محل لبيع الملابس البائعه على الكاونتر كانت تتشاجر مع احد الاشخاص على الطرف الاخر من الهاتففجاه تغلق الهاتف و تخذ النقود منك وترمي لك كيس الملابسفهل ستغضبين منها لانها عاملتك بهذه الطريق ؟؟؟؟انا اقول لا تفعلي فهي لا تمت لك بصله وتصرفها لا يمسك انتي شخصيا فتجاهليه لانها معصبه و فعلت ذلك لظروفها النفسيه فلا تورطي نفسك في مشاده كلاميه بينك وبينهالان الموضوع غير شخصي
ياريتكم تقرون عن شخصية الرجل المحقر مع الاستاذه موزه خلفات لاني انا لقيت الحل واقتنعت فيه
(12)
همـسات انثى
وعندي سؤال نفس المشارق وهو هل المدح والاطراء الكثير ينفخ راسه ؟
[/quote]
المدح يفيد كثييييييييييييرا بس لاتزودينها
لان الشيء لي زاد عن حده انقلب ضده
واخيرا انتهيت من اسئلتي
