الصراحه من احلى ايام حياتي هي اول ايام بديت فيها بالتجاره المنزليه ،،
كنت مديره نفسي ،،
وكان ولدي تحت عيني ،،
وريلي راضي عني ،،
كنت احب تصميم الملابس ،، :idea:
وصممت جلابيات ،، ونفذتها ،،، ٤ جلابيات ،،
والحمدلله راحت في اسبوع واحد ،،
لكني ما كملت ،، لان الراس مال كان قليل ،، :e088:
وما كان عندي فن اداره لاموري الماليه ،،
وغيره حسيت بتعب وان الشغل ماخذ كل وقتي ،،
لان كنت اسوي الشغل بروحي بيدي ،،
بعدها انتقلت لشغله شوي اخف ،،
وصرت اسوي شيل سوده عليها شغل ،،
كان احلى ،، وتقريبا كل الشيل راحت ،،
لكن حسيت شغلي ما كان متقن عشان جي وقفت
ما حبيت اخسر زبايني ،،
الغلطه اللي انا سويتها ،،:e076:
اني ما كنت مدركه لموهبتي بالضبط ،، انا كنت اتقن التصميم لكن ما كنت اتقن الخياطه
عقبها ،، قررت استمر لكن بالتعاون مع خياط ينفذلي ،،
وصممت ٦ شيل ،، ووديتها عند الخياط ،، ونفذلي اياها وكان شغل متقن وحلو
ولله الحمد انباعن كلهن ،، :c007:
عقبها تعاونت مع وحده من البنات اللي عندهم بضاعه بكميات كبيره
طرشتلي صندوق فيه مجموعه من المنتجات ،،
وبعتلها ،، وعقب طرشتلها الفلوس وخذت ربحي
والزياده رديتلها ،، :c014:
بعدها ،، شريت بالجمله مجموعه من العود وبعته ،،
وبعدها ،، كنت استورد منتجات من امريكا من الاشيا اللي مو موجوده عندنا ،، وبعتها ،،
وكنت بعد اشتغل مصممه لمواقع ودعايات ،، وصممت وايد لبنات ومحلات وجمعيات ،، منها
جمعيه التجاريين في الامارات ،،
www.e-economist.ae
وفي كل مره كنت احس بشعور حلو جدا ،،
مع ان المبلغ اللي كنت احصله صغير لكن كان بالنسبه لي انجاز رااائع
عقبها وقفت ،، لظروف الحمل والولاده ،، :c018:
حاليا ،،،
عندي فكره ،، واتمنى نجاحها لكني جدا محبطه واحسها فاشله ،،
مشروعي الحالي ،، هو تزيين الارفف ،، :wink:
وعندي مجموعه من الرفووف اشتغل عليها بيدي ،،
المشكله اني مو عارفه كيف اسوق للمنتج هذا ،،
ويحتاج مساحه كبيره للتخزين وانا ما عندي مكان !
وغيره ان البيع يتم على فترات متباعده جدا ،،
يعني مو تجاره نشيطه ،، !
لكن انا اعرف نفسي في كل مره اييني هذا الاحباط وما ييخليني اكمل ! :a037:
وعندي مشكله بعد ،،، كل اللي اعرفهم وكل الكتب اللي قريتها في مجال البزنس تقول ،، ركزي على شي واحد ،،
وانا مشكلتي ماقدر !! :a227:صح يكون عندي تركيز عالي على المشروع ،، لكن بعد فتره ،، احس اني اريد اغير نشاطي !!
وهذا اظن اللي خلى مشاريعي صغيره وغير معروفه ،،،
