مواقف تبرز فيها القوة والضعف:
كانت هيفاء وزوجها محمد الشمالي الشرقي جالسيين يتقهون
هيفاء كان خاطرها تشتري ملابس العيد قبل رمضان
قالت لمحمد: حبيبتي أبي أشتري ملابس العيد
محمد: اليوم مواعد الشباب ماأقدر.
هيفاء: طيب .. متى أجل؟
محمد: ليش مستعجلة باقي 40يوم
هيفاء: أبي قبل رمضان
محمد : طيب بكرا إن شاء الله
((جدا رائع ومن القوة أنك لما يعتذر تاخذي موعد خصوصا (ش/ش) غالبا عند كلمته
ومو من القوة تحسي بالإهانة أنه قدم ربعه أو ... لأنه وعدهم أول وبما أنه عطاك وعد خلاص
طالبي بالوعد بوقته ولا تنسي أو تتناسي
من الضعف تسوي سالفة أنو ما حقق الرغبة من أول طلب))
أمل و سارة أختين ولهم أطفال
بيوم كانوا الثنتين عند أهلهم
أبوهم أشترى للكل آيسكريم
طبعا كالعادة الأطفال خلصوا قبل ماتبتدي أمهاتهم
لما بدوا البنات ياكلوا نصيبهم
وكالعادة صاروا الأطفال يطلبون من أمهاتهم
أمل على طول قالت لأطفالها حقي حبيايبي
وأنصرفوا>>لأنهم متعلمين أن أمهم لها مثل مالهم
سارة
استمروا أطفالها يطالبون ما يأسوا لأنهم متعودين ان أمهم ممكن تتنازل عن كل شيء لهم
الآيسكريم شيء بسيط
لكن بحفظ حقك بالأشياء هذي :
راح تعلمي أطفالك البر
راح يحسب لك الـ(ش/ش) حساب لأنك قوية وما تغلبك العواطف
عائشة محتاجة تجدد مكياجها
وهالموضع يحتاج (مبلغ + طلعة)
قالت لزوجها حبيبي الله يخليك عندي طلب وأتمنى توافق
هو:خير إن شاء الله>>هذا إذا ماقال لا على طول
عائشة: تعرف مكياجي من زواجي و طلعت حركات جديدة ودي أجدده
هو: إن شاء الله ناوية نراكض بالمولات علشان خاطر تجددي مكياجك، اللي عندك يكفي
مبارك و خديجة متفقين يعزوموا أهل مبارك يوم الخميس علشان هي موظفة ولا تقدر الا يوم الخميس
أتصلت أم مبارك وقالت : يوم الخميس أرتبطنا ودي تحطونها يوم الجمعة
مبارك:تعرفين يمه خديجة تشتغل فما تقدر الا يوم الخميس
الأم:ماراح يضرها شيء
مبارك:أشوف وأرد أقولكم
طبعا مبارك عارف من تكون خديجة
قالها السالفة
قالت: خلاص الخميس الجاي
مبارك: لا الجمعة إن شاء الله
خديجة:طيب براحتك
بس أعتقد أن الهدف اللمة والجمعة وهي راح تحصل سواء بالجمعة أو الخميس الجاي بينما راحتي ماتكون إلا بالخميس الجي، وإذا حطيتها الجمعة راح تضطر تكون من برا وبدري
:clap::clap::clap::clap:
تمام
شفتي الموقف الأول ركزي عليه
انا صاري نفسه
انا طلبت منه انه يودني المكان الفالني قال مااقدر الحين قلت له ابي اروح قبل رمضان قال اوديك قبل رمضان وسكت والحين 22 شعبان وماوداني انصدمت انه من كم يوم يقول انه بروح مع صاحبه نفس المكان لي انا ابي اروحه وماقلت شئ سكت وانقهرت حييييل:tears:
وقررت اروح مع اختي وزوجها نهاية هالأسبوع وبصير هو راح قبلي طبعا :tears:
بس انا الحد الحين ماقلت له شئ ولا قلت له اني بروح مع اختي وزوجها:tears:
وش اتصرف الحين وش الصح عشان مايحس اني ضعيفة واذا قالي بعدين
يسحب علي يعني:tears:
مشكورة اندلسية لو تحلينها:tears:
صفاء الروح:tears:
