زوجـــــــات الجنوبـــــي الغربــــي فقــــط ... اتفضلوا ...

[أنيقة]

بالنسبة لي احس انه ما يغار ما ادري ليش او يمكن ما يبي يبين لي حاليا لانه بعدنا مخطوبين .
والله احترت لاني في جامعة مختلطة ومرة قالي ما ادري كيف سايرة جامعة مختلطة قلت له عادي ما فيها شي احس انه ما كان عاجبه بس ما علق .:sadwalk:
ويوم اتكلم عن طليقي او اشياء صارت يوم كنت عايشة عندهم ما يرد ولا يعلق ابدا يمكن يغار بس ما يبين لي !!!!!!!؟؟؟؟؟؟؟:dunno:

هلا عزيزتي..
الله يوفقج فحياتج ان شاء الله.. انا اتوقع انه يغار بس مايبين.. وبالنسبة للجامعه..انتبهي تذكرين له مواقف الشباب حتى لو بس خذتي قلم ورجعتيه من واحد.. لاتذكري هالمواقف ..الرجل (أي رجل مب بس الجنوبي) مايرضى.. ممكن بعدين ياخذ موقف سلبي منج..!

 

[الجودي]

والجنوبي الكلام يوديه ويجيبه..

اها شلون نقدر نخفف من تأثير أصدقائه عليه ؟؟؟؟:questionmark:

عندما تغيب الرومانسية والمشاعر الحلوة..
الشمالية تصبح قاسية جدا:busted_red: وعصبية

مضبوط:icon1366:

بالنسبه للرومانسيه والغيره ماعندي اي تعليق حاليا
شكر خاص لصاحبة الموضوع ولغربه جد افدوتني فوق ماتتصورون
وشكر عام لكل الخوات اللي شاركوا وعسى دايم نفيد بعض
​

 

[أنيقة]

سأعود لاحقاً لأجيب على أسئلة حبيبتنا الجودي..

 

[تباع الشمس]

السلام عليكم جميعا

انا جدا محتاره بس ابي منك المساعده..

اذا الزوج يبيني بس عنده علاقات عن طريق العمل مع نساء وتربطهم نوع من الصداقه الاحويه على قولتهم وهو يبيني اتفهم هالشي هل ممكن اعالج هالمسأله؟؟؟

وعليكم السلام الله يعينا واياك نفس السؤال يهمني:shiny:

 

[كيلو ورد]

سلام مليء بالدموع.....

برغم اني كتبت موضوع عن الجنوبي واستفدت منه

لكن للاسف انسى اشياء ويصعب علي تغيير شخصيتي

يعني انا وحده عصبييييييييه واللي اعرفه انو الجنوبي وبالذات الغربي

يحب الهدوء حاولت استمر فترة بعدين انتكس الشي الثاني اللي مجنني

هالايام هو شكي في زوجي برغم اني ماشفت شي صريح

لكن صاير يتاخر بداومه كثير ودايم مسرح ماادري وش اقول

لكن احس هالموضوع بيجنني والان انا بفترة حمل ونفسيتي تعبت مررره

الشك والغيرة ذبحوني برغم انه يحبني وماكان يتخيل انه بيوم يتزوجني

بس مدري هاليومين ليش اشك فيه ياليت ارتاح ياليييييت

الشغله الثايه هي كثرة خروجه من البيت ومايحب يطلع الا مع اصحابه

لكن احنا نادر مايطلعنا وربي مليت هالعيشه لدرجة افكر بالطلاق بس ارحم هالاطفال

ياااااااااااااااارب ساعدني

 

[تباع الشمس]

هلا فيك كيلو ورد كسبتي فينا أجر انك فتحتي الموضوع لكنك اختفيتي...!!
أسأل الله ان ييسر امرك ويريح نفسك ويتمم لك حملك على خير

 

[كيلو ورد]

تباع الشمس حصلت لي ظروف منعتني من دخول الانترنت

الله يجزاك الف خير

 

[never get down]

والله ما عرفت له زوجي مرة اقول عنه شمالي واليوم الثاني اقول لاااااااا هذا اكيد جنوبي


طيب كيف تعرفونهم من خلال الجنس

يعني يمكن اتاكد من جنوبية زوجي من خلال الجنس اللي يبي واللي ما يفضله ومن خلال اللبس

وابي اقول لكم موقف صار امس يمكن يدلكم بس والله مستحيه اخاف يحذفون المشاركه خخخخ​

 

[بلقيس مجروحه]

ما أحد رد علي؟؟؟

 

[أنيقة]

السلام عليكم جميعا

انا جدا محتاره بس ابي منك المساعده..

اذا الزوج يبيني بس عنده علاقات عن طريق العمل مع نساء وتربطهم نوع من الصداقه الاحويه على قولتهم وهو يبيني اتفهم هالشي هل ممكن اعالج هالمسأله؟؟؟

انا غيرتي مجنونه ودايم بمشاكل وهو يحب الهدوء ودايم يردد ليه هم يفهموني وانتي اقرب الناس لي مو قادره تتفهمين وضعي؟؟


وانا محتـــــــــــــــــــــــــــــــــــــــــــــاره مدري شلون اتصرف معه؟

هلا غاليتي..

عزيزتي اسمحي لي ان اكون صريحه.. ما هي حدود العلاقات هذي؟؟؟
انا ما اعترف بشي اسمه صداقات اخوية في العمل..!!!!! هذي الصداقة الاخوية هي اول خطوة لطريق طويل اخاف تكونين انتي ضحيته.. يعني سلام وحوار في حدود امور الشغل عادي مو مشكلة.. لكن اذا تعمقت تصبح مشكلة!! يعني مثلا تتصل فيه او يتصل فيها خارج وقت الدوام هذا شو يسمونه؟؟ او يقعد سوالف وضحك مطول على اساس انها اخته بعد مايصير..
ممكن تخبريني ماهي حدود العلاقات الاخوية هذي..!!!

 

[أنيقة]

الجودي..
شخبارك عزيزتي..؟؟

اسمعي هذي الجمله :
(عندما يكون الرجل تحت ضغط نفسي سينسحب الى كهف عقله ويركز على حل المشكلة ويصبح شديد التركيز على حل هذه المشكلة الوحيدة الى درجة انه يفقد الوعي بكل شي أخر بصورة مؤقته)

واسمعي هذي بعد:
(عندما يعلق رجل بكهفه يكون عاجزا عن منح شريكته الانتباه الذي تستحقه، فلو انه كان يتحدث عن مشكلاته عندها يمكن ان تكون متعاطفة اكثر، هو لا يتحدث وهي تشعر انه يتجاهلها، انها تستطيع ان تقرر انه منزعج ولكن تفترض خطأ انه لا يهتم بها لأنه لا يتحدث إليها)

لاحظتي كيف ان الصمت احيانا مهممممممم للرجل.. بالنسبة للخبطة بين صمته العادي وصمته لأنه متضايق.. يعني يكون باين عليه.. ولو بتكشيرة صغيره..

* بالنسبة للكلام اللي مانحاسب عليه.. في بداية الزواج.. كنت من ابسط موقف اسمع زوجي كلام انا ابكي عليه بعدين لأني ما اتخيل حد يقول لي هالكلام.. واعتذر له.. لكن مع الايام.. صارحني وقال لي في وجهي.. انتي تجرحيني كثير.. واصبح صمته قاااااااااااااااااااتل وانا انا انا السبب!!!
الجنوبي قلبه حساس وما يتحمل التجريح بالمرة..
حاولي لما يصير اختلاف حاولي تسكتين.. وبعدين لما تهدى الاعصاب ارجعي.. بوسيه وتناقشي بهدوء.. وبابتسامه.. صارحيه باللي زعلج وانتي فحضنه.. لاااااااا تجرحينه ابداً.. ترى احنا سبب صمت ازواجنا..

*بالنسبة لموضوع المبادرة والتمثيل.. هو صح مايحب الحرمة المبادرة بشكل عام بس مو في كل الحالات.. يعني ممكن انتي تبدين احيانا.. جربي.. ترى احلى الشي التجريب .. احنا مانتعلم الا من التجارب.. حتى التمثيل .. اسئليه .. وجربي.. !!

موضوع الاصدقاء راح نطرحه يوما ما للنقاش.. انتظريه..
ودمتي بود غاليتي
​

 

[أنيقة]

سلام مليء بالدموع.....

برغم اني كتبت موضوع عن الجنوبي واستفدت منه

لكن للاسف انسى اشياء ويصعب علي تغيير شخصيتي

يعني انا وحده عصبييييييييه واللي اعرفه انو الجنوبي وبالذات الغربي

يحب الهدوء حاولت استمر فترة بعدين انتكس الشي الثاني اللي مجنني

هالايام هو شكي في زوجي برغم اني ماشفت شي صريح

لكن صاير يتاخر بداومه كثير ودايم مسرح ماادري وش اقول

لكن احس هالموضوع بيجنني والان انا بفترة حمل ونفسيتي تعبت مررره

الشك والغيرة ذبحوني برغم انه يحبني وماكان يتخيل انه بيوم يتزوجني

بس مدري هاليومين ليش اشك فيه ياليت ارتاح ياليييييت

الشغله الثايه هي كثرة خروجه من البيت ومايحب يطلع الا مع اصحابه

لكن احنا نادر مايطلعنا وربي مليت هالعيشه لدرجة افكر بالطلاق بس ارحم هالاطفال

ياااااااااااااااارب ساعدني

هلا عزيزتي.. كيلو ورد.. تعطيني نص كيلو ورد.. نص لي ونص لج؟؟ ههههه
ليش كل هالحزن حبيبتي؟؟
شيلي من بالك :انا ما اقدر اغير شخصيتي..!! لأ تقدرين .. اكيد تقدرين.. لو انتي تبغين تتغيرين للافضل اكيد تقدرين حبيبتي..
العصبية هي اكبر سبب في نظري لقتل المودة والرحمة بين الازواج!! ليش العصبية؟؟ لا تخلي اعصابك هي اللي تتحكم فيك.. انتي تحكمي فيها عزيزتي..
يمكن عصبيتك هي سبب خروجه المستمر من المنزل.. وهي سبب تأخره بالدوام.. يعني يشغل نفسه بأي شي عشان لا يرجع البيت.. مو شرط يكون لا سمح الله يسوي شي غلط.. يعني عصبيتك هي سبب البعد بينكم هالفترة.. وواضح ان العصبية الزايدة هالفترة بسبب الحمل!!!! طيب ليش ماتشرحين هالشي لزوجك.. فهميه وانتي بحضنه قوليله اسمح لي ياعمري والله الحمل متعبني..!! يعني انت مو مقصر معاي فشي وانا احبك وايد لكن نفسيتي تعبانه من الحمل بس.. الثقل متعبني والعيال وفوضتهم اللي ماترحم.. ومن هالكلام..
شيلي لي فكرة الطلاق من راسك ترى ابليس الحين هدفه يفرقكم..
الله يحفظك ويحفظ لك زوجك وابنائك.. وتقومين بالسلامه..

 

[مياو مياو]

مرحبااا بنات ممكن ادخل معكم ؟

على طاري العصبيه انا كثير عصبيه ومتعبني ذا الشي ويمكن حبوب المانع مأثره علي مدري بس من جد زوجي يغثني وربي مو على تفكيري ابد احس انا بوادي وهو بوادي تخيلو انا احاتي الخادمه ماعندي ومتعجيز انه يكمل اجراءاتها !! وصابره على ذا الشي انطر !! اخرتها يفاجأني انه بيشتري له سياره جديده وصقــر!! لأن موسم البر بيجي !!! بالله وش العمل انفجرت اليوم رغم اني كثير احاول امسك اعصابي بس انا احس اني اني اشيل هم البيت والولد والمشتقبل لحالي !! موب يمي بذي الامور !! ورغم كل ذا فيه غيره مو طبيعيه يعني لا اللي يطلعني !! ولا اللي يخليني اطلع بسيارتي يمووت من الفرحه لاشافني حبيسه البيت !!

 

[الجودي]

صباح الخيرات عالجميع
تسلمين يادمايع عالرد على اسألتي الكثيره واللي جات متأخره

احنا سبب صمت ازواجنا..

هذا الشي اللي اكتشفته متأخر بس it's never to be late

 

[أنيقة]

مرحبااا بنات ممكن ادخل معكم ؟

على طاري العصبيه انا كثير عصبيه ومتعبني ذا الشي ويمكن حبوب المانع مأثره علي مدري بس من جد زوجي يغثني وربي مو على تفكيري ابد احس انا بوادي وهو بوادي تخيلو انا احاتي الخادمه ماعندي ومتعجيز انه يكمل اجراءاتها !! وصابره على ذا الشي انطر !! اخرتها يفاجأني انه بيشتري له سياره جديده وصقــر!! لأن موسم البر بيجي !!! بالله وش العمل انفجرت اليوم رغم اني كثير احاول امسك اعصابي بس انا احس اني اني اشيل هم البيت والولد والمشتقبل لحالي !! موب يمي بذي الامور !! ورغم كل ذا فيه غيره مو طبيعيه يعني لا اللي يطلعني !! ولا اللي يخليني اطلع بسيارتي يمووت من الفرحه لاشافني حبيسه البيت !!

حياك الله معنا حبوبة..
تدرين الغالية بس على طاري حبوب منع الحمل.. انا اذكر الحبوب هذي سببت لي اكتئاب نفسي وعصبية وامساك طبعاً ..
بس والله ما قدرت اكمل الشهرين.. يعني شهر وكم يوم وبعدين تركتهم للابد..
لاحظي ان هالحبوب لها اثار جانبية كثيرة.. مو كل الحريم يتأثرون بنفس الدرجه طبعا كل وحده جسمها يختلف في استجابته للحبوب عن الاخرى.. تقدرين تاخذين مانع آخر للحمل؟؟؟ شوفي اذا تقدرين لا تترددين.. لان يمكن والله اعلم الحبوب هذي هي مأثرة عليك بهالطريقة..

* وبالنسبة لموضوع انه مايطلعكم ولا يمشيكم.. مادري بسبب الغيرة او بسبب عصبيتك..
في وحده بعد قبلك طرحت هالنقطة.. انا اريد اقول بس ان الرجل مستحيل يفكر انه يطلعكم وانتي قالبة جو البيت نكد وعصبية 24 ساعه!!! .. الرجل مايفكر بنفس طريقة تفكيرك.. يعني انتي تتوقعين انه لما يشوفك معصبة ومتنكدة ومكشرة فوجهه انه يجي يحضنك ويعتذر ويقول لك حلفت عليك اطلعك تغيرين جو يا بعد عمري ياحبيبة قلبي!!!!!! مستحيل.. الرجل مايفكر بهالطريقة..
والله اقول هالكلام من تجربة مع الجنوبي الغربي..!!

 

[الجودي]

:in_love:دمايع شخبارج ممكن كم سؤال​

 

[أنيقة]

:in_love:دمايع شخبارج ممكن كم سؤال​

بخير الحمدلله.. اسألي الغالية ..

 

[الجودي]

حبيبتي حطيت تساؤلاتي بموضوع بليز شاركي فيه يالله انا طالعه

 

[أنيقة]

والله ما عرفت له زوجي مرة اقول عنه شمالي واليوم الثاني اقول لاااااااا هذا اكيد جنوبي​

طيب كيف تعرفونهم من خلال الجنس​

يعني يمكن اتاكد من جنوبية زوجي من خلال الجنس اللي يبي واللي ما يفضله ومن خلال اللبس ​

وابي اقول لكم موقف صار امس يمكن يدلكم بس والله مستحيه اخاف يحذفون المشاركه خخخخ​

لازم تتأكدين عزيزتي من نمط زوجك.. الاختبار موجود في المنتدى.. وترى مو بس من الجنس تعرفينه شمالي او جنوبي.. تأكدي من شخصيته.. واذا طلع لك جنوبي غربي بتستفيدين ان شاء الله من هالصفحه.. بس لو شمالي.. بتلاقين مواضيع كثيرة مفيدة ايضاً.. بالتوفيق..

 

[أنيقة]

السلام عليكم..:cupidarrow:

شخباركم زوجات الجنوبي الغربي؟؟ وشخبار الجنوبي الغربي معاكم؟؟ ان شاء الله كله تمام..

موضوع جديد للطرح.. موضوع صعب شويه.. وخاص.. للشماليات..

تعالوا يا شماليات..

أعلم ان شخصياتكن قوية.. وقيادية..
واهدافكن تضعنها نصب اعينكن..
عجولات..



أحياناً.. تطلبين منه غرض أو مشوار ..
يرفض.. لأنه كالعاده :

فتدبرين أمورك بنفسك..
فيشعر هو انك مو مسويه له قيمه..
ولا كأنه هو الرجال..
شفتي كيف التناقض.. ؟؟


السؤال للشماليات.. ولا مانع الجنوبيات يعطونا افكارهم الحلوة..

يا شمالية..
هل تستطيعين جعل شخصيتك اضعف من الناحية القيادية.. بحيث تتركين له أدوار القيادة؟؟ اذا جوابك نعم.. كيف؟؟





​