السلام عليكم

[دموع لاتنتهي]

بنات انا عندي مشكله ووايد مخنوقه تخيلو انا وحده متزوجه بس زوجي كل مشغول عني وعن عيالي يعني مايقعد يسولف وياي في اي موضوع كلش اذا قعدت وياه بس المشكله تخيلو اخو زوجي هو اللي احس انه فاهمني وانا احترمه
كااخو لي لاني محتشمه واخاف ربي بس المشكله ان يحب يقعد ويفتح مواضيع احس يحس فيني
عكس ريلي مايفتح اي موضوع وياي ولاجن زووجي انا مخنوقه لان اليوم صارت لي مشككله وياه ومب عارفه اراضيه :blushing::no:

 

[Rteal]

أختي .......... ( دموع لاتنتهي )

أبحثي عن الوقت المناسب يمكن الوقت التي تحبين تتحدثي معه يكون مزاجه مو رايق

وحاولي أن لا تخبريه عن مشاكل الابناء و غيرها من الأشياء التي يهرب منها كا التذمر من عدم البقاء في

البيت أو عدم تنفيذ متطلبات المنزل ......وغيرها من الأشياء التي يهرب منها الزوج

الله ييسر زوجك لكي ...ويسهل أمرك ...ويفرج همك ... اللهم أمين

وأتمنى البنات يفيدونك ​

 

[نبع الحنين]

الله يهديه ويسخره لك ​

 

[سنديان]

صدقيني انتي منتي وحدك اللي هذا وضعك وهالشي راجع لطبيعة زوجك اكيد شمالي شرقي (يابخت اللي ازواجهم جنوبيين حنان وكرم ودلع وريلاكس )

انصحك ماتكلميه في الموضوع لأنه بيصير وحده من ثنتين : يا يعصب عليكي ويتهمك انك انانيه وانه هو قاعد يشتغل ويكرف عشانك انت وعيالك
او انه بيهتم فيك يومين ثلاثه ثم يرجع لطبعه


الحين عليك انك تنشغلين عنه مثل ماهو منشغل عنك تهتمين بنفسك تكثرين الطلعات من البيت (هذي نصيحة شيخ نصني اياها واستفدت منها )
او تدخلين النت
وعند المساء توجهي لرب العالمين بالدعاء والشكوى والصلاة والتقرب ينفعك في اخرتك ويفرج كربتك وما تصيرين تهتمين لانشغال زوجك

 

[ناناسي]

حاولي الموضوع يبيله جهد مايبيله محاوله وحده وبعدين تنازل حطي براسج لازم تغيرينه وانشاء الله بيتغير

 

[AUDI]

الله يعينك ويسخر لك زوجك . اما ان اخوه هو الي فاهمك ومن هاالكلام فانتبهي وتذكري ان الحمو الموت كما قال الرسول صلى الله عليه وسلم

 

[shamseyah]

الله يسخره لج يارب والريايل انواع ومش كلهم واحد

 

[دموع لاتنتهي]

اشكركم على هاذي النصايح والله ان اختار الوقت المناسب بس مافي فايده
ولاتخافي audiانا بين اخو ريلي حدود والحمدالله واشكرج
ادعو لي بس ياريت اي وحده متخخصه تعلمني اشلون اتعامل معاه

 

[احلى اثنين]

هلا الغاليه
الرجل اذا احب زوجته فاحدى وسائل هذا التعبير هو ان يستميت في عمله ليلا نهار فهذا بالنسبه له تعبير عن حبه لذلك ريحي نفسك واقبلي ها الزوج الرائع وعشان يتكلم معاج طرشيله مسجات تدور حول اعجابك بكده ورجولته في عمله وبيقدر تفهمج وشوي شوي بيحس بحبج وانج امقدره ويوم تبين ترمسين اتصلي فيه ورمسيه جربي
(( هل اتحبين يودر شغله ويقعد يكلمج طول اليوم؟؟ ترى هاذا ما يوكل عيش يا عمري)) واسمحيلي والله وياج

 

[أم مصرية]

كلهم هيك

 

[دموع لاتنتهي]

هلا الغاليه
الرجل اذا احب زوجته فاحدى وسائل هذا التعبير هو ان يستميت في عمله ليلا نهار فهذا بالنسبه له تعبير عن حبه لذلك ريحي نفسك واقبلي ها الزوج الرائع وعشان يتكلم معاج طرشيله مسجات تدور حول اعجابك بكده ورجولته في عمله وبيقدر تفهمج وشوي شوي بيحس بحبج وانج امقدره ويوم تبين ترمسين اتصلي فيه ورمسيه جربي
(( هل اتحبين يودر شغله ويقعد يكلمج طول اليوم؟؟ ترى هاذا ما يوكل عيش يا عمري)) واسمحيلي والله وياج

اشكرج يالغاليه صراحه كلامج مقنع واالله وانشاء اللله راح اسوي اللي قلتي عليه
والله صح كلامج هو دايما يقول هاي كله لكم:in_love: