الشمالي الشرقي..تحت الضوء..*_^رحلة استكشاف*_^

[تــولــيب]

.....We r wating

 

[القلب الرقيق]

مشكورة اندلسية ...ترفعين معنوياتنا ....يللا ناطرين التكملة

 

[تماضر]

تسلمين اختي اندلسيه على الموضوع
بصراحه استفدت وايد من كلامج .. الله يعطيك العافيه

 

[jomanaام]

يسلمووووووووو على الموضوع الرائع والله رفعتو معنوياتنا الله يجزاكم الف خير واصلو وننتظركم

 

[أندلسية]

هلا بالغوالي
فديت اللي يشاركوننا النقاش​

الليلة تبدأ رحلتنا الإبحار في فصل :​

الإعجاب​

ربما الكثير منا تخطئ أثناء التعامل مع الشمالي الشرقي
لأننا نجهل هذا الكائن الصامت​

هنا راح نتناول النقاط اللي تثير الإعجاب نقطة نقطة مع التطبيق​

أولا: الثقة بالنفس
من خلال الاقتباس اللي أخذناه من قصة أم بسمة وكتاب البوصلة نلاحظ أن الشمالي يحب المرأة الواااااااااااااااثقة من نفسها في كل شيء وكل مجال..
فخلونا نتناقش بالمحاور التالية:​

1/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
2/ أيش تخطيطك لتعزيزها
3/كيف تبدين أكثر ثقة أمام (ش/ش)​

يكفي هالمحاور الليلة​

ويالله نبدأ الرحلة مستعينن بالله

 

[لازورديه]

ولا سؤال عرفت اجاوب عليه.. بانتظار مشاركات الاخواات ..

 

[وميض البرق 10]

هلالالالالالالالالالالالالا بنات بارك الله فيكم بصراحه الموضوع مهم وزوجي الشمالي الشرقي يقتلني صمته اريده ينطق


المهم اريد توضيح لهذه العبارة

إذا تحبي تعيشي سعيدة عيشي بدائرة تأثيرك أنت ... ولا تمدين عينك لبرا

 

[وميض البرق 10]

بارك الله فيك يا اندلسيه ولكن معي طلب يا اليت لو تعززي كل نقطه بقصة توضح المطلوب حته يسهل فهم النقاط وتطبيقها فلس الكل بنفس المستوي​

/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.​

عندما اشعر بالغضب فلا اعرف نفسي فعندها تنعدم ثقتي بنفسي وقدرتي علي السيطرة علي غضبة

2/ أيش تخطيطك لتعزيزها​

لا أعرف كيف ومن اين ابدا

3/كيف تبدين أكثر ثقة أمام (ش/ش)​

أومنيتي فهل سوف تتحقق

 

[تــولــيب]

​

1كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.

2/ أيش تخطيطك لتعزيزها

​

:idea: .. مع (ش\ش) زادت ثقتي بنفسي .....شلون زادت ؟
كــ(ج\غ) كنت حساسه جدا وكل عائلتي .. دلوعه مامي .. وصغيرة البيت .. محد يقول لي تلت التلاته كم !! :msn-wink:
اي شي .. لازم قبله وبعده انهار من الدموع .. كل الطلبات ..
كل الامور المرفوضه .. اعالجها بالدموع .. اضغط على اهلي بالدموع والزعل ..
اذا ما عجب خواتي لبسي اوعلقو علي .. اروح احطه وخاطري فيه .. ودموعي اربع ..وماعاد اسويه .. مع انه مو غلط .. بس لانه يختلف مع ذوقهم !! وينكسر خاطري ...
وصرت طبعا احاسب على كل كلامي ولبسي ..عشان يعجب الكل .. وانتظر نظرات الاعجاب ... ويمكن ما احصلها .واهلي عشان ما يضايقوني ماكانوا يقولون لي شي .. فما عرفت اتعامل الا مع اهلي اللي يحسبون لخاطري الف حساب ..:icon26:

:idea:.. مع زوجي واهله (ش\ش) الوضع مختلف تماما .. صريحين .. يعلقون وينتقدون كل شي .. وانا مثل وضعي السابق .. اتضايق .. هم مادروا اصلا اني تضايقت !!:in_love:
واذا علقوا على بعض .. كانهم يعلقون عالطوفه .. (كيفي ... وانت شدخلك .. والله لبسي وانا حره .. والله وجه نظر .. هذا رايي وهذا رايك ..) كذا كان الوضع عندهم ..

فانا حسبتها صح .. وطولت لحد ما صرت مثلهم .. صرت مايفرق عندي ..ليش؟
:icon26: لاني بعيش معهم ..
:icon26: لانهم لازم يعلقون وينتقدون .. طبعا بحب !! مايقصدون الاساءه .. هم كذا ..
فهل انا .. بقعد كل شوي محزنه !! ومحد يقدر يقولي كلمه ..!! وهل انتظر من الكل انه يتغير عشاني ..وبيعاملني معامله خاصه .. لا طبعا .. فصرت مثلهم ..

:icon26:عندي قناعاتي ..بكل ادب
:icon26:لكم دينكم ولي دين ..بدون تعدي على اللي اكبر مني ..اطنش .
:icon26:مو لازم اقتنع باللي تشوفونه .. لبسي .. بنتي .. ترتيبي .. نظام حياتي
:icon26:مو اللي يصلح لكم يصلح لي ..

انا تعلمت منهم !! فتغيري وتطنيشي قوى شخصيتي ..
بكل سهوله .. حتى صرت اعلق ..وهم يقولون : وانتي لازم تعلقين .. اقول انتو صنعتو مني وحش :shiny: ..ولا انا شزيني قطوه مغمضه !!!

ولو اني تميت على الشخصيه الاوليه .. ماكان عرفت اتعامل مع بوالشباب ..
لانه مايحب الشخصيه المهزوزه .. اللي تصيح وتتضايق من فلانه لانها اختلفت معها بوجه نظر ..
يحب اللي .. عادي .. اتس اوكي .. نو بق ديل ..الاختلاف لا يفسد بالود قضيه !! شخصيتها قويه .. تاخذ وتعطي ..طبعا اظل بالنسبه لهم حساسه من كثر ماهم جامدين ..:icon26:​

 

[تــولــيب]

SOOOOORY

 

[شروق الحب]

/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
2/ أيش تخطيطك لتعزيزها
3/كيف تبدين أكثر ثقة أمام (ش/ش)


------------------------------------------------------------------------

بصراحه يالغاليه كنت بسألك عن نقطة الثقه بالنفس لان الشمالي الشرقي يحب المراه الواثقه


كيــــــــــــــــــــف اكووون واااااثقه من نفسي؟؟:no:
وكيف ننمي ثقتنا بانفسنااا

ولك جزيل الشكر

وجعلها الله في ميزان حسنااتك

 

[ق و ت]

/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
الضعف والتردد والعجازه
2/ أيش تخطيطك لتعزيزها
حاولت بس مافي فايده لاني مو عارفه الطريقه الصحيحه يعني اقرا بس اذا جا التطبيق مره اطبق ومليون مااطبق
3/كيف تبدين أكثر ثقة أمام (ش/ش)
مدري منكم نستفيد

 

[تــولــيب]

3/كيف تبدين أكثر ثقة أمام (ش/ش)​

مرحبا ...
شو اخباركن !!!!


:idea: تحبين نفسك اكثر .. مثلا :
:icon26:يدخل عليك وانتي مقعه ريولج في ماي وريحه الصابون !! وتقرين مجه اوتابعين التلفزيون !!
:icon26:اكلك .. تحطينه في صحن حلو .. او مفرش .. كل يوم .. مو بس اذا عندج ضيوف !! قولي : ابي
اكل ونفسي مفتوحه !!! .....

:idea: تقتنعين ان مو هو الاول والخير في حياتك ... هو اضافه لحياتك مو كل حياتك ..

:idea: تكملين هواياتك اللي تحبينها .. قراءاتك اللي تحبينها .. مسلسلاتك النسائيه اللي اكيد يشوفها سخيفه

:idea: اذا علق على شي .. خذي الامر بروح رياضيه .. تعودي على هالشي .. هو مايعرف يسكت .. فلازم تاخذين مناعه !! :msn-wink: !! عادي فديتك .. احنا حريم ونحب هالسوالف !!

:idea:اختاري انتي الاشياء .. مو هو .. مطعم !! سوق ..سفره .. مو هو اللي يختار !! ولا تقولين ابد عادي .. كيفك .. ماتفرق معاي !! لاتسرين امعه .. مع الخيل .. بس لاتصرين على رايج .. يعني ان لي راي :sly:..عطيه رايج وبس !!

:idea:اذا اختلفتو على شغله .. وكان رايه هو اللي بيمشي .. وصادف ان رايك غير .. بيني له بكل هدوء وادب وحب وقعده حلوه .. ان الامر مو عاجبج .. بس طبعا بتسويينه .. احتراما له !!

:idea:ثقتج بنفسج ..مو معناتها مخالفتك لااراءه .. لا ..

:idea:اذا راح ..الله يحفظه .. واذا رجع .. يامرحبا والله ويامسهلا ..لاتسالين بأسلوب تحقيق !!
لا ..بعد ماتستقبلينه استقبال حلو .. وتقهوينه ,, شخبارك !! شسويت اليوم !! اذا قال زين .. واذا سكت ..احترمي سكوته !

تحيـــــــــــــــــــــاتي للجميع !!

 

[نظــ جديدة ــرة]

هلا حبايبي كيف أحوالكم .....
بنسبة لي هناك مواضع ثقة ومواضع
نعدام الثقة:
متى أكون في قمة الثقة >>>أنا في
بيت أهلي مدللة من من ابويا ومن(
أخي وعمي)وهذان الشخصان لما أجلس
معهم أشعرأني ملكة شعور
جميل........
طبعا لما تزوجت ظل الشعور معاي أتدلع
وتغنج علي زوجي>>>هذا طبعي ما
أعيش بدونه...طبعا زوجي يموت
على الدلع( وطيبعي أدلع لي يعز
عليّ)..هذا .
وبشكل عام مع الناس ثقتي في نفسي
كبير...
ثانيا ومواضع نعدام الثقة:أهل زوجي
طبعا ما يعجبهم شيء الود ودهم أعيش
في هم وغم وطبعا مايحبون إلا نفسهم
>>>من ضمن تعليقاتهم إني دلوعة
بعتقادهم بتضايق..طبعا لا! ومن
ضمن تعليقاتهم أني غيورة>>>>
تصدقون أني ما أعرف الغيرة حتى أني
مع زوجي أنشوف أفلام حدث ولا
حرج....>>>>لكن عادي .....
وشائت الاقدار تحصل لزوجي ظروف
مادية ماتقدر نعيش ! وضطرينا نعيش
معاهم ...طبعا العيش معاهم زفت.
اللقافة وسوء النية..وأنا من طبيعتي
أحب أهتم بأمور زوجي:clap: من وإلى
...بس في مرات يطلب زوجي من
أخته تطوي ملابس أو تجهزله الحمام أو
أو أو.... كان هذا يضايقني لاني أحب أهتم به بس من غفلتي ما
وعية إلا وهي مشكلة ..!!!!طبعا
زوجي فهم أني غيور وطبعا أهله من قبل
يقولون إني غيور..هذا
موصحيح..مع الايام إلا وشوف نفسي
بل فعل غيورة>>>>ههههه متقولون
هذه هذرة:crazy: واجد قالت قصة
حياتها...هذه مشكلتي الان إني
غيورة:icon1366:
وأعرف إن زوجي يحبني :in_love:كثير..
بس أبي أتخلص من الغيرة للعلم أني بدون مدح جميلة وحاصلة على شهادة جامعية>>>عشان محد يقول إنك نقصك كذاوكذا
وشكرااااا اسف على الاطالة​

 

[وحدة المشاعر]

كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
انا غير واثقه من نفسي تماما الانى متردده في الختيار حتى في ابسط شئ اخف مايكون حلو ايضا ماعندى جراءه فى الكلام البق او المجاملات ولا في مواجهت المشاكل
احس انى بعيده عن الدلع والغنج
2/ أيش تخطيطك لتعزيزها
احول اتكلم بس اعجز واستحى احس انى امثل

3/كيف تبدين أكثر ثقة أمام (ش/ش)
عند زوجى ثقتى اكبر لانى اشوف حالى عليه
اذكر رائ الناس فينى الى يمدحونى
------------------------------------------------------------------------

 

[ازهار مبعثره]

يالله سترك
اثر السالفه ماهي سهله
يا وجدي عن نفسي
متزوجه من 4 سنوات
وتوني اعرف هالسوالف
اشوى اني طحت عليكم صدفه



سيري ونحن ورائك

 

[أندلسية]

1/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
2/ أيش تخطيطك لتعزيزها
3/كيف تبدين أكثر ثقة أمام (ش/ش)​

​

راح أقولكم قصتي ويا الثقة وأتمنى تستفيدون منها​

أنا تربيتي غربية متطرفة ومتربية مع أولاد وعندنا شغالة:blow:
تعلمت المرونة والحلول البسيطة سهلة المنال وسياسة أقصر طريق-سياسة الغربيين-بغض النظر عن الجودة والربح والخسارة

شمولي-الحقوق محفوظة لحلا الجوري- تربية شرقية متطرفة-قاتلة-وعايش مع بنات وكان مايسمح له يطلع برا البيت كثير
فصار يعرف أدق التفاصيل بكل مايخص النظافة والنظام والطبخ و...​

بعد ماتزوجنا أصدمت صدمة
كنت مثل الطفلة عنده
وكان وراي بكل شغلة
ولا يعتمد علي بشيء>>معذور
كان أحيانا يستعين بأخته
وصارت مشاكل ودوشات وفقد الثقة فيني بهالناحية​

استمر الوضع تقريبا لسنتين
أمي ومن منظور غربي كانت تقولي أحسن خليك مثل الطفلة المدللة:cupidarrow:>>ماتنفع مع الشرقي​

المهم
أنا طفشت من حالي وحسيت نفسي أقل من الناس:shutup:
كان خاطري أعرف مثل ماالناس تعرف وأتفنن وأكون أحسن أميرة بيت:icon31:​

فصرت أزور أقسام التنظيم والتنظيف بالمواقع
وكل شيء أطبقه​

ويوم بعد يوم صرت أحسن منهم
والحمد لله بعد جهاد أسترجعت ثقة زوجي لي بهالناحية
وصرت فعلا أميرة رائعة ببيتي​

طبعا بقولكم شسويت بس لما ننقاش (ش/ش) والتنظيم:msn-wink:​

النقطة الثانية اللي عانيت منها
الأراء
كانت أرائي غالبا غربية (الطريق السهل السريع):clap:+ روح شمالية (عناد):smoke1:
فكان لما يسألني عن رأيي بشيء
بكل ثقة أقوله أسهل الطرق
وماأدري الا فاتح على قائمة بسلبيات هذا الرأي وعيوبه
ويروح يختار الطريق اللي كنت أشوفه تعقيد​

جنيت :
عدم ثقة بأرائي
صار يحس أني كل شيء يمشي معاي، والناس يجتهد لهم​

بعدين مريت بمرحة على راحتك
وبكيفك​

وجنيت:
أعتقاده أني مالي شخصية
ماصار يحسب لي حساب​

المرحلة الأخيرة>>أستفدتها من موضوع الشرقي بالمختبر

صرت أقيس الرأي من كل الجوانب
وعلشان أدرس الموضوع
لما يقولي شرايك نروح لأهلي اليوم؟؟
أسأله-يعطي وقت للدراسة-متى آخر مرة رحنا؟؟
مثلا لو يقول الخميس الماضي..
أقول والله ياليت طولنا عنهم
يعني لما أحتاج وقت أدرس فيه رأيي أسأله ألهيه وبنفس الوقت يحس أني ماأطرح الرأي خبط لزق>>مثل أول


وطبعا اللي خلاني أعزز هالنواحي عندي انقاده>>اللي كان دليل على عدم رضاه
البحث عن بديل:crazy:مثل أخته

:idea:آسفة طولت بس حبيت أطرح تجربتي بهالموضوع​

​

​

 

[إنسى الألم]

السلام عليكم
توني أعرف ان فيه ناس مثلي انا ما عرفت عن انماط الشخصيه إلا من جم اسبوع لما قريت انصدمت وبنفس الوقت فرحت
فرحت لأن فيه حريم شكثر طبع أزواجهم مثل طبع زوجي كنت عبالي إن ما فيه أحد أطباعه مثله لكن قريت الصفات وكأنكم توصفون زوووووووووووووجي
عنييد عنده كبرياء غير طبيعي ما يجامل ولا يمدح صامت ما يتحمل النقاش يزعل على طول
صار لي تسع سنين متزوجه وما عمري فهمته دايما وإحنا في مشاكل مرات أزعل وأروح لأهلي ومره أزعل وأقعد ببيتي واهو يا جبل مااااااااا يهزك ريح
الحين قمت أتجنبه أكثر مأحتد معاه ماااادري هل اللي قاعده أسويه صح وإلا لأ​

 

[أندلسية]

وميض البرق 10

الغضب أكثر شيء يدمر
لأنه يسفر عن الذات الحقيقية:icon28:

لكن حبيبتي إذا حسيتي بالغضب حاولي شوي تسكنين لا تتحركي
وأذكري الله
لحد ماتنزل الموجة
وتقدرين تتحكمين بتصرفاتك


وردة توليب

ردك الحلو هذا بناخذ منه بعنصر القوة
شكرا لأضافاتك الحلوة


شروق الحب

حددي أيش اللي مو واثقة فيه
نطرح لك خطوات
أمسكي ورقة وقلم
تذكري أصعب موقف ممكن تنحطين فيه قدامه
وأسألي نفسك ليه
ودوري عالنقطة اللي خلته صعب وأكتبيها
إذا حددتي النقاط تتسهل عليكي المهمة


ق و ت
الضعف أكيد فيه نقطة مو واثقة فيها مخليه منك ضعيفة
يعني مايجي كذا
التردد
كنت مثلك لأني كنت أخاف من انتقاده
بس بعدين قلت لازم آخذ مناعة على رأي توليب علشان أفهم نقاط الضعف عندي وأقومها
مع النقد عرفت أيش الجوانب اللي ماكنت أنتبه لها
وصرت أراعيها
وممكن كمان تجهزي إجابات جاهزة لبعض المواقف
تتخيلي الأشياء اللي تترددي فيها
وتقطعي فيها رأي
أهم شيء لالالالالا تترددي
الشمالي الشرقي لايرى المتردد شيء
في البداية حاولي تقولي أراء
مو لازم تكون صائبة أو ترضيه
مافيه بهالدنيا كامل
وراح تتعزز هالناحية عندك
العجازةتخلصي منها
تعرفي.. أيش رايك نفتح موضوع بالتجارب والحلول المنزلية عن يوميات النشيطات كل وحدة تنشط الثانية:clap:

وردة توليب

مشكورة ياعسل
مواقف ولا أحلى
راح أطبقها إن شاء الله
خصوصا

اذا اختلفتو على شغله .. وكان رايه هو اللي بيمشي .. وصادف ان رايك غير .. بيني له بكل هدوء وادب وحب وقعده حلوه .. ان الامر مو عاجبج .. بس طبعا بتسويينه .. احتراما له !!

نظرة جديدة

والغيرة تسبب انعدام ثقة!!!
كل بنات حواء غيورات
وعندهم حب التملك لآدم
أنتي حاولي مثل هالمواقف ماتصير
بس لو صارت حاولي تمشي الموضوع
وبيني لزوجك أنك تحبي تجهزي أغراضه بنفسك


وحدة المشاعر

عادي لو صار الشيء مو حلو مرة يصير حلو بالمرات اللي بعدها
لاحظي الشماليات بالاجتماعات العائلية
يحركون الاجتماع كله
وبقرارات أحيانا ماتكون صائبة
ومع ذلك الكل يحترمهم وياخذ رايهم بعين الاعتبار
يعني كوني أطرح رأيي مو معناته أنه لازم يكون حلو صح وإلا لا؟؟
الدلع جايين عليه إن شاء الله

 

[حلا الجوري]

​

​

​

1/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
انا ثقتى بنفسى مو لذك الدرجه لانى متردده فى بعض الامور
وفينى حياء زايد ماااااااااا عندى جراءة

2/ أيش تخطيطك لتعزيزها
احاول اثقف عمرى بالقراءة
و البركه فيكم
3/كيف تبدين أكثر ثقة أمام (ش/ش)
يثق فينى فى بعض الامور بس
هولازم يشيك وراى مااااااااا يرتاح
مثلا قبل النوم لازم يتاكد من الابوب مسكرة زين
واطفاء الانوار اللى مااااااااا له داعى



:icon26: وردة توليب و اندلسيه :icon26:
تسلموووووووووون على ها لمواقف وان شاء الله نستفيد منها
​

​