لو كنتو مكاني شتسوون

[الوفى عنواني]

مرحبا جميعا حبيت استشيركم بشغلة لاني عادتي ماحب اتخذ قرار من راسي احب اشارك الكل وبما ان اللي حولي مشغولين الجات اليكم وباذن الله القى المساعدة عندكم انا مخطوبة وطبعا كاي بنت لها عدة شروط في عقد زواجها وانا شرطي بيت طبعا مع تاييد كبير من اهلي وطلبهم المهم خطيبي كلمني فترة وقالي انا بطلعلك بيت لسنة وبعدها برجع نعيش عند اهلي سألته ليش قالي ماستغنى عن اهلي وتعود على بيتنا قلتله طيب اذا انت بتقول جذي انا اشوف بعدت عن اهلي ونقلت لبلد ثاني معك وانا بنت اولى المهم نقاشنا انتهي بدون نتيجة قلتله اهلي بيرفضون اذا شافوني نقلت عند اهلك لان اهلي ضد ان الاخوان يجمعون حريمهم في بيت واحد وسوالف الحمايل مايحبونها يقولون الي يبي يتزوج لازم يكون قادر يفتح بيت وانا اشوف جذي بس انا خطيبي احبه وعندي بالدنيا بس اهله ناس معقدين وانا اشوف راحتي بعيد وبالعكس ماراح اقطع عنهم المهم الموضوع مسبب ارق لي لاني ماتخيل نفسي سنة بس بروحي وبعدين بلتم مع حريم اخوانه في بيت واحد​

 

[نعيش ونشوف]

اختي الفاضله--نصيحتي لك انك ماتتنازلي عن طلبك--وقولي له.. اللي اوله شرط>>>>>>آخره سلام
وانا هذا كان شرطي
واصري على رأيك-- بس لا تجادليه يعني اتكلمي معاه بالمنطق والعقل بلا جدل
ولو حسيتي انه مصر على رأيه افضل لك ان تخلي الكلام كلام رجال يعني ابوك يتفاهم معاه
لانه لمن يسكن عند اهله بعدها مااااارح ينقل ولـو بـطــلـووووع الروح:icon1366:

 

[عساني ماأفقده]

اختي الفاضله--نصيحتي لك انك ماتتنازلي عن طلبك--وقولي له.. اللي اوله شرط>>>>>>آخره سلام
وانا هذا كان شرطي
واصري على رأيك-- بس لا تجادليه يعني اتكلمي معاه بالمنطق والعقل بلا جدل
ولو حسيتي انه مصر على رأيه افضل لك ان تخلي الكلام كلام رجال يعني ابوك يتفاهم معاه
لانه لمن يسكن عند اهله بعدها مااااارح ينقل ولـو بـطــلـووووع الروح:icon1366:

راي سليم مية مية

 

[وحدة المشاعر]

اشرط عليه في العقد بيت منفصل وبعدين الى يخليه يترك اهله سنه وشلون ميتعود على بعدهم

 

[om.saarah]

اختي نصيحه لا تتنازلين حاولي وياه بكل الطرق

وبعدين ان شاء الله اذا جرب العيشه في بيت منفصل ماراح يغير ويرجع لبيت اهله

بس صدقيني انا ندمانه قد شعر راسي اني ماشرطت اني اطلع بيت بروحي

لاني عايشه بهم ويا اهل زوجي انا اترجاج حاولي انج تقنعينه بالمحبه والعقل مب بالعصبيه

حتى لو اضطريتي تدخلين حد من اهلج يفهمه بس علشان ترتاحون لازم يفهم ان بيت بروحكم احسن شي

 

[منطوق قلبي]

انا عن راااااي احسن تكوون معااه في بيت هله وهلج نفس ماقلتي ناس معقدييييين صعب تقنعينهم خلي حد مقرب لهم يكلمهم
لان لو تمتييي بروحج بتملين ماحد عندج حلاتج عااايشه مع ام زوجج شو حياتج بروحج ؟؟

هذااااااا رااااي وانا مستعدة لو تبين اكثر لاننننننننننني مجررررررربه

 

[تاج الاحزان]

ابتعدي عن الشر وغني له اسألي مجرب والله يوفقك

 

[aomsaad]

ابتعدي عن الشر وغني له اسألي مجرب والله يوفقك

كلام 100%100

 

[prnsesحلا]

اياك ثم اياك تتنازلين واذا اصر افسخي الخطوبه من البدايه احسن لك لانك لو وافقتي تسكنين مع اهله بتشوفين نجوم الظهر وراح تندمين على الساعه الي تزوجتيه فيها وعلى فكره شكله اهله الي محرضينه وترى اذا مافرضتي شخصيتك من البدايه راح يدوسون عليك هو واهله

 

[هذاك اول]

لالالالالالالالالاتتنازلين عن حقك اشرطي في العقد

 

[احلى غرام]

الا السكن مع اهل الزوج مجربة وعكس سلبا على عيالي انا صبورة بس وصلوا عند عيالي وجننوهم
احسن لك من اولها ترى الي زيي مسويه فيها طيبة داسوها لا وحشوا فيها ولا راح تاخذين راحتك.

 

[الوفى عنواني]

يعطيكم العافية ياصبايا ومشكووورين انا بتم مصرة على رايي علما انه حاليا تم بينا خلافات كثيرة بسبه اهله وكثرة تشرهم وبالنسبة لاختي منطوق قلبي اختي انتي لوتشوفين اهله راح تتاكدين انه صعب اعيش معاهم الولد مافيه شي بس اهله ناس اقسى منهم ماشفت وامه بالذات تمشي وتحجي بحريم عيالها وخواته عوب وانا مشكلتي لااخذ ولااعطي ولساني قصير ماعرف ارادد احد):

 

[ا روان]

الحمولة عساك تسلمين منهم وانت بعيدة وشلون اذا كنت عايشة بينهم
وانا ضد أي وحده تسكن مع حمولتها في حالة اذا كانوا اهله مو بحاجته
لكن لو كان اهله كبار بالسن وماعندهم احد يخدمهم في هذي الحالة ممكن السكن عند الحمولة​

 

[مسك القلوب]

لا تتنازلين
وشوفي زوجك ايش شخصيته واقنعيه

اما عن الشرط بالعقد صدقيني كثير اعرفهم شخصيا
سوها ومانفع عشان حاطين بروسهم يرجعون لبيت اهلهم
ولما قالولهم العقد,,,

قالوا لهم ازواجهم بالحرف الواحد :تروحين معي بيت اهلي او ارجعي لبيت اهلك

ساعتها ماراح ينفع لا عقد ولا غيره

لكن انت وشطارتك ممكن بعدالزواج تحببينه بالبيت المستقل

وبطريقه غيرمباشره توصلين له ان العيشين مع اهاليهم مساكين
مو مرتاحين ووووووووووو.... وتكثرين من السلبيات..

والله يكتب اللي فيه الخير لك يارب

 

[RedRose]

انا لو مكانك ما اتنازل ابدا

اكتبي في العقد هذا الشرط طالما ان هو عنده تفكير يسكن عند اهله

والشي الثاني تفاهمي معاه لان التفاهم حلو

اقنعيه انك في بيتك تاخذين راحتك تلبسيله وتسوين اللي تبين واقنعيه ان الحياة مع الاقارب تسبب مشاكل والبعد احسن وفهميه انك ما ترفضين تسكنين مع اهله عشان شي شخصي يعني فهميه ان اهله هم اهلك وانك تحبينهم بس قوليله كل وحدة تحلم يكون لها بيتها تاخذ راحتها وتسوي فيه اللي بي

وطبعا اذا الله تمم على خير وتزوجتوا اول سنة سوي كل في الصالة دااايم سويله جو عشان يقتنع انك ما تقدرين تسوين هذا في بيت اهله
بالتوفيق حبيبتي

 

[AUDI]

اشرطي له مادامك في البر والسكن مع الحموله مساوئه اكثر من محاسنه في نظري

 

[اولادي حياتي]

وانا مع الاخوات اصري على رايك

اهل الزوج ماواهم الا تعب القلب

 

[**فرفر**]

اذا تنازلتي بتنفك السبحه وتبدين تتنازلين اكسبيه واستغلي هذي السنه في انك تحسسينه بطريقه غير مباشره بالراحه النفسيه لما تكونون وحدكم