تفّاحة القلب
New member
- إنضم
- 27 مارس 2008
- المشاركات
- 79
شوفي ياقلبي بالنسه لي يحب تجيه الهديه مني بس هو مابيفكر يجيب لي هديه إلا في عيد الفطر وباقي المناسبات لا عجزت أعرف السبب هل هو يشوف ان مالها داعي ولا وش حكايته
هاك هذا الموقف اللي رافع ضغطي إلى الآن
قبل 3أسابيع أخذت نتيجتي وكنت ناجحه صاااااافي وهذي أول مرة وأعتبرها إنجااااااز لأني منتسبه في الجامعه وتعرفين الإنتساب وصعوبته المهم كانت الفرحه مو واسعتني وقلت في نفسي لازم أبو الشباب يتعلم يفرح معي ويسويلي مفاجأة زي ما أسويله مفاجأة لما يفرح بشيء
عاد أنا قمت ألمح لأبو الشباب وأقوله والله أنا مستانسه وماني مصدقه إلا وأبو الشباب مو حولي ومافهمني بعد إسبوع سألته مامرت علينا مناسبه حلوه؟؟
قال تريك على البال وراح أسويلك حفله وقال يسوي فيها يمزح هي شحذه يعني أنا راح أسويلك بدون ماتطلبي (أنا عارفه إنه ولا حتى فكر بهالشي )
عاد أنا إرتفع الضغط عندي من أسلوبه فقلت له بمزح وأنا بنفجر منه خلاص ماعاد أبغى مناسبه
المهم بعدها بإسبوع تقريبا مرينا بمحل ترت ؟ كنت حكيته إن الترت فيه ولا أحلى قلت له شوف المحل اللي حكيتك عنه
قال خلاص المره الجايه ناخذ منه
سألته ليه إش المناسبه؟؟ ونسيت سالفة النجاح وهو فهم إني ألمح له عشان الهديه... قام يقولي راح نحتفل وناخذ ترته.....إلخ
كنت أقول في داخلي خلااااااااااااص والله عفناها..
والله إنقهرت كان نفسي يجيب لي حتى لو ورده راح أعتبرها أحلى هديه بس يحسسني إني أهمه
ألحين أفكر آخذ لي ترته ورح أحتفل مع أهلي نفسي من جد أحس إن أحد راح يشاركني فرحتي
بس أخاف يزعل ويكتمها في قلبه وتعرفون الشمالي الشرقي مثل الجمل..!!
