يقولون اني ماعرف اتصرف

[لوناتا]

خواتي مشكلتي اني انسانة مرحة واحب الابتسامة والضحك مع الناس ... بس مب مع زوجي
ما اقدر اكمل اسبوع واحد معاه من غير ما اروح بيت اهلي اللي يبعد ساعتين عن بيتنا ...
هو دائم الانشغال ... وعمله يتطلب انه يتعامل مع الحريم والرياييل واتصالات متواصلة في العمل وحتى البيت... انا وااااايد اتضايق لما اشوف اسم حرمة في موبايله يوم يرن.... عشان جيه الجأ للصمت وعلى فكرة استوت عادة عندي خلاص ... لا طلعات مع بعض ولا سوالف ... انا الحين بكمل السنة الرابعة من زواجنا...

على فكرة ... انا طبعي العناد :thumbdown:
ومزاجية واااايد ... واحس ان زوجي مستواه الثقافي اعلى عني ... وطريقة كلامه غير عني ... يعني جاد شوي ... احاول اني اجاريه واتواصل معاه يوم يفكر انه يناقشني بس احس اللي اقوله من كلام مب منطقي ومب بمستوى تفكيره.. عشان جيه عادة افضل الصمت...

شو اسوي ... انا اعرف اني لازم اغير من نفسي ... بس والله احاول .. واتغير فعلا كم من يوم وارد على طبعي ... الصمت :fish:


شو اسوي جزاكم الله خير

 

[**حنين**]

بنتي الغاليه

الحل هل
طلبي من زوجج ان يأخذ الى اي معهد او جامعه وكملي تعليمج

وخليه هو اللي يواديج للمعهد
وشوفي شنو وظيفه زوجك حاولي تدرسين بمعهد مثلا لغه اجنبيه او كمبيوتر حتى تلاقين مواضيع تقدرين تناقشينه فيها

اسمحيلي مشكلتج اعتقد فقط باختلاف المستوى التعليمي و(( الثقافي )) يعني حاولي ان تقرئين في كتب متنوعه
واحظري دورات تعليميه

 

[حبيبت رشيد1]

اهلين اختي حتى انا مثلك ما ادري وشلون اتصرف معك

 

[لوناتا]

جزاج الله خير اختي... بس انا فعلا قاعدة اكمل دراستي والسنة الياية بتخرج ... بس تخصص مايخص تخصص زوجي بالمرة ... مع اننا نشترك بالافكار بس انا مشكلتي اني ما عرف اتحاور ... لامعاه او مع غيره ... ما اثق بالكلام اللي اقوله واحس الناس ما يهتمون فيه....

 

[**حنين**]

جزاج الله خير اختي... بس انا فعلا قاعدة اكمل دراستي والسنة الياية بتخرج ... بس تخصص مايخص تخصص زوجي بالمرة ... مع اننا نشترك بالافكار بس انا مشكلتي اني ما عرف اتحاور ... لامعاه او مع غيره ... ما اثق بالكلام اللي اقوله واحس الناس ما يهتمون فيه....

ربي يسعدج ويوفقج

لا يما


لا بد انه في كلام او نصيحه بتقولينها بتنقذين فيه بيت

وكثري من ثقافتج يا بنتي

يعني اقري القرآن وتفسيره لانه بيوسع الافق عندج

وثقي بنفسج

واعرفي زين ان وجودك في الكون بأمر الله ولله حكمه في وجودك

ولولاج لكان زوجك مثلا منحرف

ولولا انه فيج صفات ومميزات زينه ومميزه ما كان زوجك بيختارك من بين آلاف البنات

الله يبارك فيج يا بنتي ويسعدج ​

 

[لوناتا]

والله اني حابة اتعلم القران .. وان شا الله بخليه هدف في حياتي ...
اما ليش زوجي خذني فمثل معظم الرياييل اللي يدرون البنت الحلوة ...
وهاي النتيجة... عدم التوافق ...

بقولج شي مثلا ... مرة كنا انا هو ولدي الصغير مسافرين وطبعا ما حسيت بالسعادة او على الاقل ما حسيت ان روجي سعيد
خصوصا هناك مرة صارحني وقالي ... سبحان الله الريال دايما يحب يسولف مع الرياييل لانهم يسولفون في اشياء مشتركة ومواضيع تخصهم ... مثل الكرة وغيرها ... لا يقولولي كلميه عن الكرة ... لاني فعلا حاولت بس لقيته ما يستجيب وقالي هاي لعبة رياييل (يعني لا تسولفين عنها)... وطبعا سكتت انا