اه ثم اه ابي الطلاق

[حورية البحر1]

اااااااااااااه

ابي اتطلق تعبت مشكلت باختصار زوجي دايم مقفل جواله واكثر من مره افتحه وطبعا مسجات بنت الله ياخذها:icon1366: من اول ماتزوجنا الى الان وهو معها يقول مجرد مسجات عن الاسهم طيب ليه تكتب حبيبتي الي ماعمري سمعتها منه وهي حبيبي حبها الجني الازرق:icon28: يقول هي تفيدني في الاسهم كلامه متناقض يقول مامعي شي وتنازلت وسكنت فوق اهله قسم مستقل لوحدي يدوب يعطيني مصروف مايكفي وانا اشك فيه معقولة ماعنده شي طبعا يحلفلي طيب ليه علاقته مستمره معها:sadwalk: يقول اذ فتحتي جوالي مرة ثانية ياويلك انا اقول عادي هي خاربة خاربة لو يطلقني ماهمني المشكلة عندي خوات مطلقات في البيت من غير البنات الي ماتزوجو يعني فرصتي بالزواج قليلة اكبر مني احق بالزواج والاصغر مني بكريات

ايش اسوي ياربي وغير كذا يقول سوي عشاي بدري يتعشابعد العشاء ومااشوفه الاالساعه 1 او2 جاي من الاستراحات اهلي نصحوني من قبل اني اتطلق لانه ماراح يتغير هو طيب وحنون ويعوضني احيانا تحطمت من داخلي ماعاد في ثقة:dunno:

 

[سحاب المزن]

أختي أنصحك بأن تتصفحي القصص التي في المنتدى ولك فيها عبرة إن شاء الله واهتمي بنفسك ولاتهمليهاأبدا أبدا واجعلي ثقتك بالله كبيرة جداوصلتك به قوية ولاتتعجلي وتيأسي أبدا.....

 

[حبيبت رشيد1]

الله يهديه لكي ويسخره لكي ويحنن قلبه عليك ويبعده عن بنت الحرام عليكي با الصلاة ثلث اليل والدعاء له ان الله يصرف قلبه عن الحرام ويهديه وكثرة الاستغفاروقراة القران
الله يوفقك ويرزق اخواتك با الازواج الصالحين

 

[بقايا جروح1]

أختي عليك بالصبر والصلاة أخر الليل والدعاءبأن الله يهديه ولاتفكرين أبد بالطلاق لانه أبغض الحلال عند الله والله يفرج همك ويوفقك

 

[ملكة الرووح]

الطلاق حل مؤقت بس فكرى بعد الطلاق --الطلاق مو حل واعرفي شخصيتة واكيد بتفيدك

 

[طيف الروح]

مايصلح اطلع من غير ماكتب شي

اووول شي خليكي سياسيه تقربي منه انسي انه عنده عشيقه بس وووقت تقربك منها منشان

تحاوووووووولي تقربي منوو واعملى اله اجوووووووووواء بدل طلعاته برى وراح يدمن عليه

اعملي عشوات مفاجئه البسي غيري من نفسسسسسسسسسسسسك اذا دخل البيت خليكي حنونه طيوبه كانك متعرفي اشي

ومنها انتى كمان قفلي جوالك حطي رقم سري اوهميه

واكتر اشي طنششششششششششي وعيشي حييييييييييييياتك لانه مرده لكى انتى

واخركلامي الله يسسسسسسسسخره لقلبك ويحننه عليكي ويمنعه من بنات الحرام يربي

تحياتي

 

[جروح الزمن]

الرجال في هالزمن عامليه مثل مايعاملك وشوفي يعني اذا سوى حركت مقفل جوالي ولا تفتحينه والا...... انتي سوي نفسك مش مهتمة وفي الوقت اللي تشوفينه بتغدى او اي شي المهم حاولي تلفتين انتباهه انك مرتبكه وخايفه يشوف جوالك وتفقي مع وحده من خواتك اللي عندها جوال وسميها في جوالك ملاكي او حبي او اغلا من الغالي يعني هالجمل اليتثير الشك وخليها كل ترسلك كلام غزل وحلو في الوقت اللي اهويمك واذا اسألك منو قولي صديقتي واذا قالك اشوف سوي نفسك خايفه ومتردده وقولي له ماله داعي وحاولي تغيرين الموضوع وشوفي نار الغيرة اللي بتطلع منه وخلك على كذا فيك غموض عشان يترك كل شي وظل يفكر فيك

 

[رموش نمله]

الرجال في هالزمن عامليه مثل مايعاملك وشوفي يعني اذا سوى حركت مقفل جوالي ولا تفتحينه والا...... انتي سوي نفسك مش مهتمة وفي الوقت اللي تشوفينه بتغدى او اي شي المهم حاولي تلفتين انتباهه انك مرتبكه وخايفه يشوف جوالك وتفقي مع وحده من خواتك اللي عندها جوال وسميها في جوالك ملاكي او حبي او اغلا من الغالي يعني هالجمل اليتثير الشك وخليها كل ترسلك كلام غزل وحلو في الوقت اللي اهويمك واذا اسألك منو قولي صديقتي واذا قالك اشوف سوي نفسك خايفه ومتردده وقولي له ماله داعي وحاولي تغيرين الموضوع وشوفي نار الغيرة اللي بتطلع منه وخلك على كذا فيك غموض عشان يترك كل شي وظل يفكر فيك

:no:ذنتك شو بيسوي لو البنت الله يهديك سوت الي قلتيه:in_love::in_love:
أكيد بيكون نتيجه:icon28::a043::a049:
بيكون بعدها المستشفى حبيبتي الرجل الطيب الحبيب الهادء في نقطه بسيطه تعصبه بينفجر من الغضب
أكيد فهمتيني

نصيحتي اجلسي بيمه عطيه حنانك وبتفاهم قليله بأمانتك تفهمني بامانتك تسمعني ونشاء الله بتنحل
وقوليله أنا خايفه عليك أذا فعلا متزوج علي قلي
حبيبتي ماعتقد أنه مسجل كلمه حبيبتي أكيد أمه أو أخوه يبي يرفع ضغطك
بس مثل ماقلت لك بتفاهم بينحل خذي نصيحتي

 

[المعلمة الراقية]

انا مع اختي طيف الروح تقربي من زوجك ولا تكثري محاسبته على كل شيء واستفيدي من قصص هذا المنتدى الرائع
في كيفية جعل زوجك يحبك اكثر وفقك الله يارب وابعد عنك كل ما يسوء

 

[روح الوفى]

حبيبتي لا تعطينها فرصة تاخذ زوجك اذا تطلقتي وهذا المطلوب عندها

 

[شمس الرياض88]

اختي مافيه لك مثل سهاااااااام الليل التي لاتخطي فاالله الله بالدعاااااااااااااااااااااااااااااااء

 

[مؤاسم الدهر]

الله يكون في العون​

 

[عنقود عنب]

شيلي يا اختي الطلاق من بالك بتاتا

يعني لو غيرك تفكر في الطلاق 1% فلازم انت ما تفكرين فيه ابدا ابدا

خاصة انك قلتي ان عندك خوات مطلقات في البيت ... يعني لا تزيديهم وحده ثانية

بعدين اختي ... دام انك تقولين انه طيب معك ومو مقصر معك في شي ...((مع ان هذا مو مبرر انه يخونك ))

لكن حاولي انك تصلحي الوضع ...او تتأقلمي معه

خاصة اذا كان ما في علاقات جسدية بينه و بينها

ادري الوضع مؤلم بالنسبة لاي زوجة

لكن يا اختي انت وضعك كثير صعب

يعني تعيشي مع رجل يخون اهون من الطلاق والعودة الى بيت اهلك

ربي معك ... اكثري من الدعاء و صلاة الليل

 

[&الماس&]

الله يهدي الاخت حلوه بس مسكينه الصراحه رأيك فيه دمار لحياتها,لان هالحركات تخرب بيتها ولا تحل المشكله, انا من رايي انك تحاولي بكل ماتقدري انك تحافظ عليه وتقربي له وتستفيدي من هالمنتدى الرائع وتشيلي فكرة الطلاق من راسك الى اجل مسمى وحاولي انك تأجلي موضوع الحمل حاليا حتى تستقر حياتك معه...اسأل الله ان يسخر لك زوجك ويهديه ويبعد عنه بنات الحرام ويوفقك ويسعدك وجميع المسلمين.

 

[&الماس&]

اهم شي نسيت اقوله لاتنسي الدعاء دايما وبالحاح وتحري اوقات الاجابه وخاصه بين الاذان والاقامه وفي سجودك وفي قيام الليل واخر ساعه من يوم الجمعه, والمحافظه على الصلاة والابتعاد عن كل ما يغضب الله لان الله لايغير ما بقوم حتى يغيروا ما بانفسهم

 

[راح الأمل]

شيلي يا اختي الطلاق من بالك بتاتا

يعني لو غيرك تفكر في الطلاق 1% فلازم انت ما تفكرين فيه ابدا ابدا

خاصة انك قلتي ان عندك خوات مطلقات في البيت ... يعني لا تزيديهم وحده ثانية

بعدين اختي ... دام انك تقولين انه طيب معك ومو مقصر معك في شي ...((مع ان هذا مو مبرر انه يخونك ))

لكن حاولي انك تصلحي الوضع ...او تتأقلمي معه

خاصة اذا كان ما في علاقات جسدية بينه و بينها

ادري الوضع مؤلم بالنسبة لاي زوجة

لكن يا اختي انت وضعك كثير صعب

يعني تعيشي مع رجل يخون اهون من الطلاق والعودة الى بيت اهلك

ربي معك ... اكثري من الدعاء و صلاة الليل

كلام سليم 100% يعطيها العافيه عنقود عنب
مشكلتج تهون لوايد مشاكل في المنتدى
مو علطول تفكرين بالطلاق هذا مو حل:no:
ليش تعطينها المجال تاخذه منك حاولي انتي تكسبينه
غيري اسلوبج وكلامج سوي وسوي... حاولي وحاولي معاه
وشوفي النتيجه , لاتفكرين علطول بالطلاق
والله يفرج همج وهمنا كلنا :c016:​

 

[madam M]

الطلاق كلمة سهلة .... بس نتايجها و آثارها و اللي يترتب عليها
صعب موهو بسهل
فلذلك في نقاط في زوجك لازم تحطينها قدام عينج :
1- زوجك تقولين من زمان وهو مع هالمره ...... لو كان يحبها جان تزوجها هي ... مو أنتي
2-طريقتج لما اكتشفتي خيانته وردة فعلج كانت (( خطأ )) ..... المفروض كنتي ماتعطينه مجال يقول الكلام عن انها بس تفيده و تسكتين ... من رايي أنج كنتي تقولين له يرضيك أتعرف على واحد رجال و أدزله مسجات عشان هو بيفيدني في أي مجال :icon28:
3- شكلج (( ولاتزعلين من كلامي )) حيييييل لازقة فيه ... فكي شوي عنه ،، بس راقبيه و تجسسي عليه بدون لايحس و إذا كان هو موجود بالبيت موكله تقعدين عنده.. سوي عمرج مشغولة شوي .. خليه يحتار شفيها زوجتي متغيره و بذلك تلفتين انتباهه.
4- يقولون إذا فكرتي تفكير و سيطرت عليج الفكرة ... تتحقق هذي الفكرة
يعني لاتفكرين بالطلاق و إنشاالله ماراح تتطلقين ... يعني أول خطوات ارجاع زوجك لج شيلي فكرة الطلاق من راسج ،،و الجئي لله بالدعاء بقلب صادق،، و غيري من نفسج بحيث تتجددين لزوجك و يشوفج متغيره للأحسن
و إنشالله يتحقق اللي في بالج و يرجعلج زوجج لج أنتي لوحدج:bye1::bye1:

 

[ميوسه]

عزيزتي

تثقفي بالمنتدى عن مواضيع الخيانه بقسم الزوج والزواج

واشتركي بدوره عن طريق النت وانتي ببيتك بالمنتدى اسمها استراتيجية التعامل مع الزوج الخائن

سعرها 200 درهم _ريال بس

وراح تفيدك

حافظي على زوجك بالرغم من الضغوط وابني حياتك


اهم شي لاتواجهينه جمعي ادله وقربيه منك باسلوب حلو تعرفين كيف


خليكي مرحه بالبيت ومعاه بس لاتدقين عليه وهو برا البيت ولا ترسلين مسجات

واشغلي نفسك عنه واهم شي حبي نفسك وخليه يلاحظ يعني كوني انانيه واثقلي عليه راح يموت ويترك كل شي ويركض وراك صدقيني

وطوري ذاتك وادخلي دورات وخليك بزي دايم ولاتدققين وراه راقبي من بعيد

والمواجهه تصير على مستوى كبير مع الادله وحياتك معاه تصير بشروط منك بعد سنه او سنتين هذا اذا ضمنتيه بجيبك وجذبتيه

موفقه

 

[ميوسه]

واقري قصة هذه حكايتي لام بسمه وقصة ام الوليد بقسم القصص والحاكايات

واستفيدي منها موجوده بالمنتدى