الجنوبي فترة الملكة>>>كيف نتعامل معاه+ حركات حلوة...!!

[أم جود الحلوه]

اييي هو يقووول عن العيون تغطينها ..وانا البس لثااام بس لثامي مؤدب مااطلع حواجبي ابد كانه نقاب سعودي

بس ماكو خط خخخخخ..قالي خوووش والله لثااام قلت يوووه بذمتك يعني لو لثامي فيه شيء كان عتبت باب

بيتنا مستحيييل كان ابوي واخواني ماخلوني اطلع...قلت لاتحكم على شيء ماشفته..قال مب لازم اشووفه انا مايعجبني

اووووف نحيس..ماعرفت له الاخ غربي والا شرقي...بس احسه غربي لان يمكن فيه شرقيه بحكم بيئته بس

فيه غربيه مررررررره..

مافيه مثل اللثام السعووووووودي ساتر اكثر من اللثمه العاديه

 

[ودي أفرح]

يا الهي من الجنوبيين

انا من خلال الاختبار اللي سويته طلع زوجي جنوبي شرقي وانا شمالية شرقية


وصدقتي يا مس سمبل وآيس جيرل عقدني بعيشتي على هالغطوه
اللي يسمعه يقول اني افتن اللي رايح واللي ياي مع اني بسيطة بلبسي وبكل شي حتى شكلي بسيط وهادي وما احب الربشة والاشياء اللي تزيد عن حدها لما اطلع

بس من قبل لا نتزوج لين الحين بكمل سنه وانا كل ما فتحت موضوع الغطوه(الغشوه) لازم ينتهي يومي وضايق خلقي لان الموضوع راكب راسه ومو راضي يتنازل عنه وانا احب شوي ما اكون مقيدة ولا مفروض علي شي اسويه بنظري مو اجباري

حتى مرة قلتله لاعت جبدي من الزواج والوحدة تيلس في بيت اهلها ارحم لها بعدين بعد ما تراضينا اونه قالي الكلام اللي قلته وسبقني اونه يعرف انه مو من خاطري هالكلام بس والله كنت قايلة هالكلام من قلبي وبعدها بين فترة والثانية يذكرني فيها بس احيانا على مزح
وانا اقول بخاطري ادري انها حارقه قلبه بس خله شوي يحس ههههههههههههههه

وسالفة اهله جد الجنوبيين اهلهم بالمرتبة الاولى
يذبحني بهالنقطة يعني كفاية ما اشوفه الا يومين اللي هم الويكند بس ما يعرف ييلس معاي ساعتين على بعض إلا لازم يروح عند اهله والا ربعه والا ما اعرف شو
باختصار لازم يطلع ولما انفجرت من هالتصرف الحين لو بيقعد معاي لازم يقولوا ها شفتي انا يلست معاج
اقوله تتمنن علي يقولي لا بس اقولج

هالموقفين اللي ملوعين بجبدي واذا تذكرت شي بخبركم

بسألكم كيف تتعاملون معاهم من الناحية المادية؟


احيانا احسه كريم واحيانا لكم عليه شوي

 

[حلا]

ايوووووووه هذي المواضيع و لا بلاش كان خاطري بموضوع نفس هذا عشان نتبادل الخبرات و الافكار

انا شماليه و خطيبي جنوبي
و فعلا لاحظت انه يعيش جو و ياما كنت اسايره و اقول تخيل رحنا المكان الفلاني و تمشينا و ركبنا دراجه و سوينها كذا و كذا و هو عاد يكمل و يقووووووول
احلى ما فيج انج معايه على الخط

لو يقول خاطري اسافر اقوووول ايوه حلاته هالمكان و يالله سرينا........... يقعد يضحك و يقول انتي كل شي عندج يالله و حلاته و سرينا.....
ماشيه مع الموجه على طووووووول خخخخخ

و أحلى ما في الموضوع حزة الرقاد خخخخخخخ

لا لا لا يروح تفكيركم بعيد بس نحب نرقد مع بعض يعني كل واحد على الخط و يقول قربي صوبي ليش ماخذه اللحاف ما تركتيلي شي ؟!!!!
انا عاد الصوت على اخر رقه و كل شوي مممممم أأأأأه و من هالأهات ^___^

بقولكم حركه سويتها لما جا يزورني كتبت على قميصي اسمه بكرستالات ( فص فضي )
الحبيب اول شي ما انتبه و انا أسأله ما لاحظت شي ؟ يقول لا و الله
و انا أرد أبدا أبدا ( استغربت و الله ) أخر شي وقفت في ويه و يوم لاحظ قال :أووه سكتيني الصراحه

هذي الافكار لليوم و باجر بكمل

بنات بليز نبغي أفكار مش بس دردشه عشان يكون الموضوع مفييييييييد للجميع

 

[ms-reem]

ميرسي حبيبتي:in_love:...كله من ذوقج ياقمر:icon26:...

بخصوص الجنوبي يرى النقد مؤلمـــــا شخصيا >>:sad_1:

يوووه:nosweat:...صج!!<<ياكثر مااقوله احسك ماتهتم:shutup:...

يقووولي أناا ماأهتم طيب نطري لين تصيرين عندي:msn-wink:..!!

مسكيييييين مادريت والله الا تو:tears:...ياقلبي ياريلي..!!

بس مستحيل مثلاً أقوووله شيء بخاطري وماأطيب خاطره..

يعني أنا وهو اتفقنا محد يحط راسه على المخده وفي قلبه شيء

فمثلا ارسلت مسج ومارد علي واكون مثلا قايله له حياتي

اتصلي ابيك شوي:icon26:..<<والجنووبي طبعا نساااي:sadwalk:...

فمايرد اقعد ليـــــــن يتصل من نفسه..عاد نفسه هذي مالها

نية تتصل:sad_1:...

تروح الشماليه ترسل مسج:

دوم أحتاجك وماألقاك..على أنك شخص ماتقصر إذا حد

احتاجك..اعتبره عتاب حبايب..لأن من حقي جزء من وقتك

وماأحب أتنازل عن حقي:shiny:...!!

طبعا قلت بعاتبه بنفس الوقت ابين له انه انت زين بس

ماادري اشفيك اتعذر له يابلفيت خخخخ عشان مايتضايق

من كلامي كأني اتهمه..لا انه غصب عنه واعزز من القيمة

عنده...واعطيه رساااله اني مااتنازل عن حقي حتى الوقت

اللي ممكن يشوفه عادي بالنسبه لي مو عادي..وقلت له

جزء من وقتك افهمه اني اقدر ان لك جزء لحياتك الخاصه

ومقدره هالشيء عشان مايتساهل بالوقت اللي بيكون فيه معاي..

عاااد قالي من اللي مشغوول اليوم؟

<<لانه اتصل ورديت عليه عادي عقب قلت معليش مشغوله

قالي اوكي بس حبيت اسلم عليك واخذ اخبارك..!!هاي طبعا

قبل مسج العتاب..

رديت عليه بمسج: انااللي كنت مشغوووله..ودوم انشغل بس

اذا اتصلت اهد اللي بيدي وافضي نفسي لان اتوقع مافي اهم

منك..بس شكل هالنظرية ماتصلح أوقات..

<<خخخخخ اشلخ الا ام الفضاوة عندي بس ابين له اني

يوم ارد عليك ترى اكون مشغوله بس افضي نفسي عشانك

وعقب ابين له انه منك انا بصير ماافضي نفسي لاني مااشوفك

تفضي نفسك عشاني خخخخ عاملوهم بالمثل ..

راح قالي: ماله دااااعي هالكلام..وكل شيء بوقته حلو..

طبعا ملل امي اللي جابتني بهالجمله خخخخخ...

قلت: صح كل شيء بوقته حلوو..بس انا تعلمت اعيش كل

لحظه بلحظتها وماانتظر يصير وقت حلو وبعدين اقول لااا

بيجي اللي احلى منه:shiny:..يعني حتى حتياجي لك صار له وقت؟؟

وتبي أأجل هالاحتياج لين اشوفك؟؟!!

مااتوقع تقدر تتحكم بمشاعرك...وتدري اني مااتصل الا اذا

ابي شيء مهم..لان سالفة اني اتصل عشان مشتاقه لك..او

اي اسمع صوتك ماله معنى عندك..او بالاصح مب وقته..!!

ماأدري كم مره بنعيش بالدنيا...

<<صراااحه طفشني كل شيء بعدين خلاااااص مليت

عاد كل فترة لها حلاتها رفع ضغطي..قلت اثقل العيار شوي

خخخخ قال بركي بيحس على دموووه..

المهم راح سي سيد..مارد علي..قلت لااا ثقلنا عليه وخصوصا

الاخ كتوووووم ..رحت اتصلت مارد..بعدها طرشت مسج

اتفقنا محد ينام وشايل بخاطره على الثاني..بس مو معناته

تتصايق وتشيل بخاطرك.!!تحمل..ترى هالشيء مايرضيني..

وتصبح على قلبي اللي يموت فيك...

<<امحق يمووت فيك كرهته حيااته

الا اتصل لي على طووول...قمت اتكلم بدلع هلااا..اشفيه

صوتك...؟؟قال مافيني شيء..قلت عااااد لايكون بيبي تضايق

يعني يرضيك اخلي بقلبي..وصدقني لو ماتهمني ماقلت لك..

قالي: لا صج تضايقت شوي..بس بعدها عاادي..بسيطه..

اصلا لازم اذا واحد فينا شد لابد الثاني يرخي..والعكس..

قالي زين ليش سهرانه؟؟<<الاخ توه طالع من الديوانية..

قلت: اقلدك انت قدوتي ...<<<خخخخخ احكر له

قال: تدرين احرجتيني ماعندي رد...

قالي زين لايكون نايمه وخربت عليك..

قلت: لو نايمه مارديت..

قال: مستعده تسمعين اهداء..

قلت:اكييييييد..

وغنى لي اغنية يؤبر قلبي...قالي اشرايك؟؟

قلت: تجنن...وصوتك روعه..:in_love:

عقب قلت له طيب ياروووحي تعبااانه حدي...ابي اناااام..قالي طيب طيب

وقام يهمس لي لاتنسين احلمي فيني..خخخخ قلت طيب..

وبث..:icon26:

عاد حللو الموقف...وبينوا الجنوبي اشلون في مواقف العتاب..كيف يكون..!!

يعني جنوبي غربي
يا قلبي عليه ​

 

[بكرآ احلى]

بقولكم حركه سويتها لما جا يزورني كتبت على قميصي اسمه بكرستالات ( فص فضي )

ياااااااااااي روووعه الحركه


يارب يفكون حظر التجول واسويها :c016:


لاحظوا انه بس عشان اسويها ههههههههههه

 

[تميمية(1)]

اهلين حبيباتييييييييييييييي..
انا متزوجة من زماااااااااااااااااان ( بس مو مرة) و انا وزوجي جنوبيييييييييييييييييين..
فترة الملكة كانت من احلى الفترات .. ( بس عشرة ايام!!!) الاخ ما عنده وقت!!!!!!!!!!! من مميزات الجنوبي انه رومانسيييييييييييييييييي... و كلاااااااااامه حلووووووووو ( اذا اشتهى طبعا) .. كتوووم .. يحب المرة الهادية المطيعة ( لو بالكلام!!!) .. طيب و حنون بس ان ردود افعاله سلبية احيانا.. ( هذا اذا كان فيه ردة فعل اصلا !!) .. مثابر و اذا بغى شي يسويه.. صبور و طموح.. لكنه عجاااااااااز احيانا .. او بالاحرى مسوف ومؤجل للاعمال.. خاصة المشاوير الي ما يحبها!! حسااااااااااااااس لكن عنده عزة نفس و ما يبين... ينسى بسرعه ( مع ان بعض المعلومات تقول ان الجنوبي ما ينسى!!)
هذا الي يحضرني الحيييييييييين .. و لي عودة باذن الله..

 

[بكرآ احلى]

8
8
8

يحب المرة الهادية المطيعة ( لو بالكلام!!!)

من جد .. من زمان مكتشفه هالشئ فيه

لكن هذي النقطه بالذات اللي مااقدر امثلها :thumbdown:


انا من طبعي اجتماعيه مررررره ولا احب الهدوء والعزله وهو احسه العكس

وحسيت انه يتضايق من كثرة الناس اللي حولي .. صديقات , قريبات , .....الخ

 

[حلا]

مممممم بخبركم بموقف صغنون

حبيت أقول لبو الشباب " أحبك " لأول مره حبيت تكون مميزه

فكنت اسوووووووولف معاه ع التلفون و شوي دشينا جو رومنسي فستغليت اني قاعده ارمس و كتبت بمسج

أ .....ح.....ب......ك

و طرشته و هو يرمس انتبه ان مسج واصلنه فتحه و قراه جاااااااان يستانس و يقول انا بعد أحب ناس بس أقولها بالويه
يعني ينغزني مش مسج


و ببببببببببببببببببببس

 

[ice-girl]

مممممم بخبركم بموقف صغنون

حبيت أقول لبو الشباب " أحبك " لأول مره حبيت تكون مميزه

فكنت اسوووووووولف معاه ع التلفون و شوي دشينا جو رومنسي فستغليت اني قاعده ارمس و كتبت بمسج

أ .....ح.....ب......ك

و طرشته و هو يرمس انتبه ان مسج واصلنه فتحه و قراه جاااااااان يستانس و يقول انا بعد أحب ناس بس أقولها بالويه
يعني ينغزني مش مسج


و ببببببببببببببببببببس

خخخخخخخخخ تجننين نفسي مره سويتها خخخخ انا مشكلتي متعوده اقول لاخواني على طوول

حياتي عمري:shutup:...ولايفوتكم من خامس مكالمه ماناديته باسمه غلطت وقلت لااااي ياحياتي:nosweat:

فشله قمت برقع الا اليوم اللي بعده قلت لحظه برد على اخوي كان يكلمني ع البيت ويابلفيت اخوي

يدق ع الجواال الا قلت هلا حياتي ...اي ياعمري لا والله ياقلبي خخخخخخخخخ

قالي عقب ماشاءالله مدلعه اخوانك :icon30:..

 

[ice-girl]

8
8
8




من جد .. من زمان مكتشفه هالشئ فيه

لكن هذي النقطه بالذات اللي مااقدر امثلها :thumbdown:


انا من طبعي اجتماعيه مررررره ولا احب الهدوء والعزله وهو احسه العكس

وحسيت انه يتضايق من كثرة الناس اللي حولي .. صديقات , قريبات , .....الخ

والله صج مفتااح الجنوبي الكلمه الحلوووه بس قولي ان شاءالله ومن عيوني وشوفي العجب

خخخخخخ يبي يحس انج تسمعين كلامه بعدها يابلفيت انه خلاج على راحتج واقتنع خخخخخ

وهو طبعا بالاصح رضى بالامر الواقع:clap:

 

[قارورة امورة]

وااااااااااو ياعسل
افكارك مرررة روووووووووعة
يسلمو

 

[بكرآ احلى]

السلام عليكم ورحمة الله وبركاته ​

خواتــي انا محتاجه لدعواتكم مررره ​

{ ربي يفرج همنـا ويكفينا شركـــل من به شر }​

. . . اذكرونـــي بدعوه في ظهر الغيب يابنات . . .​

 

[عجايب]

Miss simple

الله يفرج همك يارررب .. ويوفقك بحياتك ...
بس طمنينا عنك أحس فيك شي ؟؟؟

طيب بنات من سوالفكم للجنوبي مالاحظتوا شي حلووو ... انه كوميدي بالكلام يحب يضحك وينكت كثير ...

 

[بكرآ احلى]

Miss simple

الله يفرج همك يارررب .. ويوفقك بحياتك ...
بس طمنينا عنك أحس فيك شي ؟؟؟
...

آميييين ياربي . . ,’ حبيبتي دعواتك الله يحفظنا وياك والله يكفينـا شر كل من به شر من الانس او الجن

>> فهمتي قصدي طبعا .. أمور غيبيه والله يحمينـــا ياربي

ويبعدها عنكم


الله يجزاها كـل خير اللي تدعي لي والدعـــــاء يرد القضــاء .

 

[الصمتـ]

ما شاء الله الموضوع جدا رائع يعطيكم العافية ..

بس عندي سؤااال ؟؟؟


اتمنى انكم تجاوبوني عليه

<<<<<< ان شاء الله يارب يجاوبوا

كيف تعرفي شخصيه خطيبك اذا شمالي او جنوبي ,, شرقي او غربي

الله يسعدكم يارب قولو كيف

ولا تقولوا لي روحي للموضوع ترى ما افهم فيه شي

ابغى كلام بسيط وسلس وينفهم <<<<< احزن يا لبى قلبي بس

يالله


ودي اتفااعل معااكم واحكيلكم مواقفي

................................



Miss simple


يارب انك تفرج همها وتكفيها شر لانس والجن <<< ومن يقول


اميييين يارب



::::

 

[La FrAiSe]

موووووووووووووووضووووع حلوووو​

بس انا داشه عرض خطيبي شمالي شرقي ههههههههه ​

بس حبيت اتفرج على افكاركم الختيره :icon30:​

Miss simple​

ربي يفررررررررررررررررج همك ويكفيك كل شر ااااامين​

عليك بقراءة سورة البقره كامله يومياً وحصني نفسك بااذكار الليل والنهار وقيام الليل​

وطمنيني عليك​

 

[تميمية(1)]

اهليييييييييين بنات.. حبيت اتطمن عليكم..
والله يحفظك يا مس سمبل.. ويكفيك الشر.. انت لازم تواظبين على قراءة اذكار الصباح و المساااااااااااء
احرصي عليها كل يوووووووووووم.. وان شا الله ما فيه الا العافية..

 

[ms-reem]

آميييين ياربي . . ,’ حبيبتي دعواتك الله يحفظنا وياك والله يكفينـا شر كل من به شر من الانس او الجن

>> فهمتي قصدي طبعا .. أمور غيبيه والله يحمينـــا ياربي

ويبعدها عنكم


الله يجزاها كـل خير اللي تدعي لي والدعـــــاء يرد القضــاء .

عليك بقراءة سورة البقرة واذكار الصباح والمساء وانفثي الفاتحة سبع مرات في ماء واشربيها وشربي المصاب لو كان خطيبك او غيره
حبيبتي خوفتيني عليك لاني جربت هالشي فاذا حبيتي اي مساعده انا جاهزة (الله يفرج عنك كل هم )
عليك بدعاء (اللهم اني اعوذ بك من الهم والحزن ...........)
ودعاء(اللهم اني عبدك ابن عبدك ابن امتك ناصيتي بيدك .....)
الفلق 3 مرات والناس 3 والاخلاص 3 وايه الكرسي
واي مساعده انا جاهزة
(بودي اعرف هل هو عين او حسد او سحر او مس او ايش؟؟؟؟)

 

[ms-reem]

اهلين حبيباتييييييييييييييي..
انا متزوجة من زماااااااااااااااااان ( بس مو مرة) و انا وزوجي جنوبيييييييييييييييييين..
فترة الملكة كانت من احلى الفترات .. ( بس عشرة ايام!!!) الاخ ما عنده وقت!!!!!!!!!!! من مميزات الجنوبي انه رومانسيييييييييييييييييي... و كلاااااااااامه حلووووووووو ( اذا اشتهى طبعا) .. كتوووم .. يحب المرة الهادية المطيعة ( لو بالكلام!!!) .. طيب و حنون بس ان ردود افعاله سلبية احيانا.. ( هذا اذا كان فيه ردة فعل اصلا !!) .. مثابر و اذا بغى شي يسويه.. صبور و طموح.. لكنه عجاااااااااز احيانا .. او بالاحرى مسوف ومؤجل للاعمال.. خاصة المشاوير الي ما يحبها!! حسااااااااااااااس لكن عنده عزة نفس و ما يبين... ينسى بسرعه ( مع ان بعض المعلومات تقول ان الجنوبي ما ينسى!!)
هذا الي يحضرني الحيييييييييين .. و لي عودة باذن الله..

الجنوبي ما ينسى اخالفك الرأي وخاصة اذا كان جنوبي شرقي (لو سكت وصمت يخليها بقلبه ويسجلها وباوقات راح تنصدمين يطلعها لك مسجلة بالحرف الواحد )
اما الغربي سواء شمالي او جنوبي بطبعة متسااااااااااااااااااامح وينسى لكن الجرح العميق ولا اي انسان راح ينساها مهما كانت شخصيته :1eye:

 

[بكرآ احلى]

Miss simple


يارب انك تفرج همها وتكفيها شر لانس والجن <<< ومن يقول


اميييين يارب



::::

آمين . . آمين . . يارب ’,

تسلمين بعد عمري .

Miss simple​

ربي يفررررررررررررررررج همك ويكفيك كل شر ااااامين​

عليك بقراءة سورة البقره كامله يومياً وحصني نفسك بااذكار الليل والنهار وقيام الليل​

وطمنيني عليك​

يالبـى قلبك . . انا ماعلي الا العافيه ان شاء الله

بس هو . . :no:


الله ييسر الامور يارب .