ياناس ابي مشورتكم تكفون تهوشت انا وزوجي

[ام طلاااااال]

سلام عليكم ورحمتة الله وبركاته
كيف الحال بنات انشاءالله تمام
تكفون بقولكم قصتي بختصار وابي مشورتكم
انا متزوجة من وحيد امه الولد وعنده 4 خوات
ياناس انا تزوجته ابي خصوصي لي ابي ارتاح كل شي يسويه لي
يبون زيها احس انهم ضرات لي
اول متزوجة حياتي سعيده مع زوجي واهله واندمجت معهم على اخر اقول لهم حتى اسراري لكن انقلبوا فجاة من غير اي سبب
السبب الغيرة اكيد
لدرجة سويت عملية ولاسئلوا علي وتهموني كذب عند زوجي سوئوا سمعتي قالوا اني اطول صوتي على امه وامسك اولدي ولا اعطية جدتي وهم مرة يقنعون والسنتهم طويله المشكلة امه تزعل من زعل بناته يعني مصيري بيد بناتها خوات زوجي والله لو امشي على كيفهم بيكرهوني طردوني من بيتهم لما جيت انقشهم بالاكاذيب الي ابتلوا علي فيه انا ومعي زوجي وطلعت من البيت زعلانه منهم وعرف زوجي انهم يكذبون علي وحتى جبت القران علشان احلف وصدقني
المهم قالي اقعدي بيتكم وهم بيتهم لاحد يدخل باحد وصار
الزبدة ماخلوني بحالي كل شوي يطلبون زوجي على الفاضي والمليان باي وقت اخر الليل ظهر فجر ماتفرق واحس انه يخاف على زعلهم مره
المهم طنشت المكالمتة دخلت بسالفة ثاني تخيلوا قبل يومين قلت لزوجي بالمرة انت معزوم بزواج بمكة بروح معك اعتمر جاني اليوم وقال ترى اهلي يبون يرحون معي بالله وش اسوي يكرهوني ويصروني يجرحوني بالكلام
بكيت عند زوجي قلت قبل 8شهور عمرتهم وخلتني عند اهلي ولا قلت ولاشي وابوك برمضان معمرهم وامك معهم
الحين انا ماعتمرت ولا مرة اهلك ناسين انك متزوج شلون يطلبون منك هاشي وين تخليني انا وولدي الي مايتجاوز 4 شهور علما اهلي بالشرقية وانا وزوجي واهله بالرياض
المهم على صوتي وبكيت وقال زوجي انتي تغيرتي صرتي تخليقين مشاكل وتهاوشن ونام وتركني وقال ماراح اودي اهلي ولا انتي
وش اسوي انحرم علشان اهله الوحده ليش تتزوج بتحس بالاستقرار وزوجه كل مكان بتروح مع زوجها مو دايم اهله وراه علما ان ابوه مطلق
امه ومطنش حتى الفلوس مايعطيهم والادهى زوجي بناء فله على وشك الانتهاء مالي فيه الا مجلس ومقلط وغرفة نوم وحده ماحسب لاولدنا وبناتنا وحط دم قلبة بلبيت واهلة 9غرف وش رايكمنا انا صكت قال هاذا تصميمي قبل اتزوجك والحين البيت اكتمل طيب وش رايكم
طنشت بعد هالموضوع المشكلة الام عنده شئون 900 ريال ولها راتب حوالي 2000امانة 2900ماتكفي لهم علما بنات مايلبسون ويطلبون من زوجي وادري انه كذب يلفقون انهم مطلوبين والبنات بعمر 34 ,32,30,24
واذا قلت لزوجي ماله داعي يلعبون عليك بس حسد لي قال اهلي بعطيهم وش اسوي ياناس ياعلماء النفس والاجتماع
حياتي صارت كله مشاكل وش اسوي اسكت مت قهر اتكلم مشاكل
تنصحوني ازعل واروح لاهلي
المشكلة اروح ان وزوجي مكان رومانسي وينفذ الي اقوله بقناعه بس مجرد مايحسون اهلة انه تغير عليهم اخذوا موقف منه وقالوا زوجتك غيرتك وينقلب مزاجه ويجي عكس علي انصحوني بس لاتقولون صالحي اهل زوجك لانهم اهنوني وطردوني وسبوني انا اقصد كيف بتحمل كيف اتصرف مع زوجي بحكمة ردوا بسرعه بكرة بروح عند جدتي زعلانه ردوا هالروح ودي يجي ويكلمني وتصفى النفوس

 

[ربي ارحمنا]

حبيبتي مشااااااكل اهل الزوج ماتنتهي لاتروحين ولاتزعلين والحل المثاااالي التطنيييييييش ومهما طلبوا من زوجك لاتدخلين لان اذا تدخلتي بكل ساااالفه بيجيك اكتئاب والهم والشك والوسوااااس والضغط........الخ
فلاتعورين راسك...
عن تجربه؟؟؟؟؟؟؟؟؟؟
الله يوفقك ويهديك لما يحبه ويرضاه.......

 

[ام ناصرخطابه]

اختي تبي نصيحتي ما لك غير تجيبي البنات لصفك حاولي تعزميهم يعني عن حسن نيه
وتبيني انك غلطانه وان الي سويتيه غلط وهذال عمات اولادي مقدر ازعلهم
وبعدها لا تمدحين زوجك عندهم بلعكس ذميه ولا تتكلمي عليه بالزين تعالي اشكيلهم شوفوا وش سوى
يعني كذا لوكذب(اختي اذا الى الحين مابعد تزوجوا اكيد تكون غيره لا ارادي غصب عنهم )وان متزوجات اكيد ازواجهم موب زينين معهم ويغاروا منك يشوفون اخوهم وش حليله وطيب ينقهرون)
اختي ليش اقولك تصالحي انتي وياهم هذال اهله (بنظره موب معقول تقارني نفسك فيهم )الرجال عنده اهله اغلى من اولاده
لا تخلي زوجك يحتار بينك وبينهم وبعدها يقول الحرمه مكانها حرمه لكن اهلي ما في احديبدل مكانهم
اكيد بختار اهله وبيخليك انتي حتى لو قلبه معلق فيك لا تتركين بيتك ولا شي لان بنظر زوجك هو موب غلطان ولا اهله غلطانين
فكري بحكمه وخلك ذكيه ولا تخربين بيتك بيدك

 

[hnoonh]

لا تروحين لاهلك لانه ماراح يجي يراضيك بيقول انا ماغلطت بشي (طبعا هذا من وجهة نظره هو )
نصيحه يااختي لاتجيبين طاري اهل زوجك لا بخير ولا بشر عند زوجك .. اسكتي واذا جاب هو طاريهم قولي لا امك على راسي والا اخواتك شي اخواتي ,, اكسبيه بهالكلام خليه يصير من صالحك عشان لو يصير اييي شي راح يوقف معك لانه يحس انك تحبينهم .. وبالنسبه لروحة مكه قولي عادي بروح وبكيفك اذا بتاخذ اخواتك الله يحييهم (لانه لو رفضتي بيقولون له شفت هي اللي ماتبينا اما احنا نبيها بالعكس ) واذا رحتي هناك كلميهم عادي بس خليك رسميه شوي مو لازم تشيلين الميانه مررره .. يعني كلميهم عادي بس بثقل وخصوصا قدام زوجك لازم تخلينه يشوفك تتكلمين معهم عادي والا ترى بياخذ فكره عنك ..

وانتي اصبري واحتسبي الاجر وربي ان شاءالله بيرزقهم ازواج وعيال يلهون عنكم ..

 

[دلـــوعـــة]

حبيبتي دام ان زوجك يهتم وايد لرضى أهله , ودام انهم زنون ويحشون مخه ,,, ماتتوقعي انك اذا رحتي زعلانه راح يجي يراضيكي ويرجعك ,, خاص ان السالفه تتعلق بأهله

اقول لك ماتجيبين طاريهم معاه خير شر ,, خليه يعرف انك ماتتدخلين فيهم ووقتها مهما قالوا عنك ماراح يصدقهم

لكن لما يشوفك محترة منهم وتتشكين راحيصدق اللي يقولوه عنك

وحبيبتي مهما كان الواحد ماراح يتخلى عن اهله علشان خاطر زوجته ,,وهذول بالنهايه اهله ولهم حقوق عليه

وفيه منهم يزودونها شوي الله يهديهم بس خلج انتي العاقلة .. وطنشييييييهم ولاتفكرين فيهم

اتعوذي من الشيطان وعيشي حياتك مع زوجك وحالي توصلي للي تبينه بالطرق الايجابيه

القهر والهم والغم مايقتلون غير صاحبهم ,,, اتعلمي منهم اسلوب الاقناع بالكلام بدال النكد والهواش

واضح ان زوجك من النوع اللي يتأثر بالكلام ,, شوفي شلون اسلوبهم معاه ؟؟

اذا يتمسكنون اتمسكني

اذا يتكلمون كلام حلو ويمدحون فيه سوي نفس الشي ,,, بس لاتغطين بحقهم ولا تكذبين عليه

خلي هدفك هو انك تكسبيه مو تبعديه عن اهله


والله يوفقكم

 

[حمره ورديه]

استغفر الله العظيم واتوب اليه


اكبر غلط تزعلين وتهدين بيتج وزوجج .............. ولاتدخلين بينه وبين اهله بجذي تتحولين لزوجه نكديه

وتنكدين علي نفسج وزوجج .................امه وخواته مالهم احد بعد الله الا زوجج....... حطي نفسج بمكانهم

شنو شعورج اذا هدج ................. اذا يعطيج كل حقوقج من مصروف وطلعات ودشات مالج حق تعترضين

والعمره .................. روحي اعتمري وانتي بحالج وهم بحالهم


نصيحــــــــــتي ............ اكسبي اهله عشان تكسبينه


انصحج اقري قصة الخادمه السمراء تنفعج



موفقه يالغلا

 

[العفيفه]

السلام عليكم ..يااختي الفاضله اخواتي ما قصروا معك نصحوك بالنصيحه المناسبه وهي ياانك تضغطين على نفسك وتراضينهم عشان تكسبين راحتك وراحة زوجك او انك تعيشين في حالك وهم في حالهم وتصبرين على كثرة طلباتهم من زوجك الين الله يفرجها ويتزوجون اخواته ودوام الحال من المحال رح تتعدل احوالكم وتخف المشاكل باذن الله مع بعد اخواته ...لكن تتركين بيتك لالالالالالا لانك بتعطينهم فرصه يخربون حياتك افرضي ضغطوا عليه وخلوه يطلقك لا قدر الله او يهجرك لفتره طويله وزوجك والله ينرحم خليك مكانه بين نارين رضى اهله ورضى زوجته مايقدر يزعل حد فيكم يعني نفسيته دمار الله يعينه ون اذا بتقابلينهم ادعي في نفس

 

[العفيفه]

معليش خربطني الجهاز ما كملت كلامي اذا جيتي تقابلينهم ادعي في نفسك اللهم ياولي نعمتي وملاذي عند كربتي اجعل نقمة اهل زوجي علي بردا وسلام كما جعلت النار على سيدنا ابراهيم بردا وسلام ...صدقيني باذن الله مفعولها زي السحر بس توكلي على الله ورددي حسبي الله لا الاه الاهو عليه توكلت وهو رب العرش العظيم سبع مرات في الصبح والمساء هذي يكفيك الله ما اهمك من امور الدنيا والاخره ...ونصيحه اخيره اي حرب مع اهل الزوج الزوجه هي الخسرانه فيها حتى لو انتصرت لانها حتفقد راحة القلب مع زوجها والسبب غضب الام او دعوه تدعيها عليكم وايضا شعور الزوج بتانيب الضمير لانه اغضب امه ومع الوقت حيكره زوجته لانها هي السبب في كره اهله له والله يهدي سركم يارب .

 

[الدكتورة نبضة قلب]

لا تحطين زوجج بين كماشتين
انتي بصوب واهله بصوب

تراهم اهله

امه اللي ربته وجهزته لج رجال كامل مكمل..الله وعلم وش قاست بعد ما اتطلقت من زوجها عشان تربي وحيدها
والبنات خواته..عرضه...مالهم بالدنيا بعد الله غيره

تبغين الاجر من الله
مالج غير انج تعينينه على برهم
وتحتسبين أذاهم عند الله​

 

[وزني ذهب]

ابحثي لهن عن أزواج و ساعديهم في أن يتزوجوا فتكسبيهن في صفك و ترتاحي منهن يعني اثنين في واحد
أفصل دوري على زوج لوحدة منهم و استدعيها و ما تكوني لطيفة كثييير حتى لا تستغرب تصرفك و قولي لها أنه في رجل مناسب و ووووو فتكسبيها بصفك و بعدين راح تلاحظين تغير الثانيات عليك و حتى راح تكسبي أم زوجك بصفك لأنك حليتي مشكل كبير
أما البيت فتقبلي الوضع مبدئيا و لما يكبر أول أولادك قولي لزوجك أنه كبر و لازم ينام بغرفة وحده أو خليه هو يطلب من أبوه
أما كم يصرف على أهله فهذي تزعجين نفسك بدون ما تقدري تغيري من الوضع لا تدخلي بينهم لأنه ما ينوبك الا وجع الراس
لكن أبدا ما تنسي أنك تزوجتي من رجل عنده أهله و ناسه و مش من حق استئصاله من محيطه و احمدي ربك أنه يبرهم لأن الي مافيه خير في أمه ما تنتظري منه خير ليك و لأولادك
و الله يهنيك​

 

[الشحرورة]

حبيبتي دام ان زوجك يهتم وايد لرضى أهله , ودام انهم زنون ويحشون مخه ,,, ماتتوقعي انك اذا رحتي زعلانه راح يجي يراضيكي ويرجعك ,, خاص ان السالفه تتعلق بأهله

اقول لك ماتجيبين طاريهم معاه خير شر ,, خليه يعرف انك ماتتدخلين فيهم ووقتها مهما قالوا عنك ماراح يصدقهم

لكن لما يشوفك محترة منهم وتتشكين راحيصدق اللي يقولوه عنك

وحبيبتي مهما كان الواحد ماراح يتخلى عن اهله علشان خاطر زوجته ,,وهذول بالنهايه اهله ولهم حقوق عليه

وفيه منهم يزودونها شوي الله يهديهم بس خلج انتي العاقلة .. وطنشييييييهم ولاتفكرين فيهم

اتعوذي من الشيطان وعيشي حياتك مع زوجك وحالي توصلي للي تبينه بالطرق الايجابيه

القهر والهم والغم مايقتلون غير صاحبهم ,,, اتعلمي منهم اسلوب الاقناع بالكلام بدال النكد والهواش

واضح ان زوجك من النوع اللي يتأثر بالكلام ,, شوفي شلون اسلوبهم معاه ؟؟

اذا يتمسكنون اتمسكني

اذا يتكلمون كلام حلو ويمدحون فيه سوي نفس الشي ,,, بس لاتغطين بحقهم ولا تكذبين عليه

خلي هدفك هو انك تكسبيه مو تبعديه عن اهله


والله يوفقكم

انا معاهااااااااا

 

[(مها)]

الله يعينك ,,,,
شوفي اختي خلي حياتك معهم مجاملااااااااااااات
يعني لاتضيقين بالك وتقولي مااقدر هم يحقدون لاااا
جامليهم ومثل ماقالت احدى الاخوات زوجي وحده منهم وبتشوفين تغير الباقي
ادعي بصلاتك ان الله يؤلف بين قلوب الجميع
وزوجك لاتضغطين عليه باين انه ممتاز لان مانسى اهله وطيوب معاك ,,
لاتتكلمين الا بالخير عنهم قدامه وروحي لهم لابد انك تتزاورين معهم لان مالك بد منهم
بالذات مثل ماقلتي امه مطلقه وهو وحيدها وحلو الولد تكون علاقته حلوه مع اهله
بالفيلا لاتقولي له ليش معطي اهلك هالقد غرف
لاااااا قولي له نحسب حساباتنا وانا وانت غرفه والعيال هالقد و و و باللين وفي ليله جميله
وحسني وضعك ابدئيها مجاملات وان شاء الله تتيسر لك ويصير كلام من القلب
تحياااتي اك تختي وفكري كيف تحطيهم بصفك ولو بالهدايا او انك تطلعين مع احدى خوات زوجك
مره زواج ومره سوق ومره قولي لهم فكره تستأجرون استراحه تسبحون وتغيرون جو
طبعا بعد ماتاخذي راي زوجك بالفكره ودبري لك طلعات معاهم وتلين القلوب ,,,,
الله يوفقك ولاتنسب تصلين الليل وتطلبين من الله يشرح صدوركمويؤلف بينكم وتتهنين وتستعدون جميعا
ولاتنسين ان ام زوجك بتكون تقريبا دايم معك ساكنه لانها ماعندها الا ولد وين بتروح عنه
راعيها ونفسيتها وابدئي منها وتحببي اليها والخير يجيك

 

[باقة امل]

طنشي ولا تقولين اهلك واهلك ترى بيقلب عليك وعلى اهله ويدور وحده تريحه ...سكتي ولا تيبين طاريهم بشي ..واذكريهم بالخير ... واشتري هديه لام زوجك واخواته... كل فتره ابعثي لهم اكل هديه .... واذا بيسافر يودي اهله قولي له اوكي .. بس انا المره الثانيه توديني ..باللين والكلمه الطيبه وسؤالك عن ام زوجك ولو بالتلفون بيرق قلبهم ..اذا بتروحين مطعم او حديقه اعزميهم بس مو كل مره ...اذا شرتي شي لك اشتريلهم بس مو كل شي... بيحبونج مجربته .. وادعي الله يهديهم ..ودوري لهم على ازواج بيحطونك على راسهم ...