زواجي بينهار واعصابي راحت خلاص

[ألم وأمل]

السلام عليكم ورحمه الله وبركاته

أخواتي ابي مشورتكم بمشكلتي اللي قاعده تكبر يوم بعد يوم

زوجي مو لمي ابد ولا احس اني احرك مشاعره صار بيننا برود

عاطفي بشكل كبير وكل يوم يكبر الحاجز اللي بينا....

مشغول على طول عني وبأيش ؟

بأشياء تافهه جدا جدا... ماصار فيه بينا حوار مشترك ولا بينا

جلسات وسوالف خاصه ...بالليل مالنا سهرات مثل

الازواج ...حتى من الناحيه الجنسيه بينا برود ...نادرا جدا مايكون

هو المبادر...ماعمره حسسني بأنوثتي ابد !!

واذا قلت ليه ليش؟

قال احنا زوجين مابينا هاالشي عادي مو لازم انا اللي ابدى....لو

اتركه شهر عادي عنده الوضع!!

مليت مقصر معي من جميع النواحي ...انا أنثى لي رغباتي ولي

احتياجاتي ابي اسهر معه... ابي سهرات رومانسيه ...ابي نسولف

بالليل مثل الناس !!

مثلا بالايام العاديه يجي من الشغل على النت طوال الوقت واشوف

وش يدخل يعني مايسوي شي غلط...يخلص ينام صاير الحديث

بينا لحظات بس واذا عصبت قال ليه تعصبين ...انتي دايم معصبه

:icon28: ...كل هذا ويبيني اتحمل...وماخفي كان اعظم يعني اشياء

كثيره ساكته عليها ومتحملتها ومافاد...

بالويك اند هو بجهه وانا بجهه!!

مستحيل اسهر معه ؟؟

مليت ياجماعه والله مليت ....حكيت معه مافاد ..!!

ايش فايده الزواج ؟

هل بس انا اللي اعاني من هاالمشكله والا كل الناس ؟وايش الحل

تكفون ؟

احس زواجنا بينهار ...خلاص ماعاد اقوى اتحمل:no:


تكفون ساعدوني خلاص بانهار وادعوا لي ان ربي يسخره لي

ويهديه ويتوب عليه مما يغضب وجهه ...

 

[ورده ذبلانه]

ياعزيزتي كل الازواج كذذذذذذذذذذذذذذذذذا يبيلهم صبر طويل
وانتي لاتياسين ابد ادعي ربك باليل والنهار ان يسخره لك
وصدقيني رجالنا مافيهم رومانسيه ابدا لانهم تعودو علي هالشي من طلعو علي الدنيا
ولازم الزوجه اللي تفاجئ زوجها بكل المناسباة اللي تخصهم
لازم التضحيه والصبر
واهم شي وسعي صدرك

 

[أحلى فراشه]

هلا حبيبتي شوفي انا كنت مثلك دايما متنرفزه وزعلانه لانه يطلع واحس وجودي وعدمه وااحد

بس غيرت نظرتي قلت انا مابي يجيني مرض من الهم معاه

بديت دايما لاشفته ابتسم واقرب منه واحاول افتح مواضيع تجذبه

وقد ماقدر احاول اسوي ليله رومانسيه هادئه وتكون بدري علشان عنده عمل يعني تبتدي 7 وتنتهي 9 يعني مبكره علشان

يحس اني مقدره انه عنده شغل >>>خخخخخخخخخخ

وطبعا اغلب الاحيان انا المبادره وكان يضايقني هالشي ابتديت انا كم مره بعدين جيته بعد فتره باسلوب كان في تغير بسيط

باختصار حاولت استمتع ومااكون الزوجه النكديه اللي مايعجبها منه شي

كنت انا المبادره بتعديل حياتنا جددت بيتي ونفسي اعتنيت بنفسي وطبخي تفننت فيه

جربي انتي بادري بهالشي بس المساله يبغالها صبر وتعب لاتملين لانه اغلب الرجال كذا حاولي تلقين مفتاح زوجك علشان

ترتاحين ياقلبي

اللي يبغالك تكونين مرحه هادئه مبتسمه واثقه من نفسك وتكونين متجدده

وبينعكس على حياتك كلها طولي بالك بس

وعرفي ان هذا الشي عاااااااااااااااااااادي

وكل ماشفتي روحك مضايقه صلي ركعتين وادعي ربك وبتشوفين نفسيتك كيف تتغير

طمنينا عليكي يالغاليه

دعواتي لكي

 

[العفيفه]

السلام عليكم ....يااختي الغاليه لا تشيلين هم ولا تزعلين نفسك والله ان الحياة الزوجيه كذه مابين اشتعال وفتور فلا تفكرين كثير وهذا الكلام عن تجربتي الشخصيه مرت سنين كلها تجدد وحب ملتهب وحركات وجا بعدها سنين فتور وملل وانتقاد مني له انه سار مهمل وما عاد يحبني ولا حياة لمن تنادي والحين الوضع بدا يتحسن ويصبح فيه نبض لحياتنا وتجديد وهذا تجربة عشرين سنه زواج ماشاء الله يعني خبره وخذي الحكمه من افواه .........السابقين.

 

[سنووايت ظفار]

حبيبتي ىتعبين حالج الرياييل اغلبهم كذي شوفي انا
***
متزوجة صار لي 8 سنين وزوجي مايوم سأل عني تعبانة ولا لا
***
ابي شي ولا مابي بس كل همه اني اتحول سميه الخشاب
***
بس متحملة هذا قدرنا​

 

[حبيبت رشيد1]

الله يعينك ويهديه لكي ويحنن قلبه عليك

 

[ألم وأمل]

ورده ذبلانه كلامك صحيح بس المشكله نمل مانقدر نستمر الله يعينا بس ويصبرنا ويسخرهم لنا


احلى فراشه كلامك اثلج صدري بصراحه وريحني الله يجزاك كل خير يارب والله يسخر لنا رجالنا يارب

 

[ألم وأمل]

العفيفه وعليكم السلام ورحمه الله وبركاته ماشاء الله جعلها 100 سنه ملينه بالحب والافراح يارب والله يجزاك خير يارب على كلامك الله يعدي الايام الصعبه على خير يارب


سنووايت ظفار الله يزينك بعين زوجك يارب

 

[ألم وأمل]

حبيبت رشيد امين يارب الله يجزاك كل خير يارب ويحقق لك ماتتمنين دنيا واخره

 

[rosstar]

والله الحال من بعضة ولا عمرة سهر معاى يااما ينام او يسهر برا ويجى الصباح ويمر اليوم كلة بدون اى كلام اقدر اعد الجمل اللى نقولها فيومنا لاكن مااقول غير الله المستعان اظن انى بديت اتبلد وهذا هو الحل عندى الحين

 

[كرهت عيشتى]

الله يرقنا الصبر
ان شاء الله ندخل الجنه بسببهم:icon1366:

 

[ذكريات الطفوله]

والله اغلبنا كذا يالغاليه وانا اولكم:no::no::no:
تكفين لاتتضايقين:dunno:
حاولي تغيرين من شكلك وشخصيتك خلي العصبيه وربي ماتفيدك:icon28:
سوي ليالي رومانسيه وحركاااات وبركااااااات:cupidarrow:
واذا ماتعدل ناديني عليه اوريه الشغل:flex::flex::flex: ههههههههه
اضحكي عاد علشاني
الله يبعد عنك الهم والاكتئااااااب يااااااارب:bye1:

 

[ألم وأمل]

rosstar انا تبلدت ومليت اقولكم اللحين صايره خطر الاقتراب سريعة الاشتعال من جد مليتتتتتتتتتتتتتتتتتتتتتتتت الله يعينا بس ويفرجها علينا يارب

 

[ألم وأمل]

كرهت عيشتي امين يارب الله يرزقنا الصبر والجنه ياحي ياقيوم

 

[ألم وأمل]

ذكريات الطفولة ياحبيلك والله ههههه هذي عشانك ياالغاليه ...تصدقين عاد سويت حركات وبركات وطناش هههههه << هذي من الحره...

 

[ام ناصرخطابه]

اختي مدري ابي اقولك طريقه انشاء الله تنجح
اتغيري كلك يعني تحولي لاعكس الي انتي عليه الحين
اجلسي مع نفسك وشوفي انتي بنسبه له كتاب مفتوح حاولي تلفي الغموض حولك او عندك سر وشاغلك خليه يقول وش فيها ذي وش عندها
دوري زين بافكارك حنا حريم واذا نوينا على شي انسويه
اما من ناحيت الجنس غيري لبسك كله شعرك كل شي فيك ادري صعب موب سهل لكن هذا الي قدامك
كني مبادره من ناحيت الكلام بس بغنج ودلع انتي ما تسوي عشانه انتي تسويه عشان انتي انثى حلوه رائعه منتي محتاجه رائيه عشان تعرفي انتي انثى رائعه ولا لا خليك غامضه غامضه جدا بنسبه له سوي حركات خليها تحرك الفضول عنده حتى لو تمثيل
من ناحيت الجنس في نسبه كبيره من الرجال يحبون تكون الحرمه هي المبادره وتكون جريئه في كلامها معه عن هذا الموضوع تراها موب عيب ولا هي حرام ترى حقك وعادي ان طالبتي فيه عادي جدا لا تخجلي بالعكس بمكن يكون زوجك يحب انك تكوني مبادره وجريئه
اختي جربي نصيحتي ونشاء الله تفيدك

 

[مؤاسم الدهر]

الله يعين

 

[ألم وأمل]

ام ناصر خطابه الله يجزاك خير يارب على النصايح ...تصدقين عاد اني كتاب مفتوح ومقطعه اوراقه بعد كل حاجه اقولها ماعندي سر ابد ولا اعرف شي اسمه غموض ..تتوقعين هذا السبب؟
باجرب كلامك وعلى الله يفيد..

مؤاسم الدهر امين يارب

 

[ورد ابيض]

احلى فراشة ما قصرت بشي ,الله يعينك ويوفقك..

 

[غضى نجد]

حبيبتي ىتعبين حالج الرياييل اغلبهم كذي شوفي انا
***
متزوجة صار لي 8 سنين وزوجي مايوم سأل عني تعبانة ولا لا
***
ابي شي ولا مابي بس كل همه اني اتحول سميه الخشاب
***

بس متحملة هذا قدرنا​

ههههههههههههههههههههههههههه ياربي من زوجك والله الي فاضي
ههههههههههههههههههههههه

السموحه منك بس والله غصب ضحكت لما شفت ردك بس كان قلتيله يالغلا ونت ليتك تحول توم كروز خخخخ