شغف
شغف
شغف
شوري علي ياشغف
طبعا نبذه بسيطه عني
انا وزوجي جنوبين شرقيين اعتقد
تزوجنا عن علاقه
لي اربع سنوات زواج وعندي ولدين
زوجي من الشغل لربعه
الين 11 او 12 بالليل
قليل جدا يقعد معانا او مع عياله
طبعا مرينا بالخيانه كذا مره وانشالله انه تاب
وانا تعلمت ماعاد اطلب شيء
يعطيني المصروف وبس
يعني ما اقوله ودنا ولا جبنا
عشاني اعرف انه بيرفض
تعرفين ياعنده مباراه بالاستراحه يا يقول القول المشهور حقه
( اذا بغيتي تروحين مكان عطيني خبر قبلها ما تجين وتقولين لي فجأه )
والويك اند اروح اقضيه عند اهلي
طبعا كل شهرين ثلاثه يلتفت علي فجأه ويقول انتي تعرفين اني احبك صح
واقوله اي صح
البارح كان نايم بالصاله بعد الدوام
وطلعت وتعدلت وقعدت جنبه وقلت لولدي قول لبابا يودينا مطعم نتعشللى
والله لا يوريك احسه فجأه قلب
لاعب ولده شوي وبعدين قام ولبس وقال انا طالع
قلت ليش ما تودينا
قال تاخر الوقت نطلع للعشا
طبعا الساعه يمكن 8 :30
وطلع دقيت عليه تلفون
وقلت له خير عسى ماشر وش ذا الحياه
انت ماعندك بيت يا في الشغل يا في الاستراحه
انا طول هالفتره ساكته ما اطلب شيء اقول يمكن يحس
وانت خلاص ماعاد تعترف فينا
الويك اند اروح لأهلي وايام الاسبوع ماتودينا ولا تجيبنا
حراااام عليك يا يخ
قال انتي وش تقولين والعيال وش نسوي فيهم
قلت ناخذهم
قال مايعرفون يتصرفون يسووون لنا قلق
قلت عشانك ما عودتهم تطلعهم
لو انك دايم تطلعهم كان تعودا على جو المطاعم وصاروا هادين
قال بكره قلت مابي
قال لي حسني اسلوبك معي
وبعدين افكر
قفلي السماعه ودقي مره ثانيه واطلبي باسلوب
قفلت وارسلت له لابوك لابو طلعة من وراك
انقلع
تبيني اشحذك طلعه ماعاد الاهي
الله يلعني ان عاد قلت لك طلعني
دق علي مارديت
ارسل لي انا كنت عند الباب بطلعك بس انتي مارديتي
وبعدين ارسل لي دامك حاطه في بالك اطلعك ماراح تطلعين
خليني انا ابغى اطلعك
وانتي اذا اشتهيتي سوق قلت حبيبي طلعني بس صعبه عليك تقولين حبيبي طلعني مطعم
عاد هو يحب سالفة انت ماتقولين لي كلام حلو وماتقولين حبيبي
سبحان الله في كل تصادم بينا يقلب على نفس السالفه
انا اقول له بس مو دايم
صعبه تنادي الوحده زوجها حبيبي لما تحس انه مهملها والله صعبه
الزبده
جا اخر الليل يبي يسولف معي
رجع يمكن وحده
ماعطيته وجه رحت ونمت
طبعا قومني يوم انتهى من السهر قدام التلفزيون ونام معي
هذا الشيء يصير في كل مره نتهاوش
تجاوبت انا معه
واليوم الصبح رجعت بوزت مره ثانيه
ابغى حل جذري ما ابغى اعديها زي كل مره
مهب حاله طلعته برا الييت كذا
ومهب حاله اخذ لي سيارة اجره ولا ادق على سايق اهله كل مره ابي اروح مكان تعبت يا شغف
قولي لي وشسوي