صديق زوجي

[أم الأصيل]

مابطول بدخل بالموضوع سيدا...........
زوجي شمالي شرقي وانا جنوبية غربية..
عند زوجي أصدقاء كثير بس في واحد ماأرتاح إذا طلع معاه لأنه قبل مايطلع معاه لازم يختلق مشكلة ويتلفظ عليه وعنده لزمه اسمها مالك دخل:icon28: ولايقول انه رايح لفلان اعرف من طريقته والباقين عادي هو يقول انه طالع معهم ويكلمهم قدامي .. بس يطلع معهم ساعتين ثلاث بالكثير ويرجع مبسوووط اما صديقه هذا يقعد معاه خمس او ست ساعات وينكم ؟؟؟ في المقهى متى جاي ؟؟؟ الحين جاي. طبعا مايرد دايم... لأني أكره صديقه وأشك في أخلاقه أقوم أزعجه بالاتصالات.. وش فيك تأخرت في القهوة... طيب بالله هذول مايتعبون... أقول ليه تتعب إذا طلعت معانا شوي وتطلع معاه هذا الوقت كله ماتتعب يقول جالس ماـحرك.. عنده رد لكل سؤال .. انا لو أعرف كيف بقضون هالوقت ماهمني بس قهر ما أعرف.. مع العلم إن أصدقاءه معاه من زمان وعلاقته معهم قويه بس طلعلته مع هذا الكريه:icon1366:.. دعيت الله وغاب شهر وحمدت الله المصيبة رجع ومن أول طلعة تهاوش معي زوجي وقال انتي ليه ماتروحين بيت أهلك فهمت إن الأخ رجع لأن الشهر اللي غابه كان زوجي يدلعني ويطلعني وهذا كله راح برجعته رحت لبيت أهلي وقعدت 6 أيام بس للأسف أحتاج زوجي عشان عيالي محد يجيب لهم طلباتهم .. غير إني ماأبغى أحد يزعل مني ... رجعت والحمدلله مااتصل عليه .. بس احس إني بموت إذا دق عليه عشان يطلعون مع العلم إنه متزوج بس غثيث.. طبعا فيه حلول كثيرة بس أحب أشوف رايكم وتكفون ادعوا إن ربي يصرف زوجي عن الحرام وعن هذا الصاحب... لأن زوجي يخاف الله بس له حركات بايخة بس المهم الخوف من الله موجود ومحافظ على الصلاة مع الجماعة وفيه طيبة مايظهرها وكريم وووووووو... هيا لحد يقول إذا فيه كل هالصفات ليه ماتتركينه يستانس.. المسألة شخصية وحساسة بالنسبة لي لأني تعرضت لإهانات بسبب هذا الصاحب.. اللي ماعندها حل تدعيلي بالله عليكم.. وترى فيه تفاصيل بس ماأحب أذكرها عالعام..:shutup:
تحياتي لكم أتحفوني بآرائكم ودعواتكم علنا وفي ظهر الغيب:icon26:

 

[نفيلة]

عزيزتي يمكن لانك تغثينه لما يطلع مع هذا الشخص بالذات علشان كذا هو يغلط معاك
تريدي تعرفي طبع صاحبه اطلبي منه يعزمه مع زوجته علشان تتعرفي عليها و خليك حبابة معاها لا تعملي لها تحقيق صيري صديقتها زي ما زوجها صديق زوجك خلي زوجك يحس انك تثقي به و توقفي عن الاتصالات و ازعاجه و احراجه قدام الرجال .
و عزيزتي زوجك ما بزر كل شوية تسالينه وينك في انت لما تطلعي لصديقاتك ما اعتقد تحبي كل شوية يتصل فيك و يسالك متى ترجعين لانه بيكدر عليك فسيبيه و اشغلي نفسك بذكر الله لما يكون مع صاحبه و ما يحتاج تسالينه قبل ما يطلع وين رايح
اذا قال طالع قولي بحفظ الرحمن و ادعيله رب يحفظه و يحميه

الله يهديك و يهديه

 

[قلب ذاكر]

حبيبتي ليش هالغيره اللي ما لها داعي الحين صدقيه ومحافظين على الصلاه والحمدلله ما يروحون اماكن شينه خافي ربك واحمديه على النعمه انتى ما تشوفين البلاوي اللي بالمنتدى منراى مصائب الناس هانت عليه مصيبته
الله يسعدج ليش ما تتوددين له وبيني لزوجج انج حاسه بغلطج وتدرين شنو تسوين حاولي تتعرفين على زوجته بهالطريقه
بتعرفينه اكثر وراح تطمانين وزوجج راح يكون سعيد لان صديقه اللي ما يتغني عنه تعرفتي على زوجته
ويارب يارب يسعدج وخلي عنج هالسوالف اللي تكره الرجال في مرته ولا تدخاين الشيطان بينكم بارك الله فيج ودايما ادعي الله يبعده عن عيال الحرام وبنات الحرام

 

[ام المختار]

الله يعينك على ما بلاكي
فعلا كلام أخواتي صحيح حاولي تخفي من أتصالاتك عليه وهو طالع مع صاحبه هذا وأستبدليها برسائل شوق وأن البيت موحلو بدونه ومن هالكلام
والله يسخرلك زوجك ويسعدكم
موفقه

 

[أم الأصيل]

يابنات السالفة إني ماأتصل عليه إلا لما يطلع مع هذا الشخص عشان يستعجل ويجي ولا أغثه إلا بعد ماتمر 3 ساعات وبعدين وش يضمن لكم إنهم يروحون الأماكن اللي يقولونها وكمان أنا كنت أعرف زوجته هي روعة بس علاقتي فيها انقطعت لما نقلوا ولما نقلنا احنا نفس المنطقة انقطعت أكثر لأني أنا ما أقدر أخبي راح أقلها على طووووووووول بالله فكينا من زوجك وأخاف أحرجها وأحرج نفسي هي مالها ذنب.. بس إنتم ظلمتوني لأنكم ما سألتموني وش سبب كرهي لهذا الشخص بالذات..؟؟؟؟
أختي نفيلة .. يااااااااااااااااليت زوجي يقعد يدق علي كل شوي ويقول متى بترجعين إلا بالعكس ما أروح عند أحد كثيير لأنه يلطعني عندهم وأنحرج منهم ومرة جاب زوجة زميله هذا وأخذ زميله وطلعوا وخلاها عندي خلصت القهوة وجاء الشاي وخلصت السواليف والأخوان مارجعوا والمشكلة أول مرة نتعرف على بعض.. شكرا لردك جزاك الله خير شكلك شمالية وهذا الشي نفعني من خلال ردك
أختي قلب ذاكر جزاك الله خير عالرد وانا أكتب مشكلتي الهينه أدري إن فيه مصائب عظيمة أنا متابعة جيدة للمنتدى ولكن حبيت أفضفض لأن ماعندي أحد أقول له هالكلام غيركم.. شكرا عالدعاء..
أختي أم المختار أنا أبيه يطلع بس مو مع هذا الشخص ومهما أسوي مابيرجع إذا طلع معاه لو مع غيره كان رجع طيران مع إن أصدقاءه الثانيين مقربين له أكثر.. الله يعطيك ألف عافية عالرد

 

[ام القمورات]

الله يعينك اختي ويصبرك والله حاسه فيك
طيب مكن توضحين وش سبب كرهك لهذا الشخص علشان نقدر نساعدك

 

[ran4]

الله يحصنهم عن الحرام
وكل شيء يهون بعدين
وشكلك ماخذه موقف من هذا الرجل شو السبب الله اعلم؟اذا كنتي موماسكه عليهم شيء لاتدققين لانه ماراح يتعب الا انتي
واحسها صعبه انه تفرضين على زوجك اصحاب معينين روح مع فلان ولاتطلع مع الثاني!احسها مو حلوه كأنها فرض رأي لو جاءني زوجي يقول لاتكلمين فلانه من صاحباتك برفض تدخله(هي صديقتي او صديقته)حتى لو قال غثيثه
ياحبيبتي اذا مافيه شيء بأخلاقه لالاتتعبين نفسك على شيء مايسوى
والله يسخره لك

 

[نووور الدنيـــا]

ذكرتيــــــــني بصديقتي مع زوجهااا نفس الموضوع
ماتحبه يطلع مع واحد من اصدقاءه ليـــــــــــش؟؟
ماتعجبه شخصيتـــــه ,,

انتي تأكدي من شكوك قبل لا تحكمين ع الرجال
واتجهي الى الله
أدعي انه يعبد زوجك عن الحراااام
يمكن زوجك يرتاااح اذ طلع مع هذا الرجال

اللهم ابعد جميــــع ازواجنا عن الحـــــــرام
بفضلــــــــــك ورحمتـــــــــــــك
اللهم آآآآآآآآآآآآآآآآآآآآآآآآمين

 

[أم الأصيل]

شكرا لردودكم أسعدتموني أم القمورات وrawanajd ونور الدنيا
القصة ومافيها إني من أكثر من سنتين كنت نايمة ورن التلفوون واستمر أكثر من مرة لين قمت أرد طلع رقم زوجي يرن بجيبه وهو مايدري وكان هذا الشخص يسأل وش رايك بقصة فلان تزوج أربع وزوجي كعادته يراوغ مايبي يجاوب وهذاك مصر وش رايك ثنتين من هنا وثنتين من هنا يقصد اليمين والشمال ورد عليه زوجي رد أحتفظ فيه لنفسي لأنه في مصلحتي
وجيت بقفل الخط إلا وزوجي صرح له بسر خطير عن نفسه (( خيانة صغرى)) وكيف إنه تاب وإنه أول مرة.. بنات أجبرتوني أتكلم عن شي لطالما آلمني الل يسامحكم شوي وأكمل

 

[أم الأصيل]

الخلاصة ماعند هالرجال سالفة إلا الحريم والزواج فلانه سوت كذا وفلانه طلعت مع ... وهاتك ياقصص ... حتى إن زوجي قعد فترة يشك فيني ويراقبني وأنا مبسوطة.. غير إن زوجي صرحله بسر من أسراره وشخصية زوجي مو كذا وأول مرة وآخر مرة أتوقع يقول لأحد بس ذيك الأيام كنا متزاعلين بسبب محاولته إخفاء جواله ومراقبتي عشان ماأعرف شي عن اللي سواه وهذي بحد ذاتها حاجة حلوة إنه خايف على مشاعري يعني العيب مو من زوجي العيب من رفيق السوء هذا والمطلوب دعواتكم..

 

[شهد الحلوه]

الله يعينك ويوفقك بابعاده يارب
رفقاء السوء بلاء الله يكفينا شرهم
الله يبعده عن طريقه عاااااجلا غير اجل

 

[أم الأصيل]

الله يعينك ويوفقك بابعاده يارب
رفقاء السوء بلاء الله يكفينا شرهم
الله يبعده عن طريقه عاااااجلا غير اجل

آمييييييييييييييييييييييييييييييييييييييييييييييييييييييييييييييين
جزاك الله ألف خير

 

[*الدلع قصيمي*]

رددي كل وقت وخاصة بآخر الليل وبين الاذان والاقامة وآخر ساعة من الجمعة..

اللهم من ارادني او زوجي او ذريتي او احد من المسلمين بسوء اللهم واشغله في نفسه ورد كيده في نحرة,,وصلي اللهم على محمد..

 

[moon ligth]

الله يعينك

والله اني عندي نفس مشكلتك بالضبط

وزوجي عنده صديق خسيس مثل الجزمه

راعي حريم وله مغامراااااااات بالهبل وبحكم انه دكتور يبصبص

واغلب الممرضات له قصص معهم ..

هذا غير اللي يتزوجهم ويطلقهم وحياته الزوجيه فاااااشله مع زوجته

وباليني بلوه ....

تخيلي اذا تزاعل مع وحده منهم مايرد عليها بالتلفون .. ومن قبل معطيهم رقم زوجي

واذا زعل معهم ومارد بالتلفون يبدون يزعجون زوجي وينه وينه

وتصير مشاكل بيني وبين زوجي بهذا السبب

ودائمااااا ادعي على صديقه بالموت والامرااااااض والهم

والحمدلله تعب قلبه عساه يوقف يااااارب

وسوى عملية صمااام القلب وكله من دعاويي

وعقباااال الجلطه

 

[مافي حل]

بقولج شغله الريايل مستحيل يتركون صديق عزيز على قلبهم لاي سبب يمكن يبتعدون فترى ويرجعون بس ينساه مستحيل انا زوجي له صديق من عشر سنين وانا مقهوره منه لانه سيء وراعي بنات ومزواج وسكير ولا بعد يصلي وينصح ريلي بالصلاه يقوله جوف انا كل شي اسوي الى صلاتي مااخليها بعد بغنيها مصدومه من ربيعه بس والله انه ماتركه مع كل المحاولات حتى انا كنت انقهر ان ريلي مايرد عليه لو يكون معاه ولا يرد ويقلي انا مع فلان يعني افهمي لاتدقين والحين صار له فتره طويله محبوس مع الزوجه الثانيه ماتخلي يطلع من البيت خخخخخخخ ونا ايلس اعاير ريلي بوناسه بعد ها عشان مرته لبسك تلفون مايرد لكن عندما زوجته تطلق صراحه قصدي تفتح القفص ترد الحشره والحشرا نصيحه تعودي تعودي بس اذا زوجج يحب يقلد ربيعه مصيبه انازوجي يقلد ربيعه وايد حتى الفتره الي هوتزوج فيها ريلي كان يبا يتزوج ولي انا خايفه منه ان زوجي يتزوج بالسر مثل ربيعه فالبدايه مع انه زوجت ربيعه الاولى ملاك دين واخلاق ونسانه عايشه لربها وابنائها تكسر خاطري بنات امانه تدعولها الله ينصرها ويرجع زوجها لها وينسى الثانيه الظالمه حتى عيالي تمنعه يشوفهم لمدة شهر اويكلمهم الى اذا سافرت

 

[زكريات ايامنا]

الله يهديكم ويهدي لك زوجك

 

[حبيبت رشيد1]

الله يسخره لكي ويبعد عنه رفيق السوء

 

[الملكة المتألقة]

الله يبعد زوجك وزوجي وجميع أمة محمد عن
أصدقاااااااااااااء السووووووووووء

 

[أم الأصيل]

رددي كل وقت وخاصة بآخر الليل وبين الاذان والاقامة وآخر ساعة من الجمعة..

اللهم من ارادني او زوجي او ذريتي او احد من المسلمين بسوء اللهم واشغله في نفسه ورد كيده في نحرة,,وصلي اللهم على محمد..

جزاك الله الجنة هذا ماأردده دائما

 

[أم الأصيل]

الله يعينك

والله اني عندي نفس مشكلتك بالضبط

وزوجي عنده صديق خسيس مثل الجزمه

راعي حريم وله مغامراااااااات بالهبل وبحكم انه دكتور يبصبص

واغلب الممرضات له قصص معهم ..

هذا غير اللي يتزوجهم ويطلقهم وحياته الزوجيه فاااااشله مع زوجته

وباليني بلوه ....

تخيلي اذا تزاعل مع وحده منهم مايرد عليها بالتلفون .. ومن قبل معطيهم رقم زوجي

واذا زعل معهم ومارد بالتلفون يبدون يزعجون زوجي وينه وينه

وتصير مشاكل بيني وبين زوجي بهذا السبب

ودائمااااا ادعي على صديقه بالموت والامرااااااض والهم

والحمدلله تعب قلبه عساه يوقف يااااارب

وسوى عملية صمااام القلب وكله من دعاويي

وعقباااال الجلطه

لاحول ولاقوة إلا بالله بسببهم خلونا حاقدين ونتمنى لهم حتى الموت الله يعينك مصيبتك أكبر مني بس ماعليك دام زوجك مايقلده