مين جربت الصبخه لعلاج التوحد؟

[ام اليافعي]

عندي ابني عمره سبع سنوات مصاب بالتوحد بديت من حوالي ستة ايام تقريبا اوديه عند ممرخه تسويله صبخه .الثلاث الايام الاولى عادي مكان في شي بس الثلاث ايام الاخيره صارعنده خمول واكتائب وبكى من دون سبب وتجيه الاعراض بعد ماتسويله الصبخه بس بعد ماروشه ينام ويقوم الصبح مافيه شي سالتها قالتي هذا من تاثير الصبخه يعني طبيعي . ياريت لو احد مجربه هذا النوع من العلاج تقولي وش كانت النتيجه هل استفادة او لا .وربي يعني ويعينكم وياجرنا على صبرنا ان شاء الله

 

[اوراق الماضي]

الله يشفيه لك وتفرحين فيه يارب

 

[الجده الصغيره]

؟؟؟؟؟ صيخه لعلاج التوحد...وشلون عرفت الحرمه اللي تصبخ.... التوحد؟؟....

 

[ام اليافعي]

اوراق الماضي الله يحفظك ويخليلك من تحبين نورتينا بمرورك ياغاليه
​

 

[ام اليافعي]

اختي العزيزه الجده الصغيره الصبخه عموما تستعمل كعلاج لامراض الدماغ او الراس وهذا علاج قديم لكن في ناس قالولي ان الممرخه نفسها جربتها على بنت اختها الي كان عندها توحد وتعافت منه بعد ارادة الله وهي الحين متزوجه وعندها عيال .انا استخرت الله وتوكلت عليه وراح اعمل بالاسباب وربي يجعل شفاءه بيديها باذنالله لان المستشفيات ماجابلونا الا وجع الراس والتعب.عطرتينا بمرورك ياغاليه

 

[مللت الإنتظار]

يا أختي جربي مو خسرانة شيء

أنا أسمع أهلي يمدحون الصبخة للعلاج

بس ما أدري الصبخة هذي اللي تسويها الحرمة من فين تجيبها ؟ أو كيف تسويها ؟

عموما جربي إن شاء الله ربنا يشفيه لك وطمنينا ربي يطمنك وتفرحين فيه

 

[خدود الورد]

الله يشفيه وتبشرينا بشفاءه يارب

 

[ميوسه]

عزيزتي

هل لاحظتي تغير عليه او تحسن

ربي يشفيه ويخليه لك

 

[رفـحـاء]

ربي يشفيه

بالنسبه للعلاجات والادويه الشعبيه وغيره

اهل الطفل او(المصاب) حرصهم لن اقول عنه زائد

بل بنظرهم قليل وهم يفعلون للاسباب

سواء كانت صحيحه او غير صحيحه

الاخت الجده الصغير (اطال الله بعمركـ..)

ع قول المثل(اللي يده في المويه مو مثل اللي يده بالنار)

انا وانتي ننتقد ونقول هذا ليس من الصحيح بشي

 

[خوااطر1]

مرحبا

اختي وش اسم الممرخه وين مكانها تكفيييييييييييين ضروري الله يوفقك ويشفي لك ولدك انا عندي ولدي الوحيد توحدي الله يكتبها في موزاين حسناتك

 

[تراب الجنه]

الله يشفي ولدك وكل اطفال المسلمين يارب في كل مكان امانه امانه طمنينا عليه وطولي بالك لان العلاج بالصبخه ياخذ27يوم اقل شي وحافظي عليه من التوتر والعصبيه والزعل الله يشفيه يارب

 

[الى الله امضي]

وش هي الصبخه ؟

هندنا في الجنوب الصبخه بقعه في الارض يختلف لونها كان احد صاب عليها زيت وترابها ناعم ياخذون التراب ويعجنونه بمويه

ويلفون به على التوائات القدم او الاورام

 

[اناسكره]

ارجوكي اش اسم الحرمه الي تعالج بالصبخه وين ساكنه ضروري ارسلي رقمها على الخاص ولد اختي 3سنوات وعنده توحد

 

[حلم الرياض]

انا جربتها لولدي يعاني من طيف التوحد عند الداية أم مصعب بالرياض جدا معروفة المهم جربتها أكثر من شهر كانت تحط الخلطة في ورق الكرنب وتضعها على رأسه وتلفها وتجلس 8 ساعات ع راسه لكن للأسف لم ارى أي نتيجة فتوقفت عنها ولم أكمل
اذا فيه وحدة جربتها وفادت معاها ارجو ان تذكر تجربتها والله يشفي أولادنا وأولاد المسلمين