افيدوني بحيرتي الله يجزاكن خير,,

[محتاره من امري]

السلام عليكم ورحمه الله وبركاته
ويسعد صباح جميع الملكات

يااااابنات انا تعبت كثير من تعامل زوجي معي
والله والله اني تعبت لدرجه اني اتمنى الموت اله وادعي عليه في كل حين
تعبني وحيرني


بقولكم شو صار معي
في هالشهر الكريم ماااذكر مر يوم حلو معه الا 3 الايام الاولى
والى اليوم بعاني من مشاكل

اول اشي,,
انا بلبس عبايه على الراس لانه هو اقنعني بهالاشي وركزو على اقنعني يعني اقتنعت في العبايه
فمرت علي مواقف من ناحية العبايه خلتني اخذ فكره اني اغيره الى عبايه مغربيه
اللي هي الطاقيه ,,

 

[ممنوع من الصرف]

مافهمت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[شيخة باسم]

وضحي قصتك اكثر

 

[محتاره من امري]

اسفه بكمل الموضوع ..

طبعا شاورته عليه هو رفض
في الاخير مارادته صار ع الموضوع 6 ايام وكنت عند اهلي وخلاني انام عندهم تاني من يوم روحني
لمن روحت لاقيت العبايه معلقه ناداني وقال جيبي معك قران
جيت وجبت القران قال احلفي على القران انك مالبستي العبايه
استغربت وقلت اله اللي بينا اكبر من العبايه
وماله داعي احلف
..

كبرت المشكله واجو اخواني ,, في الاخير طلعني انا الغلطانه قدامهم لاني معليه صوتي عليه
انا اللي زعلني ايش معنى اليوم تسئلني عن العبايه وهو مر عليها 6 ايام

راحو اخواني واعتذرت لاني عليت صوتي
وساويت السحور والعالم ربي انه تعبني في السحور
بعد مااعتذرت وانه يقول اللي القرار بيدك

ولاكاني معتذره


طبعا انا صليت استخاره عشان الطلاق ورايت رؤيه اني انزل من الدرج بعد ماصليت استخاره

ومرت الايام واحنا مانحاكي بعض
ومشكله ورا مشكله

الين ما انا تعبت واللتهبت اللوز عندي
وقلت اله بروح عند اهلي طبعا نشف ريقي ورفض لا يوديني
وداني المستوصف
وانا راجعه طلعت البيت لوحدي ولا كان معي وانسدحت على السرير
واتاري هالسدحه كان اغماء
اخواتي سيرو علي وكسرو جوالي وكسرو تلفون بيتي ولا حسيت عليهم
بالاخير هو طلع ولاقى اهلي على الباب وفتح الباب الهم
جو بيفاجئوني الا انا اللي فاجتهم بااغمائي وجهي المزرق والمكتوم
اخذوني على المستشفى وهولاتحرك ولاحرك فيه شعره من ناحيتي
وروحت مع اهلي على بيتهم
وصار الي يومين عندهم ولادرا عني ولا اتصل يسئل عني
ارسلت اله مسج عتاب
وجا يقولي المفتاح معك روحي وماعليك شر
تعالي للبيتك طلعت ريحته
واستخسر يقول اللي الحمدالله على سلامتك
طبعا قلت اله مافي سياره تروحني واخواني مو هون وابوي صعب جدا اطلبه
قال دبري نفسك انا سيارتي خربانه وقبلها قال سيارتي مو معي ( يعني كذاب)
ابوي اتفاجئ من رده
وبالفعل ابوي روحني ولمن وصلت البيت لقينا سيارته واقفه ه الباب
وقلت ممكن الحين يعبر ويقول كلام يجبر بخاطري
وبالفعل قال الحمدالله ع سلامتك هذا انت مافيك الا العافيه
بعد ماخلص من اللي يبغاه
طلع من الحمام وانتم بكرامه ع طوووول يهاوش ويقول ليش تاخذ اغراض من بيتي من دون اذني هنا يقصد انه اني اخذت الذهب ووديته لعند اهلي وعاد والله مااخذته ضلمني في هذه ويقول اللي انا دورت ومالقيته
وليش ليش
وبكره اشوف ايش سالفه مرضك واسوي الك فحوصات حتى اشوف ايش فيك يقول بصيغه انه مكذبني

قووووووولولي ايش اسوي معه اطلب الطلاق ولا لا
بالرغم اني استخرت اكتر من مرا
واحس اني مرتاحه من ناحيه الطلاق

انا اللي معه 5 شهور ومنشف ريقي هيك ولسى مافي حمل ومور اضي يخليني استخدم موانع

بالرغم اتذكر باسبوع العسل قالها اللي وبكل صراحه انه امه قالت اله
اتزوج وخلف منها وطلقها بعدين
هذا الحكي سمعته وانا في شهر العسل

 

[روزيلاند]

وانتي ما عندك كرامة تجلسين مع واحد ناوي يخليك تخلفين منه ويطلقك !!!
وش هالنيات الخبيثه اللي في بعض المخلوقات
اذا اكرمتهم تمادووا
.
.

 

[فراشة الشوق]

الله يعينك اختي ويصبرك
شكل الرجال نفسيه اذا انتي تحسين انك مرتاحه بالاستخاره فكري زيييييين ترى الطلاق موسهل واذا انتي ماتحبينه انفصلي عنه والعمر قدامك قبل مايجيك اطفال انتي شاوري اهلك فالموضوع وتحسين انهم معك توكلي ع الله والله يسامح امه على الكلام اللي قالته المفروض ماتقوله وش ذنب الاطفال يعيشون بدون امهم والا ابوهم .​

 

[دلوعه ابوهاا]

يمه

الله يعينك يالغاليه

ويصبرك

 

[محتاره من امري]

مشكووووووووررررت على الرد ويجزاكن خير
اي بصراحه انا كرهته من تصرفااااته
وربي ماصرت اطيقه ولا اطيق العيشه معه

 

[fl0o0ry]

ايش هالناس المتخلفه مايخافوا الله ببنات الناس ع بالهم لعبه ماعندهم بنات
كيف تخلفي منه وتطلقي لا يااختي لاتحملي منه فراقه عيد هو واامه
راح تنظلمي معاه كثير دام كده تفكيرهم اسخيري وقولي لاهلك عن نواياهم
واطلبي الطلاق ولاتتوهقين وتحملي ويحرموكي منه حسبي الله ونعم الوكيل

 

[محتاره من امري]

يعني اطلب الطلاق وانا مرتاحه الضمير
لاني اخاف انحرم من ريحه الجنه
وربي انه هذا اللي خايفه منه

لانه عنده اخت مطلقه وبنتها معه فحسيت هالاشي طبيعي عندهم

خايفه اني اخلف منه ويطلع امه وابوه مفصولين

 

[انا رائعه]

حسبي الله و نعم الوكيل

 

[محتاره من امري]

باختصار مشاكلي مع زوجي هي كالتالي:
تكرار الخطاْ نفسه,
الاهمال بي
عدم احساسي باني زوجه
سيء الظن فيني للاسباب تافهه
النقاش معدوم واذا اتناقشت او حتى دافعت عن نفسي يقووول انتي تراددي وصوتك عالي
مااعرف اشي عنه ولاحتى عن عمله ولا حتى اعرف ماذا يمكلك خصوصا في الفتره الاخيره عرفت انه مشتري ارض
صراع مستمر
هو ينبش ويطلع المشاكل
تنازلي للكثير من الامور قالي انتي ماتحترمي الزوج
يتهمني اني اخذ اغرض من بيته من دون اذنه
حتى مستحقاتي وحقوقي الخاصه متل الذهب لم اكون برا البيت يدور عليه ويسئلني عنه اذا رجعت
اي كبيره وصغيره تسير في بيتي اهله بيعرفو عنهااا

اذكر اني انسئلت عن نقاااش دار بيني وبين زوجي وتفااجئت وقتها انه حااكي لا اهله

تدخل اخواته بحياته

كلها هذه الاسباب وانا متحملته
حتى المطبخ يتحكم فيه ,, وحتى باغراضه يحركه ويغير اماكنها ولا كاني موجوده
وفي الطبخ يخليلي ورقه بس اصحى الصباح اقرا
ويكون مكتوب فيها كالتالي
اعمليلي ايدام باميه وبطاطس وباذنجان ويكون مقطع صغير
واعمليلي ارز ابيض وشعيريه ويكون الارز مغسل اكتر من مرااا يعني نظفي الارز
اعمليلي سمبوسه لحم وجبنه واقليه ولاتكون شوي بالفرن
اعمليلي سلطه افرميه فرم ناعم



اكتر من هيك ماااعاد اتحمل
اللي يسمعه اني مو نظيفه وخشنه بالتعامل
والله اللي يقرا الورقه احد غريب راح يفكره انه طلبات للمطعم ,,

عن جد ماهو محسسني ان هذا بيتي
وحتى وانا تعبانه وكنت عند اهلي ماسئل عني
بس عاتبته قال ارجعي ترا طلعت ريحته
اللي اذكره والله طلعت منه نظيف
بس الاخ موسخه

ما اقول الا حسسبي الله ونعم الوكيل فيه

 

[محتاره من امري]

ياااابنات وين ردودكم

 

[محتاره من امري]

يابنات ريحوني من حيرتي

 

[بنوتة بلادي]

اختي انتي صار لج بس خمس شهور متزوجه...

طبعا زوجج امره شوي غريب.. بس في مشاكل و اشيا تصير في اول سنه و هالشي عادي...

كيف كان معاج في الملجه؟؟؟

و هل يصلي او لا؟؟؟ كيف علاقته مع اهلج؟

بس نصيحه لا تحملين.... في الشرع ما يجوز للزوج يجبر زوجته على الحمل مثل ما يجوز له يمنعها عن الحمل... الحمل اتفاق بين الطرفين..

و بسألج عن العباه.... انتي لبستيها او لا؟؟ هل سويتي شي منعج عنه غير العباه؟ في رياييل ما يعجبهم ان الزوجه ترفض طلبهم....

ان شاء الله البنات يفيدونج بعد...

 

[محتاره من امري]

علاقته مع الصلاه منافق
مايصلي الا الفرض اللي عليه يعني اذا كان صاحي المغرب يصلي المغرب والباقي الله يعوض وانا رايت رؤيه تفسيره انه كثير ذنوب وبالذات في الصلاة (هو مدرس عمره 32 سنه يعني كبير مايحتاج احد ينصحه لانه معلم )
علاقته مع اهلي
جدا قطوع وحتى الاكل مايكل من اكل اهلي,, ولا هو اجتماعي


من ناحية الحمل هو ماجبرني اني احمل بس مااايرضى اني استخدم موانع
العبايه وانا بنت كنت البس عبايه على الكتف ولمن اتزوجت لبست عبايه على الراس
لانه هو طلب
وعلاقتي فيه بالملكه اساسا الملكة كانت شهر يعني ما امدى اتعرف على اطباعه
ولاعمره اتحسن وصار زي الناس جاب لي هديه
هو اصر مايملك الا لمن يحدد الزواج بعد الملكه بشهر واقنع ابوي باااااقانيعه الكاذبه
على اساس انه مظغوط وانه بينقل للمدينه ثانيه ولازم يخلص الاجراءات وفي الاخير طلع كله كذب

 

[محتاره من امري]

اش فيكم يابنات,,
استجدت معي امور
انا من قبل العيد باسبوووع وانا عند اهلي الى هاليوم تقريبا صار اللي 20 يوم
ولاسئل عني ولا طل ولا اتصل ولا مسج
حتى العيد جا لعند ابوي وسلم عليه ولا عيد علي تخيلوو
ولاحتى بعث مسج هناني بالعيد
ويعتبر هالعيد اول عيد وحنا متزوجين
,,
والحين انا طالبه الطلاق,,

انا طلعت من البيت وما اخذت ملابسي

لمن جيت باخذ شوي من ملابسي
طلعت امه واخته ودقو على الباب بطريقه همجيه
ولمن فتحت الباب قالو انتي هنا جيتي ومن عندك سؤالهم كان غريب ويسئلوني زوجك عندك
وهم عارفين اساسا اني زعلانه
قلت لهم انا جيت اخذ اغراضي وزوجي مادري عنه قالت امه هو اصلا في عمان
اتخيلووو
مو اشي يقهر


تنصحوني اكمل طريقي

 

[محتاره من امري]

انصحوووووووووووووووني

 

[زوجة المسافر]

حبيبتي
استخيري ربك في أمر الطلاق

والله يصلح بينكم ياااااارب

بس لا تستعجلي

 

[زوجة المسافر]

حاولي تخلي أبوك يجلس معه

واشترطي شروط ان أرادك أن ترجعي

واذا ما سال عنك

الله يقول (امساك بمعروف أو تسريح بإحسان)